2015年10月20日 星期二

秋日絮語:Big Sale掃平貨

中秋過後重陽節又到,霎下眼2015年又過了大半,進入10月後感覺上時間過得特別快,以往這是基爾淡季出遊的黃金時機,不過今年無外遊就留港消費吧!



數字屋的營銷策略確是勝過百記惠記幾班,至少每逢有七八九折減價,基爾已養成去巡一巡執平貨的習慣,而且不少歐洲日韓貨色都不是傳統街坊超市慣常買到的,例如上面喱兩包Supreme雞肉腸就非常抵買,只係HKD$10左右一包,折了之後即係$7。香腸有芝士夾心和冇芝士兩款口味,食落冇廚師牌咁咸,肉質也不會太梅太林。不過Supreme sausage唔係UK品牌咩?包裝袋上卻印了Produit en France!



屋企人間中喜歡去Regal Riverside聚餐,之前lunch buffet因為有折,連加一都只係百七左右非常抵食(近月加返價就二百幾),每逢想食buffet就多數幫襯佢。今次去雖然無了青檸雪糕,但就食到上圖喱隻藍莓芝士蛋糕味,另外仲有開心果味也不俗。這種細杯裝D字頭雪糕在超市買要成HKD$20幾蚊杯,如果食10杯係咪已經回本……



個buffet除了沒有生蠔外,其實一般魚生刺身、熱葷冷盤、點心燒味、沙律甜品甚至印度咖喱都一應俱全,間唔中仲會轉一轉日韓、星馬、泰越又或者南亞阿拉伯之類的食材主題。上圖的鹽燒秋刀魚就又大條又正!



日本的藥妝店行得多,反而HK的就絕少幫襯,某日行過B字頭那間見有Big Sale咁又行入去睇下,發現用開喱隻三間牌淡香水比外面平差不多半價,聽sell士姐姐話喱隻Champions League係新貨,想問佢拎個tester來聞下都冇,反正咁平就照買啦!至於紅色包裝的紅磨坊朱古力鳳凰卷唔記得係數字屋定價真棧買,盒面同樣是寫Made in France,價錢也只是十元八塊而已,但奇就奇在雪凍之後食會勁脆,口感好特別。對鞋就係之前在Zalora網買,忘了是less50%定70%,折了之後百幾蚊,著上腳也不太覺cheapie吧!



秋意漸濃,好多人已經急不及待去買new arrival的秋裝,不過慳家基爾就主要去執「月下貨」,例如平時多數只去window shopping的G字頭,到大減價時又真係抵買到你唔信,在fitting room試過喱兩件酒紅色短袖和長袖tee,著上身睇落感覺都幾ok,而且質地良好,減價後仲有額外七折,兩件加埋兩舊水有找,係咪平過花園街?藍色果件tee係早前Zalora網買,折了之後一件都百幾!



p.s.入秋後,放假時在家都多了好多家務要忙(也是每年這個時節的指定動作),例如逐步要拎D長袖衫出來,夏天衫又逐步收返入大櫃櫳底;另外,風扇又係時候要「沐浴更衣」,收埋之前必須先逐一清洗抹乾淨才可收入盒!至於暖風機就暫時未駛咁快拎出來,通常十度八度先要出動。

92 則留言:

  1. "D字頭雪糕在超市買要成HKD$20幾蚊杯,如果食10杯係咪已經回本…"
    … 咁...Gael 食咗幾多杯呢?

    回覆刪除
    回覆
    1. 記憶中好似吃咗3杯而已,因為已經實在太飽了,吃不下:P

      刪除
    2. Gael 哥,你...真是一個知慳識儉嘅才子啊!!:P

      刪除
    3. 點及你,攝影才女喎XXD

      刪除
    4. 唔好意思, 忍唔住搭咀, 睇完你地對話, 真係笑左出黎 ! =P

      刪除
    5. 最緊要開心,這也是寫blog的目的之一吧^^

      刪除
    6. 最緊要開心!!....咁...以後...我唔客氣架喇!嘿嘿嘿嘿..... :P

      刪除
    7. 要驚~~~~就兩份驚!kakakakaka....

      刪除
    8. 哈哈哈....笑死我喇!:P

      刪除
    9. "梅超風mode"....即喺....乜mode呢??

      刪除
  2. 數字屋真係改變了去超市既習慣,又長期有789折先開心嘛~
    試新衫個樣.......好似靚仔小生陳智燊喎^^

    回覆刪除
    回覆
    1. 平平地試下啲新嘢都唔錯,不過有時佢啲貨源唔太穩定,賣完一批好多時都唔再入貨,所以即使覺得好食的罐頭,好多時都無得再買到!!
      我都想學佢果種英倫accent,可惜學唔到XXXD

      刪除
  3. 百七左右buffet好抵呀,不過我唔食10杯雪糕,要食10碟魚生!

    回覆刪除
    回覆
    1. 如果你喜歡魚生都可以呀~~~~不過魚生食得多條脷會感覺有點不自在XXXD

      刪除
  4. 回覆
    1. 係咪同專員差不多?!XXD

      刪除
    2. 佢後生時係, 而家係標準"大隻"喎 XD

      刪除
    3. 「標準大隻」可圈可點wakakakakakaka~~~~~係咪即係打rugby果隻?XXXD

      刪除
  5. 回覆
    1. 你係咪講緊Supreme?
      我仲以為佢條生產線搬咗去法國?係咪?

      刪除
  6. 下次自拍架機要放低啲。。。

    回覆刪除
    回覆
    1. 新手自拍係咁上下㗎啦,始終唔夠人地咁熟練丫嘛wakakakakaka.....

      刪除
    2. 加鬚加眼鏡都懶,就係咁影相架喇。。kaka..

      刪除
    3. 真係唔識喎~~~~咁我下次影返個影算囉XXXD

      刪除
  7. 雖然我屋企附近都有數字屋,但唔知點解好少幫襯,可能啲貨品唔太啱我!

    回覆刪除
  8. 回覆
    1. 阿摩似乎對這些無謂嘢不太感興趣XXXD

      刪除
  9. o個幾個代言人唔專業呀!貢手貢腳...kaka........

    回覆刪除
    回覆
    1. 唔明喎咩代言人,搭唔到條線添:P

      刪除
    2. 嘰哩咕嚕 嘰哩咕嚕 嘰哩咕嚕.....
      kaka........

      刪除
  10. 我們在香港時都去過好多次數字屋,次次都不會空手而回。。。。。最恐怖係那支萬字醬油,平時其他超市都要50幾以上一支,數字屋只係廿蚊多啲。。。。
    估不到基爾咁整齊清潔呢!

    回覆刪除
    回覆
    1. 係呀,有時真係平到你唔信,有少少驚啲貨源係咪同平時買開的不同XXD
      不過話說回來,價錢差咁遠就更加發現傳統超市食水係幾咁深(又要畀D上架費乜費物費之類,結果羊毛出在羊身上,到頭來係消費者無端端買貴嘢),人地賣廿幾蚊一樣有賺,佢地賣50幾蚊可以說是謀取暴利了,只是消費者以往買慣咗貴嘢而不自知,所以反壟斷係非常重要的事........

      刪除
  11. 哈......我唔會掃你慶去買平嘢,但我無乜興趣。

    回覆刪除
    回覆
    1. 果一百幾十個銅板,路霸兄跟本唔志在啦wakakakakakakaka......
      不過當然係要真正啱用又有discount先會買嘅,否則就不夠環保了!!!

      刪除
  12. 在港消費,贊成!贊成!贊成!

    回覆刪除
    回覆
    1. 不過都要睇下咩店舖囉,如果只係志在serve強國豪客果啲,我就唔多會幫襯囉XXXD

      刪除
  13. 其實我好少掃平價, 啲嘢啱食先得架!!!
    森伯把風扇長年都要用, 冇得放年假...:P

    回覆刪除
    回覆
    1. 一百幾十對森兄而言係小意思唔駛太志在丫嘛XXXD
      咁都記得要定期清理下積聚的塵垢先得喎,否則對把風扇的運作唔係太好,驚會有危險!!!

      刪除
    2. 咁講?!!...就係銀根短缺,才要諗啱唔啱用先買~
      你當森伯大懶蟲咩,時時都有抹塵清潔!!
      三件衫中, 件藍色tee你著得最好睇~~

      刪除
    3. 唔驚啦,森兄係咁椅接多幾個job就無銀根問題wakakakaka....
      最緊要記得時時勤拂拭,莫使惹塵埃^^
      果件其實係好蝦人著嘅,至少要先做完100下sit-up先敢著,如果諗住去食buffet就一定唔可以著喇XXXXD

      刪除
  14. 數字屋而家入少左日本貨, 多左其他國家既貨, 反而無咁好行!!

    回覆刪除
    回覆
    1. 係呀,多咗好多東歐貨,多數係罐頭或餅乾類又或者凍肉類,零食就仍是日韓台灣為主

      刪除
  15. 有買又有食,好開心啵!
    我街就成日出,但甚少 shopping。無計,屋企的雪櫃,儲物櫃,衫櫃... 已經爆晒。以一個人住的情況,好誇張。從此之後,一到 sales season 我避得就避 lol

    回覆刪除
    回覆
    1. 另一個方法係~~~~買完再送畀D親朋好友囉XXXD
      至於雪櫃美食,就趁萬聖節在家搞個大食會,即刻有人幫手清晒LOL

      刪除
  16. 嘩嘩, 基爾試衫o個幾張成個model咁, 再加埋family man識買平野o既討好形象, 會為個blog吸更多粉絲喎 ^.* 有個要求, 下次部手機唔好遮得咁正丫, 唔該 ^^
    數字屋d野真係抵呀, 同埋有好多野係旅行時食過, 然後o係數字屋見番, 都幾有驚喜

    回覆刪除
    回覆
    1. 如果做model係咁嘅樣應該唔係好搵到食kakakakakaka....
      慳家大概不是賣點吧,我諗blog友應該會比較鍾意睇去食豪嘢和去玩新鮮嘢多一點,包括我自己都係XXD
      對呀,尤其係啲日本嘢食,依家好多HK都已經有得賣,唔駛搬咁遠方便好多啦^^

      刪除
  17. Regal Riverside lunch buffet 連加一都只係百七左右,超正!
    您是 shopping king,買的都是平靚正喎!

    回覆刪除
    回覆
    1. 這是年前的價,之前因為有五五折所以咁平,依家就二百幾囉^^
      資金有限,始終要精明消費吧:P

      刪除
    2. 唉 ...... 錯過了歎世界的機會添!哈哈哈
      現在精明好緊要,這樣才可以享受高一級嗎 .....

      刪除
    3. 唔驚啦,你經常在小說中歎世界,主角中好多都住花園洋房別墅呢XXD
      應洗得洗啦,間中要tum下自己開心丫嘛^0^

      刪除
  18. 換季時家務事真多,有些東西真想放入迷你倉。

    回覆刪除
    回覆
    1. 對呀,不過有些可以捐贈他人囉^^

      刪除
    2. 往日都會一袋二袋拿去給收捐贈衣物的團體,甚至有八成新的。
      現在很多的東西都不是我手買的,不敢亂扔。

      刪除
    3. 不過依家買嘢都係要諗清楚有冇實用先,一來實在無位擺,二來也為了環保,不要浪費^^

      刪除
    4. 一向我都好環保gar, 膠樽都會先沖乾淨才拿去環保箱,食物也不會浪費。難得基爾都咁知慳識儉,真係乖仔 ! 令堂真係錫晒你啦。

      刪除
    5. 咁就好了,每人都做多一點點,惜食減廢^^
      最緊要係應洗得洗唔浪費,物盡其用冇閉翳XXD

      刪除
    6. “ 唔浪費, 冇閉翳 ! ” 好押韻喎。呵呵,說得好 !

      刪除
    7. 政府好應該高薪挖我過去專諗下啲slogan啦XXXD

      刪除
  19. 數字屋指梗有一間響左近?袋鼠國的「左近」店,最近被踢爆剝削勞工,大部分連鎖店以居留權威脅留學生,卑鄙手段成為國內一大醜聞。香港有沒有同樣情況?另外,你那暖風機,以前在這裡十分流行,每家必備一兩部。

    回覆刪除
    回覆
    1. 香港又唔多覺喎,我見店員多數係啲阿姐,多數係兼職吧?!
      @@你果然好眼利,那暖風机正是几年前由貴国帶回來HK,冬天HK不太凍覺得它很夠用了!!

      刪除
    2. 電量大的電器我唔敢用加插頭. 我初來澳洲時帶了一部Philip 暖爐.加八腳澳洲插頭,結果個插在頭太熱melt. 差的着火.
      所以只敢買當地電器.

      刪除
    3. 咦,咁真係要小心啲喎!!!安全為上!
      我喱個其實都好少用,因為HK近年都好少日子低過15度,如果15度以上都無乜需要用暖風機嘅~~~~~
      搬blog之後都絕少見你蒲頭,在彼邦生活如何?^^

      刪除
  20. 數字屋啲野咁平,成日都唔自覺走左入去@@
    不過腸仔都係唔好食咁多啦,冇益架@@

    回覆刪除
    回覆
    1. 咁都唔好太唔自覺喎,一陣唔覺意食太多零食變肥仔就唔好XXXD
      一定係啦,依家真係任何食品都盡量唔好長期食用,尤其係國產貨:P

      刪除
  21. 包腸仔真係抵到爛~~~~~
    十月我都好鐘意呢個月份去旅行的~~~~
    個自助餐百七蚊仲有d字頭雪糕食其實真係超抵!!!!!!!!

    回覆刪除
    回覆
    1. 咦~~~~~!!終於回來了^^玩得開心嘛?!!
      超低,不過剛剛聽到話唔好長期食用這類加工肉類,所以間中食一兩條就算啦:P
      十月絕對係理想日子出遊,機票平,天氣又好,絕少打風delay!!!
      喱間幾抵,平日都見有唔少公司成團人來食lunch,仲有空姐空少

      刪除
  22. 有折頭買得開心啲! 有些店舖是店方擁有的, 少給貴租影響而平啲!

    我買少食多 ... 好似你專去買醬油的人對之都幾讚!

    回覆刪除
    回覆
    1. 係呀,心理上覺得著數咗kakakakakaka.....
      原來如此,如果有間舖唔駛捱貴租,又真係好好多!!
      最近發現在數字屋買的麥皮和黑麥片也不錯,仲有洗衣液也平,下次有機會再講下,因為驚成日講會以為我幫佢賣廣告:P

      刪除
  23. 數字屋同7仔都已經梗有一間响你屋企左緊!腸仔好味,但不宜多吃!
    食buffet我最期待係甜品,生蠔就唔敢,因為實攪肚痛!
    Z 的衫同袋我都幾like.
    咩你鍾意响試身室影相?咁出邊D人實有排等XDD

    回覆刪除
    回覆
    1. 對呀,剛剛就聽到新聞話不要食太多加工肉類,所有腸仔午餐肉煙肉臘腸之類都不宜長期食用,間中食下就好.....
      其實好多嘢即使好食都唔好長期食用,菜又驚農藥,雞鴨鵝驚禽流,豬牛羊驚打了生長激素,魚蝦蟹海鮮驚輻射水和海水污染,大閘蟹都驚用了激素飼養.......所以都係百幾年前的慈禧太后最精明,即使每餐食餸都係樣樣只食兩啖,咁就唔驚有毒XXXXD
      生蠔真係唔係人人受得,我都係可免則免:P
      有冇幫襯過?得閒show啲來睇喎@@
      我通常去買嘢果D時段都係無乜人,如果要排長龍等試衫,我通常都索性唔買,留返下次無乜人先來買囉^0^

      刪除
  24. 眕落條鹽燒秋刀魚幾正下.
    秋天到.........但覺得都有少少熱喎.

    回覆刪除
    回覆
    1. 條鹽燒秋刀魚真係幾正,食得過!!!
      好似話本周末會凍D,大佬細佬大小姐和肥貓都要著返多件衫^^

      刪除
  25. 數字屋的貨折咗真係平到唔多相信 , 現在我都多咗去幫襯 .

    回覆刪除
    回覆
    1. 我覺得尤其係副食品類例如餅乾粉麵同埋零食類都搶咗傳統超市唔少生意,我見傳統超市賣零食果行貨架越縮越細就知....

      刪除
  26. 試衫相好似日本代購嗰D女仔影嘅咁喎...XDDD

    回覆刪除
    回覆
    1. Really~~~~~佢地果啲都係唔見樣㗎咩?!!!@@XXD

      刪除