2014年5月25日 星期日

青年決定未來@K11藝術空間

約了人出中環不過時間尚未到,反正在尖東站轉車,就索性順腳去行一陣K11,今期商場裏面喱間小型藝廊有個「ArtNova100:青年決定未來」的展覽!



K11 Art Space雖然有一邊向正尖東站長長的行人隧道,但原來入口都幾隱蔽,基爾搵了一陣兜來兜去先搵到。



正門這裏對正就是喱幅深藍格調、呈L形的《皓月商山》,由於角度問題基爾只影到右邊部份,要看全畫就親身去吧!看簡介來自廣西桂林的作者張哲溢將古詩詞融入現代題材,希望表達「無古無今」的態度,難怪潮得來又帶點國畫味。



藝術對基爾來說其實都唔太熟悉,不過藝廊裏都有幾樣作品直覺上覺得幾特別,包括上面喱兩幅:左是具本婀的《時間的牙齒》,裏面的線條很仔細;右邊3個圓圈就像幅漫天星宿的星座圖……



再睇返D比較色彩繽紛的作品,上圖左是鄭冬梅《一花一世界》,表面似一盆頗幽雅的瓷花,仔細睇原來上面一粒粒的小白花是骷髏頭,有點詭異;右圖是侯妍妍《旅程是否還會繼續》,令基爾想起小時候讀過的《愛麗斯夢遊仙境》中的兔仔。



由於作品眾多也實在無必要樣樣影,只揀幾樣自己比較喜歡的才留影吧!上圖喱兩樣基爾都覺得幾正,左是劉景弘的《證悟》,喜歡畫中有山山中有鹿鹿中有樹的玄妙;右是吳大偉的《知覺》,作者謂靈魂的安靜更能體現生命力的頑強,每寸皮膚肌理彷彿都展現出作品的靈魂……



另外做得異常有質感的還有上圖郭子龍的《盆景系列第一季之八》,盆景很多時都展現出蒼勁有力的中國傳統審美觀,有人說是「立體的書畫」,也是「無聲的詩篇」!



場內最吸引基爾目光的是兩尊佛像,遠看還以為是普通雕塑,走近一看才知原來是手工極其精巧的空心紙雕,感覺既真實亦似虛無,正如上圖《無本質—觀音》一樣,作者申昊潤就是想要展現出「菩提本無樹」的境界……



上圖左是另一尊坐像《無本質—半跏思維像》,申昊潤謂很多時人們總是執迷於眼前事物的色相,但當越接近事物的本質實體時,才越能覺悟到它們原來根本無色無相,令基爾耳邊突然像敲響了暮鼓晨鐘一樣,徹悟到以前中學時讀過六祖惠能所謂「本來無一物,何處惹塵埃」的禪意!

展期:2014.5.9-7.6

44 則留言:

  1. K11唔係商場黎咩@@竟然有個藝術館 :D

    回覆刪除
    回覆
    1. Matthew:依家啲商場多數都成日搞啲乜展物展去吸引人流量,海港城依家一樣有個舖位用來搞ArtGallery感覺上好似高檔咗kakakaka
      K11就索性用個大舖位來做啫!

      刪除
  2. 《旅程是否還會繼續》,令基爾想起唔係花花公子兔女郎咩??

    回覆刪除
    回覆
    1. 係隻兔頭人身呀!基仔被人識穿囉!

      刪除
    2. 王子:喱啲咪叫做純真同邪惡嘅分別囉~~~~~kakakakaka!!

      刪除
    3. JJ:愛麗斯果隻一樣穿tuxedo戴陀錶架喎

      刪除
    4. 基仔真識避重就輕喇!不過呢隻兔有d怪!

      刪除
    5. JJ:同你一樣怪怪地XXD

      刪除
    6. 有少少怪先至忍受到擘大口笑嘅人咋!見怪不怪!呵...........

      刪除
    7. JJ:開懷大笑總比愁眉苦面好!!!

      刪除
  3. 回覆
    1. Samwei:大家都一樣咁無聊囉kakakakaka

      刪除
  4. 話明青年決定未來...咁Gael兄睇完之後對未來有冇咩抱負?!!
    藝術呢樣嘢好抽象, 鍾意呢件作品就已經係一種藝術...冇話熟唔熟悉...

    回覆刪除
    回覆
    1. 森B:都話明係青年,肯定唔關我事啦仲問~~~~kakakakakaka!!!!
      咁有好多藝術都好平易近人嘅,例如森兄啲作品咁藝術得來又親切^^

      刪除
  5. 開幕咁耐都未去過K11,原來有間咁細藝廊!

    回覆刪除
    回覆
    1. Wan:如果行過尖東站不妨去睇下啦,又唔駛錢入場^^

      刪除
  6. 回覆
    1. Andrew:現場睇更覺得巧奪天工,我影得差唔係太睇得出有幾精緻

      刪除
  7. 最吸引都係兩尊佛像,又細緻,又有美感.

    回覆刪除
    回覆
    1. Andy:聽聞果位藝術家都好出名,已經做過好多尊類似的佛像,現場睇真係幾靚

      刪除
  8. 回覆
    1. 小妹:我覺得都算ok啦,始終唔係正式藝術館,我覺得如果行開街都值得去睇下嘅^^

      刪除
    2. 如果莫奈嘅畫都可以响香港展出就好了……上海嘅k11 有得睇!
      http://www.shanghaik11.com/k11web/?huodong&id=46

      刪除
    3. 小妹:記得前幾年奧塞都有一批來過香港藝術館展出,有冇去睇?

      刪除
    4. 小妹:果次我記得都有睡蓮!香港其實行博物館幾抵,巴黎果啲一般都幾貴

      刪除
  9. 回覆
    1. 摩:唔知點解一睇已經覺得有種獨特魅力,阿摩有冇去睇過?

      刪除
    2. 摩:下次出去睇戲順腳行去睇下^^

      刪除
  10. 一粒粒的小白花是骷髏頭...咁...果樣恐唔恐佈?
    btw...有次都經過呢度,想入去睇,但,沒時間。

    回覆刪除
    回覆
    1. Ka:其實離遠睇我諗唔係咁多人察覺到嘅,行近先見到!
      咁又唔算叫做恐怖,感覺即係好似一件T恤印上好多骷髏頭pattern圖案一樣^^
      對,商場Gallery就係有喱個問題,好多時都係行過見到但因為另有要事,所以都唔可以入去睇下結果錯過了^^
      反而平時去藝術館因為係專登去所以參觀的時間一定比較充足,可以逐樣好細緻咁睇@@

      刪除
  11. K11 Art Space值得去喎!他們讓大家拍照,也很大方,好多展館都嚴禁的。

    回覆刪除
    回覆
    1. 說:喱度任影,有啲仲係有價有市添架^^

      刪除
  12. 基爾除了出巡叻, 原來文筆都好出眾. 多謝介紹.

    回覆刪除
  13. 空心紙雕好利害,真係值得去睇下

    回覆刪除
  14. 紙雕佛像好精緻 , 難度都好高喎 , 作者真係無比耐性 , 手工又非常好 .

    回覆刪除
    回覆
    1. ak:下次出開去尖沙嘴不妨同相公去睇下啦^^

      刪除