2016年1月11日 星期一

書裏人間@你是北極星

聖誕新年檔期即使放假都很少出去同人逼,反而樂於賦閒在家享受閱讀樂趣(可以盡情宅了),其間主要就睇了三浦紫苑的《你是北極星》。



如果有留意近年日語電影應該對三浦紫苑這名字不會感到陌生,之前上映過的《字裏人間》和《戀上春樹》就是改編自她的著名小說《啟航吧!編舟計畫》和《哪啊哪啊~神去村》。然而由於當時上映的戲院不多,又經常的不起心肝去看戲,加上忙這忙那又忘記了,最後結果落畫了也始終沒抽空去看。不過最神心反而係編舟計畫和神去村兩本小說都有去圖書館借來看,平時基爾都不特別愛看愛情小說,主要是怕看那些肉麻陳套拖拖拉拉令人煩厭的橋段……



事實上《編舟計畫》前半part確有點拖拉沉悶(需要花一點毅力堅持看下去),直至中段的岸邊綠登場後才加快了節奏又多了一點笑料作調劑,可能電影版節奏會更明快,會好看一點,將來電視若重播會看看。至於《神去村》則有點似看J2的旅遊節目,感覺上比編舟輕鬆多了,也有不少別具特色的日本鄉郊生活描寫,很有點風土人情feel。當然圍繞主角身邊也有些三浦紫苑式的「淡然幽默」情節,喜愛看她作品的一定感受到這輕描的神來之筆,往往令其故事增添不少趣味,不知電影版《戀上春樹》有沒有保留這種甚具特色的神緒呢?



長篇大論完D題外話之後,點都要講返去主標題上那本《你是北極星》。成書於2007年的北極星比神去村(2009年)和編舟計畫(2011年)兩本長篇小說都要早,大概與《多田便利屋》一樣算是三浦中前期的作品吧(之前聽聞多田也將改編拍成電影云云)!以基爾個人喜好而言,看畢北極星後就似乎更迷上看三浦的短篇小說,除了因為故事更見精煉濃縮之外,囉唆拖拉的枝節也大大減少,明顯令最有style的三浦靈魂神緒更加突出。整本北極星共由11個短篇故事組成,如果說《聊齋》是古代世態人倫情事的總集,北極星幾乎也可說是當代非世俗容許的愛情浮世繪。比較特別是首尾雙連互相呼應的兩個同性友情又帶點hehe味道的故事,其餘還有天梯式的姐弟倫常戀,也有師生戀(帶點戀屍情意結)、犯罪戀、紅杏戀之類,在三浦筆下卻完全沒有負面味道,全部好像都變成平常不過的愛情故事。看慣亦舒、張小嫻、李碧華以至台式的瓊瑤、嚴沁之類的讀者,若再看三浦小說的話,或許會對「愛情」兩個字有重新的定義吧!

89 則留言:

  1. 看書能夠啟發思維,的確唔錯!!
    在唔同的人對「愛情」都有唔同的定義,好睇個人...

    回覆刪除
  2. 而家仲有無人睇亦舒、 瓊瑤、嚴沁呢?

    回覆刪除
  3. 我反而有興趣想睇吓“犯罪戀“個故事是怎樣的… :p

    回覆刪除
    回覆
    1. 是講一對小情侶發生「命案」的故事,不便在這裏劇透太多,有興趣不妨去看看

      刪除
  4. 所說的兩齣電影,只看了《戀上春樹》,拍出了書的情懷!
    愛情,不同的人有不同的詮釋,沒有規範……

    回覆刪除
    回覆
    1. 拍出來的樹林風景應該會幾靚
      同意!

      刪除
  5. 我呢啲冇乜文化,搭唔到咀添。

    回覆刪除
  6. 我超怕睇啲好多眼淚,橋段一模一樣,或者啲青春校園愛情片,重複又重複,其實要觸動人心,唔使多,到位就得啦

    回覆刪除
    回覆
    1. 太老土陳套果D就無謂花時間囉,一本書其實都幾花時間睇㗎:P

      刪除
  7. 多謝您介紹三浦紫苑的作品,真的有點想看。

    回覆刪除
    回覆
    1. 她是近年日本比較hit的作家之一,不妨揀一兩本看看

      刪除
    2. 都會有興趣架!
      有買最新的生肖紀念郵票嗎?

      刪除
    3. 有呀,之前已訂了,好似係今日出吖嘛^^

      刪除
    4. 可以預訂?服務好似改善了。

      刪除
    5. 係呀通常預訂全年了,唔駛排隊
      但要貴少少

      刪除
  8. 你個貝殼我今次非洲之旅都有執返嚟呀!
    我好耐無閱讀來增值自己了,嚟緊搬屋後,有個舒服環境,一早plan好左要閱讀D乜野書了~

    回覆刪除
    回覆
    1. 你提起我又記得喱個貝殼應該也是旅行紀念品,好似在紐西蘭買,但唔係太肯定.....
      恭喜晒喎你兩年間搞掂晒所有成家立室好犀利^^新居地方大啲又可擺返多啲旅行紀念品出來啦!
      你經常飛,會唔會在飛機上或旅途上帶定一兩本書看?or電子書....有時搭車搭船時解悶都幾好嘅!

      刪除
    2. 係呀! 個廳係旅遊主題呢~ 遲D po上blog先~
      有呀,電子書多,但有時旅途上又有時無時間睇。

      刪除
    3. 等睇^^
      電子書都ok,至少慳位,唔阻掟....
      你旅途上要寫blog,應該不多時間睇書啦

      刪除
  9. 估唔到基爾對小說都有興趣呢~~~除左呢位作家仲鐘意睇邊個添呀~~~
    我都好鐘意宅架~~~

    回覆刪除
    回覆
    1. 假期怕人多年紀大少出街啦XXXD
      宅在家有時會看書,小說散文也會看,也沒特定看邊位作家的,有時會留意下人地blog寫的書介書評,在網上試睇過幾篇覺得啱口味才去借囉......近年已好少買書了,實在沒地方擺:P

      刪除
    2. 我最唔鐘意係節假日出去食飯...因為係會俾食店控制你食咩...所以我依家一係屋企煮..一係去食d唔關節日事既囉...即係情人節食打邊爐或小炒~~~~~~~~
      我有時鐘意去書店都睇囉~~~~~

      刪除
    3. 我唔知我係咪好老土..我鐘意睇亦舒~

      刪除
    4. 我都試過農曆新年團年去食pizza,我覺得你喱條橋work喎^^
      你廚藝了得都可以玩多啲煮飯仔啦wakakaka...
      依家好多大型書店都有座位和空間畀人打書釘(古老稱呼),如果想睇啲新書通常都去大書店睇一陣,因為圖書館果啲通常舊作居多!!
      唔老土喎,亦舒我都有睇過玫瑰的故事,朝花夕拾和喜寶等幾本小說,因為之前睇過套戲所以會睇返原作,每個作家其實都有佢自己的時代背景,看亦舒就是喜歡這種舊情懷,就正如張愛玲李碧華相信也不會太多人覺得老土一樣,也很愛看她們小說改篇的電影,覺得特別有味道,雖然今時今日已極少翻拍這類文藝片了
      亦舒的散文集也不錯呢,閒來仍會看一些,是那種不會令人累的消閒讀物

      刪除
    5. 哈哈~我仲試過情人節去食麥當勞~~~~~~~~特別好食~
      廚藝了得呢d係我自吹自擂出黎既~~~其實我淨係識哥d~
      我覺得咁樣有得坐係度睇好正~~~~好似台灣咁~~~~~我有時都會坐係我屋企附近書局睇書的~~~
      你都有睇過喜寶呀???我都有呀~~~~~雖然我唔係好記得講咩~~~不過我記得我幾鐘意睇~(我仲記得哥本特別厚..我係圖書館借的~)....中學哥時開始睇佢~講真....其實我覺得佢d情節唔算特別老土~~後面哥d仲幾跟得上時代添~~~~~

      刪除
    6. 咁下個月會唔會去南美麥記encore^^
      不過鏡頭下像真度相當高wakakakaka...
      都係㗎,可惜HK舖租貴,多數書店好細間無可能有位坐啦,除了P字頭或者誠字頭會大D
      套戲都有睇過呀,無記錯好似係黎燕珊做,電視有做過呢...其實我都唔係好記得故仔講咩?:P
      如果你計翻拍成電影,我會鍾意李碧華果D多少少,不過亦舒的玫瑰和朝花我也好喜歡

      刪除
    7. 咦~~~~~~~~~~~你有一個好好既提議呀!!!!!!!!!!!我都想試下南美麥記!!!!!!!!!!!!!!!!!
      梗係~~唔係都影到係啦~~~~~~~
      澳門咪又係~不過好彩都有一兩間係我左近~
      下~~~~~~~~~~~~~~~~~~~有做過戲架??同名?我有興趣睇~
      李碧華真係無睇過~~~所以我無得比~有機會看看~

      刪除
    8. 唔知南美麥記會唔會有玉米餅賣?^^
      澳門我記得好耐以前去逛過果欄街,有啲舊書店舊雜誌店和擺地攤賣舊玩具幾有趣....唔知依家仲有冇經營?
      都是些八十年代的舊電影,依家連電視都好少重播了....
      李碧華小說拍成的電影如胭脂扣和霸王別姬、秦俑、青蛇、誘僧、川島芳子好好睇㗎,當年都幾賣座,連楊千嬅拍的餃子我也有去戲院看,喱套比較近期可能你會有印象吧

      刪除
    9. 睇完你地咁長對答,我感覺好溫馨...

      刪除
    10. 本來blog就係為咗咁而設架啦^^

      刪除
    11. 咦~~唔知呢~~可以睇下~我想睇下有咩特別包款~~
      我都唔知~因為我好耐無行過哥頭~
      咁真係可能好難睇番~
      0我!!!!!!!!!!!原來呢d故事都係佢寫架!!!我唔知添~咁有睇過胭脂扣了!!
      餃子我有聽過~但驚驚唔敢睇~

      刪除
    12. 係呀路霸兄~大家blog友都好似朋友咁呢~

      刪除
    13. 感覺上短篇小說拍電影好似易啲^^

      刪除
    14. 係呀~~~同埋睇哥時都無咁辛苦~~~~~
      如果一套戲太長會好累贅....
      除非佢真係拍得好緊湊~

      刪除
    15. 長篇小說要改編成兩個多小時的電影劇本,其實難度都好高呢

      刪除
  10. 鍾意偵探同詭異小說多d :P

    回覆刪除
    回覆
    1. 我間中也有看日本的推理小說呀,之前看過幾本宮部美幸和東野圭吾的,但就唔算係會迷上果隻,始終睇推理小說要個人比較清醒同有邏輯思考,我通常斷斷續續咁睇就未必跟得上,而且睇推理小說個人會比較累,如果係leisure reading類的就比較多其他選擇吧!
      詭異小說真係長期有捧場客^^不過寫得好嘅唔算太多,好怕啲虎頭蛇尾果啲呀:P

      刪除
  11. 估唔到基爾兄睇愛情小說?!
    我反而唔鍾意睇愛情野, 係現實派 ^^

    回覆刪除
    回覆
    1. 又唔算特別喜歡睇但喱位係算寫得不錯嘅!
      你直情係唔駛睇添啦,因為每天也在蜜運中,仲駛乜睇人地果啲kakakakakaka.....^^

      刪除
    2. 嘩, 邊有咁誇
      中學年代身邊d同學都鍾意睇愛情小說, 我借過瓊瑤同亦舒, 但冇本睇得晒, 反而天文地理遊記o個d勁鍾意睇

      刪除
    3. kakakaka...你置身其中或許不自覺吧!
      其實如果係太過柯gor拖拉果D橋段我會fast forward囉,有啲都可以高速睇完,不過細節內容多數唔記得啦:P
      遊記我都鍾意睇,所以成日追看你個blog^^
      明珠台成日播阿David Sir果啲紀錄片我也喜歡

      刪除
  12. 閱讀是很好的寧靜、心靈活動,代替假期外遊是很好的選擇!

    回覆刪除
    回覆
    1. 不過也有人會覺得係悶蛋囉:P
      我其實好驚長假期外遊架,通常揀off-season,至少機票住宿可以慳啲錢啦

      刪除
  13. 睇你寫書評簡直係吊癮,又話唔好劇透!呵!.....橋段放在人身上不出幾個模式,所以我著重編和導,相同橋段在不同編導手上,有不同表達和領悟,每個人還不是走不出生老病死,但各人就活出各自精彩。

    回覆刪除
    回覆
    1. 悶蛋:只不過係道不相同啫。
      我真係甚少悶,條條大路通羅馬,問題係夠唔夠時間我行咁多路,我蠢係要多好多時間來嘗試嘅。

      刪除
    2. 劇透好大鑊㗎喎,驚畀人打XXXXD
      只可惜近年本地不論電視或電影行業裏的編導精英人才真的不算多,值得一看的電視劇和電影真的....對我來說不算太多,消間的時間又實在太寶貴,咁唯有多數選擇看原汁原味的小說吧:P
      時間是最公平的東西,不論你是李嘉誠還是JJ,一天就只有24小時,如何分配視乎個人取捨的價值觀,錢對JJ來說永遠賺唔完,賺夠了又可以繼續向世界出發啦^0^
      悶蛋基爾繼續期待在小小的電腦mon框框中看你「通羅馬」wakakakaka....

      刪除
    3. 基仔多元化多面體,有溫馨一面又有冷面,kaka...........

      刪除
    4. Really~~~~~~??!!
      咁JJ平時又鍾意食Soba定Udon多啲XXXXD

      刪除
  14. 「看慣亦舒、張小嫻、李碧華以至台式的瓊瑤、嚴沁之類的讀者,若再看三蒲……」–––– 能夠作出這個appraisal,很明顯你早已飽閱她們的大作啦,還說「不特別愛看愛情小說」?哈哈哈哈...... Btw, 你這懷舊專家,還以為你會即時出個David Bowie紀念篇!

    回覆刪除
    回覆
    1. kakakakaka....梗係唔可以叫做「飽閱」啦,大多都只係睇過兩三本而已,改編台灣電視劇果啲瓊瑤你一定都有領教過啦!劉雪華由開場喊到散場果啲你都咪話唔堅,唔係人人承受得起XXXXXD
      話時話我返查過床下底似乎無買過David Bowie啲碟,精選集錦果啲70's-80's in originals唔知有冇,未有空詳細去逐一仔細睇,遺作果隻Blackstar都有啲想買,一陣上網試聽下先......

      刪除
    2. 12歲開始,我是亦舒迷,後來較成熟後又迷上李碧華,她倆對愛情的描寫和浪漫的定義,比瓊瑤和嚴沁前衛最少20年,風格完全不同,現在竟然淪落到一同被classify 為同一個 category,陰功!20歲過後已幾乎沒有看愛情小說,張小嫻我只看過兩本,完全不能觸動我,看後迅即忘記。至於瓊瑤劇集,我幾乎無看過,只記得有一次在阿爺家吃午飯它是背景音響,後來一個月後再到阿爺家,我完全接駁到劇情,中間20集故事基本上無進展過!

      刪除
    3. 罪過罪過.....千奇咪畀倪女士睇到否則傷心死佢kakakakakak.....我都拜讀過好幾本倪女士大作而且都幾喜歡,佢同典型鴛鴦蝴蝶模式的瓊瑤嚴沁當然有分別,至少我會一看再看亦舒李碧華小說的電影,而梅花三弄煙雨濛濛我就會fast forward睇,正如你所講可以跳過不少喊包情節,對劇情推進應沒什麼大礙XXXD

      刪除
  15. 今年我都做宅婦,無咩事都唔想出去
    書....多數睇旅遊書,哈哈

    回覆刪除
    回覆
    1. 有時間留在家打理下啲肉肉仲好啦,有時無無謂謂出街行一圈又無乜特別嘢買和想睇的東西,其實都幾浪費時間kakakaka....
      旅遊書都係我飛佛嚟㗎XXXD

      刪除
  16. 回覆
    1. 我其實睇書也不多呀(因為空閒時間著實不多呢),好多時都係去圖書館借一本有興趣睇的,一般都已經夠睇成個半月kakakakaka......睇完一本先再去借下一本咁囉!
      最近有小王子的電影上映,我才突然醒起咁多年都未睇過原作,咁又借來看看,幸好它篇幅不長,好快可以KO

      刪除
  17. hehe, 好多特別既愛情故事~
    睇黎你係一個性情中人, hehe~

    回覆刪除
    回覆
    1. 其實我一直以來最有興趣係想睇matthew兄的旅途艷遇情史hehehehehehe.......

      刪除
    2. 不會Gael大大又分享一下艷遇情,HEHE~

      刪除
    3. 你出埠率頻密好多,機會率一定高過我好多啦XXXD

      刪除
  18. 假期在家中泡一杯香濃咖啡,看一本好書是好舒服的假期.現在香港假日週圍都是人,在家中更舒服.

    回覆刪除
    回覆
    1. 對呀,可能年紀大咗(我講我自己XXD),好多時唔係太習慣人太多太喧鬧的地方,有時會有點頭痛.....假期在家打掃聽歌睇書是重點節目^^

      刪除
  19. 早一年都有睇小說習慣!~
    但生活同時間上既改變已經少睇左了!~

    回覆刪除
    回覆
    1. 睇慢啲睇少啲都唔係問題嘅,按個人需要而定啦,不過如果keep到閱讀習慣也是好事^^

      刪除
  20. 細個有睇下書,只喺睇黃易、衛斯理...

    回覆刪除
    回覆
    1. 黃易和衛斯理我都睇好多㗎^^
      黃易我覺得睇完大唐和尋秦已經好夠kakakaka....

      刪除
  21. 文化差異, 中國最受熱捧的愛情小說,全都是悲劇....

    回覆刪除
    回覆
    1. 可能睇完啲慘嘅會覺得自己幸福啲啩XXXD
      有啲都輕鬆啲嘅,如西廂記獅吼記唐伯虎點秋香,有冇睇星爺個版本kakakaka....

      刪除
  22. Sky N 年沒有看小說 >.<
    你真是好有閒情呀 ^^

    回覆刪除
    回覆
    1. kakakakakaka....你係咪曲線笑我遊手好閒先XXXD

      刪除
  23. 好耐無睇書啦, 唔知點解而家拎起本書唔夠十分鐘就專中唔到....老左~?

    回覆刪除
  24. 近幾年已少看書 , 哈哈因為忙著煲劇 .

    回覆刪除
  25. 我都鍾意睇實體書多過上網.
    自從回港,睇書時間少左,不過去開台灣都總會受到影响 ~
    最近都睇左本翻譯小說, 意料之外的好睇喎

    回覆刪除
    回覆
    1. 如果有得揀我都仍會選看實體書,對眼無咁攰....
      你梗係啦上山下海又做手工和去旅行咁多活動,邊有時間睇書XXXD
      是什麼翻譯小說?

      刪除
  26. 我都認鍾意出門多過留係屋企.
    都唔係咩新書, 係買左排早排至睇完的, 東野圭吾的解憂雜貨店 !

    回覆刪除
    回覆
    1. 東野圭吾偵探查案果類我一般,通常要集中精神追看案情會有點累,最近傾向多睇輕鬆散文或者短篇小說,無咁heavy:P
      潛水旅途上的空檔會唔會帶本書去睇下?

      刪除