2014年12月21日 星期日

敦煌故事:下@文化博物館

繼續行埋「下半場」,除了之前講過的大臥佛和大量臨摹壁畫外,展廳裏最值得參觀是3個像真度極高的複製洞窟,令人恍如置身在真實的敦煌石窟裏一樣。



花了個多小時走完一邊展廳後,見時間不早要再拿拿林睇埋另一邊,本來適逢劇院那邊有講座,為慳時間也沒去聽了。



這邊的展廳原來都非常大,展品的種類也更多,除了壁畫之外仲有模型介紹泥塑的製作過程,都好值得一睇。



之前以為敦煌石窟裏的都是石像,但原來大部份都係泥沙做成的泥塑,裏面有木製支架,再以麻草紮成雛形,之後鋪上軟泥慢慢再逐步仔細捏出神像外貌衣飾和塗上顏料。



此外,石窟裏原來也收藏了一些製作塑像配件的模具,由於泥塑像較容易因風化損壞剝落,尤其是手腳和頭部位置要經常修補,所以工匠索性直接倒模後備配件,修補時就方便快捷好多。



同場仲有幾個石窟模型,原來莫高窟有好多唔同種類的石窟建築,用以祭祀不同菩薩佛像。基爾突然回憶起以前去埃及時也參觀過類似的神殿石室,裏面同樣畫滿壁畫和古埃及像形文字,古文明如出一轍。



除了大臥佛外,全場最勁就係喱3間複製石窟,它們都好有代表性,上圖是最大型的一間,建於初唐,是敦煌少數有明確建窟年代可考究的洞窟。



石窟裏的擺設全以1:1模擬真實洞窟情況,燈光也非常暗,參觀者可以在門口拎支小型手電筒入洞參觀,感覺很有點Indiana Jones探險尋寶feel!



另一個中型的石窟建於五胡十六國晚期的北涼時期,是莫高窟現存時代最早的洞窟之一。上圖可見整間石窟的牆壁以至天花頂,都畫滿了各式各樣莊嚴的菩薩佛像。



雖然石窟裏部份壁畫因顏料氧化而剝落了,但大致上仍可欣賞到精巧細緻的畫工。上圖為石窟裏的佛龕,擺放了釋迦佛像和其他菩薩像,佈局以1:1原大比例仿製真正的北涼石窟,恍如親臨其境感受敦煌藝術的魅力。



至於第3間石窟面積相對上較細小,修建於元代晚期,是敦煌現存唯一以觀音為主題的洞窟。由門口影入去,真係有點似參觀古埃及神廟的感覺。



這個元朝的觀音石窟由於入面實在太昏暗,所以上圖右的千手觀音壁畫影出來也很隱約才看到,而另一邊壁牆則畫了一幅千眼觀音像,很有普渡眾生的濃厚宗教意味。



睇完石窟之後,出返去繼續睇其他展品。這次展覽除了展出大量臨摹壁畫外,仲有好多菩薩佛像和佛經文物之類,展廳裏的擺設佈局也頗見心思。



不少展出的菩薩像都附有原相對照,可以睇到神像原本在石窟佛龕裏的擺放位置,參觀時就更有趣味。



敦煌是古代絲綢之路上的重鎮,東接中原西鄰西域,塑像造型反映了不同朝代和地域的文化藝術風格。



展出的菩薩像不少都甚具特色,例如上圖左的塑像肌理和飄逸的裙擺都近似西方大理石像的藝術風格;右圖則是其中一座現今敦煌碩果僅存的木雕菩薩像,由於木雕較難修補和保存,所以流傳下來的都是極珍貴文物。



如果去過大嶼山昂坪的天壇大佛,應該記得大佛下面四周都有類似上圖的半蹲坐菩薩銅像,意念可能也是參考自敦煌的菩薩泥塑。



展廳裏的佈局擺設其實都甚寬敞且見心思,所以相信即使在人多旺場的日子應該也不會太擠擁侷促吧!



壁畫中除了眾多佛經故事、菩薩像和禮佛場面外,敦煌樂舞和飛天也很著名,展覽上當然也不會缺少了這一重要部份。唐代飛天的繪製技巧達到了頂峰,造型和面容變得更寫實,可說是當時婦女打份的寫照。由於膚色顏料氧化後變成黑色,所以後人稱作「黑飛天」。



再看這幅天宮伎樂,是早期敦煌壁畫裏常見的題材,描繪天人置身天宮奏樂歌舞的場面。這幅天宮伎樂原本畫在石窟頂部,天人各手持不同的古代樂器,衣飾造型也很具西域風情,是研究中國古樂器和舞蹈的重要文物。



上圖是石窟內的彩繪華蓋,同樣畫了很多敦煌飛天,頂部且加了燈飾,令整幅4面天花壁畫更活靈活現。



天花壁畫的原貌照片,原來整個石窟規模也頗宏大,現場單單看這個「復刻版」天花裝飾也很有氣勢。整體而言,今次敦煌展可以說是全年本地博物館中最出色的展覽。

「敦煌:說不完的故事」
展期︰28.11.2014 - 16.3.2015

68 則留言:

  1. 這個喺海外 最大型敦煌展,
    雖大量覆製品,但都值得去睇下
    我稍後去睇


    冬至團圓 :))
    聖誕節快樂 ^-^

    回覆刪除
    回覆
    1. 路霸:整個展覽都安排得好好,有趣味,值得去看^^
      冬至食咗湯圓未?^^

      刪除
  2. 認識敦煌, 始於紀錄片 絲綢之路

    回覆刪除
    回覆
    1. Ahmo:真係好經典的一輯紀錄片^^

      刪除
  3. 很好的敦煌展,多謝分享。祝冬至愉快!

    回覆刪除
    回覆
    1. Stella:眾多展品當中以1:1石窟最精彩,像真度高

      刪除
  4. 回覆
    1. 王子:我都以為係,但原來大多屬於泥塑

      刪除
  5. 我中國歷史好差架,讀到中三,所以睇圖咋,簡單D呀。

    回覆刪除
    回覆
    1. Samwei:相當於歐洲的中世紀時代,有很深厚的歷史^^

      刪除
  6. 模擬石窟同璧畫相當逼真喎,太遠去唔到真正石窟,但係去沙田睇下都唔錯!

    回覆刪除
    回覆
    1. Wan:無錯呀,沙田近近地去睇吓唔錯呢

      刪除
  7. 泥塑?我一向以為都是石像。
    祝冬至 Happy,聖誕 Enjoy,新年 so enriching!

    回覆刪除
    回覆
    1. 說:係呀可能都係就地取材吧!
      也祝你來年靈感源源不絕^^

      刪除
    2. 靈感源源不絕,哈哈哈......
      謝謝,我好有需要!

      刪除
  8. 我都一向以為都是石像。
    基爾介紹得好專業。

    回覆刪除
    回覆
    1. Longbell:原來好多人都係咁以為,睇完個展覽才知原來佛像係咁樣整出來!!!!
      博物館專業好多啦:P

      刪除
  9. 基叔叔返左尼喇!有冇睇到落雪呀?

    回覆刪除
    回覆
    1. 聖誕快樂*•❤♪.•*...

      刪除
    2. JJ:聖誕快樂*•❤♪.•*...新年進步^^

      刪除
    3. 快趣d典去大塊版喇!kaka

      刪除
    4. JJ:等你寫晒啲羅馬尼亞先啦XXD

      刪除
  10. 一尊尊的塑像設計可不簡單...
    看起來牢固而且很花心思;)

    回覆刪除
    回覆
    1. SSL:古人製作這些雕像特別用心,所以能保存咁耐歷史

      刪除
  11. 祝你聖誕節快樂,平安夜/四天假期過得開心.!

    回覆刪除
    回覆
    1. Andy:聖誕快樂*•❤♪.•*...新年進步^^
      無假放,要照開工呢!!

      刪除
  12. 回覆
    1. Samwei:聖誕快樂*•❤♪.•*...新年進步^^

      刪除
  13. 祝你同屋企人有個愉快嘅聖誕佳節 & a wonderful New Year!

    回覆刪除
    回覆
    1. Joice:也祝你與家人過一個開心的聖誕和新年
      大馬會否也有特別的過節節目?^^

      刪除
  14. 聖誕快樂 !
    原來係泥塑嚟0既 , 我仲以為係石添 , 展品都好多喎 , 館內可以影相回家慢慢欣賞非常好呀 .

    回覆刪除
    回覆
    1. Ak:新年快樂~~^^
      喱個展覽都幾多野睇,好值得一去

      刪除
  15. Gael:祝聖誕及新年快樂!

    回覆刪除
  16. 補祝你聖誕節快樂呢~~
    香港有咁多呢類型既展覽真係好!!

    回覆刪除
    回覆
    1. Tiffany:回來了?今次旅程正唔正?
      香港D博物館間中都有好野,值得去睇下^^

      刪除
    2. 正呀~食左好多野~~~
      係囉....去睇既話好似置身係現場咁呀~

      刪除
    3. Tiffany:執好相後就寫blog來睇睇^^
      今次有不少1:1的展品真係好有實感!!!

      刪除
  17. 唔講仲以為去左敦煌~
    祝Gael大大聖誕快樂,新一年去多啲旅行~

    回覆刪除
    回覆
    1. Chung:Hello~~~!!Happy New Year^^
      未有plan呀,未必有得去呢

      刪除
  18. 回覆
    1. 奇:新年進步^^
      來年有乜旅行大計預告一下

      刪除
  19. 仲未寫完今次的旅行blog??!!

    回覆刪除
    回覆
    1. Sam:你講今次旅行?~~!!
      未呀近排年尾工作忙加上有點懶,所以仍在整理啲相,未開始寫住......不過如果為咗Sam哥我願意加快少少速度嘅XXXXD

      刪除
    2. 再加上KaKa的鞭策...速度會唔會再加快多D呢???kakakaka....

      刪除
    3. Kaka:直情要即刻開衡個turbo!!!!XXXXD

      刪除
    4. 梗係講你最近一次旅行啦!!!
      同Ka Ka兩個人加埋算唔算叫徇眾要求架?!!XXD
      如果為咗Sam哥我願意加快少少......聽住先啦~~~~~~

      刪除
    5. Sam:12月去咗兩次可以寫足一年啦kakakaka
      算架啦,係百分之百%XXD
      正努力中^^

      刪除
  20. 基爾哥,祝妳同基爾哥媽新年快樂,事事順意,平平安安!!

    回覆刪除
    回覆
    1. Hamby:也祝你與白頭sir新年快樂^^

      刪除
  21. 甘肅省係我好想去內地既一個地方嚟架!

    回覆刪除
  22. 久未來訪,歉甚!我還未去沙田看這個展覽。很高興來看到你的圖文介紹!講得很專業,也知道你以前去過埃及看古物,真不錯啊!

    回覆刪除
    回覆
    1. 秋:敦煌這個展覽真的很值得抽時間去看看呢^^

      刪除