2015年10月1日 星期四

珍郵庫@抗日勝利七十周年

寫完晒旅日網誌之後又可以進入半休blog期,為免太過「玩失蹤」,間中又拎返D郵票出來揭一揭。



近近地就睇返喱個「中國人民抗日戰爭勝利紀念日」首日封吧!今年好多人幸運地多了一天假期也是靠佢,不過去買喱個小型張首日封時就發生了段小插曲……



話說本來基爾想提早幾日去郵局問D職員有冇預訂表格(因為網上好似見過有),不過那位叔叔竟一臉迷惘咁話冇得訂,要當日即場排隊買喎!乜咁煩架!如果唔係因為抗戰70周年有點紀念價值,真係想放棄不買了。



價值$10的小型張設計最初睇落好似無乜特別,仔細睇原來「7」字上面有二次大戰抗日時期的戰爭場面,「0」字入面就係今天香港的繁華景象,今昔的對比強調和平得來不易……既然咁神心來郵局即場排隊買,就買多個套摺吧!都只不過係$20。

p.s.真係好耐未試過企在郵局櫃台邊又搽膠水又小心翼翼貼郵票跟住又去排隊戳印的滋味,突然幾廿年前同其他鄰居朋友仔一齊排九條街買首日封的集體回憶又返晒來,算不算是意外收穫呢?

中國人民抗日戰爭勝利七十周年紀念
發行日期:2015年9月2日

66 則留言:

  1. 絕對是額外加料收獲呢!
    呢d回憶片段中傻傻的快樂場景、彌足珍貴!

    回覆刪除
  2. 見到抗戰七十周年, 又令我想起鄰近地區大閱兵兼放煙花, 可怒也!!!

    回覆刪除
    回覆
    1. 你都已經有咁遠避咁遠啦XXD

      刪除
    2. 哈哈....佢喺話巴黎大閱兵
      咪捉錯用神@@

      刪除
    3. 係咩係咩.......唔好意思我會錯意:P
      我唔知巴黎原來都有閱兵和放煙花

      刪除
  3. 設計精美的珍貴郵票,排隊也值得啊!
    祝假日愉快!

    回覆刪除
    回覆
    1. 好彩條龍都唔算太長......
      也祝你假日快樂^^
      雖然我無假放:P

      刪除
  4. 寫中華人民幾正確。嗰個得六十幾年嘅XX共和國話自己抗戰70年勝利唔係幾合邏輯。

    回覆刪除
    回覆
    1. 勝者為王講乜都得架啦XXXD

      刪除
    2. 同意....
      哈哈....中華人民共和國,
      唔使用XX架。

      刪除
    3. 可能王子驚講錯嘢,第時人地唔畀佢回歸佢個香港國XXXD

      刪除
  5. 咁呢日又放假,又有首日封,又勾起你廿年回憶,三重意義。
    既然你交哂旅遊blog, 咁仲快脆D計畫下一個行程,仲有其他食探同音樂系列,千祈咪側側膊

    回覆刪除
    回覆
    1. 犀利過出奇蛋XXD
      已經諗緊,不過年底多嘢做唔係咁易行得開,加上有同事放長假,驚老細唔批:P
      係喎,除咗寫郵票仲可以寫下CD喎~~~~!!太耐無寫幾乎忘記了.....
      你快啲UPLOAD啲旅行相來睇就真,咪側側膊要我等到頸長kakakakakakakaka.....

      刪除
    2. 你唔介意就去呢度睇住先,旅行blog要少少時間組織整理一下先:)
      https://instagram.com/ryan168168/

      刪除
    3. 七星溪係咪即係近七星潭果邊?
      伊達邵貓頭鷹過癮,會變色...
      日月潭看風景果條橋我都有行過
      礁溪筑翫溫泉民宿望落好正喎^^

      刪除
    4. 七星溪在七星潭附近。
      會變色是因為挑了盞LED燈。日月潭酒店附近的貓頭鷹舖頭簡直令我目眩。
      我們都可能在同一度橋上昅過嘢!
      對,礁溪一帶有很多好正的溫泉民宿,而且環境優雅,相當特超所值。

      刪除
    5. 咦~~~~換咗張靚仔相嘅?
      正呀,我有去過七星潭看飛機升降,我諗果度好近花蓮個機場....
      係咩乜有嘢@@㗎咩果度?我剩係見到果D水草浮嶼咋喎XXXD走寶!
      剩係個落地大窗望出去個靚景已經值回票價^^

      刪除
    6. 就係撞啱打風要臨時改行程,呢張係响一個風吹砂地方,司機開著車頭燈打光俾我地拍照!
      花蓮機場好近七星潭架!
      我在橋上等D人散開先可以影到淨景。
      不經不覺其實我都買咗唔少郵票存張,最上次買活化香港歷史建築同埋郵票發行150周年小郵冊,又可以當故事資料書睇。

      刪除
    7. 唔怪得之咁有登台feelXXXD
      七星潭果度如果打風我諗都好大浪....
      沿湖走一圈或者踩單車我諗都幾爽!!!
      郵票發行150周年果個好精緻值得買....平時去旅行會唔會買D留念呀?

      刪除
  6. 70年先出一次「中國人民抗日戰爭勝利紀念日」首日封,梗要即場排隊買,
    先有紀念價值架嘛!:P

    回覆刪除
    回覆
    1. 我只係買一個咁大把,無得炒:P

      刪除
  7. 回覆
    1. 唔好失蹤住啦,差少少寫埋先^^想睇埋個結尾喎:P
      年底會唔會同大爺再出發呢?

      刪除
  8. 搽膠水貼郵票,似小學時期寄信。依家十年都未買過郵票呀。

    回覆刪除
    回覆
    1. 係呀其實用膠水貼郵票都有少少學問㗎!!因為太濕會好容易皺晒唔靚仔^^

      刪除
  9. 呢套郵票個設計都唔錯喎~~水墨畫形式又幾有中國味...
    你的生活只有遊行同郵票?!!森blog就係大包圍乜都寫吓~~

    回覆刪除
    回覆
    1. 你係行內人,一定可以睇得出更多設計奧妙^^
      我好少去遊行架喎kakakakakakakaka....去旅行也很少呢:P

      刪除
    2. 行咩內人丫...只係用大眾的觀感去睇啫!!!!
      等我仲想第日去旅行時, 請教下Gael兄有邊樹抵玩抵食~~

      刪除
    3. 係喎,你單生意落實咗未呀?^^
      我來來去去都係去果幾度地方,無乜新意架咋喎:P

      刪除
    4. 你真客氣, 跟本唔稱得上咩生意, 只是做寄銷咋.做晒籌備功夫先啦~
      去得多,自然熟地頭!! 好似泰國通胡慧沖就係例子...

      刪除
    5. 若有成果記得在貴blog報道一下^^
      胡生依家直情長期在曼谷生活,變咗地膽!!!

      刪除
  10. 這套只有一個小型張嗎?

    回覆刪除
    回覆
    1. 係呀,因為係特別加插發行的郵票,通常都只出一個小型張

      刪除
  11. 設計概念很好,黑白兩色,實而不華!

    回覆刪除
  12. 怪唔知床下底會爆膨喇,十幾年前嘅郵票有冇回顧呀?

    回覆刪除
    回覆
    1. 爆爆地啦,依家唔敢成日買咁多,靚先買.....
      十幾年前果啲古董你有興趣睇咩?:P

      刪除
    2. 唔係人地睇唔睇,係你自己有冇睇,靚嘅郵票係要睇到背得出先至真係鍾意。
      我衣家開始睇熟和背默我嘅珍藏寶貝,到我死前一刻都識得背,先至無悔無憾。

      刪除
  13. 睇落唔錯喎!~我都去買番套先

    回覆刪除
  14. 「中國人民抗日戰爭勝利紀念日」首日封都設計得好好!您不但是旅遊專家,也是集郵專家呢。

    回覆刪除
    回覆
    1. 哈哈哈,我還不是,努力中!
      您應該間中出一些綜合分類的收藏品展,等我們也可以有小小知識的增長。

      刪除
    2. 綜合分類的收藏品====>我邊有咁系統分類,你唔好真係當我係專家啦wakakakaka...:P

      刪除
  15. 好欣賞你的集郵堅持態度架 ^^

    回覆刪除
    回覆
    1. 唔駛堅持架喎,好隨意㗎咋kakakakaka....

      刪除
  16. 每次我都諗你咁多,放係邊到?哈哈哈!

    回覆刪除
    回覆
    1. 都係架,香港D屋好細,唔似你果邊咁正^^

      刪除
  17. 我買左百幾張呢個都唔知幾時寄得晒,哈哈

    回覆刪除
    回覆
    1. 幾正喎,寄畀外國朋友做紀念品^^

      刪除
  18. 郵票間場, 唔錯唔錯, 容易寫, d郵票又有藝術美 ^^

    回覆刪除
  19. 有人排隊買郵票
    有人排隊買豪宅
    有人排隊搵學校
    有人排隊買名牌
    有人排隊搶奶粉
    各盡所能, 各取所需囉.

    回覆刪除
  20. 想起以前排長龍買首日封,企到腳都痛。重要等到過晒鐘返下午班,幸好冇炒魷。因為老闆好好人。

    回覆刪除
    回覆
    1. 係呀,諗返都唔知點解以前咁有毅力XXD

      刪除
  21. 現在每年訂郵票真是很少機會再排隊買郵票。

    回覆刪除