2015年8月18日 星期二

2014古都瀟瀟@二条古城

離開西本願寺後出返去堀川通見有巴士站,之前睇過搭9號可以去到二条城,唔駛諗就去參觀下喱座聞名已久的古城。



車程雖然只有20分鐘左右但車費均一價¥230。落車站離遠已見到聳立在二条城外堀護城河旁的東南隅櫓(建於1625年),一定唔驚搵唔到。「隅櫓」是指日本古城常見的城郭哨站建築。



東大手門(建於1662年)本來是二条城主要出入口,基爾到訪時剛好搭晒棚架正在維修(古蹟經常都大修葺),並大大個箭嘴寫住改用另一邊的北大手門入場。由於古城本身都相當大,由東門行去北門足足要行成十幾分鐘,幸好最終都搵到個臨時售票處,仲唔拿拿林奉獻¥600買飛入場!



上圖是二之丸御殿外的御馬道,整條大馬路鋪滿碎石方便馬車駛過,可惜喱日唔見有皇室馬車出入。基爾留意到碎石路上有塊「電」字石碑,莫非下面埋藏了電線?左邊一整列的建築感覺幾新淨,主要是紀念建城400年(2003年)的收藏館、売店、洗手間和辦事處之類的近代加建設施。



睇古蹟之餘,少不免要上一陣歷史課吧!二条城與清水寺、金閣寺等古蹟於1994年一齊獲列入世界文化遺產京都古城區,它最早的歷史可追溯至16世紀中業室町幕府足利將軍家族的居城。上圖是走進玄關後見到二条城最具歷史價值的二之丸御殿。



現存的二条城建築主要是1603年初建後保存至今。德川家康於關原之戰後掃平群雄結束日本戰國時代,取得全國軍政大權的德川選擇留駐根據地江戶城(即今東京,又稱江戶幕府),而非天皇所在的京都,二条城成為德川家族出巡京都時居住的將軍府,全名「元離宮二条城」。上圖是二之丸庭園的櫻花樹,這裏是京都首屈一指的賞櫻勝地,4月一定人山人海。



基爾先在二之丸御殿外圍遊逛,容後才入內參觀。這座御殿之所以咁有歷史價值,除了是德川幕府離宮之外,1867年著名的「大政奉還」儀式也在殿內舉行,當年因鎖國政策而江河日下的德川幕府第十五任將軍慶喜,將全國軍政大權重新移歸明治天皇,被視為揭開日本近代史最重要一頁。



二之丸庭園是傳統的日式花園設計,「骨子」得來又似一幅日本山水畫,一樹一石一橋一池都有精心佈局,是典型的日式人工美。上圖樹立在池塘邊的幾支野係咩呢?原來係幾棵有幾百年歷史的蘇鐵樹,由於蘇鐵屬南方熱帶樹種,冬季京都會落雪,必須以稻桿麥桿一圈圈包起來保暖,是二条城內必影的名物(想睇蘇鐵怎樣「穿衣」可click入二条城網頁)。



穿過二之丸庭園後,就來到上圖左位於東橋旁的本丸櫓門(建於1625年)。整個二条城面積逾27公頃(香港的維園約19公頃),除了外圍有外堀(外護城河),包圍本丸御殿還築有內堀(內護城河),可說是城中有城,防禦力比天皇住的皇宮還要森嚴。



現存的本丸御殿外觀有點古舊,規模也不大。原本的本丸建築物早在1750年雷擊大火及1788年京都大火後已燒毀;直至明治天皇掌權後,於1893年將京都皇室御苑裏的桂宮整幢搬遷過來成為今天二条城的本丸御殿,當中也可見證了幕府時代將軍的二之丸比天皇的皇宮還要宏偉得多。上圖左的梯級是舊天守閣的遺址,現時僅存石砌基座。



天守閣的石砌基座遺址相當斜,設有扶手欄杆方便遊人登上觀景。二条城原本與大阪城、松本城、名古屋城等日本名城一樣都設有宏偉的天守閣,不少古畫中可見二条城天守閣樓高達5層,惜焚毀於1750年的大火,後來曾經一度重建;及後明治天皇為了張顯中央皇權管治,遂拆卸全國多座古城(二戰後僅剩12座天守閣),當中二条城天守閣自然不能幸免。



從天守閣基座遺址上俯覽下面的本丸御殿「桂宮」及庭園,綠樹林蔭的雅緻佈局配襯古老的皇宮又別有一種講求精巧的東瀛風情。



可能大清早京都落過一場初雪,基爾發現本丸庭園裏的草地上仍殘留一點點積雪,相信大雪過後二条城又會有另一番美態。

79 則留言:

  1. 哈...冇開餐喎...哇...咁多黑影o架。

    回覆刪除
    回覆
    1. 你無聽書,都話朝早特別食早餐buffet食到飽晒咯!
      好多黑影?@@驗下眼先kakakakaka....

      刪除
    2. 好狡猾吓!呃人睇多次長氣文,都冇早餐!隱左形呀?

      刪除
    3. 唉~~~~前幾篇一早講咗啦~~~~~

      刪除
    4. 基老師,要背書,好大壓力呀!

      刪除
    5. 以後要乖啲專心上堂唔好成日夜蒲啦kakakakaka......

      刪除
  2. 回覆
    1. 可能啲團多數上午來吧,下午真係無乜人,多數係散客

      刪除
  3. 埋藏了電線? 即時靜靜雞現代化左,哈哈~
    基爾呢篇歷史好詳盡,差不多成篇都係,資料應該整理得好辛苦,我就無你咁好心機了,純粹copy。

    回覆刪除
    回覆
    1. 一定啦,如果依家都無電就唔方便,不過啲現代設施係收得好密,盡量唔會破壞古蹟味道!!
      我一年都無外遊一兩次,可以盡情慢寫,你就唔同啦,你要寫快啲,快馬加鞭kakakakakakaka....

      刪除
  4. 淨係去過睇夜櫻,原來二条城日頭靚好多喎~

    回覆刪除
    回覆
    1. 你果啲夜櫻相正呀,係咪櫻花和紅葉旺季先有夜場開(我見清水寺和二条城都係)?我見平時一般佢地多數5-6點閂門

      刪除
    2. 夜場好多地方都封咗睇唔到,而因為櫻花種類多又分佈係唔同地方,所以通常哩邊睇滿開、另一邊就睇花苞,好快行完 XD
      二条城平時得櫻花季有夜場,但我有個愛魚朋友話我知上年尾搞左個金魚主題夜場,佈置得好靚架!

      刪除
    3. 應該都係,至少室內的夜晚都不開放吧,睇夜櫻多數係開放個花園....
      睇金魚咁得意,係咪在二之丸個池塘睇?夜晚咁黑睇到魚咩?

      刪除
    4. 佢整咗好靚o既燈光Effect照住D金魚,同埋好似有D好靚o既魚缸另外會有D魚

      刪除
    5. 咦,咁都幾得意幾有創意喎~~~!!@@

      刪除
  5. 是12月時的天氣嗎? 這裡有陽光,已經無落雨,都幾好呀。

    回覆刪除
    回覆
    1. 係呀12月中去,喱日天氣不錯,之前有落雨/落雪呢

      刪除
  6. 日本的街道除了乾淨之外, 還相當之寧靜~~

    回覆刪除
    回覆
    1. 我覺得京都連古蹟附近的小街都好有古裝味道^^好正架

      刪除
    2. 咁你有冇好似上面位blog友租番套日本古裝來影吓相呢??著件武士裝都唔錯~好趁古建築!!

      刪除
    3. 又冇喎,果度都無得租:P

      刪除
  7. 回覆
    1. 唔知係咪見到我來所以走晒kakakakakakaXXD

      刪除
  8. 京都真喺多古城,
    當年美軍主師一念,放棄了在京都投下原子彈,
    否則無今天的景況 !

    回覆刪除
    回覆
    1. 如果鍾意睇日本古蹟可以stay一個禮拜先夠時間睇晒....@@
      無錯呀,佢地有考慮到保留文化遺產,不過當時京都本身都唔係首都也不是軍事工業重鎮,所以炸都炸軍工業大城市先啦

      刪除
    2. 喺有震攝日本人,先咁提意,
      但佢地都驚之後難控制局面,
      戰爭政治都喺咁醜惡,戰時啲平民最慘,
      哈....我又要提下哩幾集"謝謝款待"劇情,
      亦講到大阪市民戰時食乜,掙扎求存。

      刪除
    3. 同埋最主要原因為唔想打本州的登陸戰,驚美軍傷亡慘重....
      平民百姓其實都有負任嘅,應該要出來遊行示威向政府表達反戰先啱啦!!!!戰爭始終係生靈塗炭!!!
      你講開日劇我又醒起阿信的故事,佢老公同個仔好似都係去了打仗,之後就無再回來了....

      刪除
  9. 如果有雪景應該非常有氣氛

    回覆刪除
  10. 二条城的建築是十分優美。
    德川家族不取代天皇,不知是否受「三國志」的影響呢!

    回覆刪除
    回覆
    1. 木建築來說算是保養得不錯呢...
      咁又唔知喎,不過反正當時幕府已經大權在握,已經係實際上的皇帝啦

      刪除
    2. 對!有實權比得個名好好多。

      刪除
    3. 咁又唔一定喎,做親王比做皇帝嘆好多㗎kakakaka.....

      刪除
    4. 哈哈哈 ...... 係人都想嘆啦,您一定是「親王」才會知道這道理!

      刪除
    5. 如果係又唔拘喎,咁一定等你策封啦XXXD

      刪除
    6. 哈哈哈,如果是有的,係「賊」封,又或者係「拆」封就真!

      刪除
    7. 畀個「利市封」我更好kakakakaka....

      刪除
  11. 好野~~~等到新篇旅遊blog喇~~~~
    基爾其實都幾鐘意睇古蹟喎!

    回覆刪除
    回覆
    1. 希望九月可以寫晒啦^^
      鍾意㗎,所以盡量去啲舊啲嘅地方

      刪除
    2. 你仲有幾多日未寫呀~~~~
      咁唔怪得你咁鐘意京都~~~~~~~
      有無去過日本其他既城市呀?

      刪除
    3. 去二条城係尾二果日啦~~~
      有呀,之前都寫咗好多㗎啦:P

      刪除
    4. 下~~~~咁咪好快大結局~~~~~~~~
      我日本其實淨係去過東京大阪京都奈良神戶同埋沖繩.....
      其他我都好想去~~~~福岡又未去過~名古屋都未~希望將來有機會去~
      你有無咩日本城市你好鐘意架~

      刪除
    5. 係呀就來寫完架啦,到時可以休blog:P
      九州喱排都好hit呀,都幾多人去!!!
      你去得多過我啦^^我唔係去過好多大城市咋,多數去啲鄉下地方!!如果剩係計城市我幾鍾意函館,都幾舒服,唔太多高樓,古董電車好靚

      刪除
    6. 唔會既~你會有郵票展覽或美食推介既~
      下~~~係呀~~~~~~
      其實我都未去過北海道呀~~不過成日聽人講話好好玩架~~~~~我都唔知冬天去好定夏天去好~

      刪除
    7. 美食和郵票其實係拎來間下場啫,可寫可不寫:P
      我怕凍,都係鍾意夏天去多啲~~~~但我去果次係深秋了...
      有興趣睇你啲南美pre-trip準備喎,有空寫D來睇睇^^

      刪除
  12. 最怕遇到斜梯... 等上到去恐怕我都只剩低半條命 LOL

    回覆刪除
  13. 這裡環境清靜風景又靚 , 好彩冇咩賣咋 , 如果唔係便會引來大量拉車客 , 就變得太熱鬧了 .

    回覆刪除
    回覆
    1. 係呀果日去到唔算多人可能唔係旺季!喱度冇乜野賣純睇景咋^^

      刪除
  14. 蘇鐵「穿衣」個樣好得意!

    回覆刪除
  15. 回覆
    1. wakakakaka~~~~初頭真係唔知乜嘢丫嘛:P

      刪除
  16. 今年夏天我也去了京都~
    我是踏單車去二条城的呢:)

    回覆刪除
    回覆
    1. 夏天去熱唔熱?
      我唔見有單車舖呀,如果有得租單車都好呀,尤其係行京都御苑果邊,地方實在太大了,有單車可以慳多點時間和腳骨力^^

      刪除
    2. 我是六月初去的~ 因為是初夏所以天氣好舒服呢!

      刪除
  17. 二条古城 日夜都去過, 只記得花園那兒有很多不同品種的櫻花.
    第一次冬天去, 櫻花樹上只有樹枝, 沒有櫻花!!
    第二次復活節前去, 夜晚去二条古城,
    黑蚊蚊都不是看得很清楚~~

    回覆刪除
    回覆
    1. 下次有機會都去睇下,原來咁多品種,我只係見到禿枝:P
      睇夜櫻如果燈光夠,影出來應該都幾靚架喎^^

      刪除
  18. 原來個幾棵係蘇鐵樹@@
    個時仲諗點解有幾枝咁既野係道@@

    回覆刪除
    回覆
    1. 係呀,係為了幫它保暖,因為京都冬天會落雪,驚佢地凍親^^

      刪除
  19. 唔係好多人~咁就行得舒適好多~慢慢欣賞.

    回覆刪除
    回覆
    1. 可能平日下午係少人啲,至少影相唔駛人頭湧湧:P

      刪除
  20. Gael,有機會要到京都影紅葉和櫻花.

    回覆刪除
  21. 日本人愛護樹木的精神,真是可敬可嘉!
    民間的團體有不少是反戰及反對篡改侵華歷史的。
    基爾,現代的日本女性還是那麼溫柔嗎?

    回覆刪除
    回覆
    1. 佢地保育意識高啲,要自少培養......
      其實戰爭最大受害者都係平民百姓
      我諗一般男女都幾斯文有禮也樂於助人

      刪除