2013年11月26日 星期二

清代宮廷服飾@歷史博物館

某個周三又去了尖東的歷史博物館逛一轉,主要是想去看看「國采朝章:清代宮廷服飾」,聽聞有好多故宮的龍袍朝服來港展出,很值得一看。



這天雖然是博物館的免費日,這個清裝展仍要付$10門票,不過入場的人依然勁多,要排隊分段入場以免逼爆場館。結果排了近半個鐘才入到場,幸好排隊時有這個設計幾特別的動態版清裝畫看,才不至太悶。



終於可以入場,是次展覽展出故宮博物院的織繡文物130多件,當中包括康熙的盔甲、雍正的龍袍、乾隆的朝袍、同治幼年時穿的便服等,可惜的是場內不能拍照!



比較特別是同場還有個清裝設計比賽的作品展,這些「摩登旗袍」結合了清朝傳統手工藝與現代時裝風格。



部份得獎作品確令人眼前一亮,上圖左就是冠軍作品,紅白的配襯傳統得來又帶點潮味。



最後還要一讚展覽場刊,釘裝成線裝書的設計非常古雅,與展覽主題也很配合,算是落本之作;入場時還派了迷你清裝公仔memo pad,即使畀$10都抵返晒啦!
 
展期:2013.7.31-10.7



另外基爾還去了海港城海運碼頭看哥倫比亞仿古帆船「光榮號」,之前有幾艘古董帆船來港時,基爾都沒空去看,今次反正順便路就過去看看。



有45年歷史的A.R.C. Gloria,是全球最大的三桅航海海軍訓練艦之一,1967年開始服役,船長76米、寬10.6米,桅高40米,排水量1300噸,曾兩次環遊世界。



船上都有很多金碧輝煌的裝飾,連木樓梯都鑲嵌了印上A.R.C. Gloria的金屬防滑邊;左上角的金色牌匾是光榮號的徽號。



比較可惜是船上的桅帆沒有張開,影相出來不算太美,可能是為免張帆後太當風令船身搖搖晃晃吧!幸而一身水手服的拉丁裔男女船員仍令人賞心悅目。光榮號訪港後下一站將續航至韓國釜山。



離開時在商場的一間店舖裏發現了一部仿古黑膠唱機,與光榮號一樣散發著古典味,而且價錢也不算太貴呢!
 
展期:2013.8.23-28

43 則留言:

  1. 欣賞那些富創意的潮版清裝!

    回覆刪除
  2. 反而...康熙盔甲, 雍正龍袍, 同治幼年的便服.....想睇相喎!!!

    回覆刪除
  3. 清裝劇睇得多,比較有興趣睇皇族嘅服裝多些。

    回覆刪除
    回覆
    1. Man:係呀原來啲衫都有好多等級,有好多故事講

      刪除
  4. 紅白果套竟然冠軍..著上身有可能俾人捉去青山喎
    睇左咁多龍袍,有冇覺得著上身都唔似太子.
    架古船唔張帆完全冇睇頭啦,好似綁左一堆柴係度咁
    你貓到正影, 即係想人睇你咋吓話.

    回覆刪除
    回覆
    1. 毛:都幾襯你丫XXD
      我不嬲都唔似,維也納果個似好多^^
      係啦捲起晒個帆,外觀即刻打晒折扣
      塊玻璃反光啫~~~~

      刪除
  5. 清服看了, 但喺好想看睇哥倫比亞仿古帆船「光榮號」啊! 可惜我不在港.
    謝謝分享!

    回覆刪除
    回覆
    1. Candy:架船好似環球航行,依家都唔知去到邊了

      刪除
  6. 我都有睇喱個清裝展,最緊要有導賞工作人員介紹,對每件衣服認識加深了。每種顏色加圖案都有意思,真係好有皇室制度!

    回覆刪除
    回覆
    1. 我覺得入場刋製作好有心思,似以前D書法簿。背景白色嗰套動畫好得意,我也拍了一段片,哈哈,我也不知好歹的影了一張康熙祭天藍袍,但守衞太嚴,已被發現-_-#

      刪除
    2. BIM:係呀通常跟吓導賞係可以明白多啲,睇得有趣啲!
      以前皇帝惡晒,著衫都唔准人地亂著,否則以下犯上其罪當誅
      以線裝書模式釘裝真係幾靚幾有心思,成本都幾貴
      估唔到BIM咁乖仔都玩偷拍,被發現有冇畀人鬧^^

      刪除
    3. 佢好有禮貌咁提醒我,而我影完一幅後都好合作咁若無其事,所以都無post. 見到有好多參觀人氏好有心機寫筆記,真難得

      刪除
    4. BIM:其實我都見有人影相,不過因為人實在太多,佢地都無點管!
      係喎,我都見到有人寫筆記,真係好神心,初頭以為只是學生,後來見有些中年人也寫,奇哉

      刪除
    5. 搭吓訕先,其實睇展覽和聽導賞太多資料,真係唔寫筆記好易唔記得啊。每次我都想寫,但結果怕麻煩無寫。哈哈 XD

      刪除
    6. Bugs:喱度隨時都歡迎搭訕^^
      如果係睇fine arts的展覽,跟吓導賞真係會了解明白多啲,有趣味啲! Drop notes我就比較少,一來展廳裏多數比較暗,我唔夠眼XXXD,二來寫得嚟又唔顧得聽,都係專心聽下算,如果自己特別有興趣的就會拎埋場刊,方便寫blog時有返少少資料補充,anyway如果有空,其實上網都好方便搵到料。

      刪除
  7. 踎o係度影,你起身有冇見頭暈呢?

    回覆刪除
    回覆
    1. 王子:不會吧,又唔係真係七老八十kakakakaka

      刪除
    2. 又唔問吓基仔會唔會爆呔!kaka...

      刪除
    3. JJ:不會吧,又不致於肥成咁XXXD

      刪除
  8. 價錢唔太貴⋯係咪成為襄中物啦!

    回覆刪除
    回覆
    1. BK:最大問題係屋企地方淺窄跟本都無位擺咁大部機 ><

      刪除
  9. 回覆
    1. Samwei:不是呀,只是之前忘記了post罷了:P

      刪除
  10. 個本線裝書場刊,用機釘o既!七十年代以後的釘法,唔係咁古典囉!

    回覆刪除
    回覆
    1. JJ:咁我又無你咁考究係咪七十年代以後,總之我覺得個設計幾用心,唔係求其印的場刊吧

      刪除
    2. 我阿爸以前做訂裝書籍呀嘛!所以我接觸過都幾多古裝書o架!我都識得吓少少訂裝咁囉!

      刪除
    3. JJ:唔怪得咁見識廣博^^

      刪除
    4. 我只係幫手訂裝和入書套,古文書好少好少睇,其他古靈精怪書就會好奇睇吓o既!kaka...

      刪除
    5. JJ:以前成日覺得開報紙檔和書店的人一定可以睇好多唔同的書,反正看檔時大把時間啦

      刪除
    6. JJ:我聽過賣生果的通常食爛生果XXD

      刪除
    7. 上個世紀的人就會,衣個世紀的人已經有酒今朝醉喇!

      刪除
    8. JJ:時代唔同咗世界都唔同晒啦

      刪除
  11. Gael,這兩個地方我都有去過.

    回覆刪除
  12. 這艘仿古帆船好正呀!若行經尖沙咀一定要上去參觀下!!

    回覆刪除
    回覆
    1. Wan:如果啲帆放返落嚟仲正!其實海港城間中都有喱類古董帆船停泊,有興趣不妨第二時留意吓^^

      刪除
  13. 清服展覽咗咁耐仲要排咁耐隊真利害 .
    你真好彩可以上船參觀 .

    回覆刪除
    回覆
    1. happyak:我去果日可能係因為星期三,所以都幾多人呢
      我好早出到海港城攞飛所以拎到,果日好似係最後一日添呀

      刪除
  14. 嘩、清裝冠軍作品好有創意。

    回覆刪除
    回覆
    1. Choa:剪裁新潮得來又有少少古典美

      刪除