2015年2月22日 星期日

2014古都瀟瀟@同鄉指路

行完姬路城已經兩點幾三點,為免餓死都係拿拿林去搵下野食先。



唔想再花時間四圍搵,就沿住返回姬路驛的大手前通睇下路邊有咩心水食店吧!有人已急不及待先在路邊一間小食店吃了隻生蠔……基爾在旅途上一般食野都較謹慎,所以就無謂冒險陪君子了。



最後行到上面喱間,門口寫住「讚歧手打烏冬」!天寒地凍都想食碗熱辣辣湯麵或烏冬,一於入去試下。入到去才發現牆上貼出來的menu係全日文,完全摸不著頭腦唔識叫,點算好呢?



正當基爾人等在議論紛紛無從入手之際,背後那位肥哥哥終於按捺不住拎轉身,用純正廣東話講:個老闆其實係有中文menu可以問佢拎……基爾連聲道謝之餘也可順利無障礙落單,上圖係其中order的一個鍋燒,材料都幾足喎!一千円而已,即係HKD$60幾蚊係咪算抵。



既然他鄉遇同鄉,少不免都要同肥哥哥寒喧幾句,原來佢都係由大阪神戶過來姬路,食完野就去姬路城影相云云……上圖是店裏的招牌烏冬麵,果然係夠晒熱騰騰,最利害係唔知點解仲有一碗仔飯,係咪老闆驚個set唔夠飽呢?!



埋單計都係3400円,人均一舊水唔駛,依家円平食乜都感覺良好!食飽再沿大街漫行返火車站,近火車站那邊有不少mall和百貨公司,友人自動mode順腳行入去光顧洗手間兼行個圈。不過姬路始終不是大阪東京之類的大城市,就連百貨公司都有點兒……土土地唔係基爾杯茶,閃電行完男裝和精品部之後索性搵張長沙發坐陣瞌下眼訓等人好過啦!



再次證明友人D購買慾不容少覷,「懷舊」百貨公司都竟然都有收穫。其實近火車站隔籬個mall好似仲多野行,不過見冇乜時間就skip了吧!反正之後留在大阪的掃貨時間多的是。上到車站月台突然記起要show下個Kansai pass先,因為只買一day,喱日用完就冇架啦!

70 則留言:

  1. 回覆
    1. 加上果陣已經行了整個朝早和中午所以都幾肚餓,就更特別好食,又夠熱辣辣^^

      刪除
  2. Gael, 祝你心滿意足,隨心所欲,羊羊得意,最緊要身體健康

    回覆刪除
    回覆
    1. 大家咁話^^身體健康最緊要,我過年前已開始病,到依家仲係感冒未清:P

      刪除
    2. 小心保重,希望你藥到病除,開工大吉。

      刪除
    3. 大家咁話~~~!!
      依家天氣時冷時熱真係要小心身體

      刪除
  3. HK Gael,祝您羊年咩嘢都事事順心和健康開心!
    天寒地凍食碗熱辣辣湯麵或烏冬,正正正!

    回覆刪除
    回覆
    1. 祝你新年萬事勝意靈感長寫長有^^
      係呀果陣只有七八度左右,一碗熱湯面真係勁正

      刪除
  4. 唔知點解我食烏冬都有碗飯或兩件飯團跟,其實碗烏冬都已經好飽

    回覆刪除
    回覆
    1. 可能日本食烏冬係興送飯kakakakaka~~~~咁天寒地凍就一定夠晒飽暖^^

      刪除
  5. 去日本拉麵或烏冬是我唯一選擇!

    回覆刪除
    回覆
    1. 係呀我都係面精和烏冬精,去到日本就一定要食過先叫去過kakakaka

      刪除
  6. Gael ~ 喜愛旅行的你 @ 祝你 ; 出入平安,迎春接福,笑口常開和心想事成 !!

    回覆刪除
    回覆
    1. Sky經常北上,我也祝你出入平安^^
      有冇趁新年長假期出去玩下,又或者要忙秘撈?
      也祝你今年賺多啲啊!!!!

      刪除
    2. Sky 的秘撈工作 ^^ 在三月初便開始試做兩天先 ~
      因人工都加咗 @ 看看工种有否和以前有分別 !?
      才决定再長期合作下去吧^^

      刪除
    3. 呵呵~~~~原來如此!!
      咁希望你發掘到一條新財路,長期有條秘撈水喉照住都唔錯㗎hahaha

      刪除
  7. 日本人好興食拉麵跟個白飯,我在德國的日本街都試過。

    回覆刪除
    回覆
    1. 係咪通常佢地齋食面會唔夠飽肚?尤其係冬天要多啲澱粉熱量吧

      刪除
  8. 牆上貼出來的menu係全日文....有啲都考起我,唔知係乜.

    回覆刪除
    回覆
    1. 依家係咪好似有啲apps已經可以影張相就可以作簡單翻譯?
      我都唔太清楚

      刪除
    2. google translate嘅app可以㗎

      刪除
  9. It is really cheap for travelling in Japan with such low yen.

    回覆刪除
    回覆
    1. 係呀~~~~不過若再遲多半年我諗佢地啲食肆或者搭車pass又或者百貨公司便利店藥妝店波鞋店食街魚市場之類都會開始加價,咁到時就會無咁抵!!!

      刪除
  10. 回覆
    1. 趁住啲円仲抵,勁多人湧去掃貨

      刪除
  11. 斗膽問句,懷舊百貨公司內「友人」有什麼斬獲?我在京都幾日,那些大商場全部沒有行過,唯一在火車站伊勢丹Shu Uemura買了丁點化妝品,因為全世界的SU都找不到那隻顏色,只有日本有!

    回覆刪除
    回覆
    1. 記憶中好似係某名牌的銀包...
      日本的品牌始終係在日本買比較齊貨的吧!!
      最緊要係買到心頭好^^

      刪除
  12. 食個烏冬就飽o拿?留返d錢買手信俾伯友都好嘅!

    回覆刪除
    回覆
    1. 唔關事~~~~~留肚食夜晚果餐丫嘛XXD

      刪除
  13. 祝你羊年快樂~~~
    好搞笑連個one day pass都好懷舊呀個樣~
    個烏冬幾正喎~~~~~~~~~~~~~~~~~~~~~~凍凍地食超正~

    回覆刪除
    回覆
    1. 也祝你羊年身體健康,因為仲有連串外遊要去呢hahaha...
      有時佢係一本小passport咁大小,有時就係只有一張卡紙咁;如果好似張八達通卡咁細就方便㩗帶好多啦!!
      天寒地凍真係要食返啲暖胃嘢先搞得掂呢^^

      刪除
    2. 唉~我發現身體健康真的很重要~
      係囉~~~~為咩事整到咁大張呢~~~wakakakak~不過係咪因為關西落後d??我哥時搭jr好似舊過東京哥d咁...(依家唔知我好耐無去~)
      無錯~有湯落肚就最好架喇~

      刪除
    3. 對呀,病住去旅行都辛苦呢,唔可以玩得盡興吧^^
      我都唔知,佢地有時係一張卡有時係一個小冊子咁!!總之valid就okXXXD
      夏天去就可以食多啲綠茶雪糕^0^

      刪除
    4. 係呀...去到食唔到野就慘喇...但今次皮膚咁樣...我都係....唔理~~~食左先~
      咁梗係啦~~~~話之佢幾大張~~~有用就好~~~~~
      綠茶雪糕正呀!!!!!我今次要去食番牛奶雪糕添!!!!正!!

      刪除
    5. kakakakaka~~~~果然一講到食就心口掛個勇字XXD
      日本啲雪糕真係幾正呀,要留肚食甜品^^

      刪除
    6. 因為呢~~去完旅行第二日就覆診嘛~~~咁就放心吃啦~番黎先醫~
      係呀係呀~~~~呢排哈緊大又出左新野呀~~糯米糍呀~~正~~~不過好似話斷哂貨~

      刪除
    7. 可能玩完返來心情靚晒,自然好返晒駛睇醫生啦hahaha...
      唔緊要啦你轉頭都去日本咯~~~!!大把新嘢可以試食啦XXD

      刪除
  14. "有人在路邊一間小食店吃了隻生蠔"……咁...那人最後有冇肚痛唔舒服呢??

    回覆刪除
    回覆
    1. 聽佢講都話夠新鮮嘅,不過我都比較相信日本人,一般都係夠新鮮才會賣畀人食,一定會比大陸人有良心好多kakakaka...大陸啲黑心食品真係嚇到人魂魄唔齊XXXD
      在日本食嘢基本上都唔駛太擔心嘅,佢地對食品的衛生監控和道德水平都好高!!!

      刪除
  15. 先祝gael兄羊年喜氣羊羊, 心想事成~~
    人哋捨命陪君子...你陪人食生蠔都話冒險??...好唔夠老友喎!!!!哈哈...
    不過我都唔敢亂食生蠔, 尤其路邊檔~~

    回覆刪除
    回覆
    1. 咁我都祝森兄妙筆生花^^
      咁又唔關夠唔夠老友事喎,只係因為我腸胃一向抵抗力弱,尤其係外遊時一般都習慣特別小心飲食,因為怕肚痛要四圍搵廁所就夠煩人了,到時更對唔住同遊啲老友啦,要花咁多時間搵廁所!!!!XXXD
      所以都要觀察下佢係咪企理乾淨囉,不過一般日本的街邊檔都乾淨過香港啲茶餐廳一萬倍嘅你放心kakakakakaka.....

      刪除
  16. 懷舊百貨公都有收穫~~好明顯條購物癮頂唔住))))
    食野平過HK^^

    回覆刪除
    回覆
    1. 似乎你都好感同身受咁喎XXXXD
      以質素而言絕對抵食過香港,衛生水平一般沒太大問題,食得安心,加上依家日円低水,實在沒有理由唔食吧^^

      刪除
  17. 日本烏冬或拉麵定食,很多都會跟一小碗飯,另跟漬菜

    回覆刪除
    回覆
    1. 阿摩回來了嗎^^
      係咪日本人的習慣係咁?可能驚唔夠飽

      刪除
    2. 假期完了,回來了!

      刪除
  18. 咁地道既食店竟然有中文menu!!!

    回覆刪除
    回覆
    1. 有,證明應該都幾多中國遊客去

      刪除
  19. 天寒地凍食手打烏冬正!!

    回覆刪除
  20. 日圓兌換高、價錢便宜抵食!

    回覆刪除
    回覆
    1. 如果信任佢地輻射含量正常都抵食嘅XXD

      刪除
  21. menu係全日文唔緊要,有帶相機就得啦!
    上次我去北海道,朋友講笑話円跌就防輻射架啦,你睇而家幾多人去日本...XDDD

    回覆刪除
    回覆
    1. 我都覺得係呀Momomom~~~!!XXD
      依家真係勁多人去掃貨,乜野輻射都唔記得晒啦一早!!
      係呀依家好似有翻譯app,都幾方便...

      刪除
  22. 讚歧手打烏冬岩我 :D
    識得搵張靚沙發恰眼訓咁識嘆 XD
    應該再去女裝童裝部行下ma,當係睇古蹟都好,哈哈^^

    回覆刪除
    回覆
    1. 感覺上新鮮打出來的烏冬好似係好食過超市的預先包裝貨色!!
      喱樣要讚啦,日本的百貨公司一般都設有坐位,唔係好似香港D商場咁一個坐位都無,要逼人去foodcourt或cafe幫襯!!!@@
      我又無乜興趣睇喱類古蹟喎XXXD寧靜坐下休息下好過啦!!

      刪除
  23. 天空好乾淨, 看到感舒服!

    日圓跌了, 計數省了多少呢?

    回覆刪除
    回覆
    1. 話時話日本真係容易啲見到藍空好多㗎喎^^
      如果相對最高位十算果陣,依家大約係六五折左右啦,抵唔抵?!!

      刪除
  24. 日本食野點食都唔怕啦,使乜用都冒險呀,哈哈~ 唔通基爾腸胃麻麻?

    回覆刪除
    回覆
    1. 係呀我腸胃真係麻麻地,所以要小心食野囉,尤其在外地呢

      刪除
  25. menu都有全中文0既 , 我諗店主可能睇新聞知道強國人鍾意出國旅遊 , 所以做好準備先 .

    回覆刪除
    回覆
    1. 係呀依家好多食肆已經有中文menu,此外有些還會請一兩個中國留學生做waiter/waitress,落單方便好多呢

      刪除
  26. Gael,現在去日本食嘢相當抵.

    回覆刪除
    回覆
    1. 係呀,因為相對日円匯價抵,比最高時差不多六五折呢

      刪除
  27. 有時我睇唔明, 我就求其指, 又或指人地個碗架啦 ....

    回覆刪除
    回覆
    1. 我都會架,睇下隔籬台食乜囉^^
      不過依家好好多,日韓好多時食肆已有中文menu,仲有請一兩個中國留學生侍應,order多數無難度

      刪除