2011年3月3日 星期四

天水圍市的動與靜@元朗

天水圍對於好多人來說,都係一處好遙遠的地方,不過基爾間唔中都會入去,今次就特別來到天水圍市鎮公園走一轉。


天水圍市鎮公園(Tin Shui Wai Park)裏的模型賽車場

記憶中好耐之前基爾都寫過幾篇天水圍遊記,包括去逛濕地公園(詳見﹕世外淨土閒蕩一回)和屏山聚星樓(詳見﹕西北綠野追蹤之五),唔嫌無聊的話不妨去翻看。這次則去另一處同樣綠樹林蔭的好地方,就是天水圍公園。


公園裏的模型賽艇池塘,「大飛」掟彎時濺起千尺浪花

「車!你估係伯爺公咩,成日去行公園~~~~~~」無錯!公園裏果然有唔少Uncle,不過佢地唔係黎耍太極,而係黎「摙車」,因為公園裏有個模型賽車場,睇住D遙模車在跑道上風馳電掣咁,過癮過去澳門睇賽車!不過千其咪睇少喱D車仔,每架都幾百甚至幾千蚊的!


歐洲唔少地方都有賽艇比賽,可惜香港地方淺窄,只能睇住模型賽艇先

睇完大叔「摙車」之後,再去池塘果邊,不過今次唔係黎睇「鴛鴦戲水」,而係睇另一班大叔「摙船」。嘩!原來放船仔仲過癮,又夠速度感,現場睇這些賽艇掟彎時濺起一大片浪花,行埋少少都會濕身。


賽艇有專用的池塘 / 另一邊則有個寧靜的鯉魚池

看完動感十足的模型賽車和賽艇之後,再行過去另一邊寧靜的鯉魚池塘。天水圍公園佔地達14.8公頃,雖然略小於19公頃的維園,但就有兩個大池塘,池邊還種了不少垂柳和各式花草樹木,感覺很清新,簡單hea走一圈也非常愜意。


一片綠草如茵的小綠洲,難得遊人也不多,彷彿是遠離塵囂的世外小桃園味

翻查資料,原來天水園公園早在1993年已落成,原屬嘉湖山莊發展項目之一,兩期合共耗資達1.1億港元興建。聽聞最初這些大池塘邊是有小艇出租的,供遊人「湖上泛舟」,不過後來就取締了。行完公園後還可到隔籬的嘉湖銀座商場逛逛,果度都有唔少食肆,而且仲有戲院,票價比市區的稍平。


平靜如鏡的池塘,旁邊有小瀑布和亭台樓閣,具嶺南庭園(Lingnan-style Garden)風味

4 則留言:

  1. 你仲知得多過喎 , 叻叻 .

    回覆刪除
    回覆
    1. ak:天水圍我間中都有入來㗎^^

      刪除
    2. 喔原來係咁 , kakaka 幾時探下我呢 .

      刪除
    3. ak:都好喎,下次來通知你^0^

      刪除