2014年12月3日 星期三

白汁海鮮磨菇燴意粉

搬了blog之後,好似一路都無乜再寫過煮食blog,之前突然有人問起,咁又求其整D來寫下沖撐一陣場面吧!



整完影完食埋再準備上blog前,先醒起不如翻查下以前寫過的煮食野,才發現原來一早已經寫過了「白汁海鮮磨菇燴螺絲粉」,反正無乜人會記得,照寫可也!



由於煮法大同小異,有興趣睇steps可click返入「螺絲粉」,這裏就不重覆了!值的一提係依家買大罐裝Campbell's soup比較抵,一罐可分兩次煮(另一半可煮海鮮豆腐湯)。另外,Barilla意粉也可一提,這款是購自價真棧,兩人份量可以煮三四餐都夠食,一盒有折$10有找,去邊度搵?



為免太「行貨」同場再加映「煲洛神花」,話說洛神花又到了一年一度當造季節,街市見到有得賣就買來煲下。洛神花基本上有乾貨和濕貨兩種,如買濕貨要先挖走花芯才落水煲,大約煲4-5個字即可,再落幾粒冰糖調味即可,熱飲凍飲皆宜,凍飲很有點似利賓納味道(色澤也似),酸酸地非常開胃消滯又怡神,仲有降膽固醇作用!



p.s.除了煲洛神花外,順便又搭單講埋上面喱隻幾好味道的生果乳酪,之前在價真棧買開係$15(最近一次買就加價了$1),真係平到有少少驚,一來怕唔知用乜食材做,二來又唔知係咪來自大陸……



不過睇真D包裝上有幾種歐洲語文,樓下有blog友話係來自東歐的拉脫維亞出品,加上食落又似無乜大礙而且味道亦幾natural,總共有車厘子、士多啤梨和蜜桃三種口味,每款yogurt裏面都食得出有粒粒果肉,基爾個人覺得桃味最正,而且佢聲稱只有0.1%fat,食多幾杯都唔怕有罪咎感吧!

60 則留言:

  1. 你煮嘅pasta好靚噢!
    我上星期都煮洛神花+山楂水來飲,自己種好容易又方便^^ !

    回覆刪除
    回覆
    1. MD:喱個唔難煮,罐頭湯係靈魂^^
      洛神花煲水只要加少少冰糖調味就可以,好方便又好好飲,最緊要係可降膽固醇

      刪除
  2. 乳酪google咗,好似係Latvia出品.
    Barilla意粉我like.

    回覆刪除
    回覆
    1. 王子:多謝你幫手google,我已在上面翻新了blog內容^^

      刪除
  3. 我唔係好接受到洛神花茶

    回覆刪除
  4. 由阿信屋轉做價真棧粉絲呀!基太郎就快驛馬星動喎!

    回覆刪除
    回覆
    1. JJ:我係抵野粉絲先真XXD
      好緊張呢~~~~擔心會唔會好鬼凍:P

      刪除
    2. 旅途順順利利啦!影多d靚女來睇吓啦!kaka...

      刪除
    3. JJ:靚唔靚好各花入各眼架喎:P
      求其影啲滿足下你kakakaka

      刪除
  5. 用罐頭湯煮 pasta 就是最方便又好味的方法。

    回覆刪除
    回覆
    1. Samwei:係呀方便同快捷最緊要^^

      刪除
  6. 我都贊成你分享吓其他生活事...
    白汁幾鮮甜,不過有啲糊口~~
    洛神花成日聽,正如同乳酪一樣...怕佢食起來酸!!!

    回覆刪除
    回覆
    1. 森:邊方面先~~~~XXXD不過其實好多都只係一張白紙,恐怕會令森兄大失所望:P
      如果撈意就多數要杰少少啦,否則會變了湯意!!
      酸微微好飲喎,又降酸固醇啱長者XXD

      刪除
    2. 講下身邊發生過的人與事啫...又唔使講到白紙咁嚴重!!!
      唔一定個個長者都食得酸!!!!

      刪除
    3. 森:生活淡淡似是湖水~~~~~XXD
      唔知可唔可以加少少蜜糖呢又?

      刪除
    4. 平淡是福...真係唔易架!!!!!
      蜜糖只是冚住酸味,都唔得!!會試下介紹畀人飲~~

      刪除
    5. 森:咁如果間中有少少漣漪調劑一下,會唔會更加錦上添花呢^0^
      聽聞間中飲少少酸野例如蘋果醋又或者檸檬水,對身體好好架,可以幫助森兄延年益壽XXD

      刪除
  7. 回覆
    1. Kamchoa:P牌而已,極其量只是學師仔:P

      刪除
  8. 作者已經移除這則留言。

    回覆刪除
  9. 回覆
    1. Ray:要學返一技傍身先得架^0^

      刪除
  10. 生果乳酪六支$15??係就真真平!

    回覆刪除
    回覆
    1. Wan:所以初初都有少少驚......但食落好似又唔錯,我諗間中食少少應無大問題吧!

      刪除
  11. 估不到基爾連洛神花煲水都識!好叻叻!
    百得阿姨意粉在法國一般不用一歐就有一盒,係香港賣得貴,價真棧賣返個正常價錢就真!
    其實香港物價真係好高呢!

    回覆刪除
    回覆
    1. Lucamom:喱種係至易煲嘅涼茶喎^^
      原來如此,喱啲來佬野都係你地平好多!!
      係呀,尤其係近幾年真係乜都貴,唔知點生活,慘!!!

      刪除
  12. 意粉幾靚O(∩_∩)O
    我全like
    經常煮
    白汁好少,
    通常只用橄欖油,蒜頭,香草,辣椒粉
    價真棧幾平
    但貨品每件份量太多!

    回覆刪除
    回覆
    1. 路霸:我都鍾意蒜香和芝士,如果唔怕肥我都鍾意加芝士煮,正好多!!
      係呀好大堆頭,可能係佢地營銷策略吧

      刪除
  13. HK Gael 好有生活品味,我要學習下。

    回覆刪除
  14. 我都煲過洛神花,好酸要比好多糖先飲到。

    回覆刪除
    回覆
    1. Rity:盡量要酸啲先有效架,少少糖調下味就夠了^^

      刪除
  15. 白汁海鮮磨菇意粉好吸引 ~ 正吖^^

    回覆刪除
  16. 我都幾鍾意~洛神花~個種味道!~正!
    自家煮意粉,睇得.又食得~正!~正!

    回覆刪除
    回覆
    1. Andy:酸酸地都幾開胃架^^
      有時我見你地露營都帶定意粉去煮,都好方便

      刪除
  17. 下次我也試試弄弄你這種洛神花茶,我也很喜歡它的味道。

    回覆刪除
  18. 華~我超鐘意飲洛神花架~~煲埋俾我飲啦~~~
    原來gael煮野食咁叻~讚~

    回覆刪除
    回覆
    1. Tiffany:易煲易飲^^
      今次喱个簡單嘢咋喎:P

      刪除
  19. 個意粉咁平又真係抵喎!

    回覆刪除
  20. 三款介紹我都未試過呀 , 謝謝分享 !

    回覆刪除
    回覆
    1. Ak:如果去開不妨買來試下囉^^

      刪除
  21. 會煮的男生總是特別有魅力! :p

    回覆刪除
    回覆
    1. Siaw:如果做廚師咁咪最靚仔?XXD

      刪除
  22. 點解個個男blog友都煮嘢食咁叻...我呢個C9仔無地自容啦!

    回覆刪除