2020年2月17日 星期一

珍郵庫@老夫子

去年底壓軸推出的這套老夫子首日封甚令人期待,主要原因是本地以往都甚少推出以漫畫為主題的郵票,加上老夫子可以說是陪伴了幾代港人成長的經典漫畫人物,不論是否集開郵的人應該都有興趣買返套來收藏吧!



一套八枚$2面額的郵票和$10小型張可以見到老夫子、大番薯、秦先生、老趙和陳小姐等粉墨登場,分別以經典又生動的廣東話:「行街睇戲,食飯幾味」呈現出香港地道的生活面貌和人生百態。



今時今日每逢周末見細路仔跟家人去飲茶時,總會手機不離手,不是打機就是睇片(當然大人也一樣)。基爾回憶返細個果陣仍是沒有電子奶咀的年代,咁係靠乜野令細路仔坐定定唔會四圍搞搞震兼嘈冤巴閉呢?咪就係靠本《老夫子》或《叮噹》囉(後來還有卡片遊戲機和Game Boy)!



以電車作主題的小型張也很有懷舊味道!有看過老夫子的一定記得當中的四格漫畫故事,多數都以四字箴言作標題,今次不知為何選用了「行街睇戲,食飯幾味」?可能是想展示衣食住行等各方面的港人生活寫照吧!



下次如果再出老夫子郵票,大可再用耐人尋味、原來如此又或者各有千秋之類最具代表性的經典題目也不錯,至少一睇就自然令老夫子迷會心微笑了……順帶一提今次郵戳以老夫子頭像作設計也好靚,另外在郵局也見過版票背後原來也同樣印有老夫子肖像圖案,以本地郵票而言算是頗嶄新又有心思的印刷設計。



老夫子
發行日期:2019年12月5日

58 則留言:

  1. 仲有星期日去飲茶, 都要有本明周
    好鐘意老夫子裡面D飛仔飛女造型 😆

    回覆刪除
    回覆
    1. 依家去飲茶係咪多數睇手機多過睇雜誌?
      好似唔多見仲有人拎雜誌來睇了吧😅
      我都覺!啲臭飛造型好經典😆

      刪除
    2. 漫畫中的人物大部份仍保留了六七十年代的造型呢!

      刪除
  2. 原來老夫子都有出過郵票。 我好鍾意佢。 細時期期都會買漫畫書。

    回覆刪除
    回覆
    1. 有呀!去年底出了這套!
      好似都幾多人買呢!

      刪除
    2. 以前小朋友去茶楼冇机打冇電話玩就多数是看公仔書了^^

      刪除
  3. 原來漫畫為主題郵票好少出!好似景點最多?

    回覆刪除
    回覆
    1. 比較少以漫畫主題!
      之前有出過金庸漫畫
      風景動物植物也有
      更多是乜乜機構幾多周年之類
      當然仲有些是特別節日或活動紀念吧

      刪除
  4. 我細個飛髮時先有得睇老夫子㗎咋.但係因為唔多like啲畫功(細個時都好有要求),唔係咁鍾意睇.

    回覆刪除
    回覆
    1. 其實以前覺得老夫子有少少老土
      但有些都幾搞笑有趣有D就成日会重複出XXD
      以前都係鐘意睇叮噹多D不過冇試過飛髮睇喎😆

      刪除
  5. 很精采的老夫子首日封,謝謝分享。

    回覆刪除
  6. 呢套真係香港特有,值得收藏

    回覆刪除
  7. 其實老夫子真是香港人的集體回憶漫畫~~
    時至今日都可以買到老夫子漫畫,應該由主筆個兒子續畫的...

    回覆刪除
    回覆
    1. 我買的時候係出首日封,不過冇買而是分開8個買,為著方便收藏~~

      刪除
    2. 森兄似乎細個時都睇唔少喎
      好似話王澤個名其實係佢个仔
      咁森兄細个時有冇諗過做漫畫家?有冇畫過創作過類似的四格漫畫先?有就share下喎^^
      買齊8個咁係咪貯入郵票簿?依家都幾難買到呀!

      刪除
    3. 細個邊有Gael兄咁多零用錢,期期都會買來追看...我只是偶然一次半次叫大人買!!
      有畫過四格漫畫,不過冇一個好的故事,兼冇恆心~~
      敢言而家的集郵活動是夕陽興趣,新一代好少話要集郵,所以郵票簿都係舊式文具店才見到...

      刪除
    4. 咁我都未必可以期期買,有時可能同D鄰居小朋友交換睇下就算架啦!
      四格漫畫難度其實都幾高,要短篇內交代完整故事不易呀!
      依家連文具店都不易找了!

      刪除
  8. 老夫子郵票值得收藏, 好特別。

    回覆刪除
    回覆
    1. 夠經典!應該那年代的小孩人人都睇過不會感到陌生吧^^

      刪除
  9. 小版張後面有齊主角圖像,幾有新意架

    回覆刪除
    回覆
    1. 係呀原來郵票背面都有圖像幾特別呀!

      刪除
  10. 勾起好多童年回憶嘅《老夫子》... 呢份真系令我都想收藏番一套呢!

    回覆刪除
    回覆
    1. 你果邊原來也有老夫子!
      我估華人社會應該都會知誰是老夫子吧!

      刪除
  11. 睇老夫子係好多人嘅童年回憶。

    回覆刪除
    回覆
    1. 係呀應該大部分人都會睇过吧!^^

      刪除
    2. 記得以前還有老夫子的電影呢!

      刪除
  12. 老夫子老少咸宜,呢套郵票正呀!

    回覆刪除
  13. 我細個都有睇,但屋企唔係成日肯買架。^^"

    回覆刪除
    回覆
    1. 有時都會同鄰居小朋友交換睇係咪^^

      刪除
  14. 多數都以四字箴言作標題--->會翻炒,例如「耐人尋味」。

    回覆刪除
    回覆
    1. 耐人尋味這個題目最經典,經常會用呢XXD

      刪除
  15. 呢套郵票正,我都買左幾張收藏~
    睇到你呢篇諗起仲未拎上套「節氣」郵票,等陣去拎先~

    回覆刪除
    回覆
    1. 我都估這套郵票都會有幾多捧場客吧^^
      如果訂了就要盡快去拎了,否則過了期就比較麻煩,要去好遠拎:P

      刪除
    2. 廿四節氣果套圓形郵票都幾特別呀!

      刪除
    3. 去到郵局先知而家三點關門,拎唔到:(

      刪除
    4. 原來還未回復正常時間呀?

      刪除
  16. 老夫子漫畫也有印刷成為郵票,真是難得 !
    我都冇訂郵票好耐了,要是你不說也不知道哩。
    以往筆主「王澤」是用兒子的名字,現在新的老夫子才是王澤畫的。

    回覆刪除
    回覆
    1. 對呀!以本地漫畫人物作郵票不多見呢!
      如果有路經郵局不妨留意下^^
      當然如果上郵政署的纲頁应也可check到的

      刪除
    2. 之前聽說也是這樣
      父子同承傳了這個經典漫畫人物也很有意義呢

      刪除
    3. 很可惜以前姐姐每期買下的「老夫子」,在搬家時,沒人保留都捨棄掉了。

      刪除
    4. 我以前買的很久以前已送晒比人了😅

      刪除
  17. 經典
    兒時回憶
    值得收藏的郵票
    從沒擁有過「老夫子」漫畫,看過的都是借來的。

    回覆刪除
    回覆
    1. 那些年同度過童年的都会看过了吧!^^
      漫畫夠經典應也會較多人買的!
      我也有過幾本不過很久以前就送了给其他小朋友了...

      刪除
  18. 老夫子....我童年回憶,王澤先生承接父親,都喺上幾代集體回憶
    早前香港電台一台[守下留情],就有訪問香港郵政[集郵組]介紹哩次老夫子郵品,其實一有新款款郵票出,佢地就喺有介紹,設計概念,及特色。

    回覆刪除
    回覆
    1. 對呀!子承父業其實也夠經典...
      路霸兄原來也有聽這節目!
      以前下午時段我也經常聽
      有時有些訪問嘉賓都幾有趣的

      刪除
    2. 原來你都有相同聽哩個電台節目,
      都幾多時都有講番80、90年代事物,可以回憶自己年青年代
      依家只有聽下節目重溫

      刪除
    3. 對呀現在去了晚上播就不是每天都聽
      今周訪問周梁都幾有趣
      可聽返七十年代電視製作的故事!

      刪除