2010年11月18日 星期四

佳人餐廳@旺角

以前如果講開食pizza,第一時間就係諗起去Pizza Hut或者Spaghetti House等連鎖食肆,若要求高D的話就要去其他貴價意式餐廳了。不過近年好似越開越多茶餐廳式的pizza店,為向來知慳識儉的基爾提供唔少新鮮感十足又平靚正的選擇。



這間位於洗衣街的佳人餐廳,睇格局就唔似係咩新食店,似乎係由茶餐廳轉營的pizza店。其實之前都食過一次,當時掛住同人傾偈所以無影相,但印象中味道係唔錯的,而且算係抵食。後來去買魚後又經過喱度,於是再入去encore,同樣是二人餐,包括1個大厚批+一客飯或意粉+一客小食(咖啡或茶另計)。餐牌上可選的pizza都有十幾款,最終叫了聽聞評價不俗的星級海鮮pizza。雖然唔似得PH或者SH果D咁多花巧野,但味道算係ok的,而且即叫即烤非常新鮮熱辣,批面的海鮮材料有八爪魚、蟹柳、吞拿魚等,都好足料。



至於飯及意粉選擇不太多,已忘記了上次揀咩?!這次都係揀返比較「隱陣」的焗豬扒飯,沒太大驚喜,但份量是很足夠的,豬扒也很大塊,絕對不是將貨就價。至於小食方面,記得上次係叫了香草烤雞翼,不過只有兩隻唔係幾抵食;這次同樣因為唔想加錢所以點了辣汁烤腸仔,當然也不是什麼特別菜式,但數埋都有三、四條切開上碟,至少夠飽。其實小食如果加錢的話仲有其他數款貴少少的菜式選擇,就留待下次吧!最後埋單計,除開每人都係50幾蚊,比起大記美心食個似樣少少的dinner,價錢都要咁上下!
 
佳人餐廳
旺角洗衣街149號A地下

26 則留言:

  1. 原來有茶餐廳做埋Pizza生意牙! 真係秘一次聽咋!!!

    回覆刪除
    回覆
    1. 依家d舖租咁貴真係要乜都做埋先圍得起皮^^

      刪除
  2. 哈哈, 我好多時同波友打完波都會嚟呢間食晚飯架!!

    回覆刪除
    回覆
    1. 佢啲pizza真係唔錯, 有無試過燒春雞? 好ok架!!

      刪除
    2. 蜻蜓: 勁過, 打壁球都幾索氣
      我通常下午茶, 未試過燒春雞呢

      刪除
  3. 佳人...咁鬼似d黃色招牌架???

    回覆刪除
    回覆
    1. 咁下次提議下個老闆,在門口加多幾枝閃閃下霓虹光管,咁先可以吸引到王子去幫襯XXXD

      刪除
  4. 同佳人去梗係去呢間啦!基仔可!kaka.....

    回覆刪除
  5. pizza 個樣睇落好過 Pizza Hut , 嘻嘻因為見到好多芝士鋪面 , 如果去開都想試 , 不過唔知佢仲係唔係到呢 ?

    回覆刪除
    回覆
    1. 味道都算ok啦,不過價錢就平PH好多^^
      同相公行開花墟或花園街,行得累了不妨去歇下腳
      我check過open rice,應該仲0係度0既

      刪除
  6. 嘩…幾特別喎,要去試下先。
    其實我好鍾意去茶餐廳,尤其是食傳統西多士。但唔知你覺唔覺,近幾年可能物價太高,好多茶餐廳啲水準差到飛起。

    回覆刪除
    回覆
    1. Dennis: 如果去開果頭行街,行得累了可以去歇下腳也不錯的^^
      絕對同意,其實近年舖租狂加,茶餐廳都好難經營,唯有將貨就價,部份埋唔住就要執笠,依家地舖好多都畀化妝品連鎖店和金舖和地產公司霸晒,茶餐廳的生存空間越來越細!!!!!!

      刪除
  7. 这里看来不错!下回去香港可一去尝试:)物美价廉!

    回覆刪除
    回覆
    1. Siaw: 你地常唔常來香港玩下?喱度旺角我諗你地應該都有來過的,不過間舖唔起眼,可能無留意。
      近年星洲的物價好似都貴了很多,係咪?!

      刪除
    2. 小时候和中学时期去过几次, 回头一看很多年了! 有机会一定会再去:) 星洲係咪新加坡的意思? 是的! 什么都起! 像我们这些打工的, 吃喝玩乐不愁, 能偶尔旅游, 每个月能储蓄些, 不当月光族就OK了!
      以前想开间服装店的想法慢慢减低...

      刪除
    3. Siaw: 旺角其實也不錯, 有買的有食的, 很多遊客都會去。
      係呀星洲是新加坡
      新加坡的福利制度比較好, 應不愁過安穩生活啦^^
      慢慢貯錢再實現夢想囉~~~

      刪除
    4. 我很喜欢香港 :) 从懂事开始就常看TVB的电视剧, 所以懂得说广东话但写就有问题了 :P

      一起各自在莫个角落加油! :)

      刪除
    5. Angel:你懂說廣東話已很棒, 我的國語還真的很爛:P
      加油^^

      刪除