2012年8月22日 星期三

德興隆@北角

喱次食探巡到去馬寶道這邊,咁遠行到去主要係想去試試一間街坊老店德興隆。



本來基爾完全唔知有喱間老店存在,只因某次同事打包一碗豆腐花回來請基爾食,發覺真係幾唔錯,遂約定幾日後出去食。上圖的豬肉飽和鍋貼都唔錯的(鍋貼$3隻、豬肉飽$4個),最終食了兩飽四餃。



老店裏的陳年poster,肯定比基爾的年紀還要大得多。另外仲食了上圖喱味魚肉釀豆腐($3碟,每碟兩件),又食了兩碟半。



「餐後甜品」是這個豆沙飽($4個),再加上飲了兩大杯冰凍豆漿($5杯),真係比平時食飯仲要飽。埋單計人均30幾蚊,算係OK!唯一係這類老店一般都沒有冷氣,只有天花板上的兩把大吊扇,夏天去食會較熱,還是秋冬天才去比較食得舒服。
 
德興隆 Tak Hing Lung
北角馬寶道1號N地下

2 則留言: