綠怡咖啡廳@鯽魚涌

辛勞一輪之後，老細的慰勞宴當然要有大食大啦！不過lunch地點無乜選擇，結果去了這間酒店裏的綠怡廳食buffet。

當日正在打3號風球，坐在落地大玻璃窗前看著雨點不住滴滴嗒嗒打在窗上，初頭都有少少驚，後來見無咩事就照坐無調位了！望落街，見成條街的行人同一時間吹反遮，其實都幾壯觀的。



野食方面其實無乜特別，都係例牌有蝦、青口等海鮮，仲有生蠔，不過基爾無食，另外仲有壽司、三文魚生和幾味中式熱葷、點心、麵，還有菜、炸魚柳、炸雞和咖喱，當然少不了甜品，可惜款式不太吸引，雪糕也不見有Haagen-Dazs，如果要二百幾蚊一位就唔算太抵了！

 

綠怡咖啡廳 Greens Cafe
北角英皇道665號北角海逸酒店2樓