2014年10月2日 星期四

兩段印象深刻的新聞片

實在不用再多講依家香港究竟正在發生咩事,上周末在家一直在看電視新聞直播,令人心寒地想起了25年前的往事……歷史都在循環中?!



一向以為只有極權的法西斯才會將槍頭指向自己手無寸鐵的市民,冷不防原來自己早已活在其中……(無言!)



在電視上和網上實在看得太多位高權重學貫中西知書識禮愛國愛民人士的訪問片段,當中的顛倒黑白指鹿為馬實在令人眼界大開啼笑皆非!可以肯定的是,全部都比不上這位市井老伯伯來得明白事理、真摯動人……(無言!)

48 則留言:

  1. 歷史都在循環中>>唔想循環見有坦克o個part.

    回覆刪除
    回覆
    1. 王子:如果有坦克出場,咁真係要麻煩王子幫我準備定個床位收留我了!!!

      刪除
  2. 阿伯個段好感動呀
    再睇下個D行會成員, 抽水嘅抽水, 蔑咀嘅蔑咀, 一副話之你, 仲有一口歪理, 睇到都火遮眼

    回覆刪除
    回覆
    1. mo:其實好多市井公公婆婆都好明白學生的立場,但反而好多有識之士就因為私利而掩著良心說話,可悲呢

      刪除
  3. 回覆
    1. teddy:很感動,年紀咁大依然好勇好明白事理,比好多人更有良心!

      刪除
  4. 對學生用催淚彈,無語了......

    回覆刪除
    回覆
    1. wan:香港是個有文明有公義的社會,無論如何都好難說得過去吧

      刪除
  5. 回覆
    1. yans:希望公義民主得到伸張,大家才有機會享受真正永久的安寧生活^^

      刪除
  6. 對於今次 ( 佔中 ) 事件 !? 市民/政府/警方 = 大家都是輸家 >.<
    香港真的變了又受傷了 !?

    回覆刪除
    回覆
    1. sky:希望快D達成和解,可惜暫時都唔太覺得有和解讓步的客觀條件吧

      刪除
    2. 但此事發生+几天了 !? 該见好就收 @ 以免慘劇發生 vs 引起更多民怒民憤吖 >.<

      刪除
    3. sky:原本今日傾又傾唔成><

      刪除
  7. 回覆
    1. 摩:有時真的會覺得未免等得太耐了吧,有點累了!!

      刪除
  8. 我覺得呢個時候,唔好仲危言聳聽...
    64事件應該唔會再發生, 只要大家冷靜, 始終會過去的~~

    回覆刪除
    回覆
    1. 森:真係完全唔知將來會發展成點,但一定係唔好畀歷史重演,因為傷痕太深!!!
      不過可以肯定的是,歷史告訴我們民主從來都不是可以施捨得來吧!!!如果當年唔係有秋瑾黃興孫中山連命都可以唔要,為中國人爭取三民主義,我諗到依家我同森兄可能仲梳住條大辮子,未必有依家咁安樂的生活吧^^

      刪除
    2. 可能仲梳住條大辮子……
      以前的人仲可以,現在的人髮質弱,都未必留得到喎~
      連命都可以唔要…..
      乜gael兄好想行到呢個地步?!!@@
      不可否認政治內裡係(好)複雜,不是森伯同gael兄幾句就能參透…

      刪除
    3. 森:上面第一句已經答咗你啦,「一定係唔好畀歷史重演,因為傷痕太深」^^

      刪除
  9. 一定需要保持冷靜同懂得收手graciously !

    回覆刪除
    回覆
    1. MD:希望快D有和解,否則大家都一樣痛苦><

      刪除
  10. 香港,唯有講句good luck

    回覆刪除
    回覆
    1. 銀:如果搞唔掂,可能又有另一輪移民潮了

      刪除
    2. JJ:你仲唔快啲去掃貨kakakaka

      刪除
    3. 我覺得搞唔攪得掂都好,依家全部人都各走極端,我更加一定決心走硬!

      刪除
    4. 銀:咁諗住移去邊?^^講來聽下

      刪除
    5. 秘密,呵呵~
      其實仲未知,有諗過將來流浪到dream place先停下來

      刪除
    6. 銀:順便可以開埋民宿啦^^

      刪除
  11. 回覆
    1. BIM:希望真正的和解和平快點來,而不是靠權術靠鎮壓而換來眼前的短暫利益!

      刪除
  12. 其實, 係政府一直拖住唔肯對話, 個運動先拖得咁耐, 唔係佢地唔想徹離, 而係政府不斷做一啲事情激你地上街, 講到底, 政府先係"煽動者"!!

    回覆刪除
    回覆
    1. 蜻蜓:條街得返幾十人都唔清場,我諗係有原因嘅~~~有人覺得為了爭取民主公義可以犧牲返工返學的寶貴時間瞓十幾日街都在所不惜,也有人覺得這些都一文不值,甚至比唔上放假帶仔去冒險樂園玩重要.......其實要累積這種民怨衝突,本身就是一件玩火的危險事,我覺得目前政府唔應該繼續刺激搞分化,而係真正帶頭凝聚各黨派系坐低在圓桌上,三口六面講清講楚達成共識最緊要,否則只會是沒完沒了,付出的代價越來越大!!!!@@

      刪除
  13. 昨日去過,表面大致平静………😰😰😰😳

    回覆刪除
    回覆
    1. kamchoa:政府長期拒絕展開會談,其實都唔係辦法啦

      刪除
  14. 回覆
    1. samwei:比好多飽讀詩書的有識之士更明白事理

      刪除
  15. 政府做法一定唔啱架喇!
    其實世界各地都有類似既事發生,
    表面上簡單~但係內裡大有文章!,可能有好多大家都唔知既答案,,,,,,更加可能唔只係香港同中國既事.....

    回覆刪除
    回覆
    1. andy:其實政府已經錯失咗好多次平息的良機,才會搞到依家咁!!!

      刪除