2013年9月12日 星期四

微縮景模型展@德福廣場

差點忘了,出事前還走了一趟九龍灣德福廣場,那次去到才發現原來微縮景展巡到來這裏,一於去襯下熱鬧。



其實之前早已在fb或其他blog友的地頭睇過晒大部份展出的模型作品,每個都好巧奪天工栩栩如生,所以基爾都唔駛花太多口水再仔逐個介紹吧!



上圖左是灣仔和昌大押,記得年前基爾都有上過頂樓參觀,由天台望落莊士頓道的風景真係幾唔錯,是鬧市中的懷舊綠洲;上圖右是石峽尾的7層徙置區?體現了亂中有序,逼真程度令人歎為觀止。



比較迷你的有這間小冰室和樓梯底租麻雀檔,冰室門口仲有精緻的糕餅,不能不佩服作者的手工真是一絕。



以前無美心超群聖安娜大班東海堂,卻有唔少喱類蛋糕店,裝修風格真有點歐陸懷舊味道。



微型的街市雞檔和街邊推車仔小食檔都好得意,近年禽流感影響下,街市雞檔已經越來越少,路邊賣小食的車仔檔更被禁絕,全部入晒舖,這些都成了集體回憶;幸好上圖右的大坑舞火龍仍可保留下來成為「香港遺產」。



唔知係咪影相的人實在太肉緊,連這個西貢海鮮檔模型中的遊客都被推跌,搞到要趟在海鮮魚缸上睡一會呢!



今時今日即使連茶樓點心車也成了集體回憶,因為很多時酒樓老闆要多做點生意,餐台都擺得密密麻麻的,跟本容不下點心車通過,漸漸就以剔點心紙取代了;至於右圖的雜貨店,依家都只有在舊區才會找到。



屠房這個是超搞笑之作,隻隻豬吊在運輸帶上轉來轉去非常有動感,最搞笑係基爾足足影了3-4張相,都無法捕捉到豬與豬之間的屠夫樣子,全部都被經過面前的豬遮擋了,激死!



咁多作品中,基爾覺得都係喱個摩星嶺木屋區模型最勁,山崖上的鐵皮屋除了似之外,屋裏屋外的人物和雜物造型全都巨細無遺呈現眼前。



只要仔細看,連屋外的小露台也站了幾個人仔,恍似在看著日落閒話家常,街坊鄰里關係也很親切,有興致的話還可一面欣賞浪濤泊岸的無敵靚景一面開台麻雀耍樂,彷彿住鐵皮屋比臨海豪宅更簡單愜意。



最後看這一幕灣仔海旁的風貌,也非常有香港味道。昔日的電車路旁就是碼頭,除了忙碌地由貨船裝卸貨物上岸邊貨車的工人外,還有車水馬龍的行人和來往的老爺車,特別值得注意是雙層電車拖著的綠色單層電車,不知在什麼年代起被淘汰,無聲無息地消失了。



上圖的老爺紅巴士,上落樓梯就設在巴士尾,基爾印象中小時候也坐過,當年也擁有過一架這款模型巴士。早前聽聞九巴為慶祝成立80周年,將會在9月展出這款古老的丹拿A型雙層巴士,到時基爾一定要去睇下先得!

44 則留言:

  1. 你又去微型展!?
    點解你又無晒D留言?

    回覆刪除
    回覆
    1. 唔知呀, 可能blogspot突然多左咁多新account都開始支持唔住啩

      刪除
  2. 係喎,我個留言唔見咗添!
    你隻手點?活動自如嗎?我喱幾晚搬blog搬到腰都呎埋,雙手操作都攰死,可以想像你手指都麻痺

    回覆刪除
    回覆
    1. 今日blogspot唔知做乜, 將之前所有留言cancel晒呢?
      嘩, 咁你要間中休息下唔好咁搏命喎! 條腰好緊要XXD
      先搬左自己覺得重要果啲先, 其他就有時間先再算啦, 搬唔晒都無法, 我都無諗住搬晒架
      喱幾日都有啲酸軟, 要自己做返多啲物理治療先得

      刪除
  3. 我應該係做SitUp拉傷咗背肌勞損後遺。正試拔罐治療。
    對啊!盡搬啦,只是留言搬唔到有D可惜,但都冇法,都開心大家可以重聚!
    物理治療有幫助,但要不斷練習,俾心機呀

    回覆刪除
    回覆
    1. oic~~~~咁要多啲休息, 後生仔復元得快唔駛驚^^
      不過下次唔好咁搏命
      唔緊要啦, 留言在心中!
      物理治療也做得七七八八, 依家靜到傷口癒合中, 聽聞要半年左右

      刪除
    2. 秋季將至,唔踏單車可以去下郊外走走影下相做下食探,半年後又一條好漢。祝中秋節快樂!

      刪除
    3. kakakakaka~~~~好彩係半年唔係18年後XXD
      也祝BIM條腰半個月後好返, 重新成為硬漢子XXXD

      刪除
    4. 不嬲都咁硬頸架啦:)
      p.s. 搬咗一半多D,已經好想叫救命,被迫遷感覺原來係咁>_<

      刪除
    5. 希望blogspot唔好又執笠, 接受唔到雙重打擊kakakakaka

      刪除
    6. 要休息下先,搬到人都癲!
      希望這是更穩定平台,將來係點,管不到,總之有感動就寫:)

      刪除
    7. 休息多d,最緊要唔好觸傷舊患@@

      刪除
  4. 中秋節快樂呀。
    剛剛病好,唔好食咁多月餅呀。 ^_^

    回覆刪除
    回覆
    1. 有無去影維園和火龍呀^^
      我年紀大唔敢食咁多月餅啦XXD

      刪除
  5. Gael : 中秋節快樂啊!:)
    隻手D傷好返晒未呀!
    剛剛病好,唔好同人拖咁多手仔住喇!XXD

    回覆刪除
    回覆
    1. 邊有咁快好返, 超人咩, 斷手喎><
      無手拖咁拖腳啦XXXD

      刪除
  6. 基哥哥,祝佳節愉快、人月兩團圓^^

    回覆刪除
  7. 祝你中秋節快樂呀!~月圓人圓事事圓!

    回覆刪除
  8. 中秋節...追月快樂 ~~
    咦... 呢個微型展好似巡迴演出咁,唔知佢下一站又去邊呢 ~

    回覆刪除
    回覆
    1. 係呀, 好似仲不斷有加新野
      唔知下次巡去邊呢?

      刪除
  9. 你好,我的網誌剛搬家啦!

    回覆刪除
  10. 哎呀冇咗我上次的回應0既,你隻手現在好番哂了嗎?你都搬咗好多舊網誌來喎,你手剛受過傷多點休息唔好咁多郁動喎.

    回覆刪除
    回覆
    1. 某日blogspot一次過剷走晒, 唔知去左邊?
      係呀依家操勞過度要休息下先再搬:P

      刪除
  11. 祝開blog大吉! 好高興我們在此再遇! ^ ^
    這個微型展, 我在5月初時到青衣城看過, 的確非常精彩, 相機也拍至沒電:P
    你是直接把舊blog copy & paste過來, 還是先download? 請指教一下, 謝謝!^^

    回覆刪除
    回覆
    1. 文字可copy & paste
      但相片必須重新upload
      也祝你搬blog大吉^0^

      刪除
  12. 回覆
    1. 差不多了, 還差一點點^^
      唔駛掛住我喎kakakaka

      刪除
  13. 回覆
    1. 一日搬少少囉^^ 揀啲重要先搬, 其他有空再處理, 盡人事就算啦:P

      刪除
  14. http://seeddauding.blogspot.hk/2013/10/recent-comments.html?showComment=1380598195837

    這樣做完後就很易看到網友回應!

    回覆刪除
  15. 你用什麼方法搬BLOG架?
    唔見哂啲留言呀。

    回覆刪除
  16. Gael,我還沒有將舊blog搬過來.

    回覆刪除