2014年6月8日 星期日

2Q13秋見信州@名古屋城

「月亮沒有出來,雲很厚,說不定還下了一點雨。房間裡比昨晚暗得多,唯有遠處庭園的燈光從樹隙間隱約透入,眼睛習慣黑暗需要時間……」



由黑漆漆的深海館返出去海洋劇場這邊,頓時有重見天日的感覺。由於3:30pm左右有海豚表演,基爾也去襯熱鬧吧!



海豚海獅和殺人鯨的縱合表演其實與香港的海馬公園大同小異,不過由於出場的海豚有十幾條,牠們一齊躍起頂波的場面就更有氣勢更可觀。



睇完約半小時的表演後,由於近海的戶外環境都幾當風幾凍,還是返回館裏參觀比較舒適。上圖是館裏展出的巨鯨標本和骨架模型。



睇完主館後再行一條橋過去另一邊的南極海洋館,喱邊除了有好多展示關於日本多年來探索南極海洋生態的研究外,還有個播放海洋生態紀錄片的小影院,不過今期播的喱套唔係太吸引。



南極館這邊的重點係看企鵝,展出的企鵝品種明顯較前年在東京上野動物園看到的多好多,最難得係見到體型最龐大的皇帝企鵝。



企鵝館最勁係連個3D佈景都像真度十足,冰山和有湧浪的岩岸全部都有齊,在相機的鏡頭下特別靚。



由於企鵝館的展示設計係一半海平面一半是海底,所以不論是陸上休息的企鵝還是海中暢泳的企鵝都可以一次過睇晒。



除了南極館之外,基爾覺得水晶球水族館和迴游海龜水族館都幾值得一看。上圖是模擬雨林生態的水晶球水族館,喱條係咪叫做「龍吐珠」?



至於迴游海龜水族館顧名思義就係睇海龜為主,不過原來海龜的游泳速度都幾快,加上館裏燈光暗,用基爾部傻瓜機影有點難度。



結果足足行了成個下午,到了6:00pm休館先肯走。行返出去海傍公園睇一陣夜景,商場外面其實都幾靚,仲有個大型摩天輪,不過行過去其實都頗遠,無謂浪費腳骨力吧!



日間看過的海豚和鯨魚雕塑,晚上亮燈後勁靚!不過海濱這一帶由於較空曠,入夜後寒風更凜冽,影一陣就要快快趣趣打退堂鼓。



除了打退堂鼓之外,其實本身個肚都已經開始有少少打鼓。之前已約好分途去血拚的友人於6:30pm在名古屋站集合食飯,結果等到7:00pm才齊人,近近地就在地鐵站附近的高島屋百貨公司12-13階food court這間蕎麥麵店開餐。打開menu一睇,set dinner不算貴,上圖左是友人叫的茸參舞定食(¥1890)。



另外還叫了左上圖的極上大和芋冷麵定食(¥1155),友人話冷麵唔錯幾好味。基爾叫的是左下的江戶小町定食(¥1785),個餐有齊蕎麥麵、飯和天婦羅,大滿足!



點解揀喱間食店,主要係因為佢舖面有個超大櫃窗,所有套餐全部整晒模型出來有樣可睇絕對無花假。食飽搭lift離開時仲有個無敵靚名古屋夜景睇,值回票價!



食完飽飽地唔想返酒店住,再搭地鐵過去名古屋城睇夜景吧!不過原來本丸和天守閣範圍在夜間是關閉的(收費區),只能在外圍的名城公園(非收費區)隔河遙賞古城夜色。



名城公園一帶入夜後其實已經無乜人,沿路只間中遇到由附近住宅區過來跑步的人。日間去了shopping的友人原來也有順道去名古屋城一逛,立即借其照片一看,日間的名古屋城遊人也頗多,日景和夜景各有美態。



名古屋城的歷史可追溯至17世紀初,始建於1610年;至1891年曾因大地震而受損。20世紀初名古屋城曾成為皇室的離宮;1945年美軍大規模空襲名古屋令本丸御殿和天守閣遭焚毀,直至1959年才重建成現今規模。



雖然咁夜來到無法入城內逛逛,但單單圍繞護城河走一圈也很值得。結果基爾夜遊名古屋城護城河花了大半小時行了一圈,由市役所站行到名城公園站足足行了一個地鐵站,才打道回府。

42 則留言:

  1. 古屋城夜景第一次見,好靚呀。

    回覆刪除
    回覆
    1. Koosan:夜晚沿住護城河行其實幾舒服,雖然有點凍^^

      刪除
    2. Bugs:good idea!!~~~~事實上沿路都唔少當地人來跑步的,你果然料事如神呢^^

      刪除
  2. 懷念殺人鯨海威的表演....

    回覆刪除
  3. 個餐廳望出的夜景真係靚,而且食物價錢公道,無特別貴。

    回覆刪除
    回覆
    1. Samwei:果個其實係商場的子彈lift位置^^
      喱間算係唔錯,唔會有貴夾唔飽的感覺

      刪除
  4. 座名古屋真的很莊嚴宏偉, 很有日本古時的氣勢…

    回覆刪除
    回覆
    1. 森:名古屋城雖然係戰後重建年代不算久遠,但都幾有氣勢

      刪除
  5. 企鵝同海豚咁可愛,我又要去睇下先得~
    不過係海馬公園 XD

    回覆刪除
    回覆
    1. Matthew:我覺得成間館裝飾得最靚係喱間企鵝館了,影相出來像真度相當高^^
      海馬公園我都想去呀XXD

      刪除
  6. 我們去那年名古屋城外圍維修,影唔到靚仔相。。。不過還是靚,很值得去走走

    回覆刪除
    回覆
    1. Lucamom:有時旅行間中都會遇上喱種情況,都會有少少掃興和失望的!!
      歐洲會比較好,有部份著名景點洗外牆時會掛返建築物外貌實物原大的畫出來畀人影下,算係聊勝於無吧kakakaka

      刪除
  7. 回覆
    1. 說:風景OK,不過有啲人會嫌悶

      刪除
  8. 去過呢個海洋館,係咪隔離飯香呀基仔!爬多碗飯囉喎。

    回覆刪除
    回覆
    1. 日本海洋館咪係隔離飯香囉!你扮唔明等我講多次,長氣老太婆囉我!

      刪除
    2. JJ:哦~~~icic~~~~下次長氣啲講清楚嘛:P

      刪除
  9. 晚上的名古屋城很美!

    回覆刪除
    回覆
    1. 摩:相信同日頭人來人往的景象又有另一種味道

      刪除
    2. 摩:寧靜的世界~~~沿住河漫步其實都幾正^^雖然會有點凍

      刪除
  10. < 海豚和鯨魚雕塑,晚上亮燈後勁靚 > 真係好靚呀 , 但周圍冇見到人嘥咗咁靚的燈式 .

    回覆刪除
    回覆
    1. ak:喱度海濱區偏離了市中心都幾遠,所以行人唔多架,加上深秋海邊都幾大風幾凍,如果夏天我諗會多啲人來乘涼的

      刪除
  11. 謝謝分享! 全石建的名古屋城, 拍得好靚啊! 謝謝分享!

    回覆刪除
    回覆
    1. Candy:古城本身也的確美呢^^

      刪除
  12. 日本的Food court大部分都好有質素

    回覆刪除
    回覆
    1. Mandu:係呀我都覺,選擇多,又抵食!

      刪除
  13. 好鍾意睇D企鵝行路...個樣好搞笑!^^

    回覆刪除
    回覆
    1. Ka:喱度仲可以睇埋游水添架^^

      刪除
  14. 深海館有海豚表演!~~~但係佢地又捕殺海豚....真係有少少傷感!
    係日本食蕎麥麵+天婦羅一定相當好味道.

    回覆刪除
    回覆
    1. Andy:日本人不嬲都係好兩面人黎架啦,你唔覺咩^^
      我其實比較麻麻地食天婦羅,但都覺得幾好食,蕎麥麵喱度又真係整得幾正架,感覺上新鮮過香港整果D

      刪除
  15. 回覆
    1. MD:係呀,可惜我部機麻麻地啦,同埋要隔住條河,如果可以行近D更佳

      刪除
  16. 最近成日有平機票去名古屋, 搞到我都心郁郁...

    回覆刪除
    回覆
    1. 魚:去啦,短短地去幾日都爽,七月一又有大減價kakakaka===>放毒中XXXD

      刪除
    2. 我7 月又去遠征呀!
      暫時所有假用光了.

      刪除
    3. 魚:果然係名副其實的「漂泊中的魚」XXXD

      刪除
  17. 回覆
    1. Andrew:所以夜嗎嗎都出去睇下影相囉^^

      刪除