2019年4月23日 星期二

珍郵庫@歲次己亥豬年

之前花了不少時間集中寫巡館記和遊記,又係時候再寫返少少郵票,今年刻意在填寫預訂表格時盡量買少一點,不過生肖郵票因為之前都有訂開所以不能慳,就先重溫1月時推出的豬年郵票吧!



生肖郵票向來設計變化都不會太大,今年的歲次己亥豬年已是歷來第四輯第八套(這輯的首套首日封是2012年的龍年),按之前預訂的習慣,都只是買了一套四款郵票同埋小型張首日封而已。



先看看一套四款的郵票首日封,依舊承襲之前七套生肖風格,以中華工藝為主題,當中包括$2的布藝豬,展示了中國傳統刺繡和剪裁等民間藝術,而背景的桂花則寓意富貴榮華……



再看$3.7的木雕豬,郵票上可見一對可愛木製小豬擺設,背景有象徵美滿姻緣的桃花;基爾覺得$4.9的陶瓷豬最靚最經典,小時候係咪好多人都擁有過這種豬仔錢罌?背景的百合裝飾象徵百年好合;最後$5的玉器豬也很常見,玉雕向來象徵祥瑞,而背景的蘭花則屬花中四君子之一。



不能少的仲有$10的小型張,今年好特別就用了中式婚禮中新娘裙褂上不時掛上的金豬牌,寓意當然是福氣安康、開枝散葉,而背景則是象徵雍容華貴的牡丹。另外,豬年特別郵戳設計成花開形狀,也頗見心思。



歲次戊戌狗年
發行日期:2019年1月12日

50 則留言:

  1. 而家係咪唔會再有呢款豬仔錢罌呢?
    你有無訂到警察個套郵票?

    回覆刪除
    回覆
    1. 瓷器果㮔可能要去古老果種瓷器工瓦舖先會找到,紅色塑膠果啲就仍比較多見,尤其新年前後!!
      無訂呀,但年底好似有套行山風景的有訂......

      刪除
  2. 每年都預訂,咪已經儲咗好多套郵票、首日封。:)

    其實加拿大都有出生肖郵票,不過我無儲,亦專登唔買,即係買郵票時情願要花花草草都唔要生肖款式,因為呢度嘅生肖郵票太唔精美啦!

    回覆刪除
    回覆
    1. 係呀,通常生肖要一次過訂晒十二年!!不過依家好似只出了七八套左右,之後幾年仲有出!!
      對,唔少外國都有出生肖郵票,可能老外也覺得生肖幾特別,有冇試過有外國朋友同事問你屬乜生肖??
      下次如果出海豚先生的生肖郵票也可買張給他,唔知佢會唔會鍾意呢?

      刪除
    2. 我以前有個非Chinese同事同我同一生肖,到我地生肖嘅嗰個農曆年,佢好鬼興奮四圍講,我會扮好緊張叫佢唔好話比人知,我笑佢出賣緊我地年齡秘密呀!

      刪除
    3. wakakakakaka.....咁你下次再到了生肖年,緊記叫佢唔好周圍同人講先得XXXXD

      刪除
  3. 回覆
    1. 英國好似間中都有發行生肖郵票呢^^

      刪除
  4. 陶瓷豬最靚最經典...同意!

    回覆刪除
    回覆
    1. 王子會唔會下次回來買返隻帶過去此奧?

      刪除
  5. 我年輕都有集首日封,買買吓,就無乜心機儲。

    回覆刪除
    回覆
    1. 第時可以成為家傳之寶都未定呢^^

      刪除
  6. 日期:2019年1月12日
    歲次戊戌狗年
    發行歲次己亥豬年生肖郵票

    回覆刪除
  7. 靚!最鍾意金豬個張和粉紅豬仔$罌

    回覆刪除
    回覆
    1. 串串金豬依家行過金舖有時也會見到櫥窗show出來,真係幾有趣,可能外國遊客也會有興趣買當作古玩wakakaka.....

      刪除
  8. 豬仔郵票好可愛呀,我鍾意左下個只綠底粉紅色豬。

    回覆刪除
    回覆
    1. 豬仔錢罌的造型好經典,以前常用來入coins^^

      刪除
  9. 反而想知gael兄慳左唔買係邊類?!!
    豬仔郵票唔錯,陶瓷豬仔錢罌比較經典…

    回覆刪除
    回覆
    1. 例如係有些特別為乜乜物物個別公司或機構發行的幾多百周年紀念之類,可能就未必會買了因為本身都未必同這些機構有什麼聯系吧!另外也有些設計不算太靚太特別的,也會慳返唔訂,因為實在沒有太多地方擺放了:P
      當然如果森作品發行郵票首日封的話我一定會捧場呢^^
      對,豬仔錢罌相信人人細個時都曾擁有過一兩個係咪?

      刪除
  10. 豬年郵票設計可愛,應該幾受歡迎!

    回覆刪除
  11. 以前缸瓦舖賣的豬仔錢罌,真係好可愛。後來的錢罌底下有蓋奄,可以不用打糷它,就可以取到銀仔了。
    很久以前上廣州無乜嘢好買,都係喺缸瓦舖買個酒瓶之類作紀念品,又在日用品店買個塑膠豬仔錢罌。不過,其後很多的玩具都不知去了哪裡了。

    回覆刪除
    回覆
    1. 係喎豬仔錢罌肚底下係有個蓋奄可以打開,拎錢唔駛打爛慳好多^^
      兒時玩具好多都值得懷念......

      刪除
    2. 今年這套豬年郵票設計得幾好看,尤其是那個像朵花似的豬字。

      刪除
    3. 係呀個花形郵戳設計得頗有心思.....
      唔知明年的鼠年又會是什麼樣子呢??

      刪除
  12. 回覆
    1. 豬年的造型算比較容易做得可愛吧^^

      刪除
  13. 金豬牌的郵票好有特色.

    回覆刪除
    回覆
    1. 而且以今時今日的金價計,都好值錢呢XXD

      刪除
  14. 到了豬年,終於儲了一個生肖循環。

    唔係講我呀,講你呀^_^

    回覆刪除
  15. 回覆
    1. 似乎大部份blog友也喜歡這隻陶瓷豬仔錢罌,應該是好經典的設計

      刪除
  16. 加記都有出豬年郵票.... https://www.todocanada.ca/year-pig-stamps-canada-post/

    回覆刪除
    回覆
    1. 係呀新年果排郵局都有賣外國的豬年郵票

      刪除
  17. 豬年郵票真係几靚, 特別粉紅色, 我中意, 不過我無集郵習慣, 相信你好多珍藏。

    回覆刪除
    回覆
    1. 這裏睇咗當買咗囉wakakaka....
      我都不是太多,中間有十幾年都無買過只係近年再選了部份覺得靚或者有紀念性的才買吧:P

      刪除
  18. 生肖郵票向來設計變化都不會太大<--唔怪之熟口熟面咁啦🤣

    回覆刪除
    回覆
    1. 今次這輯主要都係金器玉器木雕刺繡之類的中國傳統工藝,年年基本上也差不多只是動物不同了吧^^

      刪除
  19. 郵票設計普通,我喜歡郵戳多些。

    回覆刪除
    回覆
    1. 這系列的生肖郵票每年也會有個設計不錯的郵戳,感覺幾有趣特別^^

      刪除
  20. 豬真係好可愛架..好似肥人一樣..Hahaha
    一睇就知肥人係屬豬啦 :p hahahaa

    回覆刪除
    回覆
    1. 咁你係咪真係屬豬先?!!XXD
      咁三得個三六得個六....數數手指計計wakakaka

      刪除