2014年4月8日 星期二

2Q13秋見信州@黑部峽谷

「我無法確定是哪個位置,畫中的背景只是沙灘、水平線、天空和雲,還有島。一隻白色的海鷗有些猶豫不決地穿過無風的天空。微波細浪有規則地湧來,在沙灘勾勒出柔和的曲線,留下細小泡沫退去……」



由寺田來到宇奈月差不多已到了中午,出到車站外果然見到溫泉旅館的專車,即時將大件行李和厚褸先交給職員載返酒店。由於之前已預book了黑部峽谷鐵道小火車(來回程¥3840),為穩陣計還是先去換定車票。上圖右是車站旁、帶點德國風情的黑部川電氣記念館,屬「入場無料」的展館,可惜唔係好夠時間,返查資料裏面主要是介紹立山黑部水利工程的建設!



上面地圖可見由寺田往宇奈月的這程北陸本線(就是上一篇倚窗外望的那段),其中一段可以欣賞到富山灣靚景。日本其實都幾多喱類專睇靚景的特色鐵路,所以搭火車也不愁悶,前年去青森搭的五能線,就是以睇靚景著名!



說回今次搭的黑部峽谷鐵道,也是去立山黑部遊人必搭的小火車,其實日本和台灣都有不少喱類觀光小火車,都好值得一搭。由於小火車要到1:30pm才開出,反正有成個半鐘時間,可以先快食個lunch。



行勻火車站附近喱條街的食肆,好似都無乜特別心水選擇,為免太浪費時間就求其上喱間閣樓食堂吧!貪佢價錢大眾化又幾多人幫襯,應該穩陣。在menu中點了set lunch喱碗富山之出世魚丼(¥1100)。富山一帶由於近海比較多海產,喱味出世魚和之前講過的螢光墨魚都係當地特產之一。



午市時段實在太旺場,碗丼結果order了20分鐘都未上台,為免延誤搭小火車時間唯有催促老闆娘快少少,幸而友善的老闆娘很體諒立即去追單。不過等飯期間實在太無聊,隨手把玩相機就拍下了今次旅程其中一張很滿意的照片,睇落係咪幾有《情書》的浪漫氣氛?!



由於時間緊逼,飯一端上來立即要三爬兩撥狼吞虎嚥食晒佢,連出世魚係乜味都唔太記得。食飽飲啖茶拿拿林去埋單並再三多謝老闆娘之後就落樓跑返過去火車站。去到發現原來大部份乘客都上晒車,真係有點不好意思,下次都係唔好預咁緊,搞到咁索氣兼滴汗……



小火車一開動,即被黑部川和峽谷美景迷住了!基爾去程選擇了開放式車卡,無玻璃窗阻隔方便影相。開車幾分鐘就見到第一道跨越峽谷的山彥橋,紅色橋身相當搶眼,距離宇奈月站也不遠,可惜之前掛住食飯唔夠時間行過去橋上面影張靚相。



「山彥」是日文回音的意思,因為列車過橋時會產生巨大的回音,連宇奈月溫泉街上都聽得到。上圖紅色拱橋後就是宇奈月大壩,2001年竣工,是黑部峽谷中最新的大壩。



黑部峽谷鐵道由出發的宇奈月站到終點的櫸平站全長約20公里。上圖經過柳橋站時見到很似歐洲中世紀城堡的新柳河原發電所。



鐵道早於1924年為興建黑部水庫和發電廠而建,沿途穿越二十多座山峰、橋樑和隧道,峽谷景色壯麗,近年已成為立山黑部最著名的觀光列車,秋季更是賞紅葉的勝地。



鐵道全程途經10個站,不過只有黑薙和鐘釣兩站可下車,黑薙站主要是去看後曳橋,是沿線最險峻的橋樑,橋面距離河谷逾60米。據說以前人們來到這裏看見這深邃山谷總會嚇得往後退,因此而得名。



上圖右是鐘釣站旁的美山莊,聽說是溫泉旅館;左上是小屋平站旁的大壩,壩後是小屋平湖;左下是貓又站附近的黑部川第二發電所,「貓又」是當地傳說中的妖怪,由家貓化成,有兩條尾巴,專吃人肉!



火車緩緩前行歷時大約個幾鐘,才來到終點站櫸平。可能由於剛吃飽飯關係,其實途中坐坐下火車已開始有少少飯氣攻心瞌眼訓,所以有好多名勝都無影下來,而且10月底來到雖沒落雪,但從深谷吹上來的寒風仍有點刺骨,幸好回程已預約了有車窗的廂座車卡!



值得一提是這程觀光小火車是屬於現時已很罕見的「窄軌鐵路」,記得之前去大埔墟鐵路博物館時介紹過香港上世紀初也有一條窄軌鐵路來往粉嶺至沙頭角,如果當年保留下來唔知又會否成為另一條有特色的古董觀光列車線呢?

51 則留言:

  1. 個小火車觀光路線嘅景色好正喔~~

    回覆刪除
    回覆
    1. Joice:去喱度都係專程去搭喱架小火車^^

      刪除
  2. 回覆
    1. Bugs:翻山越嶺沿途峽谷風景真係唔錯,如果遲多兩個禮拜去可能見到漫山紅葉呢

      刪除
  3. 呢日坐多過行啦!唔影張瞌眼訓的相來睇下?kaka...

    回覆刪除
    回覆
    1. JJ:成日post費事畀人話睇到厭啦

      刪除
    2. 你點會怕俾人話呢!你頓起個老師款嘛!kaka...

      刪除
  4. 回覆
    1. Samwei:黑部峽谷都好出名架,好多日本人都搭喱架小火車去郊遊,如果中途可以多啲時間落車睇下影下相會更佳

      刪除
  5. 坐這種火車浪漫得多. 很懷念舊日火車那種機聲隆隆, 汽笛嗚嗚的氣氛, 很有"人情味". 現代電氣化火車于人一種冷冰冰的感覺.
    好奇問一句: Gael究竟你有多少天住在香港? 總感覺你馬不停蹄的.

    回覆刪除
    回覆
    1. Peter:我覺得有少少似以前去荔園搭果種小火車,因為車廂夠迷你,車速也不快,可以在車裏hea睇風景感覺悠閒!
      我諗係依家香港坐火車已經變成日常返工放工主要交通工具,同以前好耐先搭一次那種感覺已經很不同了!
      我諗係錯覺而已,去一次旅行可以寫一年多遊記,所以有這錯覺吧^^

      刪除
  6. 嗰碗麵同個湯...我諗食完都唔駛廿分鐘~~~邊駛食個半鐘咁耐!!!!

    回覆刪除
    回覆
    1. 森:等就等咗好耐,食就唔駛半個鐘要趕住走啦

      刪除
  7. 「催促老闆娘快少少」–––– 是用日文?

    回覆刪除
    回覆
    1. Desa:梗係唔係~~~邊識!
      都係指錶畫腳咁加埋英文估佢應該明白啩XXXD

      刪除
  8. 無錯! 小火車真係好值得搭~
    旅行去多左,真的懷念以前香港既一切,希望保留下來⋯

    回覆刪除
    回覆
    1. Silver:比較可惜係香港始終地方太細地價又高,保育成本高,加上啲人保育意識又低......所以都係算吧啦!!!

      刪除
  9. 開放式車卡,雖然無玻璃窗阻隔住可以方便影相
    ...但會唔會感到少咗D安全感呢?
    果張照片,睇落唔覺有《情書》的浪漫氣氛喎!
    個男的只管玩手機,都無理會那個女的,似搭枱多D喎!

    回覆刪除
    回覆
    1. Ka:都唔會嘅,因為其實車速係好慢,似主題公園坐果隻!
      感覺向來係好主觀,你唔覺得都唔出奇丫,唔好怪自己XXXD
      咁其實你有冇睇過《情書》先?!

      刪除
    2. 基仔,我睇過情書喎都唔覺喎!邊段呀?

      刪除
    3. 感覺向來真係好主觀,KaKa 唔認同果張照片有《情書》的浪漫氣氛都唔出奇丫,Gael 哥你唔好怪自己先真呀!XXXXXD
      就喺為咗Gael 哥特登重看《情書》一次,都揾唔到邊段/相片似喎?

      刪除
    4. Kaka&JJ:咪傻啦你哋~~~~~~~我梗係唔係指似戲中的某個特定場景或劇情咁簡單啦傻女!你哋又點可能會搵得到呢!@@
      純粹係覺得照片很有戲劇效果,本身就似是一幅劇照,基爾個人覺得幾有《情書》電戲的mood,若說似《挪威的森林》中的直子和渡邊也無不可,甚至乎《1Q84》中的天吾與青豆,只是角色換上了兩個藤田樹吧!
      當然~~~~到底領唔領略到也很因人而異,也不用介意或者夾硬要push自己一定要領略到的,一陣搞到瞓唔著就無謂啦XXXXD

      刪除
    5. 真係服咗Gael 哥~~~~有咁多啲無限可能...XXXXXD
      你啲想像力同聯想力真喺超豐富喎...
      直情有潛質做編劇同作家喎!XXXXXD

      刪除
    6. Kaka:個人多愁善感都係無得救㗎啦你由得我啦XXXXD
      其實我都好想做編劇or作家,可惜係香港好現實,做喱兩行好難搵到食的:P

      刪除
  10. 坐着懷舊火車別有一番風味!

    回覆刪除
    回覆
    1. Wan:向來都偏愛這份濃厚懷舊味道^^

      刪除
  11. 小火車正丫!岩晒我呢個火車迷!
    沿唔風景好正,不過可能部火車太迷你,望落去有少少奇怪@@
    開放式車卡影相真係好正,不過呢個天氣去應該凍到震,上次係京都都唔敢坐@@
    情書張相好有feel~哈哈

    回覆刪除
    回覆
    1. Matthew:絕對係,如果你愛搭火車一定要去試搭下啦^^
      如果坐開放席的話,感覺唔似坐真正火車,反而更似去主題公園玩!
      其實都凍㗎,如果係日落後仲凍,我諗即使係夏天去都要帶定長袖衫或風褸好一點!
      好想去一趟京都呢
      你都覺呢~~~~~^^

      刪除
    2. 感覺應該好似坐迪士尼個部小火車?
      京都真係好正架,計劃一下去啦^^

      刪除
    3. Matthew:我覺得似呀,不過係「更真實版」,因為佢跨過係真正的萬丈深谷,更好玩更刺激,風景更自然,無人工修飾^^
      係呀我同你都一樣係鍾意睇古蹟嘅,而且行極唔會累hahahaha

      刪除
  12. 點解唔係你嘅情書?
    火車之旅可以好浪漫

    回覆刪除
    回覆
    1. BIM:我邊有kakaka
      最緊要唔好暈車浪喎^^

      刪除
  13. 回覆
    1. 魚:幾正架,好多人去宇奈月都係專程去坐下喱架小火車

      刪除
  14. 這火車觀光路線景色很美呢!

    回覆刪除
  15. 好靚!好喜歡日本的火車
    總是覺得有一點懷舊的味道呢。

    回覆刪除
    回覆
    1. 恩:喱條觀光火車線一定好啱你地玩^^

      刪除
  16. 我上次坐觀光小火車都幾凍下, 車上仲有班婆婆團唱歌, 都幾開心架!!

    回覆刪除
    回覆
    1. 蜻:入黑後我估即使係夏天應該都幾涼!
      咁咪幾好, 好有氣氛呢^^

      刪除
  17. 自由行真寫意,我跟團去過立山黑部,都無去過呢度?

    回覆刪除
    回覆
    1. Choa:跟團未必會搭小火車,因為一來一回已經大半天几花時間的

      刪除