2013年11月18日 星期一

2Q13秋見信州@序章

「手套也不用,不考慮防寒,必需衣物足可減去一半,挑選了容易洗容易乾又不佔地方的衣服,疊成一小團塞入背囊……只是查看地圖時,不知什麼緣故,覺得像是自己應去的地方。看了幾次都覺得(或者不如說越看越覺得)那地方令我心往神馳。那是我從未去過的地方,一個熟人一個親戚也沒有,所以就算有人查尋我的行蹤(即使我不認為會有這樣的人),也不至於把目光投向這裏。」



一年前相信基爾自己也估不到360多日後,會再次飛到來日本旅行,老實說2008年前幾乎也沒想過(當時興趣也不特別大)要去東瀛遊,怎知5年來就足足去了3次,最初原因相信是以為日本就只有逛大城市和百貨公司shopping吧!



當然去過之後就發現完全不是這麼單調的一回事!之前去過的白川鄉、高山、金澤、松本、馬籠、妻籠、奧入瀨、角館、秋田,那些壯麗的大自然靚景確實令人一見難忘(所以要寫咁多篇網誌一一記下來);即使是大城市如大阪、東京和函館也令大鄉里基爾完全改觀,不僅完全不覺沉悶,還嘗到不少美食!



說回今次去的本州中部「信州」,幅員包括長野、岐阜和富山三縣,早在公元8世紀這裏已是藩屬國「信濃國」的所在地,時至今日不少旅遊資訊仍保留「信州」這個古雅的稱呼。近年信州最為人熟悉的首推「立山黑部」,每年4-6月都有不少旅行團蜂擁上立山欣賞「雪之大谷」的壯麗,基爾在off season的10月尾去雖然無緣一睹雪谷奇觀,但仍有幸看到不少獨特的靚景,到底有幾特別?那就要畀少少耐心等待基爾本年度重點hea寫巨獻「2Q13秋見信州」了!

94 則留言:

  1. 所以日本可以長期成為最受港人歡迎旅遊地!

    回覆刪除
  2. "重點hea寫巨獻「2Q13秋見信州」"!....即喺又要hea寫三、五/七年???:))

    回覆刪除
    回覆
    1. 王子:今次影相唔多, 應該寫唔到咁耐架喎

      刪除
    2. 基仔通常都係相唔多(仲要好細張),但字多囉!kaka,,,

      刪除
    3. JJ: 字多...咁...先顯得Gael 喺文化人....博學多才、妙語連珠、妙筆生花、文學泰斗,出口成章..文彩好!kakakaka,,,

      刪除
    4. kaka:我依家先知你原來係做帽㗎喎XXD

      刪除
    5. 我唔係做帽...我係做...媒 (做媒...騙人果D )架!XXXD

      刪除
    6. kaka:即係做煤或者霉XXXD

      刪除
    7. 基仔戴得起o個d帽啦!

      刪除
    8. JJ:我見你覆啲blog友都覆到手軟喎XXXD

      刪除
  3. 我記得n年前睇經典日劇戀愛世紀,松隆子話長野晚上有好多流星噃~ 有無見到?

    回覆刪除
    回覆
    1. Silver:在立山上夜晚好多星, 但流星就唔見呀

      刪除
  4. 基仔好快手d喎!成班長頸鹿等緊你呀!

    回覆刪除
    回覆
    1. JJ:咁咪正囉我最鍾意長頸鹿XXXD

      刪除
    2. 你咪同Pandos好啱key囉!呵呵!

      刪除
    3. JJ:好多人都鍾意嘅~~~~

      刪除
    4. 基仔講清楚d,好多人鍾意長頸鹿,但唔想做長頸鹿囉!

      刪除
  5. 拭目以待看你的日本之行 , 不過最好寫住篇睇睇先喇 !

    回覆刪除
    回覆
    1. AK:好快好快, 一個月之內一定有^^

      刪除
  6. 回覆
    1. 毛:睇住魚同王子先, 佢地日日有新嘢睇^^

      刪除
  7. 今次影相唔多>>> 千其唔好放你個樣出黎燦場

    回覆刪除
    回覆
    1. " 千其唔好放你個樣出黎燦場"
      >>>王子: 你唔想睇Gael 個樣啫,好多人想睇架嗎!
      咁...當然同你比...Gael 緊喺無得比喇!哈哈哈.....

      刪除
    2. 其實佢地不分伯仲啦!kakaka,,,

      刪除
    3. 王子:好呀就聽你話><

      刪除
    4. Kaka:咁我諗應該唔想睇多過想睇嘅~~~~^^
      完全無得比啦,王子係非常英俊瀟灑同有男人味的kakakakaka,你快啲叫佢畀張想你睇吓

      刪除
    5. "王子係非常英俊瀟灑同有男人味的"
      ....難道...比 "搞一爺" 還要有男人味的....kakakakaka...

      刪除
    6. kaka:喱層我就真係唔太清楚喇~~~~

      刪除
    7. 基仔,你讚人但係笑成咁o架!

      刪除
    8. JJ:咁你問到佢拎相未先XXXD

      刪除
    9. 基仔,唔通你有佢張相?呵呵!

      刪除
    10. JJ:佢以前啲舊blog成日有㗎

      刪除
  8. 睇黎大家都好關心...呢次之旅程寫幾耐喎!!!
    日本對好多港人來講, 都好鍾意去的, 有啲人一年去幾次.......

    回覆刪除
    回覆
    1. 森:係囉~~~~~~好似最好一篇寫晒就最好咁kakakakakakak,好似大家都唔想睇!
      係呀身邊好多朋友一年走幾轉日本

      刪除
    2. 都唔係...我諗佢地唔想太...平鋪直敍的寫法~~反而想睇你寫下旅行中發生的得意事多啲....

      刪除
    3. 森:冇乜架咋, 都係好平淡但開心滿足的普通旅行而已~~~~

      刪除
    4. 我就最想用文字去記低旅行遊歷嘅心情感受,亦由於我記性有限,所以我每次都要盡量短暫時間出哂旅行卜,一氣呵成咁XDD

      刪除
    5. 認同BIM所講,一來怕冇記性,二來可能過得耐,冇了當時的mood...就會寫唔返當時的情景出來...

      刪除
    6. 森:所以hea寫都唔容易XXXD

      刪除
  9. 好悶呀!又係寫日本,呢個世界真係無其他地方去咩?唔怕危險?唔怕地震海嘯咩?

    回覆刪除
    回覆
    1. kk:無計啦KK哥又唔帶我遠征歐洲南美見識吓~~~~~><

      刪除
    2. KK哥:帶賣我呀!:D
      快D帶我哋遠征歐洲南美見識吓 la ~~~~>< (waiting)

      刪除
    3. 好啊!每位十萬蚊團費。^ ^

      刪除
    4. kk:嘩,抵到爛啦!係咪包晒全程first class機票食宿先,剩係去冰島格陵蘭同南極隻角都值回票價

      刪除
    5. kaka:佢直情會帶你去賣添啦XXXD

      刪除
    6. Gael 哥,你咪咁開心喇!
      KK 話喺"每位十萬蚊 美元 "團費呀!
      KK 點會計錯數呢!:D

      刪除
    7. 美金價都平,應該係英鎊。

      刪除
    8. kk:咁搞旅行社都幾發喎~~~

      刪除
  10. 腳毛灑滿日本各州各地^++^

    回覆刪除
  11. "本年度重點" --- clap clap clap

    回覆刪除
  12. 日本俾我感受都係去完可以再去,我也試過一年內去了兩趟。期待旅遊鉅作

    回覆刪除
    回覆
    1. BIM:日本勝在近近地,短中線遊都啱,交通方便食野又啱口味吧,說是香港人的第二家鄉也不錯XXD

      刪除
  13. 日本都係我想去玩嘅地方。

    回覆刪除
  14. 5年去3次,我也有,是印度,上一次是9月,哈哈!

    我漫遊四海,日本反而一次都沒去過,連轉機都沒有,不過玩落後國家玩了多年,開始有點飽和,北歐之旅令我見識到文明的好處,不久將來可能會考慮日本!

    回覆刪除
    回覆
    1. Desafinado:咁仲唔快啲寫, 等到我頸都長晒XXD
      仲有冇同印度男友聯絡呀你

      刪除
  15. 我都要hea住嚟你嘅大作喇! 一定好精彩, 等住嚟hea喇!!!

    回覆刪除
  16. 日本原來係基仔鄉下呀?hehe...

    回覆刪除
  17. 日本迪士尼開那年第一次去,未發生地震之前也連續去了2年立山黑部和北海道,原想每年都去一次,但現在暫時轉移地點啦!

    回覆刪除
    回覆
    1. Choa:犀利,咁你應該係日本通了~~~~去立山黑部係咪去睇雪之大谷?
      咁依家轉移咗去邊度玩呢?

      刪除
    2. 因為小叔是在日本公司工作,他夫婦倆每年都去朝聖,跟過他們兩次之後相約每年都去一轉,地震後我們去過一趟東歐後,各自轉移目的地。

      刪除
    3. Choa:原來如此,如果有人熟路一齊玩都幾方便,不過最可惜係日本始終有地震和輻射風險,令人旅遊意欲打了折扣
      東歐也正呀,巴爾幹那邊風景好靚,我都好想去一趙

      刪除
  18. 回覆
    1. 愚:唔好期望咁高喎,今次影得比較少相

      刪除
  19. 本州中部是大自然的寶庫, 很多高山濕原, 也是我最喜愛的地方!! 我還是覺得立山黑部的秋色比雪牆美麗呢!!

    回覆刪除
    回覆
    1. 蜻蜓:我諗有唔同感覺,雪牆係high season會比較人頭湧湧;我比較鍾意靜靜地,因為在香港已經成日逼慣XXD

      刪除
  20. 日本有日本的旅遊吸引力.
    我鍾意睇, 但去的意慾唔太大, 所以睇你寫就最好 !

    回覆刪除
    回覆
    1. 魚:咁我都會努力寫嘅,為自己留返少少回憶作留念也好^^

      刪除