2015年4月16日 星期四

花墟+八幡屋:上@旺角

感覺上已經有好幾個月無出過旺角(一來怕人多二來無乜特別野買),喱日出去當然順道也去逛逛剛開放不久的花墟Good Point吧!



以往行花墟經常會路經過這一整列的舊唐樓,不過由於是私人住宅所以當然無可能登堂入室參觀,早幾年市建局豪花億元陸續收購業權並於2008年宣布活化計劃,現時部份重修工程已完成並出租予社聯的Good Point。



這種4層式的戰前舊唐樓目前在油尖旺區仍有不少屹立不倒,但大多只是零星一兩幢暫仍未受地產財團羅致拆卸重建,至於像太子花墟這一整列戰前唐樓建築群規模可說是市區碩果僅存的,能保育下來也算幸運,現已被評為二級歷史建築。上圖是其中一幢已開放的唐樓,大門內有一列信箱和水磨石樓梯。



據網上資料描述,這列唐樓群落成於1932年,由比利時上海義品地產公司興建、比利時籍法國設計師G. van Wylick設計,運用了20年代極流行、源於法國的「藝術裝飾」建築風格(Art Deco),喜用簡約線條、幾何圖案,直線、橫線、方形、菱形、三角形是常見的表現形式。上圖左可以見到1樓「天經地義生活館」的幾何圖案窗飾……



當天基爾比較有興趣參觀2樓的JL Ceramics Concept Shop,那是著名陶藝家梁冠明的陳列室,裏面擺設了不少20-30年代的玻璃器皿、瓷器、竹器、江南土布和古董家具,更珍貴的是單位裏仍保存了原裝的大露台、紅色圖案地磚及法式對開門,感覺就如突然時光倒流返回50年代粵語長片中吳楚帆張瑛身處的豪宅場景中一樣,煞是有趣!

p.s.比較可惜的是基爾見店門外早已張貼了不可拍照的告示,所以也就無謂厚顏去影相了,只與店員閒聊了一會,卻也是件樂事呢!如果想感受下置身粵語長片豪宅中的感覺有幾特別,就要抽空親身去逛逛了。

56 則留言:

  1. 我很久沒有去花虛,都想去走一走,看一看!

    回覆刪除
    回覆
    1. 出去走走可能會多一點靈感^^

      刪除
    2. 對!當手中的工作壓力減輕些,也真要去走走!

      刪除
    3. 其實間中學吓白先生隨遇而安的生活態度也不錯呢^^

      刪除
  2. 嘩,我都好有興趣感受一下五十年代味道!不過,你不說我也不會把這建築與 Art Deco 聯想在一起,它的線條,也真是太簡約了吧,Art Deco 其實有很多細緻 detail,所謂「簡約」,只是相較於文藝復興風格而言罷了。

    回覆刪除
    回覆
    1. 下次回來就搵日去睇下囉^^
      香港地產興旺,50年代舊樓又保養得好已經係古董,但在外國而言只是濕濕碎吧,好多舊城的樓都上百年依然保養得好好,仲住得人!!!
      其實都幾多細節裝飾嘅,不過我只係草草走一圈所以都無乜點影,提議你親身去扮下林鳳嘉玲kakakakaka....

      刪除
  3. 回覆
    1. 如果去開買花,不妨行上去睇下囉^^

      刪除
  4. 依家個旺角都無咩人啦, 我都去過兩次。

    回覆刪除
    回覆
    1. 其實對我來說係無乜野要特別出旺角買,所以少出去啫:P

      刪除
  5. 又唔覺得呢楝建築有粵語長片的歷史咁耐...佢重新裝修過?

    回覆刪除
    回覆
    1. 有空就親身去睇下囉森兄,我好求其影㗎咋,未必捕捉到神緒:P

      刪除
  6. 旺角, 我每次回香港一定去花園街行下。

    回覆刪除
    回覆
    1. 對遊客來說應該幾有特色有吸引力的^^

      刪除
  7. 我以前舊居面對D公務員樓, 我成日都好想去睇下, 係咪好寬敞架 ^^

    回覆刪除
    回覆
    1. 係呀好寬敞,我上去2樓的JL Ceramics Concept Shop樓底非常高,好有空間感,仲可以掛盞大吊燈添㗎^^

      刪除
  8. Gael,多謝你的介紹,有空一定要去看看.

    回覆刪除
    回覆
    1. 順便又可以行一陣花墟賞下花囉^^

      刪除
  9. 回覆
    1. 喱楝最快裝修完率先開放租畀人

      刪除
  10. 你成日捕住佢呀?又知個度活化左開放喎!呵!或者時時去花墟(入花叢),kaka...............

    回覆刪除
  11. 回覆
    1. 咪就係睇完你寫所以去試下囉^^
      果然無介紹錯喎

      刪除
  12. 我年年返香港都有去花墟行下,買番幾個細花盆,睇下花,不過都冇見過呢楝屋。

    回覆刪除
    回覆
    1. 喱道係剛剛活化完重開,之前係私人住宅所以無得上去參觀㗎
      下次回來可以多個好去處啦^^

      刪除
  13. 我也經常去旺角花圃街。最近看到一幢鶴立雞群翻身過的舊樓, 感覺眼前一亮, 現在才知道原來內裡另有乾坤, 基爾不愧是個出色的出巡大使。下次經過要去參觀了。

    回覆刪除
    回覆
    1. Kakakaka...不算是什麼出巡大使啦,只是間中行下花墟而已:P
      將來開多幾幢應該更有睇頭,希望多啲開放畀外人參觀更佳

      刪除
  14. 又真係幾特別既~允其係細個自己都係住唐樓~特別有親切感~

    回覆刪除
    回覆
    1. 住唐樓好,地方大,又有騎樓,依家好多都變成豪宅

      刪除
    2. 我以前細個住唐樓仲要有埋天台..真係.....咁好既地方係邊度搵~~~但係要忍耐行上5樓~

      刪除
    3. 行樓梯可以當運動囉,身體健康啲^^
      唯一擔心係如果買雪櫃冷氣或家俬送貨會比較唔方便.....
      有埋天台正呀,可以同你啲公子們燒野食開P添啦kakakakaka^^

      刪除
  15. 呢度都唔錯喎 !
    如果有埋 CAFE 就仲好, 可惜旺角的 CAFE 好少可以 HEA ~

    回覆刪除
    回覆
    1. 我諗遲啲隔籬幾座都重開埋,應該會開一兩間cafe啦,環境實在正!!

      刪除
  16. 咁…你有冇著番件唐裝衫,手提著雀籠去八幡屋食日式料理呀!:P

    回覆刪除
  17. 戰前樓宇真係可以重修到好新淨喎...

    回覆刪除
    回覆
    1. 其實中上環好多唐樓都由外國人成幢買晒再返新做hostel之類!!
      不過香港地價實在太貴,拆了再重建成七八十層高的豪宅一定賺更多錢.....

      刪除
  18. 喔我都很久沒有行花墟了 , 原來有活化建築物可供遊逛 , 出開省都去逛下 , 謝謝你分享 !

    回覆刪除
    回覆
    1. 係呀,如果下次出開去行街買花,不妨留意下^^

      刪除
  19. 喂喂太子咁方便我又要去吓噃!

    回覆刪除
    回覆
    1. 對呀,就在花墟樓上的那些舊樓,行開那裏不妨去看看啦

      刪除
  20. 回覆
    1. 其實都幾方便,好多嘢都買得到,雖然係人逼D....

      刪除
  21. 好少出旺角, 實在太多人, 除非陪老人家睇醫生先會去.

    回覆刪除
    回覆
    1. 咁老人家愛不愛賞花?如果喜歡都不妨順道帶他/她去逛逛花墟喎^^

      刪除
  22. 幾何圖案窗飾係舊唐樓先有架.望落有一種懷舊味道!

    回覆刪除
    回覆
    1. 係呀唐樓其實如果執靚咗,都真係幾靚㗎!!

      刪除