2016年3月27日 星期日

賞霧@青衣自然徑

在青衣公園賞花賞得七七八八之際,終於收到友人來電,基爾於是行返去青衣城會合大隊,準備好Part 2賞霧之旅。



「霧到底有乜好賞?濕立立真係咪搞!」好多人應該都係咁諗,基爾最初都不例外想打退堂鼓,不過後來上到山頂又覺得好值得,因為霧景其實唔係成日可以睇得到。



青衣喱條自然徑應該都有好多人早已行過,因為佢勝在鄰近市區來往交通很方便,而且路程又夠晒短,很適合天氣不太穩定又或者下午才出發時間不太多的「速遊人士」。上圖是位於山腰的回歸紀念亭,聽聞附近樹林草叢經常有蛇出沒,但基爾當天就幸運地沒有見到。



如想節省腳程,可以先由青衣城搭小巴或巴士來到長宏村巴士總站,再沿寮肚路一直往上走到車道的盡頭,就可以見到一條蜿蜒拾級而上的長梯級,這就是自然徑的起步點,絕對不難找。



沿山徑一直往上走,大約半小時已來到一處隱沒於樹林間的小山崗,基爾找到崗頂的標柱,可惜沒有刻上海拔高度,相信至少應有200米吧!比較特別係林間的大樹幹上,不少都掛上了粗竹杆(恍如公園的單槓),可能是晨運阿伯們的傑作,難道這裏就是他們的私人gym room。



在樹林中稍歇一會之後再繼續登上隔籬那個更高的山崗,沿途長長梯級上已見不少背著重裝備攝影器材的攝影發燒友上山,後來網上翻查才知這裏原來是其中一處拍攝青馬大橋靚相的熱點。



不少人就是專程來捕捉這個「霧鎖青馬」的香港絕色一刻。基爾只係用手機影,當然會稍見遜色,不過現場睇青馬大橋隱沒在陣陣雲霧中若隱若現的美態,確實又真有幾分「仙氣」。



在崗頂遠望另一邊的青衣市區則可見到「無敵樓景」,雖然只係短短用了半個鐘左右,已經可以暫時遠離世俗煩囂登臨仙境,確實幾划算!



這裏的崗頂標柱同樣沒有註明海拔高度,平面看出去大約比青馬大橋橋塔略高,估計應有250至300米高度!當天還見到有人玩航拍,小型直升機飛出去影霧中青馬大橋,越過樹叢由高空拍攝的效果真係近D靚D……



照片可即時wifi回傳腳架上的相機,定點回航的小直昇機也相當準繩,完全不用擔心飛太遠有去無回頭,不能不驚嘆攝影科技的日新月異。



在崗頂小休時還有個特別經歷,由青馬大橋那邊突然有一團濃霧由海峽上吹過來,感覺就如一舊雲撲面而來,置身雲中的感覺原來真的很爽很有趣,微風夾雜小雨點令崗頂四周氣溫數秒間驟降了至少3-5度,為免冷親都係時候沿山徑拾級而下,在濃霧中覓路下山了。

62 則留言:

  1. 濕立立行山, 最怕會PK, 我試過, 我真係試過

    回覆刪除
    回覆
    1. 搵專員傍住應該問題不大....\(^0^)/

      刪除
  2. 嘩, 真係好快發文喎, 仲要係有心機, 唔hea架喎^^
    我都同意霧景係好有仙氣
    但我相信我會晨早打咗退堂鼓, 好多時係心態唔願郁, 但被迫/堅持去到的話, 又會發覺係enjoy架喎

    回覆刪除
    回覆
    1. 勤力啲...勤力啲...勤力啲...XXXD
      初頭本來plan去東涌to大澳,已經打咗一半退堂鼓㗎啦!!
      天氣欠佳都係揀啲短線穩陣啲,我地始終都唔係毅行者果隻專業行山人士丫嘛,志在見識少少咩係大霧行山啫:P
      去到又真係覺得好值得,感受到置身在一舊雲中感覺好清涼好正,像天然沐浴kakakakaka...

      刪除
    2. 唔好太疏就得口喇, 勤力會好chur架 ^^
      呢個一半退堂鼓直情係正確選擇啦
      天然沐浴咁誇? 想問行完係咪真係沾晒霧氣架?

      刪除
    3. kakakaka....好chur又唔會嘅XXXD
      都會濕㗎,著風褸無問題嘅

      刪除
  3. 大霧中行山 !? Sky 都唔 Like 的 >.<

    回覆刪除
  4. 我去過青馬影日落,不是你這個位,好鬼難行,又要行啲不是正路是草叢山路呀,之後又要行落去好似引水道的護土牆,才是拍攝的位買,試過一次怕怕﹗

    回覆刪除
    回覆
    1. 咁又好似危咗少少喎,始終路面濕滑真係要小心啲為上嘅,影靚相都要安全為先,同埋最好有朋友同行穩陣一點

      刪除
  5. 真係好大霧,落山天黑要摸黑,巧驚~~

    回覆刪除
    回覆
    1. 係呀如果要去影夜景真係要帶定電筒頭燈之類,同埋要好熟路+多幾個人同行照應囉

      刪除
  6. 回覆
    1. London話明係霧都,依家應該係賞霧旺季啦^^

      刪除
  7. 回覆
    1. 這方面王子一定比我在行好多XXXXD

      刪除
  8. 青馬橋加霧,仙境一樣,好難先撞到架.

    回覆刪除
    回覆
    1. 係呀一年都唔多幾次㗎咋,喱個山頂位我覺得唔錯,至少見有人專程來set腳架影相又玩航拍,應是熱門地點之一

      刪除
  9. 回覆
    1. 可惜沒遇上胖胖的大美人XXXD

      刪除
  10. 霧鎖青馬~唔錯!`仙境一樣!

    回覆刪除
  11. 前一陣子香港真係超大霧,但亦係拍照好時機

    回覆刪除
  12. 雲霧飄渺,若隱若現的青馬大橋別有一番景緻...
    有冇遇見仙女騰雲駕霧迎面而來呢?:D

    回覆刪除
    回覆
    1. 我覺得幾特別幾靚的,不過就要等囉,因為濃霧果陣係乜都睇唔到影唔睇......
      同場仲有𡃁模來盪鞦韆兼影相,算唔算你所講的仙女XXXXD

      刪除
    2. 真喺有𡃁模來盪鞦韆兼影相?
      咁...Gael同D𡃁模都好有緣喎!kakakaka....

      刪除
    3. 唔關事.....
      喱類影相熱點多數有𡃁模嘅

      刪除
  13. 我都真係未睇過霧景...(屋企望出去算唔算~~)
    真係好似仙景咁~

    回覆刪除
    回覆
    1. 梗係算......
      雖然都幾濕立立但都幾靚呀

      刪除
    2. 下~~~~~咁都算~~~~~前個禮拜呢真係大霧到係連對面屋咁近都睇唔到...勁恐怖!!
      最好若隱若現啦~太大霧淨係見霧又咩都見唔到~

      刪除
    3. 春天好多時都大霧,要經常開抽濕機:P
      無錯呀,所以影靚相係好講求天時地利

      刪除
  14. 每逢有霧都好潮濕,你行山路真係要加倍小心呀!!
    其實影霧由隔岸影山景會比較清楚~~

    回覆刪除
    回覆
    1. 森兄真懂關心人hahahaha....天雨路滑一定要小心呀!
      若隱若現山中有霧霧中有橋最夠淒美XXXD

      刪除
  15. 霧景都好靚架,好似之前我係杏花邨對出影到既風景,真係似仙景!

    回覆刪除
    回覆
    1. 對呀,雲飄浮在半山真係很特別

      刪除
  16. 有兩、三張拍到好似去了韓國。

    回覆刪除
    回覆
    1. 以前去韓國跟過當地人上山行晨運,山路設計和林景十分相似。

      刪除
    2. 都可能係,喱一段係鋪得好整齊好靚,而且風景也確是不錯的

      刪除
  17. 哈,基爾你不是攝影發燒友你有所不知! 自從上年有張大霧維港照揚威海外後,每一個愛攝影嘅人又跟潮流,毫無性格,一窩蜂個個都去影大霧、雲海啦!

    回覆刪除
    回覆
    1. 你唔講我真係唔知依家興去影霧景喎,突然覺得自己變咗「潮人」XXXXD

      刪除
  18. 霧鎖青馬正丫:D
    不過咁既天氣好難令人有動力行山...(其實係我懶)

    回覆刪除
    回覆
    1. 無奶油嘅,你半隻腳插入雪地都難唔到你,一丁點霧水對你來說係零難度kakakakakaka.....

      刪除
  19. 見好多blog友都行哩條山路,好有探秘feel,
    我住個度就唔使探秘喇,
    所以從來未行過哩度。


    回覆刪除
    回覆
    1. 可能交通算係方便可達,而且路程唔長,來回都係好方便無乜難度嘅!!
      Kakakaka....好多時在家附近的地方都唔係成日去,我都係㗎:P

      刪除
  20. 今次真係撥著大霧默默地在覓我的去路囉……⊙_⊙

    回覆刪除
    回覆
    1. 咩黎㗎咁順口嘅,似歌詞XXXXD

      刪除
  21. 肥人好怕行山就係因為怕見到蛇...我會標冷汗架見到...
    但父母又話我無被蛇咬過既記錄WO...都唔知WHY驚得咁緊要!

    回覆刪除
    回覆
    1. 春天其實都多蛇出沒,要注意㗎^^
      正常嘅,始終有一定危險性,盡量唔好去惹佢地,等佢地自由自在生活於野外,唔好打擾佢就得㗎啦

      刪除
  22. 呢個位影相唔錯喎, 下回去下先 ~

    回覆刪除
    回覆
    1. 路程太短,你可能會唔係好夠喉喎:P

      刪除
  23. 霧就見得多了,以前住在炮台山下,有時大霧到見不到對面的屋。
    大霧我不敢上山逛,因為視野不清。多吸霧氣也不好。拍照就好。

    回覆刪除
    回覆
    1. 3-4月季節經常都大霧到看不到對面景物.....
      行山盡量都不要一個人去啦,至少二人同行有個照應會好一點

      刪除
    2. 在沒有朋友相陪的日子,都係一個人行上去架啦。因為太喜歡行山了。
      那裡是自己的地頭,只要不在假日,自己穿得樸素,不拿相機。賊仔是不會騷擾本地行山的人的。況且是自己忽然之間走上去,賊仔要來也來不及啦,山腰是單程路。那時從來沒有驚過。

      刪除
    3. 如果天氣好,路況又安全,沿途會有其他行山友遇上的話,以你經驗豐富應不是問題.....anyway安全第一^^

      刪除
    4. 以前那裡是分左右兩條山腰路,在我家可以望到一條。也是我常上的一條。這一條較為僻靜少人到。但可以通到那邊的炮台。在這一條路上,從沒有遇過其他人。
      當然這山連著其它的山,還有其它的去處。
      聽說現在有一邊已經闢為衛奕信徑,通到炮台山。

      刪除
    5. 係咪通常秋冬季較多人行山?
      從沒有遇過其他人===>咁都有啲驚驚地,始終近年治安麻麻.....上大風坳果邊多人啲,好似安全一點

      刪除
    6. 我是說 :近著我家的那條山路我從未遇過其他人,但在其他的山路是有遊人和賊仔的。當年的賊大佬專門訓練啲街童去作賊,搶遊客相機。他們的目標是相機。
      後來他們被警方上山大包圍清剿了。不過,離開已久,一個人不會上去了。

      刪除
    7. 原來如此~~~~~咁總之係安全至上啦^^

      刪除