2016年4月3日 星期日

賞味@青衣權發酒家

繼賞花和賞霧之後,今次這個長篇的「青衣三部曲」來到Part 3,不可或缺的當然就是賞味了。



離開行山徑後搭車返青衣城會合餘下部眾,本來諗住近近地在青衣城覓食,不過可能周末關係都幾多人,大約6:00pm來到稻香竟然話要7:30pm食完埋單交枱,基爾當然睬佢都傻,一於轉戰去灝景灣那邊的權發。



印象中基爾年前都有幫襯過權發位於筲箕灣和北角的老店,依家才知原來青衣也有分店,而且店面裝修比港島兩間老店新淨光猛得多又大得多,不過菜式依然係傳統風味十足,更重要係價錢依然實惠抵食!



簡單睇睇menu,已經立即畀上圖喱個「必食孖寶」吸引,上湯焗波士頓龍蝦1隻(送伊麵底)加上金牌蒜香雞半隻只係HKD$248,此外仲可以揀清蒸龍躉仔或燒鵝皇。



之前食過權發的老店,早知佢每樣菜式都非常均真份量十足不會將貨就價,所以午市經常吸引唔少從事體力勞動的地盤或搬運工人幫襯,基爾之前lunch見識過佢D大大碟叉雞碟頭飯真係要有少少毅力才食得晒!上面喱味龍蝦伊麵有齊兩隻大蝦鉗和龍蝦身,果真是童叟無欺。



除了足料之外,味道其實也不俗,傳統菜式都合乎水準。例如上圖喱幾味都係掛住食差不多食剩三分一才記得影相,西蘭花炒澳洲鮮帶子($168)碟上估計有十餘個帶子;金銀蛋浸時蔬($76)可以選菠菜底;右圖的菠蘿生炒骨($75)是參考過鄰桌食客的sample覺得不錯於是又叫。



至於上面這碟椒鹽鮮魷($78)同樣係大大碟XXL份量,一上桌已經有點令人擔心會食唔晒。幸好最後沒有叫到椒鹽豆腐,否則一定勁熱氣,要飲返幾jar竹蔗水酸梅湯先掂!



如果喜歡打邊爐的話,同場其實仲有$148邊爐任食,若是天寒地凍季節也是不錯的選擇。喱餐食咁多野最後埋單計人均才$150(晚飯免茶芥,需加一),同邊爐任食價錢差不多。總括而言,這間權發少了麻甩味卻依舊經濟實惠,值得來take two。

權發海鮮酒家 Kuen Fat Restaurant
青衣牙鷹洲街8號灝景灣商業大廈4樓

52 則留言:

  1. 權發個名很有大牌檔的感覺,不就腳,所以幾間分店我都未走過,經你分享,有機會我一定要試試!

    回覆刪除
    回覆
    1. 網上search過好似銅鑼灣藍田柴灣也有,但不知是否仍有營業,最好先打電話去check以免摸門釘會掃興

      刪除
  2. 好耐無去權發食嘢喇!
    而家仲係咁抵食夾大件,$148打邊爐都值得一試喎!:)

    回覆刪除
    回覆
    1. 好耐無去咁係咪Kaka以前成日幫襯?^^
      $148任食以晚市計算係幾抵,不過要睇下食材係咪啱食先,同埋冬天去會好啲,夏天打邊爐總會覺得太燥熱XXXD

      刪除
    2. 喺呀!以前過時過節會去食飯!

      刪除
    3. 咁第時再去回味一下囉

      刪除
  3. 哈哈....
    我都話你熟悉青衣多過我,有幾個朋友住哩度,
    但從來唔知有間咁平靚正嘅食店,
    多謝你介紹分享。

    回覆刪除
    回覆
    1. 路霸兄:我住青衣咁耐都要即時諗諗gael兄所指的權發在邊鼠?!想當年...去得比較多係一間金伯爵酒家,以前不時去嘆一盅兩件,之後有咩大時大節會去青衣城,祥發商場食飯~~
      可能離開青衣太耐,有什麼新食肆進駐就唔知嘞...

      刪除
    2. 路霸兄,其實我都好耐無入過青衣,咁啱約開人先入去行下而已:P
      在灝景灣,有個大大招牌,對路霸兄來說應不會難找到^^

      刪除
    3. 森兄原來係青衣鄉里,近年喱區都有好多新樓盤,你搬咗咁耐可能未必認得路XXD
      聽友人話,灝景灣果幅地以前係油庫,在長發長安旁邊,咁你有冇印象?
      又有消失的留言,咁我去垃圾筒摷摷先:P

      刪除
    4. 都未去過邊有印象呢~XXD~通常住開嗰區的人都少在本區覓食~~以前都好鍾意去深井荃灣食,啱青衣路線嘛...認為咁先似外出食飯~~

      刪除
    5. 咁森兄要多啲返老家去行一轉啦,可能會有好多新發現^^

      刪除
  4. 我鐘意呢D實而不華嘅食肆, 最怕個D婚宴專家裝修

    回覆刪除
    回覆
    1. 依家啲酒樓食肆都好難做,通常要做婚宴酒席才賺到錢,一般茶市晚市我諗都賺好微

      刪除
  5. 回覆
    1. 好彩兩味都幾好食,份量足,算係咁㗎啦^^

      刪除
  6. 權發真是大碟抵食,我家左近都有一間,人多去食都抵呀﹗

    回覆刪除
    回覆
    1. 抵食夾大件而味道都ok,今時今日來說都算係咁㗎啦

      刪除
  7. 權發酒家真係幾出名,但我本身一次都未去過..

    回覆刪除
  8. 原來權發在港島的筲箕灣和北角,如果在銅鑼灣就好啦。

    回覆刪除
    回覆
    1. 網上search過好似銅鑼灣也有,google地圖話係在鵝頸消防局附近駱克道,但不知是否仍有營業,最好先打電話去check以免摸門釘會掃興

      刪除
    2. 真?我唔覺有噢,但係我又冇特別留意。

      刪除
    3. 網上search而已,我都唔知仲有冇營業,有可能已結業,HK舖租貴,店舖食肆變化都好快^^

      刪除
  9. 賞味我最鍾意㗎啦,哈哈哈!
    我剛從香港回來,真係食足八日,但係你這餐好吸引呀!

    回覆刪除
    回覆
    1. 講到賞味MD一定係專家^0^
      唔駛急,下一趟再同DD回來試一試

      刪除
    2. 諗諗下真係唔知青衣在何處,哈哈哈。唔緊要,香港好多地方我都唔識啦,哈哈哈!

      刪除
  10. 我真係勁鐘意食大排檔風味既野..
    尤其椒鹽野...真係...好鐘意好鐘意~~
    香港食野真係好抵呢~~如果公子黎到一定食哂d孖寶~~~~~~~~~

    回覆刪除
    回覆
    1. 大排檔風味我都like,不過夏天會有點怕一路食一路大汗疊細汗XXXXD
      椒鹽野夠惹味,不過我有啲怕熱氣,不宜多食....
      真係世界唔同咗,十幾年前我都鍾意間中過澳門行吓,因為食店好抵食,又多傳統風味,依家反而感覺澳門食野係好鬼貴,澳門人應該係有錢咗好多kakakaka.....

      刪除
    2. 依家有d大排檔好靚靚架嘛有冷氣涼~好似你哥間咁~
      唉...我就最鐘意熱氣野架喇~~~所以唔知係咪咁~身體唔係幾好~
      係呀....d野超貴..兩個人食茶記實過$100....但人工永遠追不上通漲

      刪除
    3. 不過始終係露天果隻係有風味啲....
      咦,都有可能喎,個中醫有冇叫你戒口?
      南美食咁多玉米餅一定好熱氣XXD
      唔驚啦,你地勝在有錢派可以食幾餐kakakaka....

      刪除
  11. 好少去青衣,完全唔識路!

    回覆刪除
  12. 咁三間店黎講, 邊間最好呢 ?!
    你搞到我半夜覺得肚餓 !!

    回覆刪除
    回覆
    1. 北角店依家無咗啦,筲箕灣我也好少去,青衣喱間個人覺得都不俗可以一試.....網上check過鵝頸和藍田有分店,未去過呢!!!
      咁快啲煮返個麵食下醫肚囉^0^

      刪除
  13. 青衣我去年去過一次,地方是很不錯,卻沒有機會在那裡吃過好東西,哈哈哈

    回覆刪除
    回覆
    1. 好明顯....你唔算係好胃食果隻kakakakakakaka.....

      刪除
    2. 唔係呀!到那裡工作,完成後老闆要大群人回市區才吃飯。
      下次去,一定要試權發,哈哈哈

      刪除
    3. 咁老細請食飯又唔同,一定跟埋去kakakakaka....

      刪除
  14. 銅鑼灣都有間權發,我覺得一般。但睇你青衣哩間又好似賣相幾靚喎!好肚餓呀!!!!

    回覆刪除
    回覆
    1. 係呀上網check過原來銅鑼灣也有分店....
      咁快啲煮飯食啦^^

      刪除
  15. 以前家附近有間,經常去食,大大碟,價錢又唔貴,又好味.

    回覆刪除
    回覆
    1. 勝在份量夠勁,lunch碟頭飯都多人幫襯,細食OL仲可以二人share一碟食添XXXD

      刪除
  16. 睇落份量/味道應該唔錯!....係價錢貴左少少.

    回覆刪除