2014年5月2日 星期五

北海道牧場餐廳@北角

休業了很久的食探基爾終於又有機會再出動,今次依然是圍繞老地方北角走,幫襯了這間新開不久的北海道牧場餐廳分店。


店裏的二人桌實在太細,搞到部份野食要暫放鄰桌

之前都聽聞過喱間北海道牧場以3.6牛乳炒蛋很香滑很出名,在尖沙嘴和銅鑼灣也有分店,不過一直都無試過,心諗應是綽頭式的「高檔茶餐廳」吧!聽講佢最近終於開到來北角,咁近基爾點都要去做一次半次探子交下功課先得。去到見是慣常街舖食店坐位都非常逼,周六lunch竟還要舖外企街排隊,加上落雨索性放棄改去隔籬茶餐廳算了!


多士併磨菇炒蛋

後來另擇日子搵了一日weekdays再去,這次特登選了tea time先去就係唔想等位,去到果然順利有位即時入座。不過下午茶選擇不多而且單看menu已知份量太少(更甚是價錢唔算平唔抵食),最終揀返$40午餐兩份,分別是「北海道套餐」:多士併火腿炒蛋、叉燒湯通粉;以及「自家製肉丁全餐」:多士併磨菇炒蛋、自家製肉丁湯意粉;另配熱檸茶及北海道熱咖啡。


自家製肉丁湯意粉和叉燒湯通粉

其實成個餐基爾較滿意的就只有個磨菇炒蛋,唔知係咪真係用北海道3.6牛乳來炒,感覺真係幾嫩滑軟林林,蛋香也味濃,算是鎮店招牌菜吧!可惜是其他東西也確實平凡得令人有點意外,所謂的叉燒通粉和肉丁湯意粉跟本同普通茶餐廳貨色無異,令人有點失望!


朱古力醬牛乳窩夫

如果撇開值得加分的牛乳炒蛋而言,以$40大元食一個這樣平凡(且份量偏少)的set lunch真的不算抵(甚至有點搵笨),如果還要企街等位實在no way啦!由於叫set meal加$12有兩片朱古力醬牛乳窩夫,反正唔知下次幾時會再來就試埋佢。其實基爾唔係太清楚搽上朱古力醬和花生醬的「窩夫」,同一般街邊阿伯賣的「格仔餅」有乜分別?只係覺得街邊檔格仔餅至少應更新鮮熱辣吧!



北海道牧場餐廳 Hokkaido Dairy Farm Restaurant
北角七姊妹道30號地下

58 則留言:

  1. 除咗炒蛋可能同北海道有關,其他菜式呢?

    有無「湯咖哩」或者拉麵?

    回覆刪除
    回覆
    1. Koosan:果日去到又無留意喎~~~~下次如果再去就幫你睇下個menu有冇:P

      刪除
  2. 係北角邊樹?
    見到個餐好似食緊早餐或茶餐! 真係普通左d

    回覆刪除
    回覆
    1. Rose:七姊妹道近港運城!
      可能我唔識揀,不過特別的菜式就真係唔太多

      刪除
  3. 我食野要求唔高,最緊要杯咖啡仲得香。
    單「北海道」三個字唔會太吸引我入場,始終較buy傳統茶餐廳。

    回覆刪除
    回覆
    1. BIM:咁你可以skip咗喱間,佢啲咖啡都只係一般貨色而已
      純粹係去試下,我都覺得與一般茶餐廳分別不大

      刪除
    2. 記得之前去Tea過,我地都係被北海道牛乳吸引,但真的無甚驚喜!
      反而近日見到肥Angelo全線結業就覺得有點可惜>_<

      刪除
    3. BIM:其他真係無乜特別嘢想再去試!!!
      我都係睇報紙先知肥Angelo執笠,依家舖租勁,食肆真難做!!!

      刪除
  4. 多士併火腿炒蛋、叉燒湯通粉、... 點~解~間~北~海~道~餐~廳~嘅~menu~甘~茶~餐~廳~嘅?LOL

    回覆刪除
    回覆
    1. Joice:你都覺呢~~~~不過可能係我唔識點,只揀了啲普通嘢hahahaha

      刪除
  5. 街邊檔阿伯賣的「格仔餅」應該新鮮熱辣好食過呢度! :D

    回覆刪除
    回覆
    1. Ka:依家其實阿伯賣格仔餅都唔平架喎:D

      刪除
    2. 以前百X超市有急凍格仔餅賣,焗返熱加D牛油糖醬都幾好食,不過而家好似唔見有得賣

      刪除
    3. Ka:咁焗出來你覺得個效果如何?

      刪除
    4. 焗出來個效果算OK 喇!

      刪除
    5. Ka:都係即做即食好D!

      刪除
  6. 試下就OK.......第二次已經唔想食

    回覆刪除
    回覆
    1. Yans:暫時未有意欲再去第二次囉:P

      刪除
  7. 香港的外食,真係不敢恭維,同一間店,有時好,有時唔好。食到好的,下次回港又消失左。

    回覆刪除
    回覆
    1. Samwei:近年香港的食肆真係執得好快,我搬blog時都有重睇自已寫的食探blog,才驚覺近七成食店已經結業了!!!!!

      刪除
  8. 呢間o野仲有d乜係同北海道有關架?

    回覆刪除
    回覆
    1. 王子:無詳細研究呀,個炒蛋算係啩~~~~~

      刪除
  9. 回覆
    1. Desa:這種北海道特選3.6牛乳的乳脂含量高達3.6%,因此命名為3.6牛乳

      刪除
  10. 北角成日去,有機會去試下先!

    回覆刪除
    回覆
    1. Wan:行過先去試啦,都唔駛特登去嘅~~~:P

      刪除
  11. 上年因為買左團購而食過,炒蛋又真係幾好味
    不過叉燒通粉﹑肉丁意粉又淋又冇味,仲衰過普通茶餐廳......一定冇下次

    回覆刪除
    回覆
    1. Matthew:原來喱間嘢都有團購!!!!~~~係呀唯一係個炒蛋算係滿意少少^^
      其他果啲就好普通,自己屋企都住到

      刪除
  12. 朱古力醬牛乳窩夫幾吸引喎!

    回覆刪除
    回覆
    1. 說:如果再熱少少相信會更好味~~~~同埋$12得半塊唔算抵!

      刪除
  13. 又係綽頭囉,真係唔抵食呀

    回覆刪除
    回覆
    1. Lucamom:我諗都係,如果無乜突出的招牌菜式我諗喱間店都唔容易捱落去!

      刪除
  14. 回覆
    1. JJ:如果係大食的人一定係唔抵食架啦kakakaka~~~~

      刪除
  15. 回覆
    1. Teddy:都ok㗎,夠滑,磨菇味幾濃,算幾有特式!

      刪除
  16. 唔鍾意炒蛋上那堆磨菇及汁

    回覆刪除
    回覆
    1. 摩:似乎阿摩唔太愛粘濃的東西XXD

      刪除
  17. $40大元係賣"北海道牧場"這五個大字咋! 哈哈~

    回覆刪除
    回覆
    1. Silver:咁真係幾貴喎kakakakakakaXXXXD

      刪除
  18. 你人氣真旺!
    兩件事決定唔入去食
    1.排隊等位
    2.所為網上大like店

    回覆刪除
    回覆
    1. 路霸:1.等位我都一樣盡量避免,除非同家人飲茶無辦法;盡量都會先選擇有預訂服務的食肆,以免浪費時間!
      2.一啲啲啦,有啲都ok嘅,真係要試過先知!!!!

      刪除
    2. 你都有道理,
      但通常太多like嘅都喺人龍

      刪除
    3. 路霸:所以我都盡量只揀有得訂位的,排長龍太辛苦了

      刪除
  19. 我覺你應該係畀人搵老襯…
    同以前街邊的格仔餅有咩分別??
    超市都有北海道牛奶賣, 一盒可以整好多格仔餅~~

    回覆刪除
    回覆
    1. 森:kakakakaka~~~~都唔出奇丫,我都成日畀人呃嘅XXD
      多咗朱古力醬!^0^
      對,但要先買個夾餅機~~~~不過如果唔想麻煩也可以牛乳炒蛋比較易做一點!!

      刪除
  20. Oh! A bit disappointing for such quality of food.

    回覆刪除
    回覆
    1. Ray:我同你一樣!!!!
      同埋唔知點解竟然有人會排隊kakakaka

      刪除
  21. 食物真係幾普通喎 , 而且份量好少0既 , 加 $ 12 有兩件格仔餅算抵 , 早幾個月前在尖沙咀橫巷小食店見到格仔餅 , 好似要 $ 15 文了 .

    回覆刪除
    回覆
    1. ak:對,本來係想食下午茶餐,點知份量仲少,所以放棄!
      $12其實只係得半邊咋喎,街邊$15應該有整塊圓形的格仔餅吧

      刪除
  22. "只係覺得街邊檔格仔餅至少應更新鮮熱辣吧" -- Hahahaha, thanks, no need to try !

    回覆刪除
  23. 北海道3.6牛乳來炒蛋,其實都可以係屋企自己試下,相信味道應該唔會差得過去餐廳食.

    回覆刪除
    回覆
    1. Andy:我都覺得係!有D衝動想買盒牛奶返來炒蛋做早餐^^

      刪除
  24. 回覆
    1. Mandu:其實我覺得味道同罐頭五香肉丁無乜分別XXD

      刪除
  25. 回覆
    1. Andrew:或者你可以發掘到啲更好味的呢^^

      刪除