2014年8月8日 星期五

九天攬月探月工程@科學館

睇返自己的網誌才知原來都有成大半年無去巡館,喱日碰巧有假期就出去走一圈。



幾年前試過買半年pass,如果遇上有大型展覽都抵用,唔駛次次買飛咁煩,又唔駛遷就周三超多人的免費日。今次再買返,原來張新卡靚了好多呢!



剛好這天有個開幕大典,科學館大門口搭建了個大台,可能有好多大人物來主持開幕禮,唔怪得門口咁鬼多記者!



展廳就在底層,就是以往常設展廳那一part,舊有的展品全部暫時搬走晒,騰出地方來搞喱個探月工程展。這次眾多展品中,焦點一定是「嫦娥」和「玉兔」吧!



上圖右是發射嫦娥和玉兔號的長征5號運載火箭;左下圖是基爾覺得幾有趣的「天文秤」,由於月球質量只有地球的六份一,如果在地球體重60幾kg,去到月球就只剩10kg左右,同一包大裝米差不多重量,任何人去到都可成為輕功高手。



中國探月工程原來始於2004年,除了在地球設置探測船外,還有發射探月衛星,最重要當然是去年12月嫦娥3號登陸月球和玉兔號月球車的實地勘探。上圖喱個月球儀顯示了好多地方都已經畀美國和俄羅斯插了旗,中國就只有很少的幾個小區域。



展廳中央擺放了嫦娥3號和玉兔號月球車的1:1模型,嫦娥3號著陸器比想像中巨型,有一輛小型貨車咁大,不過唔知點解外表都包了一層金屬紙,即時覺得假了很多,還是覺得擺在展廳門口那架玉兔號模型做得更精巧仔細像真度高。



除了著陸器和月球車外,展聽裏還擺放了長征火箭、人造衛星、模擬發射場、觀月探測船等模型,部份附設影片介紹。上圖是嫦娥1號探月衛星,它園繞了月球一圈拍了不少珍貴月表圖片。



「嫦娥奔月」和玉兔、吳剛和丹桂樹這些傳統神話故事,相信每個中國小孩都會聽過,展聽一角還擺了雕塑家袁熙坤的「嫦娥奔月」作品。



此外同場還展出了一些以「嫦娥奔月」為主題的書法字畫和瓷器之類……話說回來「九天攬月」又出自何經何典?中國古代天文學家相信天有九重,「九天」就是天空的最深處,詩詞文人雅士也相信是月亮的所在空間;「攬月」就是採摘明月之意。至於「九天攬月」一詞又出自哪位名家手筆?上網一查才恍然大悟,是來自毛主席的詞,唔怪得啦……

「九天攬月:中國探月工程展」
日期:21.7.2014 - 24.8.2014

58 則留言:

  1. 喜歡太空探索,馬灣有個太陽館值得一遊!

    回覆刪除
    回覆
    1. stella:係呀我上次去馬灣也有路經太陽館,不過入場要成百蚊我只在門外看看就算了:P

      刪除
  2. 「嫦娥奔月」是吳剛嗎?我只記得吳剛食炭。XD

    回覆刪除
    回覆
    1. 哈哈, 我只記得搽滿全身油既吳剛... >:)

      刪除
    2. koosan:吳剛師傅當年都好技驚四座,至少你到依家都仲記得XXD

      刪除
    3. 蜻:搽咗油係咪勁啲架呢XXXD

      刪除
  3. 科學館印像中只去過一兩次,上次恐龍展都有去,這次探月工程應該不錯吧。

    回覆刪除
    回覆
    1. wan:唔錯,科學館一般搞喱類大型展覽係幾好睇嘅,尤其多小朋友去睇!!!

      刪除
  4. 回覆
    1. mo:間中佢有啲專題展覽都幾值得一自呢^^

      刪除
  5. 你特登去開幕大典嘅!你個牌匾寫左啦!kaka...
    半年pass張卡靚左架喇?你又儲埋唔少卡卡卡呶!

    回覆刪除
    回覆
    1. JJ:咁都聯想到,都話你係最好想像力架啦
      以前張舊證係好求其架咋,新喱張靚好多的,你如果有買過就知了

      刪除
  6. 以前我張pass仲係用緊過膠,證明我好耐冇去過啦@@

    回覆刪除
    回覆
    1. matthew:係呀以前果張比較求其,依家新喱張係硬卡,似乎認真好多^^
      其實博物館證真係唔駛成日買,因為平常大型展覽一年都係得兩三個,而且展期長,買半年證幾乎已經可以cover晒主要的展覽了,$50其實都抵架,你經常去外地都知,外國啲博物館入場費通常都非常貴,如果有外國名畫運到來香港展出,真係好值得去一看,因為香港入場平好多!

      刪除
    2. 外國有正野來我都會去睇,有時候覺得香港做既展覽比起當地做得更好XD 未親身去外國睇名畫所以比較唔到,咁就用兩年前既兵馬俑展為例,我去到西安兵馬俑都係on居居睇個俑,只係得個俑好少會有介紹,但來到香港就又動畫又互動遊戲又專人介紹,學到既野真係比係真正兵馬俑多好多好多好多...香港既展覽真係做得幾好架~
      原來我張pass已經係2010學生時代開,有半價,Yeah!

      刪除
    3. matthew:絕對係,一來如果再香港搞展覽就一定有廣東話導賞,至少聽得舒服好多又明白好多啦^^
      不過如果親身去到兵馬俑坑又係另一回事嘅,至少可以睇到有幾宏偉,我都好期待去睇下!如果親身去到羅浮宮和大英博物館感受一下氣氛又係另一回事,始終有好多野係要親身去到先體會到!
      嘩~~~你有學生票更發達啦,去外地好多觀光點都有平飛賣^0^

      刪除
  7. HK Gael 晚上好,
    增廣見聞,多謝分享,

    回覆刪除
  8. 太空館多唔多強國人架?有咁好的展覽,人多唔守紀律會令人失雅興。

    回覆刪除
    回覆
    1. samwei:果日去到唔太多,不過暑假就多小朋友去睇!!!!

      刪除
    2. 哩度喺尖東科學館嚟架!!

      刪除
    3. 路霸:係呀在尖東果間,在歷史博物館隔籬

      刪除
  9. 看來多了很多新展品呢!

    回覆刪除
    回覆
    1. 奇:主要係睇嫦娥號和玉兔號個模型,仲有長征火箭

      刪除
  10. 展期只有一個月,要看得趁早

    回覆刪除
    回覆
    1. 摩:係呀今次喱個只有一個月,可能仲要運去內地其他地方展出吧

      刪除
  11. 而家我仲係考慮緊去唔去呢個展覽。

    回覆刪除
    回覆
    1. 米:行街行過咪去睇下囉反正唔駛錢嘅

      刪除
    2. 我…… 三步不出閨門架……

      刪除
    3. 米:咁睇我個blog咪當去過囉hahaha

      刪除
  12. 我經常行過,只等免費日才入去望下,
    哈哈……明天又要去尖東,可以去睇下!
    其實只有少量展覽啱我!

    回覆刪除
    回覆
    1. 路霸:喱個係免費入場的,所以唔駛一定揀周三去,如果行開果頭不妨去睇下^^
      佢啲模型都做得幾靚架

      刪除
  13. 9唔9重溫自己既日記都幾得意架~
    太空既野,我小學時極之尋迷,鍾意科學,但上到中學加埋physics&chem,就對科學連埋太空無晒興趣了⋯

    回覆刪除
    回覆
    1. 銀:係呀,我覺得寫blog其中一樣有趣之處係可以睇返以前自己寫過啲乜^^
      我都唔鍾意physics,成日都搞唔明!!!:P

      刪除
  14. 這裡幾多嘢睇喎 , 謝謝好介紹 .

    回覆刪除
    回覆
    1. ak:今次科學館喱個展覽唔錯,如果你同相公去開尖沙嘴拍拖食飯,不妨入去行下,是免費入場的呢^^

      刪除
  15. 我要搵日去開先可以睇了.
    未來 3 個月會超忙 ~

    回覆刪除
    回覆
    1. 魚:行開尖嘴就去逛逛吧,免費入場的呢!
      工作忙吧?!!咁咪無得出遊囉?!!

      刪除
  16. 半年證,有計。不過沒有月球外星人那一部分呢。

    回覆刪除
    回覆
    1. 說:咦~~~你如果有興趣也可以去串演下喎XXD

      刪除
  17. 如果經常去,買半年或一年都低!

    回覆刪除
    回覆
    1. choa:夏天買半年pass最抵,至少可以行下涼一陣冷氣kakakaka

      刪除
  18. 這裡絕對是我家小弟的最愛... 這是長期的嗎? 有時段?

    回覆刪除
    回覆
    1. siaw:有呀,展期是21.7.2014 - 24.8.2014

      刪除
    2. 所以已經結束了......那麼是每年都有嗎?

      刪除
    3. siaw:係呀剛結束了,記憶中好似耐唔耐都會有類似的太空展

      刪除
  19. 聽聞27/8深夜~12:30,會見到兩個月亮…… 唔知係咪真……

    回覆刪除
    回覆
    1. 米:應不會吧!!!!否則一定地球生態大災難了!
      如果倒映在湖面上算不算是兩個月亮^^

      刪除
    2. 哈…… 你有冇近視,散光之類?夜晚去公園望住圓碌碌的街燈,十二個月亮都有呀…… 不過好似電視有提過下…… 應該去天文台求證。Y(^_^)Y

      刪除
    3. 米:乜你會將街燈當月光欣賞架咩?XXD
      我諗多數係謠傳啦,無啦啦又點會多個月亮?!!

      刪除
    4. 我聽聞當晚火星最近地球,從地球望去,就好似月亮咁大,所以看似有兩個月亮。

      刪除
    5. 米:應該唔會同月亮一樣咁大,之前已經講過係謠傳了!
      火星的質量和引力都比月球大得多,如果咁接近地球就一定有生態大災難!
      之前聽講過係佢亮度會比較光,如果用高倍數的天文照相機拍照就可以拍出好似月亮咁,但會略呈暗紅色!

      刪除
    6. 呵,原來如此。謝謝啊!^_^

      刪除
    7. 米:我初頭在網上見啲人言之鑿鑿咁都真係信以為真呢:P

      刪除