2014年5月20日 星期二

2Q13秋見信州@東山天空塔

「有一個將這些作為記憶保存下來的小房間,肯定是類似圖書館書架的房間。為了解心底的正確狀況,必須不斷製作那個房間用的檢索卡,也需要清掃、換空氣、給花瓶換水。換言之,你勢必永遠活在你自身的圖書館裏……」



要上動物園裏的東山天空塔,必須先搭一程幾盞鬼的「斜式升降機」才可登上天空塔坐落的小山丘。如果好記性的應該仲記得基爾之前去大澳時路經過古色古香的文物酒店,大門的小山坡也有一部類似的斜式升降機,若以觀景而論,大澳文物酒店那部更靚更好玩。



名古屋這座東山天空塔高134米,若連基座小山丘計則高214米,當然與630幾米高的東京Sky Tree晴空塔相比可說是小巫見大巫吧,即使同50年代建成的東京鐵塔比較,也矮了足足百多米。



不過由於名古屋的高樓大廈實在不多,由底層搭電梯一直上到去5樓的Sky Plaza觀景台,極目望出去已是一望無際的名古屋skyline,加上當日天氣極佳視野廣闊,真的很值得花點時間來登塔賞景。



由觀景台望出去,還可見到遠處的電視塔。名古屋的空氣質素始終比香港好得多,上次基爾上ICC103樓Ritz Carlton食tea時,望出去就比較多煙霞,港島那邊總會是白茫茫一片似隔了一層紗窗。



來到名古屋當然可以輕輕鬆鬆欣賞下「高清版」的skyline啦!觀景台還設有1:1城市介紹圖,雖然是日文但也值得一看,至少可對名古屋的城市面貌和地標有多一點認識。



至歎世界都莫過於學基爾咁安坐在觀景台落地大玻璃前的軟皮梳化上,曬住太陽hea住睇靚景吧!講返少少歷史資料,東山天空塔建於1989年,是為紀念名古屋建市百周年而建。



觀景台上還設有望遠鏡,記憶中好似要入錢。5樓Sky Plaza的360度全層都是觀景台,中央則有間小巧的紀念品店Sky Shop,不過這朝早的顧客不多。



日本人除了識整好多古靈精怪小發明之外,做這類自動販売機也似乎也很有一手,除了之前見識過會煲粟米湯的販売機外,這次在觀光塔上也見到紀念幣販売機,可以讓遊人印上幾時幾日曾到來登塔一遊,又可以賺返你幾百円。



之後再行落一層來到4樓的Sky Lounge睇睇,可能個Lounge未開所以無乜野睇,只係繼續行一圈欣賞下外面風景。下面大片樹林的就是東山公園植物園,遠處還見到遊樂場的一座過山車。



Lounge裏還有一張介紹全日本觀光塔的示意圖,不說不知原來全日本有多達19座觀光塔,每個大城市真係梗有一座係左近!參觀完觀光塔落返塔底小廣場,見到另一班戴綠帽子的可愛幼稚園生正與老師圍坐地上享用午餐盒,大部份應都是媽媽親手製的壽司和紫菜飯團吧!



睇完觀光塔繼續再去睇其他動物先,這處人工海岸圍了不少遊人,一於去睇下,沿來有對海豹母子攤在岩石上曬太陽,最勁係個水池仲有人工造浪,浪花會打在岩石上,像真度相當高,日本人對這方面的設計真的一絲不苟。



除了看動物植物外,公園裏其實還有一列架空單軌觀光小火車(真係有少少似以前荔園果架),來往穿梭於動物園和植物園之間,如果想慳返少少腳骨力的話都可乘小火車以高角度睇動植物。



不過這列小火車需另外收費,認真刮水,基爾反正時間不太充裕所以還是慳返幾百円了。小火車還會繞公園裏的上池一圈,其實唔坐小火車單單來湖邊hea一陣,看看情侶踩住天鵝水上單車遊湖也是件賞心樂事。



上池雖只是個人工湖,但風景其實也不會遜於函館大沼公園的天然山水湖景,最緊要係公園附近完全不會有高樓大廈破壞了優美的湖泊景觀,畀著香港已經無可能做到。



之後再去探下樹熊,其實幾年前基爾去澳洲時都睇過一次,大部份都係攀在樹上懶洋洋的樣子,不過今次見喱隻竟然咁精靈在地上周圍跑好似專登行catwalk畀人影相咁,又幾盞鬼!聽聞海馬公園遲下都會有熊樹來訪,到時除了睇熊貓之外又多一個新選擇。



長頸鹿園佔地面積也頗廣,前年去上野時可能太晏D長頸鹿返晒屋企開餐,今次就好好彩剛好見到佢地露天開餐,基爾都係第一次見,原來係要用吊臂吊起一籠樹葉餵佢地。



北極熊館有專設冷氣,隻北極又真係好肥獅大隻,鬼咩食完就攤係度午睡咁識歎;至於黑熊的活動空間就較大,不過依然只係扒在水邊打瞌睡;反而老虎最勤力,在獸籠內不斷行來行去似乎在巡視有冇入侵者。



「萬獸之王」獅子不見其王只見獅子乸,單單伏在草地上曬太陽的姿勢已經很有王者氣派。



最後繞了動物園一圈又見返象B和塘鵝,始終都係喱類溫馴動物較多人看,不過其實被關在籠內的塘鵝都幾慘,如果可以放出來行一陣多好。



東山公園其實都有紅葉睇,不過10月尾去到仲未完全轉紅,如果11月來到應會更靚更多;最後睇埋喱隻索馬里驢就差不多要走了,這隻驢仔雖然其貌不揚但原來是瀕危物種。由於下午另有節目,所以唯有放棄行埋植物園那邊,有點可惜呢!

44 則留言:

  1. 每個大城市梗有一座觀光塔<< 係咪同時係天線呢??

    回覆刪除
  2. 坐在觀景台的軟皮梳化上曬住太陽睇靚景,又真係好正,有杯凍飲更好!
    好耐無去個動物園,環境好好!

    回覆刪除
    回覆
    1. 說:咁下次小說可唔可以加埋喱個場景^0^

      刪除
  3. 塘鵝困喺一個咁細既籠, 好慘!!!

    回覆刪除
    回覆
    1. 蜻:其實好應該間中放佢出來湖中游下水啦^^

      刪除
  4. 回覆
    1. Mandu:佢都係喱個動物園的明星嚟㗎~~~幾年前剛出世時好多當地人特登來看牠的

      刪除
  5. 今期隻藍色馬騮唔出鏡呀!聽聞佢都好多才藝過喎!kakaka.........

    回覆刪除
    回覆
    1. 好多才藝隻藍色馬騮可能去咗馬戲團

      刪除
    2. JJ:成日出就無乜新意啦XXD

      刪除
    3. 王子:如果Cirque du Soleil請隻藍馬騮我諗佢一定去XXXXXD

      刪除
    4. 新意?唔通籌備緊戴鬍鬚面具或者雌雄同體?kakakakakakakakakakakakakakakakakakakakakaka...........

      刪除
    5. JJ:係都唔係我啦~~~我又無去攞面具XXXD

      刪除
    6. 你有心創新意嘅話,借都借到返尼啦!咁易就罷休,基仔你想令人失望抑或有希望吖?

      刪除
    7. JJ:咁我寧願令人失望好過啦~~~~XXD

      刪除
  6. 回覆
    1. Samwei:係呀好彩喱日天氣好,否則行動物園就比較麻煩,始終係戶外活動

      刪除
  7. 欲窮千里目,更上一層樓!

    回覆刪除
    回覆
    1. 摩:這裏應該可以見到白日依山盡,但可惜看不到黃河入海流^^

      刪除
  8. 所以動物園的面積一定要夠大, 若然不是籠內的動物會好辛苦~~
    參觀者見到都唔舒服...

    回覆刪除
    回覆
    1. 森:係咪令森兄想起當年的荔園呢~~~^^

      刪除
    2. 森伯唔係扮細...荔園的動物園我冇咩印象~~反而一講起動物園我會即時諗起海浪公園同九龍公園...

      刪除
    3. 森:荔園都未去過咁以後就唔好再叫阿伯,就叫森B算啦kakakakaka

      刪除
    4. 唉…gael兄諗嘢真係單向(擰晒頭…)
      冇印象唔等同未去過…只記得有隻大笨象~~

      刪除
    5. 森:諗嘢都係簡單直接比較好!
      btw,森B喱個朵都唔錯丫,夠可愛吧XXXD

      刪除
  9. 這天空塔只100多米算好矮了,勝在週圍沒更高的建築!

    回覆刪除
    回覆
    1. Wan:如果計埋坐山丘仔都有二百幾米嘅,大約係ICC一半左右啦
      但望出去個view唔錯,藍天白雲風景幾靚架^^

      刪除
  10. 嘩,真係好好天!!!空氣質素真係無得頂,香港成日都好多煙,巴庫雖然成日藍天,但遠景都係灰煙,空氣麻麻!
    呢D日本紀念幣,好似N年前都整過,會生銹架!

    回覆刪除
    回覆
    1. Lucamom:話時話以大城市計,名古屋的空氣質素真係算唔錯,至少唔會成日灰濛濛
      咁好彩無買唧^^

      刪除
  11. "最勁係個水池仲有人工造浪,浪花會打在岩石上"....海浪公園嘅海豹/海獅館都有喎!

    回覆刪除
    回覆
    1. Ka:我太耐無去海浪公園唔係好記得了~~~><

      刪除
  12. 未搭過斜式升降機XD
    你唔講都睇唔出係北極熊,好似一大舊白色野攤係道@@

    回覆刪除
    回覆
    1. Matthew:咁第時同朋友如果去開大澳不妨去搭下囉^^
      名古屋對佢地來講都太熱啦,所以懶洋洋瞓下覺好過

      刪除
  13. 觀景台~望出去風景感覺真係幾正下.
    動物園,樹熊好可愛.

    回覆刪除
    回覆
    1. Andy:係呀由果度望出去風景幾靚,可能高樓不多吧
      不過比較可惜係塔裏面其實無乜野睇
      平時見樹熊多數懶洋洋扒在樹幹上,喱隻又好精靈四圍走,好難得

      刪除
  14. 回覆
    1. 我啱啱相反,見到觀景塔都避之則吉。 ;)

      刪除
    2. 魚:可以靜靜地欣賞下個城市的skyline其實都唔錯,當然大前提係要天氣好無煙霞^^

      刪除
    3. Bugs:喱度個塔由於係動物園張入場券包埋,所以上埋去都唔拘啦^^

      刪除