2014年4月14日 星期一

遺忘的唱盤時光@陳慧嫻

繼早前林憶蓮出了自己的舊歌新唱精選碟後,近排「同輩」的陳慧嫻也復出開騷紀念入行30年兼推出重唱多首別人經典的精選新碟,當中還包括自己出道初年的首本名曲〈花店〉。



基爾聽過碟中幾首翻唱歌感覺其實都幾唔錯,至少歌如碟名「By Heart」,至於重新編排的〈花店〉說是用一種更成熟的韻味演繹也無不可,只可能因為多年沒她唱歌,聲線真的比以前變得低沉了一點,反而令基爾更懷念舊版本〈花店〉那份昔日的情竇初開少女味道。



既然咁懷念,當然又要去摷床下底拎返D舊碟舊帶出來聽返對比一下吧!基爾印象中買過的陳慧嫻CD和cassette都不多,之前數懷舊cassette時其實都有講過1988年推出的《嫻情》大碟。



今次就來重聽返喱張1994年的《今天的愛人是誰》精選碟,翻查資料陳慧嫻於1990年起到美國紐約讀書,期間仍有推出〈紅茶館〉、〈飄雪〉、〈歸來吧〉、〈今天的愛人是誰〉等幾首大熱之作。



這張精選碟可說是Priscilla臨學成歸來前夕的一個小總結,由30年前「少女雜誌」時為她帶來新人獎的〈逝去的諾言〉,還有助她奠定天后地位的〈玻璃窗的愛〉、〈花店〉、〈傻女〉、〈痴情意外〉等,碟中都悉數收錄,當然臨別秋波的〈千千闕歌〉和〈夜機〉也絕對不可或缺。



有驚喜的是碟中還收錄了比較少聽的〈Let's Get Married〉、〈為何仍是你〉和〈凌晨舊戲〉;當然若要挑剔的就是快歌較少,就只有一首較後期的〈Jealousy〉,反而令人更懷念〈貪貪貪〉、〈變變變〉、〈不住怨婦街〉等盞鬼調皮之作。不能不提的當然還有隨這張精選碟附送的相冊,實在佩服Priscilla Chan的樣子真係幾乎十幾廿年都不變呢!

40 則留言:

  1. 你都係幾廿年都冇乜變啦!kaka...

    回覆刪除
    回覆
    1. 乜唔係靚仔咗咩?? kakaka

      刪除
    2. 王子:你又讚自己呀?!hahaha~~~

      刪除
    3. 防腐劑用於屍體o播!你食藥都係問下醫生好d!嘻嘻呵呵!

      刪除
    4. JJ:唔駛,平時食好多預先包裝食品和零食其實已經添加了好多防腐劑你唔知啫

      刪除
    5. 所以係咪衣家好多人有危病囉?

      刪除
    6. JJ:日積月累食咁多都驚㗎,所以盡量食新鮮食品多過包裝食品好一點

      刪除
  2. 介紹歌星...點解無歌聽嘅?:D

    回覆刪除
    回覆
    1. Ka:以前在yahoo blog比較易,喱度就盡量唔搞咁多嘢以免煩啦

      刪除
  3. (陳慧嫻)唔晒多講!~啲歌勁好聽.我有齊晒佢啲黑膠片.

    回覆刪除
    回覆
    1. Andy:好犀利,得閒show啲珍藏來看看@@

      刪除
  4. 回覆
    1. Samwei:都ok喎,可能近年多在大陸開騷,上台唱歌不會生疏!

      刪除
  5. 呢隻CD都有少少印象, 不過唔係我買…慧嫻真係有好多經典歌, 把聲好響~~相比現在好多歌手都好似唔夠氣…冇提跳舞街??!!

    回覆刪除
    回覆
    1. 森:咦~~~咁係邊個買畀森兄?^^
      咁始終佢有一定實力先可以企咁耐嘅,如果唔係就一早畀人遺忘咗啦!
      依家啲新歌手好多都唔係sell唱得,可能年代唔同咗,而且好多新歌都好難留下深刻印象,每年新人都多如繁星但無乜邊個較有印象,唱過乜歌都唔太清楚了!
      喱隻碟無呀,好似太少快歌了,跳舞街都好經典,我仲記得張唱片封面

      刪除
    2. 隻慧嫻CD應該係森爸的收藏…佢鍾意聽慧嫻的歌, 所以印象中好似見過呢隻碟!!
      或者現今唱片公司現實, 新人的碟唔爆, 未等到有成名歌…就已經冇晒蹤影…

      刪除
    3. 森:原來如此!原來森兄爸爸是她的fans呢^^btw,咁森兄咪好後生?!!XXXD
      絕對係,依家我諗啲唱片公司幫新人出碟,出一兩首歌如果反應欠佳都已經即時叮走無得留低啦

      刪除
  6. 有實力嘅始終站得住脚!

    回覆刪除
  7. 她努力追求自己的夢想,希望她加油啦!

    回覆刪除
    回覆
    1. Teller:雖然時移世易但依然沒放棄香港樂壇已算很難得了

      刪除
  8. 這是我最飛佛嘅陳慧嫻精選,最like就係個photo album. Let's get married 係碟中小驚喜

    回覆刪除
    回覆
    1. BIM:係呀本相冊真係幾多相,如果係佢fans一定鍾意吧!
      其實以前寶記都幫佢出咗好多精選,但我只有買喱隻而已,唯一可惜係比較少快歌,如果加返會完整啲!
      對,如果唔係因為喱隻碟有喱首歌,我也幾乎忘記了!@@

      刪除
  9. 你有否打算去看她的 30 周年个唱演出吖 !?

    回覆刪除
  10. 慧嫻,我的精選-----傻女、飄雪、玩味、距離

    回覆刪除
    回覆
    1. 摩:後面兩首無乜印象,上網搵來聽下先^^

      刪除
  11. Gael,我最喜歡陳慧嫻唱的〈飄雪〉.

    回覆刪除
  12. 我以前真係好鍾意花店架!新版就……

    回覆刪除
    回覆
    1. Lam:我覺得新版感覺唱法成熟咗,反而舊版的少女味多一點,同首歌本身的mood比較夾!^^
      花店畀我的感覺其實同愛情I don't know又或者偶遇果類差不多,都係那些少女情懷總是詩的味道

      刪除
  13. 最鍾意都係 傻女,痴情意外那個年代的她。。。。你記得傻女MV是郭富城嗎?

    回覆刪除
    回覆
    1. Lucamom:梗係記得啦果個MV好經典,仲要聞件冷衫XXXD
      傻女痴情意外果陣係當紅好多hit歌,不過後期的紅茶館飄雪我也非常鍾意,紅茶館果段讀白很經典,確是周禮茂的神來之筆,令成首歌生色不少呢^^

      刪除
  14. 回覆
    1. Candy:對,依家聽返雖然有少少舊但總算是首節奏明快的歌

      刪除
  15. 愛她的自然清純,學生情人哦!

    回覆刪除
    回覆
    1. Choa:學生情人喱个稱呼夠晒懷舊^^

      刪除
  16. 又一個不老的傳說,最愛她的痴情意外!

    回覆刪除
    回覆
    1. Teddy:驚覺時間真係過得好快!!!
      實在有太多好歌令人回味^^

      刪除