2014年3月20日 星期四

2Q13秋見信州@寺田

「穿上牛仔褲,在T恤外面套了件長袖衫,走到外面,附近還沒有人來往。經過古舊的街區,穿過作為防風林的松樹林,爬過防潮堤來到海岸。皮膚幾乎感覺不出風。天空整個佈滿陰雲,但暫時沒有要下雨的樣子。寧靜的清晨。雲如吸音材料一般將地面所有聲音徹底吸盡……」



可能是住在深山野嶺的關係,在彌陀原這一晚看完星後就呼呼大睡,幾乎與大自然的寧靜融為一體的感覺,令基爾睡得特別深沉,一覺就睡到天矇光的黎明破曉時份,望出窗外依然見到白雪皚皚!



拿拿林刷了牙穿了厚外褸就出去遊逛,把握時機呼吸一下彌陀原的寧靜晨曦味道。望向遠處冰冷清朗的天際線,竟然泛起一抺艷麗的紅霞,莫非是看到基爾而羞澀起來?



令人迷醉的靚景繼續牽引住基爾的手,沿濕原上的木橋往前走。這朝早太陽伯伯也真勤力,轉眼間已曬溶了不少積雪。在雪野上「晨運」完之後早已睡意全消,緊接的最佳節目莫過於返酒店再去浸一浸溫泉替冰冷身軀「解凍」。



這間彌陀原酒店(¥16800)的溫泉池都幾大幾靚,最正係個池對正落地大玻璃窗,望出去就係180度彌陀原靚景,基本上唔駛太驚畀人偷望到。而且雙人房確實超級闊偌,這當然是相對東京大阪鬧市的超彈丸蚊型酒店而言!酒店包早晚兩餐,不過吃早餐前還是先去看看酒店大堂的巴士班次表,以免食得太hea走了巴士就要呆等。



溫泉酒店的自助早餐一般也不錯,這間有西式和日式選擇,唔駛諗基爾當然以日式為主。上圖右是富山縣特產之一「螢光墨魚」,味道其實有點似帶少少甜味醬汁的咸魚,就咁食就似乎太咸了,不過如果是拌飯、烏冬甚至粥或溫泉蛋一起食就一流!



食飽飽後施施然行返房執行李,再出大堂check-out。酒店門口見到喱位好英明神武的「立山熊太郎」一定要同佢影張靚相,依家10月底才初雪佢當然無用武之地,不過到4月時替「雪之大谷」開路,相信就要靠晒佢喇!



由彌陀原酒店搭高原巴士再次駛落山,又來到美女平站,不過這次不是來行山,而是要say goodbye了!由美女平站搭立山登山纜車,可以一直落到山腳的立山站。



這架纜車感覺上有點似上太平山頂的纜車,不過它的車廂更斜,呈梯級狀。幸好這朝早才9:30am,落山的遊人不多,基爾可在車廂裏跑上跑落影相都無問題。上圖左是纜車車頭外掛了個行李架,用來擺放乘客的大篋。



沿路軌落山期間會穿過幾個山洞,兩旁盡是夾道林蔭,與山頂室堂和彌陀原的冰雪世界大異奇趣,彷佛穿越了兩個國度。值得一提是纜車的車廂其實都幾有50-60年代feel,個金屬steering wheel都幾有懷舊味道,令人好有衝動想坐上去駕駛座扮下司機!



話時話由美女平站落到去立山站的這程纜車,全程花費時間不算太多,就似由中環搭上山頂咁一陣就到了。來到山腳的立山站再轉搭富山地鐵立山線,時間還未到10:00am,這班車幾乎都無乜人搭,大可以在車廂內打橫hea瞌一陣覺。



在山頂室堂的info centre問過位阿姐,由立山站去宇奈月必須先在寺田站轉車,由立山去寺田這程火車只45分鐘左右,不過由於沿途經過不少郊野農田地方,由大車窗望出去風景都幾令人目不暇給的!



來到寺田站時才10:50am左右,雖然這是個轉車站,但規模絕對不算大,反而很有鄉郊風味道。由於來往火車班次不多,即使在路軌上步行橫過也沒問題。不過唔知點解,之前明明睇火車時間表顯示只需等5分鐘就有車可轉,點知等了成十幾分鐘都無車來,日本的火車向來超準時極少會延誤,於是走去問問站內的鐵道員叔叔。



雖然大家以「英語有限公司」對答,但鐵道員叔叔竟沒半點不耐煩,還友善也解釋我們看錯了假日班次表,閒日這班車要等35分鐘之久。由於之前已預約好宇奈月的溫泉旅館派司機到車站接送,為免人地白等一場,友人立即打蛇隨棍上請求鐵道員叔叔送佛送到西,幫忙打個電話通知旅館要遲半個鐘才到宇奈月車站,超好人的叔叔當然很樂意幫忙,加上他與旅館職員同聲同氣非常容易溝通解釋清楚,基爾真係要90度鞠躬ありがとうございます向他感激道謝一翻呢!

63 則留言:

  1. 日本人很多根本不懂英語,真係你有你講,佢有佢講。

    回覆刪除
    回覆
    1. Samwei:近年已經好咗好多,以前直情會嚇一跳耍手不太懂答!

      刪除
  2. 日本人待客之道,有時真的沒話可說!

    回覆刪除
    回覆
    1. 摩:想得好仔細周到,不過有時真的感到有一點點假:P

      刪除
  3. 搵個人攬吓都可以替冰冷身軀解凍喎.

    回覆刪除
  4. 浸溫泉in the morning in snowing days. Excellent experience.

    回覆刪除
    回覆
    1. Ray:非常正,其實都幾多日本人專登去浸下溫泉度下假的呢

      刪除
  5. 回覆
    1. MD:係呀,平時在香港見得太多高樓大廈,去外地就寧願去親近多啲大自然丫嘛^^

      刪除
  6. 又遇到好人bor :D
    有時候遇到一D日本人真係太好,明明大家溝通唔到都好願意幫你,係香港應該好難遇到咁好既人啦><

    回覆刪除
    回覆
    1. Matthew:係呀上次去弘前城遇到一pair學生妹妹,仲帶咗我行幾條街返去火車站,初頭仲以為好近,行咗成兩三個字,真的有點不好意思!
      近年好似好咗好多,尤其係後生果輩一般都幾敢講英文,而且發音都幾好,喱pair學生妹妹我都有讚佢地英文真得不錯呢!

      刪除
  7. 個車廂都無人,唔洗擺啲咁型嘅po屎喎~ XD

    回覆刪除
    回覆
    1. 呢個blog就好多人嘛!kaka.....

      刪除
    2. Bugs:好求其咋喎,純綷四圍行行企企睇下窗外風景啫XXD

      刪除
  8. 乜你唔o係酒店房影多幾張大典基仔相呀?

    回覆刪除
    回覆
    1. 我覺得你的名字就係永樂,哈哈哈!

      刪除
    2. JJ:咁又好少喎,其實間房無乜特別好影嘛

      刪除
    3. 你有新名:樂基仔,哈哈哈.......

      刪除
    4. JJ:咁同樂基兒和樂基亞有冇關係XXD

      刪除
    5. 你就想有關係喇!你想做model呀?

      刪除
    6. JJ:我得5呎爭寸半邊有資格做modelXXXD

      刪除
    7. 家陣嘅model老少高矮肥瘦乜都有o架!你唔知咩?

      刪除
    8. 睇你張相一定係著好高嘅高跟鞋喇!kaka...

      刪除
    9. JJ:半身相你都睇到咁犀利XXXD

      刪除
    10. 坐椅扶手柄都唔吊腳失重心個喎!kakaka.........
      仲有呢車門咁高嘅!個個日本人咪要dup低頭上落車?kakaka.......

      刪除
    11. JJ:咁你係咪想我讚你觀察入微呢?
      日本啲車門都係咁上下高咋喎,耷低頭上落咪可以安全啲囉XXD

      刪除
  9. 〝望向遠處冰冷清朗的天際線,竟然泛起一抺艷麗的紅霞〞
    ...呢張可以捕捉到〝紅霞〞嘅靚相又唔放大D比人睇,莫非基爾想人將
    視線集中喺果幾張車廂型照? XXD

    回覆刪除
    回覆
    1. Ka:無關係架喎~~~如果要集中嘅,紅霞細細張都集中都嘅XXXXD

      刪除
  10. 「雙人房確實超級闊偌,這當然是相對東京大阪鬧市的超彈丸蚊型酒店而言」––––不只相對東京大阪鬧市,你那酒店房比我旅行住過的大部分地方都超級闊偌兼豪華,我們在布宜諾斯艾利斯那間 ‘romantic suite', 甚至求其到連窗簾都沒有,要自己拉張床單出來搭上去個窗口遮掩下。

    回覆刪除
    回覆
    1. Desa:咁如果望出去係一望無際無人望到入黎都唔駛窗簾嘅~~~
      romantic suite===>咁係咪真係好romantic果隻?浴室也是無遮無掩?

      刪除
    2. 就係唔係一望無際!隔離樓距離同一般香港樓宇距離差不多。浴室普通到極,入面兩個shower係分開兩格,不過其實我好怕無遮無掩浴室,即使老夫老妻,都唔需要見到大家踎塔啫。

      刪除
    3. Desa:嘩!~~~~如果咁近就一定要用床單遮遮好啲!
      絕對同意,即使老夫老妻都唔駛咁openXXXXD

      刪除
  11. 見到你羞澀????你唔係以為自己有"閉月羞花"之貌吓話?????晨咁早又咁凍你仲發緊燒既....嘔死啦!!!!

    回覆刪除
    回覆
    1. 毛:好明顯喱個係文學修飾手法,你無理由唔識欣賞架喎!
      間中嘔下好,唔駛食咁多,當扣喉減下肥嘛XXXD

      刪除
    2. 毛:「....嘔死啦!!!!」……嚟得呢度都應該畀返博主面啦!!而且每個人對審美標準都唔同~~我覺得冇乜野喎!!!自己blog擺下自己相都好應該啫!!!!

      刪除
    3. 森:都唔係嘅!各位blog友畀嘅意見我都相當重視,咁以後為免影響大家胃口我都盡量少post啦,又或者自己先將尊容打格仔或笑哈哈才post吧XXXXD
      btw,我都希望森兄快D擺下自己相,真人手繪卡通都收貨^^
      幾時畫張復活節版portrait睇下!!!!

      刪除
    4. 唔知Gael兄是否真係想睇復活節版咁呢??!!.....
      若然時間許可試下整........

      刪除
    5. 森:想呀,係咪會加返頂復活兔帽XXD

      刪除
  12. 羨慕你自由行多寫意呀!

    回覆刪除
    回覆
    1. Choa:我都係好耐先去一次寫意吓架咋^^

      刪除
  13. 西式和日式選擇……我都會揀日式, 平時好少機會食日式嘛~~

    回覆刪除
    回覆
    1. 森:係呀日式早餐比較特別,西式都係預期果種烤多士,火腿,炒蛋,腸仔,意粉,法包果jam茄汁焗豆之類!

      刪除
  14. 日本酒店的自助早餐一般也不錯. 好豐富^^

    回覆刪除
    回覆
    1. longbell:溫泉旅館一般都好豐富,絕對唔驚餓親^^

      刪除
  15. 鋪滿雪的彌陀介原, 又是另一番景緻!!

    回覆刪除
  16. 其實現在日本人D英文好了很多,但始終都係日本式英文,我上次去日本時坐酒店專車,個日本仔同個鬼佬講英文,個鬼佬唔明望住我,我聽到D便幫佢覆述,個日本仔可能覺得我同個鬼佬唔明佢講野,仲問我們係唔係唔識英文,O嘴

    回覆刪除
    回覆
    1. King:我都覺得後生一輩英文真得說得不錯,但如果向師奶或大叔問路一般就要畀多少少聯想XXD

      刪除
  17. 天寒地凍真係最好漫溫泉架! 漫完好似有個保護罩咁~

    回覆刪除
    回覆
    1. Silver:天寒地凍去浸下真係好舒服㗎^^

      刪除
  18. 回覆
    1. Andrew:可能因為早班車關係,好少人咁早落山的呢

      刪除
  19. 要去立山真係要好好計劃點樣坐車,上山落山都要坐咁多程車!

    回覆刪除
    回覆
    1. Momomom:係呀,雖然煩少少不過都幾好玩嘅

      刪除
  20. 一上一下, 似乎見識左四季咁 ... ... 景色都相差左幾遠下.

    回覆刪除
    回覆
    1. 魚:山頂山腰和山腳彷彿就係三個季節咁@@

      刪除