2016年7月7日 星期四

隨心@鯽魚涌

失經無神要OT的情況似乎沒有太大改善的機會,不過喱晚因為一早約左人所以要用一次免死金牌不顧一切地走。



友人揀喱間星馬菜,相信並非因為有咩特別好食推介!印象中喱個舖位年前係間土耳其菜館有幫襯過一次,不過應該係閃電執笠之後又另外再開這間星馬菜……



在卡位坐低,咁既然來到食星馬菜多數都離不開海南雞、串燒或者炒貴刁之類。一早知喱區食飯向來有點貴(或許基爾真係太耐無出街食飯唔知米價),但仍覺得喱碟海南雞飯$78,以雞的份量來說算是太少了吧!旁邊$88的巴東牛肋條份量好像也有點「小器」,而且味道有點過咸。



至於沙嗲串燒6串$60似乎也只是一般不算突出,印象中不香也不太熱之餘,肉量也只有半枝竹籤,話晒都成10蚊一串架喎!由於點幾味菜式都麻麻地,原本有意order 2nd round都係作罷。



後來見鄰桌都有點炒貴刁或者喇沙之類,唔知會唔會好食D呢?不過可能先入為主暫時都不會再去幫襯了。比較有趣係餐廳內同時有另一桌打晒燈影食物照,又叫了滿桌菜式仲有個貌似老闆的在旁介紹,唔知係咪有雜誌做採訪呢?

隨心 With Your Mind
鯽魚涌海光街12號

198 則留言:

  1. 今趟終於有機會做第一個留言~~~哈哈
    平時好少試特別風味菜式!是否本身傳統是好鹹,只係唔啱港人咋...

    回覆刪除
    回覆
    1. 森兄今朝乜咁捧場,抵我周不時讚你靚仔XXXD
      星與馬我都冇去過,所以都無乜資格講係咪傳統正宗菜本身係咸(或者叫做重口味?),不過喇沙蝦面果類應該係偏濃味嘅,要食返啲清新的木瓜柚子沙律balance返:P

      刪除
    2. Gael兄日日撐檯腳,又要行吓街街,真係唔夠時間用…哈哈
      都戥Gael開心…反而咪仲多日誌想寫…

      刪除
    3. 基爾對住啲blog友一向都係實話實說嘅,喱排日日都咁鬼熱,行街撐台腳都真係可免則免啦~~~~~~~
      老實說其實大部份時間都花在細心閱讀森情小品文而已XXXXD

      刪除
    4. gael唔好up得就up…大部份時間睇森blog,呢啲簡直浪費晒gael兄啲時間,誤咗大好青年,認真諗諗係咪要關blog~XXXXXXD

      刪除
    5. 睇來你都好想我關blog咁喎:P

      刪除
    6. 你誤解晒嘞!!!!......上文我指~~係關森情小品個blog!!!

      刪除
    7. 咁又唔得~~~~~會令好多森兄粉絲失望呢^^

      刪除
  2. 出外食飯真的越来越贵,而且有時
    不一定好食

    回覆刪除
    回覆
    1. 成日話係主要食材貴舖租貴人工貴,咁喱啲都係一時間解決不了的社會問題,這算唔算係現代版的奴隸制社會?
      依家大部份人都係變相為大財團地產商打工㗎啫:P

      刪除
    2. 你上面那幅油菜花田的相好靚呀!:D

      刪除
    3. 下一篇blog是油菜花田??:P
      那裏拍的?

      刪除
    4. 係屋企人影嘅旅行相,我無份去:P
      唔係好記得係沖澠定九州

      刪除
    5. 點解唔一齊去呢?!冇假!!初時以為你去香港離島影,這油菜花田好靚~~~
      期待你篇新網誌~~

      刪除
    6. hahahaha....因為就唔到時間:P
      唔係香港,是在日本
      多謝你,但近來沒有什麼可寫了

      刪除
    7. Gael係大魚缸潛完水未呢....kakakaka...

      刪除
    8. 日日都成三十幾度,梗係要潛耐啲消暑XXXD

      刪除
    9. Gael大師:等...寂寞到夜深 夜已漸荒涼 夜已漸昏暗...:P

      刪除
    10. 有Kaka師太留言,更荒涼都唔駛怕wakakakaka.....XXD

      刪除
    11. Ka Ka 邊有咁大威力呀!哈哈哈...
      荒涼??如果Gael 的blog都算係荒涼嘅話...
      咁...Ka Ka的blog要用乜情况來形容好呢??
      荒蕪?人煙寥落?wakakaka.....

      刪除
    12. 冇問題啦仲有好多大夫撐你場,一定唔駛驚咩荒蕪XXXD

      刪除
    13. 好嘢喎!咁都接到!(睇到你上面嘅留言,真係笑咗出嚟!!哈哈哈...)
      咩...好多...撐場呀....最緊要係...有你撐場呀嘛!!kakakaka....
      話時話不能不讚一讚我啲blog友,他/她們真係幾俾面架!
      (其中當然包括Gael 喇!:P )

      刪除
    14. 我只係路人甲啫實在不足掛齒:P
      咁我都好多謝你咁畀面^^

      刪除
    15. 咦~~ 真係成個月冇寫野post出黎?唞暑??~~ 咁
      ~~我知馬最怕乜野喇~~

      刪除
    16. 其實馬係最驚"熱"所以夏天一定要"抖暑"!
      你睇Gael 就知喇!kakakaka...

      刪除
    17. 咁~~我都知妳係‥‥‥喇~~ :P

      刪除
    18. 無啦啦又同馬關咩事......:P

      刪除
    19. 嘉嘉醒! = Kaka sing !
      嘉嘉勁! = Kaka king !
      嘉嘉無得頂! = Kaka Moody Ding !

      刪除
    20. 要找Kaka來解讀一下,太深奧~~~~@@

      刪除
    21. 上文理解两者為敵,卻又稱…… 若馬是其中一位,咪要揾下與馬為敵者是誰囉…… 原來係…… '熱'……

      女郎!

      刪除
    22. 米:講乜呢??唔明!!XXXXD

      刪除
    23. 大夫:做乜你...又喺人地個blog同我賣廣告呀?
      (唉!就快畀你激死!)
      一陣Gael要收番我啲廣告費...唯你是問呀!!哼!
      Gael:啲super fans係咁gar喇!!請勿見怪!!XXXD

      刪除
    24. Gael:做乜...要找Kaka來解讀一下呢????
      "硫磺/劉皇馬!"...真係太...太...太深奧了~~~~@@
      咁深奧...Kaka邊識解讀啫!!!
      緊係要問番博學多材嘅大夫喇!!!:P

      刪除
    25. 我仲諗住你地心靈相通一定解讀到XXXXXD

      刪除
    26. 阿米解讀完好似仲深奧咗?!@@

      刪除
    27. "硫磺馬~欠铙走佬
      劉皇馬~劉皇叔立會騎硫磺馬~走票!"

      刪除
    28. KaKa 只是要知妳是熱女郎就夠了,足夠同馬為敌,同時又可以馬首是瞻。(^_-)

      刪除
    29. 你地講得太玄丫嘛XXD

      刪除
  3. 星馬菜應該比土耳其菜館頂得住D,唔及日韓受歡迎!

    回覆刪除
    回覆
    1. 日韓菜始終較大路啲,而且比較賺錢我估

      刪除
    2. 一定係日韓菜館較賺錢!

      刪除
    3. 可能係日劇韓劇帶動了飲食文化

      刪除
  4. 平靚嘅餐廳難求,
    我好少過你嗰邊,至多就去到太古城...😀😀

    回覆刪除
    回覆
    1. 食肆經營困難好多都上晒樓,上咗樓果D一般好少路經,我諗都係靠食網口碑吧......
      喱邊都係靠weekdays多office人放飯,假期就靜過鬼唔易有生意

      刪除
  5. 海南雞飯比例真係....太小氣啦~

    回覆刪除
    回覆
    1. 成80幾蚊都幾舊雞.......而且賣相仲好一般

      刪除
  6. 香港地出街食飯有一半價錢係俾咗租,真係平極有限!
    你碟雞飯似兒童餐份量...XDDD

    回覆刪除
    回覆
    1. 所以都幾無奈.....
      平時唯有睇多啲你個blog,望下啲日本美食望梅止渴XXXD

      刪除
  7. 鯽魚涌, 食個 lunch 都唔平
    以前有間好食米線《一線牽》, 唔知仲係唔係度呢

    回覆刪除
    回覆
    1. 有食過呀!!
      喱間咁隱閉你都知,食米粉酸辣粉果類算幾抵食嘅

      刪除
  8. 鯽魚涌在哪裡?啲雞飯好像唔係幾掂,我自己都煮好似好過佢少少.tsk tsk

    回覆刪除
    回覆
    1. 太古城過少少
      至少賣相方便MD一定贏一條街^0^

      刪除
    2. 嘩,十日無出新post喎, oops, who is counting?^^

      刪除
    3. 所以我覺得MD日日有新post好勁^^

      刪除
    4. 我預早寫㗎,週末煮飯就好多野寫啦,出貓。^^

      刪除
    5. 咁都幾好喎,可以寫定貯埋逐日出...

      刪除
    6. 咁都要日日有新煮意先做到嘅hahahaha....

      刪除
    7. 週末係我嘅煮飯日,孩子回家食當然煮多啲啦。^^

      刪除
    8. 見SD成日一路食一路四萬咁口就知多好嘢食^^

      刪除
    9. 試下再寫返啲煮餸嘢^^

      刪除
    10. 果然有求必應wakakakaka....^3^

      刪除
  9. 牛同雞都係得幾舊,又真係貴咗啲喎.

    回覆刪除
    回覆
    1. 晨早樓樓搞到王子無晒回鄉食好嘢的mood真掃興!!!!XXXD

      刪除
  10. 鰂魚涌夜晚好少食市開比較靜,份量偏少價錢吾算平,現在好多食市都係咁,如食還可以做到,質量吾好好快又執笠﹗

    回覆刪除
    回覆
    1. 我諗基本上啲office一收晒工,就無乜夜市生意,水盡鵝飛XXD

      刪除
  11. 哥碟雞真係少到離哂譜~~~~~~$78堅貴!!!
    其實我有時唔介意野食貴...但最緊要好食~

    回覆刪除
    回覆
    1. 人工永遠追唔上物價,慘:p
      都同意呀,可惜大多數都係將貨就價

      刪除
    2. 唉....其實我有時諗....市道唔好....d餐廳都好慘...但佢地d食物做得唔好...我地又唔會幫襯....成$78碟咁既飯...真係番屋企沖個杯麵算了~

      刪除
    3. 「番屋企沖個杯麵算」有個最大好處,就係好似你地咁樣,留返啲錢和quota去旅行時先大刷幾餐wakakakaka.....

      刪除
    4. 無錯無錯~不過約朋友又好難既~
      如果自己一個食就易搞掂~有時d特別節日反而買靚料番屋企自己煮仲開心~

      刪除
    5. 你應該不太難吧,有咁多公子陪你丫嘛^^
      我都覺得係,尤其係大時大節去搵位訂位確係超煩,而且又貴又要食啲指定餐,真係自己煮無咁嬲

      刪除
    6. 一時時啦~有時好難就時間架~
      係...我最憎就係食指定餐....又唔係特別好食....仲要特別貴~好羨慕香港超市好多靚野買~

      刪除
    7. 都係嘅朋友間都係各有各忙,所以約到一齊開餐都好開心,好真惜共聚時光^^
      不過依家超市都係越來越貴,正如你所講人工永遠追唔上物價:P

      刪除
    8. 無錯~有d朋友唔係成日見~但一見面就不停超多野講~
      係囉....澳門d野食又係越黎越貴~
      偷懶咁多日無寫新blog既~~

      刪除
    9. 你地公子團又即將出遊仲開心^^
      好彩有錢派可以幫補下hahahaha
      放陣暑假先:P

      刪除
    10. 哈哈~~仲有排喎~仲有兩個幾月~
      派左唔夠用...不過幫補下都唔錯~
      華~~~個暑假咁長既~~~~~

      刪除
    11. 兩個月好快就過啦,book好晒嘢未?
      好過我地乜都無啦~~~~稅都無得退,嬲爆!!!
      話明暑假至少放到9月先啦wakakakaka....

      刪除
    12. 酒店同機票都book好左喇~~~~仲要機票係平日價~因為我地早買~哥時未有附加費~~~
      今年無得退稅呀...真係慘!!
      華!!!!!!!!!!!!!!!!你個偷懶蟲丫!!!!!!!!

      刪除
    13. 好彩你早買咗機票,依家HK又話要畀機場建設稅.....
      你地最緊要賭業興旺有錢派啦^^
      唔算懶啦我成日有睇你個南美之旅XXD

      刪除
    14. 我地今次澳門飛~~費事番到黎咁攰~~~而且我地早左買~機票算係平~
      依家市道差左好多啦~眼見好多賭枱都無人玩既~
      wakakaka~多謝你成日黎探我~~~~

      刪除
    15. 唔駛走來走去咁勞累都好......
      喱方面唔駛愁,華人好賭係天性,遲啲一定生意多返wakakakaka!!
      你寫得好睇丫嘛^^

      刪除
    16. 唉~其實澳門飛貴過香港飛架~不過有時為左舒服...就會揀澳門久囉~同埋我鐘意香港飛多d架~係香港飛個感覺先真係似去旅行~~
      wakakaka~但經濟差左都係事實~無可能一世都好既~
      野~~~~~~~~~(亢奮跳舞中)

      刪除
    17. 原來澳門飛係貴D....@@
      有得飛都開心啦,好好享受成班friend同遊的假期^^

      刪除
  12. 喱碟海南雞飯$78,的確貴咗,加埋一仲貴,冇計,現在很難吃到平靚正喇!

    回覆刪除
    回覆
    1. 喱區可能有錢人多,生活指數都高過人XXD
      所以我有時都會留意下blog友啲推介,有啲都唔錯㗎^^

      刪除
  13. 回覆
    1. 阿摩唔食辣嘢,星馬泰菜可能唔啱口味^^

      刪除
  14. 價錢都唔平喎份量都幾少 .
    N年前吃過星馬菜印象他的菜式選擇好似唔太多 , 近年好似愈來愈少這種食店了 .

    回覆刪除
    回覆
    1. 可能有其他人覺得ok嘅,但我就麻麻囉:P
      其實我都好少食喱類呀,可能因為我都唔太食辣啦

      刪除
  15. 出街食野真係越黎越覺得貴。又唔太健康,不過同朋友聚一聚是必要的,應好好運用那免屎今牌吧!

    回覆刪除
    回覆
    1. Exactly~~~~好多時都係為咗聚一聚,否則真係好少出街食了!!
      唔係成日用得㗎,博炒咩XXXD

      刪除
  16. 鯽魚涌好遠呀~~
    有D貴又份量少,無下次

    回覆刪除
    回覆
    1. 其實我都覺得好遠:P
      而且唔算太啱口味,我對海南雞飯果啲麻麻地

      刪除
  17. 香港消費高,我這種英燦都負擔不來呀。

    回覆刪除
    回覆
    1. HK啲消費指數依家貴過歐洲唔少國家,比日韓台都要貴呢

      刪除
  18. 個樣真係麻麻,份量又少,咁樣好快會步土耳其餐廳後塵喎

    回覆刪除
    回覆
    1. 幸好office夠多,午市應該不愁沒生意吧

      刪除
  19. 你唔多喜歡這店的食物份量啦!
    不過有時出街食一餐吃不飽的 ... 要另加 ...

    回覆刪除
    回覆
    1. 都唔一定關份量事,可能係唔太啱口味:P
      其實都唔介意飽不飽,純粹係去聚一聚啫^^

      刪除
  20. 好耐無去鰂魚涌吃飯!
    又真的有很多雜誌去餐廳做訪問。

    回覆刪除
    回覆
    1. 真係唔算好多咩心水食肆,好多時都係撞下彩kakakaka....
      雜誌訪問果啲一般都係睇下就算啦唔好咁認真,因為好多時口味因人而異,人地拍晒手掌果D自己又未必啱食嘅

      刪除
    2. 雜誌拍手掌的我都好保留(我知他們如何運作),看您的 blog 穩陣好多,哈哈哈

      刪除
    3. 至少無乜利益衝突有碗話碗有碟話碟囉XXXD
      不過口味因人而異,也可能有人覺得勁好食勁抵食,要自己試過先知啱唔啱自己囉:P

      刪除
    4. 都是參考,但總好過被雜誌騙,哈哈哈

      刪除
    5. 時不時都有中伏情況,唯有當交學費囉:P

      刪除
    6. 信雜誌,多數中伏啦!
      講真,好少見有土耳其菜。

      刪除
    7. 要自己試過先知,口味因人而異吧
      其實喱類風土菜式都係純粹一試吧,HK人應該不會長期食,多數貪新鮮而己

      刪除
    8. 最近好宅呢,每次探訪都沒有新動向。
      羅馬的展覽都有去,正!不過那套3D戲就普通些。

      刪除
    9. 係呀主要係宅在家追看鐵血手足XXXD
      套3D戲剩係得個定鏡影住火山爆發情景,其實有點悶,如果可以3D遊古城就精彩好多啦^^

      刪除
    10. 哈哈哈,HK Gael,我要投降!
      3D遊古城,正呀!我在入口處看過有這片段,可惜展覽反而沒有。

      刪除
    11. 冇得輸wakakakaka....
      果段片好似係之前外國的紀錄片剪輯,我好似在明珠台睇過,有點熟口熟面

      刪除
  21. 免死金牌有好多,繼續去試新野啦!

    回覆刪除
    回覆
    1. 咁要搵JJ做老細先得喎XXXXD

      刪除
    2. 一篇blog ,80幾個留言,怪唔知出blog咁鬼慢。

      刪除
    3. 冇嘢post丫嘛~~~!!一系借JJ張玉照來出blog囉wakakakaka...

      刪除
    4. 阿婆照咪趕客囉,基仔照就人氣盛喇!

      刪除
    5. 我諗啲blog友唔會咁年齡歧視嘅你放心XXXD

      刪除
    6. 夏眠中.....ZzzzzzzzzzzzzzXXD

      刪除
  22. 免死金牌,應該只限一兩次機會,哈哈~
    香港食野太貴啦,又唔正宗,應該又係土地問題。

    回覆刪除
    回覆
    1. 梗係啦博炒咩XXXD
      所以依家都好少出街食,寧願留返啲錢去外地食kakakaka...

      刪除
    2. 大家咁話,港女跟得我旅行多,都有同感~

      刪除
    3. local果啲通常都係約咗人先去,自己一條友就返屋企好啲,唔駛阻住人地雙雙對對撐台腳啦XXXD

      刪除
  23. 開OT有錢收,都算啦,我早排超時工作加加埋埋個幾禮拜,斗零都無,好彩有得期待放大假!不過今日又重新開始做奴隸,返到屋企即刻寫遊記當自己仲係放緊假!第一篇剛剛新鮮出爐。

    回覆刪除
    回覆
    1. 咁希望你個「奴隷期」越短越好,之後又可以快快去逍遙做神仙啦^^
      返到屋企即刻寫遊記====>咁真係要大大力畀個like你,即刻過去睇下先!!
      非常同意你喱句=====>寫遊記當自己仲係放緊假!!!好多時一路寫一路睇返啲旅行相真係會幾興奮,好似真係重溫一次旅程咁,非常enjoy!!!

      刪除
    2. 10日都無新野,仲開緊OT?

      刪除
    3. 真係無乜嘢寫,所以咪索性唔寫囉:P

      刪除
    4. 我都有同感,所以經常幾個月唔蒲頭。

      刪除
    5. 你有咁多旅行嘢可以分享下啦,好多人想睇下^^

      刪除
    6. 就係旅行野寫嗮之後幾個月無野寫囉…… 好彩今次呢個trip有排寫!

      刪除
    7. 山區景色實在太美,要post多啲相^^

      刪除
    8. 基爾,就算唔寫都唔好唔記得我地呀。。。

      刪除
    9. 冇問題,我會去巡blog㗎喎,銀哥銀嫂個橫越非洲旅程都一定不會錯過^^

      刪除
  24. 宜家唔知係咪物價貴,好多時候去食野,份量少得可憐!

    回覆刪除
    回覆
    1. 都可能係,同埋多數係畀啲舖租食晒啦我諗.....

      刪除
  25. d 菜式睇落唔係幾開胃,新馬菜... 我都係留返在馬來食 :P

    回覆刪除
    回覆
    1. 希望第時有機會來食下啲真星馬菜^^

      刪除
  26. 其實, 好多人都係睇介紹才去試新菜館, 不過, 如這家一樣, 大多只有第一次了.

    回覆刪除
    回覆
    1. 都係嘅,因為依家啲食店周期比較短,可能開一兩年見無生意就換馬,新店如走馬燈,好多時要靠OR先知新店的介紹!
      好多都係試過先知啱唔啱口味囉

      刪除
  27. 其實做得好食啲,貴得來都較有價値。

    回覆刪除
  28. 咦, 幾乖喎, 我驚我番到嚟基爾兄都係寫得一兩篇, 原來有三篇喎, 唔錯唔錯!(懶巴閉, 我自己都唔係勤update, 呵呵!)
    好同意賣相係有啲小器
    係呀係呀, 第一次幫襯的話, 一般第一round唔會叫夠數先, 食過ok先嚟加, 唔洗嘥錢、嘥食物, 最大劑係嘥quota

    回覆刪除
    回覆
    1. wakakakakaka.....你完全可以放心,因為無錯過任何精彩嘢XXXD
      可能佢午市抵食啲,而且不愁客源,喱區office多食肆少!
      依家都係用喱個策略啦,以免浪費:P

      刪除
    2. 基爾基爾, 聽到發文呼喚嘛? ^^

      刪除
    3. XXXD我剩係聽到返工的呼喚咋!!!!

      刪除
    4. 噢, 慘慘豬! 調番轉諗會開心啲架, 著數咗半日, 好過冇啦 ^.*

      刪除
    5. 咁又係喎,做人樂觀啲永遠是件好事^^我都要好好向Venus學習!!!
      不過其實我都早已習慣晒,以前都試過十號風球照返工㗎啦:P

      刪除
    6. 剛剛洗咁啲霉啦wakakakakaka.....XXD

      刪除
  29. 回覆
    1. 都係啱,無謂浪費quota丫嘛:P

      刪除
  30. D雞會唔會少咗啲呢!(^_-)

    回覆刪除
    回覆
    1. 可能佢想啲客人健康啲啩XXXXD

      刪除
  31. Gael,現在出外食嘢又貴又好唔食,D份量又小.

    回覆刪除
    回覆
    1. 所以間中都會留意下人地寫果啲美食blog,睇下有冇好推介囉^^

      刪除
  32. 看來這頓飯 ~ 真是得不到你的歡心喎 >.<

    回覆刪除
    回覆
    1. 純粹一聚而已,下次可以揀間好啲嘅

      刪除
  33. 回覆
    1. 可以去做泰國果啲長頸族美女XXXXD

      刪除
    2. 咁多粉絲想睇新blog,你扮唔知?

      刪除
    3. 大家blog friend傾下閒偈啫,粉絲係咪食得果隻?XXXXD

      刪除
    4. 你即管食啦!食神懶鬼!kaka....

      刪除
    5. 咁我一於懶多陣先wakakaka....

      刪除
    6. 180個留言,咁下篇等到第180留言我先寫留言啦!哈哈......

      刪除
    7. 隨心啦無乜所謂嘅,有空咪搭下訕^^

      刪除
  34. 回覆
    1. 一直都唔係好明白經常有啲食肆茶樓撻凍晒啲餸菜點心先拎出來畀客食,其實叮返熱少少先拎出去畀客人有幾難呢又?
      下次要自攜叮叮爐先得XXD

      刪除
  35. 如果食物貴兼品質差,反正麻麻我寧願幫襯一些卡拉OK,有得唱時食物也不會很差,反正都係大家聚會下!
    不過而家去K唔知消費會唔會好高?

    回覆刪除
    回覆
    1. 唱K+buffet都係個唔錯的選擇喎,尤其係大班朋友gathering^^
      我真係唔知貴唔貴,因為我好多年無去啦,不過估計都不會太貴,因為唱K潮流早已過,佢地生意近年其實都唔係太好,通常都係低價吸客居多吧

      刪除
  36. 現在物價高漲食店難做,可能將貨就價啦!

    回覆刪除
    回覆
    1. 都會㗎,依家做老闆也不易呢

      刪除
  37. 我都好怕出外吃東西,往往貴夾唔好食。
    在新加坡多是吃海南雞飯,價錢不貴,味道尚算可以。

    回覆刪除
    回覆
    1. 近年HK可能都因為舖租貴,一搬都無乜嘢係抵食嘅
      星洲海南雞飯也很出名

      刪除
    2. 也很怕遇著“海南雞飯”的雞是凍的。當吃到有點暖的雞件也就順心多了。這些店舖令人好感。
      還有,遇到炸得不夠嫩滑的豆腐斑腩,竟是又“鞋”又實,也真是掃興了。

      刪除
    3. 其實也不知海南雞是凍食還是熱食,有些店確是凍食的(如醉雞之類),但我偏向熱似乎食好味一點.....口味因人而異吧!
      上次睇過有篇網上新聞話,好多粟米魚塊豆腐斑塊又或吉烈魚柳之類,其實都係用較平價的塘蚤之類的catfish製作,自始以後我都少食好多:P

      刪除
    4. 估佢唔到呀,係用塘虱咁奇? 本區附近有兩家小廚食店啲“豆腐和斑塊”煮得都好嫩滑好好吃,我超鍾意食ga。
      如果整得唔好食,係龍肉都冇用啦。

      刪除
    5. 都啱嘅,最緊要係煮得健康同埋好食^^

      刪除