2014年4月1日 星期二

遺忘的唱盤時光@村上春樹

說的當然不是村上春樹唱歌出碟啦(如果係就真係奇聞了)!有看過村上作品的人一定被他那些穿插在故事中的爵士老歌和著名的古典樂章深深吸引吧!可惜文字的描寫始終不及親耳欣賞到咁有感染力,這張CD正好填補了小說的這頁極重要的空白……



基爾其實已很久沒逛過唱片店或Page One,本來也不知有這張發行於2008年的《村上春樹的古典印象》(Haruki Murakami's Classic Portrait)。這天也是行過又一城時,突然醒起上次那張$300 gift voucher買了二百幾蚊旅行書,還有幾十蚊剩,姑且再去看看有乜野想買用埋佢。

在書店裏行了一圈後,最終睇中了這張CD,其實並排陳列出來的村上音樂旅程CD一共有3張,一張是古典音樂;一張是爵士樂,另一張是最新加上《1Q84》的混合集。不過基爾只買了上面這張古典音樂專輯,它囊括了村上春樹自1979年《聽風的歌》至2005年《給我搖擺,其餘免談》等多本小說中描述過的古典樂章,對於從來不懂classical music的基爾來說算是很值得珍藏的一張碟。



在芸芸經典樂章中,基爾尤其對track 3的貝多芬鋼琴三重奏〈大公〉第一樂章(Beethoven: Piano Trio in B flat, Op. 97, "Archduke", 1st mvt)特別留意,還有track 1的舒伯特第17號〈蓋斯坦納〉鋼琴奏鳴曲(Schubert: Piano Sonata No. 17 in D, D. 850, "Gasteiner Sonate", 4th mvt),主要原因係這兩首樂曲在基爾現正追看的《海邊的卡夫卡》中皆是重要元素,〈大公〉果然如小說中的描述:「有一股吹過綠草叢的風般的氣味。」



其餘還包括《人造衛星情人》中的莫札特〈紫羅蘭〉,《發條鳥年代記之鵲賊》中的羅西尼〈鵲賊序曲〉,以及《國境之南、太陽之西》中的舒伯特〈冬之旅之菩提樹〉,全部都是基爾心水之選,一面聽住CD一面彷彿重溫了小說故事中的曲折感情線!

40 則留言:

  1. 我仲以為村上春樹唱歌,即卜入黎八吓添.

    回覆刪除
    回覆
    1. 王子:如果係都幾驚喎XXXD

      刪除
    2. 第一都冇獎嘅!卜咩吖!

      刪除
    3. JJ:唔係個個都咁計較有冇獎嘅!~~~XXD

      刪除
    4. 係計較o架!對個d孤寒嘅人要計較多d添!對慷慨嘅人就要記住回贈囉!嘿嘿嘿!

      刪除
    5. JJ:嗯~~~~~咁如果個人本身唔計較嘅話~~~~~都應該唔太介意人哋計唔計較又或者有冇回贈嘅XXXD

      刪除
    6. 人夾人緣嘅!計較的人可能對某人某事慷慨,唔係只得黑和白咁絕對。你真係好似老師咁嘅口吻囉!

      刪除
    7. JJ:唔緊要啦好多時計唔計較都係好主觀,如果你覺得對方太計較咁你都有你自己的選擇權嘅,係咪!

      刪除
  2. 邊看書,邊聽音樂,雙重享受……
    若加上一壺清茶,或是咖啡,錦上添花,人間美事!

    回覆刪除
    回覆
    1. 摩:成日形住阿摩會似拎住紅酒杯多一點^0^

      刪除
  3. 你真係好鍾意去旅行, 我買都未買過旅行書........哈哈
    相信睇開井上春樹作品的都會感受到書裡的氣氛, 我未睇過呀!!

    回覆刪除
    回覆
    1. 森:我其實唔係咁多機會去到,有時睇下書當去過囉XXD
      如果未睇過可以揀一兩本短篇試下睇,未必人人都啱胃口的呢

      刪除
  4. 小說加上配樂,可會是另一種ecstasy...

    回覆刪除
    回覆
    1. BIM:係咪會令你high high地XXD

      刪除
    2. 我未試過咁樣睇書,等你話我知有幾high^_^

      刪除
    3. BIM:好難三言兩語講架喎,要自己感受下先得^0^

      刪除
  5. 基仔好癡...想旅行喎!ka..ka..ka...

    回覆刪除
    回覆
    1. JJ:周時都想架啦,尤其係去克羅地亞捷克XXXD

      刪除
    2. 你對第個講就話想去維也納啦!對X就講 X話!

      刪除
    3. JJ:咁又唔會喎,好耐之前去過一次維也納㗎啦,第時如果講開奧地利郵票先拎返啲相出來啦^^
      反而十六湖未去過所以想去啫

      刪除
  6. 村上的大作,我只看過挪威的森林和尋羊的冒險,無印象提過音樂,可能年代太久遠,記憶模糊。

    回覆刪除
    回覆
    1. Desa:碟中有一隻來自尋羊的冒險:J.S. Bach: Cello Suite No. 1 in G, BWV 1007: Prelude,不過本書已經係讀書年代看的,太久遠已不太記得內容
      其實村上還出過本介紹一些在他小說中出現過的音樂,挪威的森林本身也是一首樂曲,在電影版中也有用過做配樂呢

      刪除
  7. 好想知“二百幾蚊旅行書”係關於邊度?

    回覆刪除
    回覆
    1. Koosan:兩年幾之前買,印象中好似係馬來西亞和柬埔寨

      刪除
  8. 真係冇諗過會有張咁的唱片喎 !
    我反而想知你下一站去邊喎 XP

    回覆刪除
    回覆
    1. 魚:除左古典樂之外仲有另一張爵士樂的呢!
      暫時未有計劃呀,如果有再話你知啦^^

      刪除
  9. 見呢篇第一眼,第一張相,我真的以為係佢出碟呀! 哈哈!

    回覆刪除
  10. 試聽咗其他幾首樂曲也不錯 ,(Beethoven: Piano Trio in B flat, Op. 97, "Archduke", 1st mvt)真的有一股吹過綠草叢的風般嘅氣息喎!^^
    不過我反而想知Gael 哥下次再去日本,會唔會識番個日本女仔呢?XXXD

    回覆刪除
    回覆
    1. 卡:如果你有看過本書就會更覺得係一絕,與故事中男主角來到圖書館後的某夜想到海邊看海的情景描寫非常夾,村上本身的文字描寫其實已經好靚好有電影感,如果將來海邊的卡夫卡真的拍成電影的話,「大公三重奏」一定是片中的主要配樂~~~~~不過由於小說中的故事非常長而且有不少超現實的想像情節,要拍得好肯定非常困難!
      喱層真係完全無諗過喎!難度kaka以前發展過一段刻骨銘心異地情?!XXXXXD

      刪除
    2. 通常書啲文字描寫的確比電影的來得細膩,見你講得咁好,
      得閒去圖書館借嚟睇吓先! ^^
      by the way 上次書展真想買 村上春樹 那本〝人生馬拉松〞看看!
      好可惜無喎! 其實能有一段刻骨銘心嘅異地情都好架!
      咁...起碼喺人生回憶片段裹多啲色彩嗎! :D
      我見你又去日本又睇日本小說,推測你想識番個日本女仔咋!XXXXD

      刪除
    3. 卡:睇書其實鍾唔鍾意邊個作家都係好主觀嘅,記得如果覺得唔啱睇唔好來鬧我XXXD
      我多看他的小說,反而沒過這本自傳式作品,如果圖書館有,也希望借來看看,剛在網上看了一小段,將自己當作是一部機械,感覺都幾特別呢!
      咁我又唔知係咪會多啲色彩,不過一定會有不少回憶吧,不論是否異地!
      無關係架喎,去日本和睇日本小說也不會令我變成日本人吧!

      刪除
  11. 還沒有欣賞過他的作品,但大名早聽聞了

    回覆刪除
    回覆
    1. Wan:其實睇小說都係好講個人興趣^^自己覺得好睇都未必其他人都覺,所以都唔敢胡亂推介畀人啦:P

      刪除
  12. 我都未睇過佢的作品,不過在文章中又有音樂,又令你去想聽那些音樂,都幾特別

    回覆刪除
    回覆
    1. Lucamom:對,音樂也是村上小說裏其中一個獨特而重要的元素,如果將來發展出的電子書可以連同音樂一齊播放會更佳,這也是他的小說為何特別有電影感和吸引人之處......不過可惜暫時不見有拍得特別出色的電影版><

      刪除
  13. 我都以為真係村上春樹出碟!~XDXDXD~~

    回覆刪除
    回覆
    1. Teddy:如果有,你一定先知過我啦XXXD

      刪除
  14. oops, 唔認識村上春樹的作品

    回覆刪除