2019年3月13日 星期三

珍郵庫@金庸小說人物

去年年尾推出的金庸小說人物郵票掀起了好一陣金庸紀念熱潮,郵局亦好耐沒試過見有人排起長長人龍輪候買首日封。



基爾之前已預訂了所以幸免做「龍的傳人」。講返一套六款郵票全都是以港人耳熟能詳的金庸武俠小說人物作主人翁,包括$2是《射鵰英雄傳》的郭靖與黃蓉(還有鵰兄作陪襯背景);$2.6是《書劍恩仇錄》的陳家洛(會唔會令你想起秋官);$3.4則是《笑傲江湖》的令狐沖與任盈盈(基爾只記得東方不敗)……



另外三張郵票分別是$3.7《倚天屠龍記》的張無忌;不能少的當然還有$4.9《神鵰俠侶》中的過兒和姑姑(小龍女仲要表演瞓繩絕技);仲有$5《鹿鼎記》的一對活寶貝韋小寶和康熙在打交嬉戲。



當然仲買了$10的小型張,是以《天龍八部》中的三位結拜兄弟做主角,大哥喬峰、二哥虛竹和三弟段譽全部到齊晒!必須提一提佢個特別郵戳以傳統武俠漫畫的飛劍造型設計,覺得有點如來神掌的卡通feel呢!



以往金庸武俠漫畫都是主要由李志清執筆,今次的金庸郵票也不例外,仍由這位著名漫畫家以國畫手法繪製人物,向這位一代武俠小說大師致敬!

金庸小說人物
發行日期:2018年12月6日

47 則留言:

  1. 基爾係金庸迷? 我一本都未睇過呀(羞),以前喺羅省生活時想喺圖書館借,但從來都唔齊章,所以無機會呢。

    回覆刪除
    回覆
    1. 我都鍾意睇以前拍果D金庸武俠劇嘅,算唔算迷??
      都值得買一套放在家中,閒來也可看看,依家都有出一些迷你版方便攜帶.....當然也可看網上版,應不難找到吧!
      一邊看會回憶起好多電視劇角色的畫面^^

      刪除
  2. 武俠小說我完全冇興趣睇.(其實多字嘅我都冇興趣)

    回覆刪除
  3. 飛雪連天射白鹿 笑書神俠倚碧鴛
    金庸郵票首日封 武林小說萬國傳

    回覆刪除
  4. 回覆
    1. 咁可以再出多套郵票,因為都未出晒呢!!

      刪除
  5. 金庸紀念郵票設計很美,值得珍藏。

    回覆刪除
  6. 這套應該很有升值潛力!其實應該出多幾組先啱!

    回覆刪除
    回覆
    1. 我諗都會嘅,要搵李生設計多一套wakakaka....

      刪除
  7. 仲可以出套下集: 雪山飛狐、飛狐外傳、連城訣...

    回覆刪除
    回覆
    1. 拍雪山飛狐我只記得用好多發泡膠粒..XXD

      刪除
    2. 仲有當年佘小姐初出道, 佢句胡大哥, 真係令人 😓

      刪除
    3. 佘小姐原來有拍過雪山飛狐,我都唔記得了...:P

      刪除
  8. 神鵰俠侶、鹿鼎記...看不同年代的重拍會想起不同的男女藝員呢。

    回覆刪除
    回覆
    1. 好多時係先入為主,例如周八通一定諗起秦煌,但小說中其實沒有說周八通是肥佬吧XXD

      刪除
  9. 設計好,畫功好貼題,表現到小說的人物

    回覆刪除
    回覆
    1. 對呀,所以喱套應該都幾多人買,始終金庸多fans

      刪除
  10. 這套金庸小說的郵票設計得好淡雅清新,值得收藏。
    也看過幾套取自金庸武俠小說的電視劇,有好幾套都令人印象深刻。
    《神鵰俠侶》電視電影都有拍過其他的男女主角,始終都是陳玉蓮和華仔拍的最好看。

    回覆刪除
    回覆
    1. 很有點舊時的武俠漫畫feel....
      係啦好多時都係先入為主,始終睇第一個版本會印象最深刻,陳玉蓮劉華版本當年的收視據說應該有超過六十點云云XXXD
      早前中午時段也有重播呢

      刪除
  11. 就咁睇相,呢套比粵劇果套順眼。

    回覆刪除
    回覆
    1. 郵票設計都係簡單清雅好,因為面積本身也不大不用太花巧設計吧

      刪除
  12. 雖然我都鐘意你寫郵票...但我好想睇澳洲之旅XXXXXD

    回覆刪除
    回覆
    1. 但我驚悶親你,無你地北愛啲景點咁靚wakakaka....

      刪除
  13. 呢套郵票好受歡迎,出個日見好多間郵局都排晒隊,想買都買唔到@@

    回覆刪除
    回覆
    1. 係呀我聽同事講都係見郵局有人排隊,近年少有呢....

      刪除
  14. 查生剛先遊之後,就出哩套!
    聽聞哩套郵票勁多人買,炒風...

    回覆刪除
    回覆
    1. 可能好多查生的小說迷都會去買這套郵票,所以郵局都有人龍排隊購買呢

      刪除
  15. 李志清,由我中學時應該係佢第一本畫嘅漫畫三國志已有睇,早前行裕華國貨有佢金庸畫展,畫功已到一個很過層次了。
    見到姑姑,我而家追返83神鵰,好正!

    回覆刪除
    回覆
    1. 可能我比較少看漫畫,所以都係近年佢開始畫金庸作品先認識佢:P
      裕華原來依家都有辦畫展,咁第時行過都可以入去八卦下先得!^^
      83神鵰的人物選角好經典,啲歌又好聽,以前一套劇可以出一張碟呢

      刪除
    2. 啲歌又好聽<-- 一句「情若真⋯⋯」已是經典到前無古人了~ 呢首歌喜歡劉華早年的現場演出,演出佢對陳玉蓮當年的傾慕、回憶的真感情

      刪除
    3. 以前電視劇主題曲插曲都好經典,所以都會好流行吧....
      依家果啲即使晚晚播都印象不深XXD

      刪除
  16. 回覆
    1. 咁佢以前確實演過好多男主角呢^^

      刪除