一線軒@鯽魚涌

唔知係咪因為基爾做野果頭多有錢佬同富婆住，總覺這裏求其一間茶餐廳食個lunch閒閒地都要成三、四十蚊，比住開那邊的「貧民區」貴得多。不過，喱日因為臨時有事沒有帶飯，於是乎又跟同事出去覓食下，左轉右轉下在一條後巷隱閉深處，找到這間雲南米線舖。

喱間隱世食店「一線軒」位置鬼鼠成咁，基爾相信一般區外人應該係唔會搵到的，只有在附近住的或返工的人才會知訂。雖然係位於一條簡陋的後巷，但其實間食店的裝修算係OK的，細細間舖也有幾台客，四周圍紅卜卜的牆壁上擺滿了富中國特色的擺設和國畫，感覺就如去了外國China town的中國餐館一樣。



雖話雖係雲南米線，但其實配菜依然係豬軟骨、豬大腸、腩肉、魷魚、黑木耳、秀珍姑、牛展、鴨腎、牛肝菌、鮮蝦腐皮卷……大部分係見慣的車仔麵貨色，至於雙拼、三拼、四拼甚至五拼就真係豐儉由人任君選擇。基爾叫了三拼圍起黎都要成三十大元一碗，加埋豆漿就$34，食米線黎講其實一點也不便宜，而且味道也是普通得不能再普通！

 

一線軒
鯽魚涌海灣街4-6號嘉榮大廈15號舖