2014年5月10日 星期六

5月點唱機@no.1林奕匡

你快樂過生活 我拼命去生存
幾多人位於山之巔俯瞰我的疲倦
渴望被成全 努力做人誰怕氣喘
但那終點 掛在那天邊……



1.高山低谷
主唱:林奕匡 / 作曲:林奕匡 / 填詞:陳詠謙

基爾近年都已經比較少聽新歌手的歌又或者買新碟,始終年代唔同了吧,依家要搵間似樣少少的唱片店也不容易,漸漸也就遺忘了逛唱片店尋寶的閒情(恍似是青蔥歲月般遙遠的回憶),當然最重要係根本已經沒太多很有衝動去買的CD……不過最近聽到喱首新歌卻罕有地有點久違了的心靈觸動,之前聽過林奕匡唱快歌都幾ok,原來慢歌也不俗呢!

唯有到愛不起 便明白愛的趣味
別離後至需要你
就像冬夜 懷念滴汗天氣
誰正與你一起 便承認我很妒忌
像望見當時 懂得感動又何必
錯過你先知愛你……



2.錯過你
主唱:衛蘭 / 作曲:雷頌德 / 填詞:林夕

衛蘭當然已經不再算新人了,不過在眾多新一輩女歌手中說她是最靚聲之選應該也不會有太多人有異議吧!之前已經幾喜歡她的離家出走和街燈晚餐,錯過你似乎是承接了餘緒,雖然新鮮鮮感不多但依然賞心悅耳。衛蘭其實本身唱快歌也很有一手,天生的節奏感實在要多多利用不應浪費!

32 則留言:

  1. 以前未有HMV之類,去唱片店真係好似尋寶咁. 有d碟未必間間有.

    回覆刪除
    回覆
    1. 王子:似前如果放假得閒真係幾鍾意去行北京道三層果間總店架,因為真係有好多意外收穫,有好多舊碟或偏門少少的都可以買得到,依家縮咗水跟本無乜興趣行了!

      刪除
  2. 邊個尼架?你個仔呀?kakaka.....

    回覆刪除
    回覆
    1. JJ:嘩~~~如果我有個咁大嘅仔,仲唔日日去環遊世界攤大手板問佢攞錢嘆世界,仲邊會得閒在blog裏同你吹水呢~~~~~:P

      刪除
    2. 新人要捱三五七年o架!未紅之前仲要攤手屋企人接濟,你冇聽過藝人奮鬥史呀?

      刪除
    3. JJ:咁每個人要成功其實都要奮鬥嘅,除非老豆係李超人啫kakakaka

      刪除
  3. 林奕匡..."高山低谷"呢首歌真喺好新喎!
    蘇永康唱歌真喺唔錯架!

    回覆刪除
    回覆
    1. Ka:唱詞和旋律也不錯,林奕匡的唱法又覺得幾真致,我覺得係水準之作啦!
      蘇永康其實我一向麻麻地鍾意,總係嫌佢運用得太多氣聲成日嘻嘻鞋鞋的,如果潮流喱首歌由藍奕邦佢自己唱返我可能會仲喜歡^^

      刪除
    2. D人就喺鍾意佢啲嘻嘻鞋鞋聲kakaka...
      Btw...藍亦邦其實外型同把聲都唔錯,唔知點解唔紅!

      刪除
    3. 嘻嘻鞋鞋聲!邊首歌呀?

      刪除
    4. Kaka:咁都係,我諗好多人都有特殊辟好嘅XXXD
      其實今時今日唱片業環境咁差,我諗無乜邊個會叫做紅囉,even陳奕迅容祖兒果D我都唔覺佢地好紅!

      刪除
    5. JJ:咁都仲要問?!!!不如你自己上網聽多幾首咪知囉><

      刪除
  4. 回覆
    1. Wan:無錯!某程度上我覺得佢比鄭俊弘許廷鏗果D更具可塑性!
      我一向都唔係太喜歡過份買弄唱歌技巧那類型的歌手,比較鍾意簡簡單單還來得真實,太多修飾反而會覺得假了!

      刪除
  5. 而家真係好少聽新歌嘞~~
    森伯仲聽緊舊曲: 鳳閣恩仇未了情, 同帝女花咋...

    回覆刪除
    回覆
    1. 森:最近看鄧麗君紀念特輯重播了「春花秋月何時了,往事知多少,小樓昨夜又東風,故國不堪回首月明中……」覺得很喜歡,如果計起上來喱首比鳳閣和帝女花舊了成千年添喎kakakakakakakaka~~~~

      刪除
    2. 都係講吓笑…如果唔係聽電台, 真係唔知有咩新歌…蘇永康嗰首潮流唔錯~~
      好高興見到gael兄冇放棄中文樂壇, 仍好支持中文粵語新歌~~

      刪除
    3. 森:所以聽收音機其實都幾好架,不過依家其實已經好少人聽電台,可能因為太多廢嗡節目XXXD
      其實都唔可以叫做放棄定唔放棄,我只係間中揀下自己喜歡既歌聽聽而已,國粵英日我都有聽,也沒有特定愛聽哪一個歌手!

      刪除
  6. 真係一首都唔識,最近聽嘅新歌係鄭俊弘嘅無名氏

    回覆刪除
    回覆
    1. BIM:鄭俊弘我唔知點解鍾意佢唱英文歌多啲XXXXD

      刪除
    2. 可能因為佢係鬼仔,唱英文歌揮灑較自如,中文就second nature一D。
      林奕匡都係加拿大出世,等我都留意下先。

      刪除
    3. BIM:我諗都係,始終mother language會發揮得好一點直接一點吧

      刪除
    4. 林奕匡唱功頗扎實,高音亦有感情,原來我响唱片舖都有見過佢作品

      刪除
    5. BIM:反而我未見過佢D碟,我諗發行量應不會太多吧

      刪除
  7. 香港樂壇,我已無理好耐了⋯

    回覆刪除
    回覆
    1. Silver:都仲有啲唔錯嘅,值得留意下^^

      刪除
  8. 衛蘭的歌好聽,佢隻CD長期在我車內架。

    回覆刪除
    回覆
    1. Samwei:衛蘭本身唱歌真係好掂,奈何佢間唱片公司唔太掂,好可惜呢

      刪除
  9. 1. 林奕匡這首歌,讓我想起陳奕迅的歌。
    2. 幾首歌中,我比較喜歡林二汶的一首!

    回覆刪除
    回覆
    1. 摩:Really~~~不過唱出來的風格就唔係太似
      二汶其實應該唱多啲歌啦,依家女子樂壇實在太悶蛋了

      刪除
  10. 認識林奕匡都係因為佢首Goodman開始!

    回覆刪除
    回覆
    1. Rose:我都係喎~~~~不過原來佢先幾年已經出過兩隻碟,我都唔知:P

      刪除