2015年9月9日 星期三

2014古都瀟瀟@護王神社

從京都御苑出來之後,一直沿烏丸通往前走,本來想找找有什麼巴士可搭返去京都驛,不過行行下又見對面街有座神社,反正還有點時間,就入去八一八。



說京都是三步一古寺五步一神社也沒有跨張,這座護王神社與京都御苑就只隔一條馬路。由於找不到巴士站正納悶,一於過馬路去對面看看。



上圖是護王神社外的古畫,也許是講述神社的歷史故事吧!由於是日文,基爾也沒詳細看了。翻查資料這神社的主祀神是和氣清麻呂,他是八世紀平安時代初年的大臣,因擁護天皇有功而獲賜封為貴族。



穿過表門入去,見到門上掛了恍似足浴腳板圖案的布幡,原來這座神社專門祈求足腰健康,咁更加要入去參觀一下啦!上圖左見到門前有一座黑色像石鼓的經輪,名為「足萎難儀回復御守護石」,轉一圈等如念經一遍,據聞有助腳患痊癒。



入到神社內才發現地方原來頗大,分別有擇殿、聖鳳殿和上圖的祈願殿等,殿前有3條神社常見的祈願索,上面都掛了銅鈴。不過由於已近黃昏,來參拜祈願的善信不多,也不見有其他遊客在神社內參觀。



上圖是中央的擇殿,不難發現神社裏擺設了不少山豬的瑞獸裝飾、祈願樹和御守飾物,到底山豬與足腰御守有什麼關係呢?原來山豬與之前提過的和氣清麻呂有一段民間傳奇式的故事:話說當年清麻呂被政敵伏擊逃難到山中,突然一群300多隻山豬衝出來保護清麻呂並嚇退刺客……



事後,清麻呂參拜靈豬酬謝神恩,竟然連逃避時被斬傷的腳腱也不藥而癒,自此靈豬就被奉拜為守護足腰疾患的瑞獸。上圖是表門旁邊的「靈豬手水舍」,如果有網球肘、滑鼠手、五十肩之類的痛症患者就要去洗洗手,據稱立即可以水到病除。

78 則留言:

  1. 五步一寺,十步一神社,基爾哥哥可有參拜祈福?

    回覆刪除
    回覆
    1. 有去洗手呀....算唔算係祈福許願^^

      刪除
  2. 洗洗手...就可以令網球肘、滑鼠手、五十肩之類的痛症立即病除...咁犀利?!

    回覆刪除
    回覆
    1. 傳說故事係咁講㗎,你會唔會過去試下?

      刪除
    2. 你都話喺傳說故事...即喺假喇!
      我都無網球肘、滑鼠手、五十肩之類的痛症...試來幹嗎?:P

      刪除
    3. 咁祝kaka永遠健康快樂囉^^

      刪除
    4. 承你貴言!哈哈哈...

      刪除
    5. 忘了要...禮尚往來...也祝Gael永遠健康快樂!
      btw...雖然喺傳說故事...但,一場嚟到,就算無痛症都會
      入境隨俗洗洗手...嘅!
      Gael要去多啲洗洗隻螺絲釘手添喇...:P

      刪除
    6. 或者裝啲返去送畀朋友當手信囉~~~~千里送聖水,物輕情意重嘛^^
      螺絲釘手洗完好返晒啦hahahaha....

      刪除
  3. D靈水咁有效,你嗰日飲咗未呀!

    回覆刪除
    回覆
    1. 冇飲呀,只係裝咗少少水用來洗手:P

      刪除
    2. 係喎,之前炒車的傷手點呀!

      刪除
    3. 依家無乜嘢啦,係條疤比較粗肉酸D啫:P

      刪除
    4. 唔緊要啦,D人話有疤睇落仲man呀!我都鑲咗D金屬响身上----種牙>_<

      刪除
    5. XXD唯有係咁安慰自己.....
      咁種牙都係有必要嘅,有冇試過過關時會唔會響?
      暫時試過去日本,我隻手就無響:P

      刪除
    6. So far okay. 我一早問咗牙醫,佢話係鈦金屬過關唔會有問題!反而我對timberland boots 次次都出事 :(

      刪除
    7. 咁下次上機就盡量唔好著得咁heavy-metal,尤其係如果去US,驚佢要你除晒就煩!!!!
      XXD

      刪除
  4. 回覆
    1. 古人好多時都對大自然一事一物都有崇敬之心

      刪除
  5. 靈豬手水舍>> 早知劉翔一早去個度, 唔駛去美國做手術啦 XD

    回覆刪除
    回覆
    1. 又係喎,一試都無妨丫,反正以前佢都有去日本比賽....
      不過依家佢退咗休,不用再受訓,佢隻腳應該沒大礙了!!

      刪除
  6. 基爾哥哥有冇洗吓你隻上咗釘嘅手?

    回覆刪除
    回覆
    1. 王子大人遠在他方和番多年,百忙中竟然仲記得基爾草民隻螺絲釘手,實在萬分感動耶~~~~~!!!

      刪除
    2. 隻手食螺絲呀!怪唔之油雞出得咁麼喇。

      刪除
    3. 人地係有鋪排架喎~~~~慢工出細貨wakakakaka....

      刪除
  7. 日本人唔駛幫襯醫生喇。

    回覆刪除
    回覆
    1. 以前古人好少睇大夫,一般都係用草藥嗡下就算㗎啦:P

      刪除
    2. 你都係古人尼o架,嗡山草藥...嗡得就嗡。kaka..

      刪除
    3. 山草藥夠天然少副作用,JJ得閒都嗡多啲啦XXXD

      刪除
    4. 寫埋下一篇就寫晒,可以休blog了~~~~~

      刪除
    5. 邊有你咁多精彩德遊寫先得㗎~~~~><

      刪除
  8. 山豬是救護也是靈醫,犀利!

    回覆刪除
    回覆
    1. 或許因為護駕有功,所以起埋間神社供奉佢添呢^^

      刪除
  9. 好勁呀你~~無啦啦見到有個神社然後去參觀都可以有咁多資料既~~~
    咁我一定要去洗洗手~~~希望洗走肩膀痛~~~

    回覆刪除
    回覆
    1. 因為寫blog所以先搵返少少故事寫下囉:P
      你又話腳痛,不妨洗埋腳啦^^

      刪除
    2. 咁你都好乖呀~去搵資料俾我地睇喎~
      即係我自己無啦啦去到除鞋洗腳呀~~~~~笑屎我喇~~~會俾人影相放上網架~~~~~~~

      刪除
    3. 唔寫喱D就無乜特別嘢寫丫嘛:P
      唔驚啦反正下午其實遊人不多嘅^^

      刪除
    4. 都唔係呀~你d相影得咁靚~睇住d相都心曠神怡~~~~
      不過你去哥時得一日落雨?唔知有無記錯...
      其餘時間都好好天~~~影d相極靚~

      刪除
    5. 多謝你鼓勵~~~~咁我要努力啲學下影相,向毛寶偷下師先得:P
      已經唔係太記得,印象中有兩三日吧,好似一日好天一日晴,隔住隔住咁.....
      我記得最好天果日係去金閣寺,影相出來金光閃閃特靚......去嵐山渡月橋時就落雨(兼夾凍),都無乜心機影,浪費咗個靚景!!

      刪除
    6. 咁佢d攝影知識又唔算豐富既...不過就我覺得佢有攝影眼囉~係佢角度影出黎明明同我影緊同一樣既野..佢就係個角度攞得好有意境~~
      天氣真係變幻莫測~~~
      我都有d後悔無去到金閣寺呢!!!!我下次要去番先~

      刪除
    7. 影相好多時都係自己試試下,期待睇你在冰島影啲靚相,你又試下搵啲新角度影下囉^^
      秋冬天日本的天氣都變得好犀利,一時陽光普照,轉眼又會落雨/雪..
      去完南美再去日本啦^^
      金閣寺唔係好大,好快可以行一圈

      刪除
  10. 咁寺廟內的水是來自山泉水?? 若有唔舒服又能夠經過此處,都可以不妨一試~~
    神舍外的古畫, 咪好耐歷史?!!

    回覆刪除
    回覆
    1. 咁我又無考究過水源係邊喎~~~~~我覺得純粹求個安心都不妨一試架^^
      我諗係臨摹仿古畫,如果係真蹟我諗唔會擺出街日灑雨淋吧

      刪除
    2. 你嗰次踩單車整親隻手, 相信好多blog友都記得…唔講就唔提啫!!!!
      去疤可以用去疤膏, 若不是太礙眼就由佢啦, 最重要隻手能活動自如…

      刪除
    3. 我諗住大家一早就忘記咗啦:P
      搽過,但對我無乜效,有時會貼疤痕貼但多數唔記得......

      刪除
  11. 哈哈....自求多福♡♡
    大家一試無妨,入鄉隨俗麻。
    但以前乜嘢都可以拜一餐,樹, 石頭,.....

    回覆刪除
    回覆
    1. 當係見識和感受一下當地傳統民間風俗^^

      刪除
  12. 嘩! 咁多寺咁多神社,拜得神多自有神祕祐~
    你應該洗全身呀,呵呵~

    回覆刪除
    回覆
    1. 銀團長成日要托大篋,下次如果同銀嫂去京都不妨去喱度,順便洗下手和膊頭都唔錯呀XXD

      刪除
  13. 好介紹喎,大爺都要入去洗一洗手~~^^

    回覆刪除
    回覆
    1. 大爺打得網球多都可以去洗下手肘喎,神社就在京都御苑隔籬唔難搵......

      刪除
  14. 護王神社的古畫非常有趣,我諗我去會睇好耐...

    回覆刪除
  15. 山豬保護 ... 使人想人幽靈公主!

    回覆刪除
    回覆
    1. 又係喎,經典的宮崎駿動畫之一^^

      刪除
  16. 我發覺日本有好多唔同種動物都守護神!

    回覆刪除
  17. D古畫好有唐朝風格。
    唔知可唔可以洗走D金手指呢!哈哈哈

    回覆刪除
    回覆
    1. 所以叫做古畫囉...
      有好多人篤你咩?XXXD

      刪除
    2. 有那一個人未被人篤個呢?
      哈哈哈

      刪除
  18. 洗下手就可痊癒很神奇喎 , 我諗就算冇咩事洗下手都好舒服喇 .

    回覆刪除
    回覆
    1. 我都覺得係,入去日本啲神社通常有喱個淨手儀式,當係入郷隨俗囉^^

      刪除
  19. 古畫真係好有藝術價值呢!

    回覆刪除
  20. Gael,京都神廟到處都有,好有靈氣.

    回覆刪除
    回覆
    1. 高樓大廈不多,街道都好有古樸氣息,單單無聊閒逛也感覺舒適,不似置身大城市裏

      刪除
  21. 京都真係周圍都係神社,一條街都可以有幾間,連商店街店同店中間都會有一間,比著香港啲租咁貴仲唔一早拆咗佢咩~

    回覆刪除
    回覆
    1. 可能如果在香港,會兼營藥房或者金舖或手機店都未定呢^^

      刪除
  22. =)
    有冇裝起 d, 邊行邊飲, 可能會行快左架 ~ XP

    回覆刪除