2016年8月15日 星期一

珍郵魅@2016里約奧運

今年暑假真係幾熱鬧,除了在街上和公園成日見到大群訓練員捉精靈外,睇巴西里約熱內盧舉行的奧運也是熱門節目,欣賞賽場上運動員的拚搏精神之餘,仲搞到基爾暫時唔係幾好意思繼續歇暑下去,就先睇返D奧運郵票趁一趁個奧運熱吧!



今屆里約奧運出的紀念首日封長這樣!年初預訂郵票時睇個sample就覺得唔係太開胃,曾有猶疑過好冇訂呢?不過,後來諗住奧運4年才有一次,唔靚都照訂啦!最近終於去郵局拎到實物,打開一睇才發現原來都幾靚喎,好彩有訂到,唔係就後悔!



由這個角度看,可以看到運動員的金屬剪影,銀光閃閃的燙壓效果幾有獎牌味道,4枚郵票分別印上幾項香港選手參與或曾獲獎牌的熱門項目,包括單車和田徑($1.7)、乒乓球和羽毛球($2.9)以及滑浪風帆和游泳($3.7);另一枚則展示今屆兩項新增賽事:欖球和高爾夫球($5)……



4枚郵票分別以象徵奧林匹克五環標誌的黃綠藍紅作底色,小全張背景配襯埋2008年北京奧運時香港曾協辦的馬術項目,感覺上幾colourful幾有活力;還有橄欖枝Rio2016特別郵戳,基爾也覺得設計頗美。



講開奧運郵票咁又去摷摷床下底D陳年寶貝,先看上屆的2012年英國倫敦奧運首日封,之前好似無寫過咁又介紹下。驟眼看可能會以為是罕有的圓形郵票,但其實是由4枚方形郵票合併而成,而小全張右面則印上倫敦大笨鐘、塔橋等著名地標,同以放射線條圖案展現出奧運的活力和姿采。



至於4張郵票展示的賽項包括風帆和賽艇($1.4)、羽毛球和射箭($2.4)、乒乓球和單車($3)以及游泳和田徑($5),每枚郵票還分別加上2、0、1 、2等數字,甚有心思。翻查資料原來上屆倫敦奧運已是這個大不列巔帝國首都主辦的第3次現代奧運會,之前兩屆分別是一次大戰前的1908年和二次大戰後的1948年。



唔嫌悶的話就繼續睇落去吧!講到香港最威水果年,就一定不能不提1996年的美國亞特蘭大奧運,當年這個紀念封原來發行於1996年7月19日,該屆正好是現代奧運的百周年紀念,也是香港回歸前最後一屆參與的奧運會,上圖有金色邊框的就是慶祝奧運百周年紀念版首日封,還有回歸前的香港奧委龍獅圖案標誌;郵票左上角可以見到印有代表英女皇伊莉沙伯二世的「EIIR」和皇冠圖案。



李麗珊在亞特蘭大奧運風帆賽奪金應該好多人記憶猶新(至少記得唔係垃圾的金句),不過數數手指原來已經是20年前的威水史(光陰似箭真係快得驚人)!當年香港奧運代表隊回來後仲有出過上面這套慶祝首奪金牌的紀念封,除了不能少的珊珊威水獎牌相之外,仲有奧運百周年主場館作背景,當然還有$10女皇頭郵票。



1996年亞特蘭大奧運除了珊珊在風帆奪金之外,當屆港隊在殘奧運也取得佳績,包括蘇樺偉在男子4乘100米接力同樣奪金而回,原來當年殘奧也曾出過首日封紀念香港選手取得佳績,不過看郵戳是發行於1997年6月1日,$10郵票也沒有了女皇頭。



若數基爾收藏的奧運紀念封當中,設計最靚的要算是上圖這套1992年西班牙巴塞隆拿奧運,背景除了有奧運聖火和五環之外,郵票上的5個賽項也配合了五環設計,簡約得來又有心思。有冇人仲記得當屆奧運Sarah Brightman與José Carreras合唱的《Amigos Para Siempre》?



最後不如睇埋香港唯一主辦過的大型綜合運動會「2009年東亞運」,當年同樣有出過紀念封,設計也是以運動項目作主題,分為金銀銅3組共6枚郵票,與今屆里約奧運那套同樣採燙壓效果很有metal質感。底下另一套則是同年的「香港巴西聯合發行足球郵票」,中央併合起來成為完整的足球圖案,是香港比較少有以運動為主題的首日封。

2016年里約熱內盧第31屆奧林匹克運動會
發行日期:2016年8月5日



p.s.講開奧運,醒起之前基爾有提過去報班練自由式,10幾堂其實好快就上晒,之後原來仲有成績表派咁盞鬼,可惜裏面係大大隻寫住「不合格」3個字有點醜怪,依家諗返唔怪得最後果堂教練鬧基爾只差果兩三步就掂池做乜唔游埋佢(教練平時好nice唔會鬧人),原來果陣已經係考試了,成績表寫明一定要游到個訓練直池先可以升班否則就要fail,早知忍埋果兩啖氣游埋佢啦!(最新跟進:之後自己再去泳池游多幾次其實已經達標,可惜為時已晚,有點扼腕揼心!)

117 則留言:

  1. 好吸引,可惜我己放棄了集郵....

    回覆刪除
    回覆
    1. 只係啲陳年郵票,都係你果啲經典漫畫咁吸引好多^^

      刪除
  2. 今年奧運市面上冇乜紀念品賣,有套郵票都已經唔錯~
    去游水之前,乜冇講明期終有個測試咩?!!等學生有個準備嘛~~

    回覆刪除
    回覆
    1. 唔覺有喎,可能巴西太遠,始終係京奧果年最多吧!
      知道會有考試,但我無留意到個達標距離,以為求其游到就pass:P

      刪除
    2. 你久休復出後就, 積極寫番多啲blog嘞~~
      唔駛每篇都要等成個月…哈哈

      刪除
    3. 依家少咗出街(天氣熱)無乜機會影相又無乜嘢寫,所以間中才寫下blog囉:P
      我會好勤力去森blog巡察㗎喎你放心wakakakaka....

      刪除
  3. 奧運出的紀念首日封普遍都幾靚喎!點解教練冇提你地係考試架。

    回覆刪除
    回覆
    1. 個design都幾有動感同埋好colourful,實物比佢個sample靚好多......
      有講要考試但我無留意要游晒個直池:P

      刪除
  4. 今天奧運, 我真係無咩興趣, 但無意中星期六見到李慧詩比賽 ^^

    回覆刪除
    回覆
    1. 女車神真係好有實力,可惜就係差點運氣,被炒車都無辦法

      刪除
  5. 新加坡男泳手Joseph Schooling 得到個奧林匹克金牌,開心到吖,今日剛回新加坡。。。<3

    回覆刪除
    回覆
    1. 有留意呀,真係好犀利,佢咁後生仲有大把機會奧運爭金牌添喎^^

      刪除
    2. 叫SD又去練下參加奧運^^

      刪除
    3. 你開咁大玩笑,佢連行都唔想,哈哈哈

      刪除
    4. wakakaka...^^
      有空要做下運動嘛!!

      刪除
    5. 叫得佢郁我就唔需要咁激氣啦, oh well.

      刪除
    6. 慢慢佢會明白嘅唔駛擔心^^

      刪除
  6. 我唔知幾時開始都好少買郵票,紀念票更少,
    你真喺好恆心,
    訓練員做咗一個月都唔知點玩,
    游水更加唔識,仲差喇😂😂

    回覆刪除
    回覆
    1. 旅行果陣會唔會買啲都紀念品?
      其實我都唔係好知個game有乜咁好玩wakakaka...

      刪除
    2. 我喺有時會買下當地郵票,喺“列支敦斯登”買咗幾套,話時話拍拖年代送過太太嘅生肖首日封俾佢,不過佢當時無乜反應。好彩佢無當垃圾。

      刪除
    3. 旅行時買郵票留念也不錯,方便攜帶之餘也易收藏.....
      路霸兄都幾另類浪漫喎拍拖送郵票XXD

      刪除
  7. 以前細個我都鍾意集郵的,但唔知點解大左就唔再集了.

    回覆刪除
    回覆
    1. 其實我都唔算好有恆心,要好似以前晨咁早去排隊一定唔買,好彩依家有預訂就方便好多

      刪除
    2. 以前集郵俾有去定啊,都係等人地寄信來的.

      刪除
    3. 以前年代興筆友,可以有唔同國家的來信都幾浪漫^^

      刪除
  8. 今日一上網~驚喜!你有寫blog~~
    俾奧運燃起你寫blog既心~~~真好~~~~
    華...咁樣望望下你都儲左好多屆奧運首日封喎!!!有d仲要係女王頭...我覺得好有紀念價值!!!!!!!!!
    唉呀.....游水哥度差少少咋....佢無話你知哥個係考試黎架?

    回覆刪除
    回覆
    1. 你咁講搞到我有DD內咎咁耐無update!!XXXD
      以前讀書年代到依家㗎啦,不過中間有幾屆都無買....
      有講要考試不過我無留意達標個標準距離要游幾遠囉:P

      刪除
    2. wakakkakaka~我唔信你會~~~~~~~
      我覺得呢個嗜好幾好喎~儲某d特定會儲既節日呀...項目呀咁幾特別..即係好似係生肖同奧運咁都唔錯~
      遲下可能香港郵票博物館d展品要靠你幫手呀~~~~
      下次要乖呀~睇清楚考試內容~

      刪除
    3. 對呀,正如你旅行都有買磁石貼收藏^^
      不過依家都係揀啲靚又或者有特別紀念價值先買囉,因為實在無乜地方擺了.....
      不太可能吧~~~~~我諗要有收藏清朝或者民國年代的郵票才有展覽的價值啦,我果啲係太過近代了!可能要等幾百年後才有機會展出,到時你記得來睇XXXXXD
      我記得架啦,謝謝^^

      刪除
    4. 無錯無錯~~~~~我諗我有超過100粒磁石....真係好痴孖筋~~~~
      郵票都還好~~薄薄的嘛~~~~~~磁石真係好難搞~~~~~
      wakakakakakak~~~到時如果我得閒我一定會黎捧你場呀~你記得招待我呀~~~~~~
      有無諗住報多次?

      刪除
    5. 100粒真係唔少嘢喎!!@@澳門有旅遊展時可以借畀主辦單位展覽^^
      對,郵票算係易收藏....
      要等幾百年喎~~~~~咁我地要食多啲防腐劑先等到果日XXXXD
      暫時都未打算再報呀,因為即使再報我都只可以報7:00am果堂,加上又要抽籤,搞得來都10月泳季完無開新班,可能等明年先算啦:P

      刪除
    6. 點會要搵到我丫~澳門都大把人去過好多地方~~~~仲有呀~~最近發現...去旅行d磁石淘寶都有呀~~~犀利到~~~
      我成日諗....你d首日封會唔會放床褥下面.....
      依家食大把野有防腐劑啦~~~放心啦~~~~~
      不過其實你依家都識游啦~可以自己游XD

      刪除
    7. 淘寶都有旅行磁石貼?!@@係咪方便啲人買唔夠手信可以上網買XXXXD
      又唔會放床褥下面,多數係放入盒掉入床下底kakakaka...
      非常多,仲有唔少不知名chemical:P
      上堂有時間限制唔太方便,自己去就幾時都ok^^

      刪除
    8. 我唔知~~~但我見到個同我係復活島買既一模一樣既磁石~~~淘寶真係好利害~~~~~~
      唔通係用月餅罐裝住~~~咁咪要好多月餅罐~~~~
      哈哈~~~咁現代人好多都防腐噃~~~
      咁如果識游都無咩所謂既~~~

      刪除
    9. 所以話淘寶咁發都係有原因嘅.....
      以前真係有用,不過後來易生鏽就無再用:P
      一定係,你試下飲包紙包飲品睇睇佢個標籤就知,果啲咩酸味劑穩定劑食用色素多到嚇死人XXXD
      我諗都係游多個零月啫,近日天氣涼咗,有秋意

      刪除
    10. 但諗唔明點解佢會有復活島磁石賣...唔通因為全世界磁石都MADE IN CHINA所以佢地根本攞到第一手貨~~~~
      WOW~我好叻~~~~咁依家用咩罐會好D呀??我都想搵野入下我D明信片~
      我好少飲紙包野~~~好彩~~
      係呀我都覺得真係無咁熱~太好了~

      刪除
    11. 都有可能喎,我諗外國超過90%的紀念品都係中國這間世界工廠製造!!!XXXD
      如果係明信片可以考慮買啲4R/5R相簿,我見淘寶有大量選擇,如果係好大張的話也可以索性用類似活頁簿果種folder~~~
      盡量唔食預製食品啦,多多少少都要靠防腐劑食用色素之類的化學嘢!:P
      如果乾爽啲更正!

      刪除
  9. 咁就乖喇! 有啲心思喎, 回應番奧運 ^.*
    ok喎, 閃閃哋, 唔同角度個色有啲變化, 好在有訂咋!
    係喎........96年係未回歸架, 好耐冇見過女皇頭。唔知下個奧運冠軍要幾多年之後呢?
    唔緊要啦, 強身健體啫, 合唔合格都冇緊要, 忘記它!

    回覆刪除
    回覆
    1. wakakakaka...如果唔係咁啱有訂喱套奧運郵票,可能仲未願郁!!:P
      佢個金屬質感幾靚又夠colourful,有動感,之前睇佢個sample睇唔出個金屬質感就好平凡囉!!
      回歸眨下眼就廿年,時間快到有點得人驚.....
      睇完今屆奧運,其實我覺得要拎冠軍除咗要有實力之外,運氣其實真係都好重要,唔知要等幾多年啦!
      其實我都係咁諗,求其游到個泳姿ok就算啦又唔係要去參加奧運做寧澤濤XXXXXD

      刪除
  10. 你啲珍藏真係好靚喎,我係無心機儲嘢同打理㗎。。。

    回覆刪除
    回覆
    1. 其實郵票都算係唔阻地方易打理,其他比較多的就只有CD和書而已,好多都係以前讀書年代買落嘅,依家都好少買啦

      刪除
  11. 不合格~ 哈哈哈哈!But, who cares? 學識游水都好叻喇~
    記得細個時,老豆抓晒我哋d豆丁仔去泳池教我哋游水,佢教我哋自由式,但我學極都唔識(顧個頭來顧唔到呼吸... 最怕耳仔入水),飲佐幾次水最後自己摸出個蛙式~
    都係游個水啫,搞咁多野 :P

    回覆刪除
    回覆
    1. 要大大力畀個like阿joice爸,教曉小朋友游水真係好重要,是求生的技能,一生受用呢^^
      其實呼吸依家我都係時得時唔得,要練多啲先掌握到,耳仔入水都係幾煩嘅:P

      刪除
  12. 我比較喜歡有金屬剪影的郵票,幾特別,設計也不錯。

    回覆刪除
    回覆
    1. 係有啲獎牌的味道,好配合個奧運主題

      刪除
  13. 回覆
    1. 奧運四年一次吧,都會買一個咁多,同埋新年生肖果D買開通常都買嘅

      刪除
  14. 回覆
    1. 如果係靚仔靚女教練咪報多次去學囉.

      刪除
    2. 倫敦果個爆花設計係幾有活力動感,而且感覺幾新鮮唔老土^^
      其實我最多只係可以去7-8:00am果堂咋,即係話朝早5點幾要起身6點幾要出門口,係要有少少毅力先做得到!!!!同埋報名之後都要抽籤嘅,未必一定抽到,即使抽到都10月開始涼......不過喱D都係題外話,如果有王子喱類型男做教練我倒塔咁早都一定去XXXXD

      刪除
  15. 幾套郵票,設計各有特色!
    我不懂游泳,因膽小!你能學會,棒!

    回覆刪除
    回覆
    1. 其實以前PE堂有教過蛙式都算學過嘅:P
      有冇睇奧運比賽?

      刪除
    2. 沒怎麼正經坐下來看。

      刪除
  16. 嘩 ^^ 你真系好比心机儲郵票喎 !!
    真有恆心 Vs 持久力强 @ 抵讚 ~

    回覆刪除
    回覆
    1. 咁大個仔第一次有人讚我持久力强XXXXXXD

      刪除
  17. 終於有新Post啦,哈哈哈
    各套中,最喜歡1992年西班牙巴塞隆拿奧運那一套。

    回覆刪除
    回覆
    1. 我都鍾意果套,夠簡約^^

      刪除
    2. 有看,但半夜的通常都沒看,多看晚上和朝早的直播

      刪除
    3. 我也是!不過最近越來越忙,很多應看的也沒時間看。

      刪除
    4. 算啦四年後也有得看^^
      當然是要做咗正經嘢先睇電視吧

      刪除
    5. 我也是這樣想,工作行先,哈哈哈

      刪除
    6. 工作第一,但第二一定要係寫故仔XXXXD

      刪除
    7. 哈哈哈,對對對!還在努力寫新的一部短篇。

      刪除
    8. 太好了又有新故仔睇^^

      刪除
  18. 我阿媽好鍾意聽92年奧運果首Amigos。奧運比我最開心回憶,係2000年響悉尼!唉,自從Ian Thorpe退休之後,澳洲泳隊一落千丈,我已經無興趣睇奧運。

    回覆刪除
    回覆
    1. 在芸芸奧運歌當中喱首都算係好經典,至少到依家都仲記得,當然仲有Freddie Mercury果首.......
      去Sydney果次我都有去Olympic Park行咗個圈,有入去游泳館睇....
      都係呀以前澳洲泳隊可以同美國拗手瓜,今年差咗少少有點青黃不接;不過女子Rugby贏到死敵鄰國奪金係咪開心到癲咗^^

      刪除
    2. 以前Ian Thorpe同Michael Phelps死對頭時,我會凌晨兩三點爬起身睇決賽!而家Phelps仲攞緊金牌,Thorpe就連國家隊都入唔到,好傷心。女子Rugby好彩贏左,否則無面見紐西蘭朋友!

      刪除
    3. 係喎Thorpe依家去咗做乜?做教練呀?無咗影......
      女子Rugby7贏到All Black真係好勁㗎啦!!!男子始終都係Fiji贏,個金牌好似係為佢地而設XXD

      刪除
    4. Thorpe 退休後無咩野搞,出過一本食譜(!),舉止又有D神神化化,後來終於公開自己係同志身份先至正常返,然後準備東山復出今年奧運,可惜連國家隊都入唔到,被公眾奚落。唉,以前全國愛戴既金童子,竟然落得如此,公眾真係好無情。

      刪除
    5. 做運動員可能就係咁㗎啦,不斷訓練拼搏都係為咗贏,贏到自然就多人推崇(榮譽)(當然也有獎金),不斷輸和無乜成績果啲即使話自己幾咁努力刻苦受訓,始終都係無乜人會理,現實就係現實囉:P
      不過話時話今屆奧運真係無乜令人眼前一亮的運動明星,都係靠Phelps,Bolt果啲老將聚焦到少少話題.....
      有冇啲新Aussie值得留意下?我只識Nick Kyrgios打得不錯有機會上一線爭下啲Grand slam!!

      刪除
  19. 我覺得2012倫敦個款郵票唔錯!
    不及格咪繼續努力囉!
    終有及格的一天!哈哈哈……

    回覆刪除
    回覆
    1. 個design夠晒動感又有idea,叻!!!
      依家都游到個直池嘅,ok就算要求不高:P

      刪除
    2. 再去泳池游多幾次其實已經達標 !!

      刪除
    3. 對呀已達標不過改唔到張成績表無得升班XXXD

      刪除
  20. 2012年最靚呀我覺得~
    訓練員<--肥人都係..HAHAHA

    回覆刪除
    回覆
    1. 咦~~~原來都幾多人鍾意喱套!
      記得玩還玩要小心睇路喎!!!最好搵埋老公陪住先好出去捉精靈啦^^

      刪除
  21. 回覆
    1. 可能因為贏到金牌仲出多幾套添

      刪除
    2. 基本上我就淨係睇過呢一年嘅奧運!

      刪除
  22. 呢套又幾靚bor,買左都未去拎,要快啲寺拎返黎睇先@@

    回覆刪除
  23. 唔靚都照訂,都幾好笑~
    個金屬剪影都好sharp醒喎!
    我淨係記得香港運動員唔係臘鴨的金句咋,wakakaka~~~
    基爾終於寫卜啦! 唔合格唔緊要啦,學野都係想有得著啫,張紙嚟啫,又唔係靠嚟搵食。

    回覆刪除
    回覆
    1. 奧運4年一次丫嘛,有收藏價值^^
      係呀都幾閃,之前睇佢個sample就睇唔出喱個效果所以覺得設計好一般。
      銀哥係麥兜super fans....XXXD
      無旅行去所以無乜野寫囉,我又唔似銀哥咁識彈Ukulele可以表演下^0^

      刪除
    2. 死仔包笑我,哈哈~~

      刪除
    3. wakakaka.....真心讚!!!^^

      刪除
  24. 呢套奧運郵票真係幾靚 , 不過我無集郵 , 所以唔會買呢~!!

    回覆刪除
  25. 今屆有銀光的紀念郵票不錯, 主體特出啲! 2012 的就花啲!

    回覆刪除
    回覆
    1. 對,閃光效果是設計的靈魂^^

      刪除
  26. Gael,你的郵票珍藏好有紀念價值,謝謝分享.

    回覆刪除
    回覆
    1. 幾廿年後睇返可能會覺得幾有趣和有一點點回憶吧

      刪除
  27. 以前有集郵, 好耐無睇啦, 多謝分享, 每一屆都好珍貴.

    回覆刪除
  28. 回覆
    1. Really~~~~~~你晒都咁黑仲以為你係游水健將!!@@

      刪除
  29. 我以前都有集郵, 近10多年無集了,有好多郵票設計真係好靚.

    回覆刪除
    回覆
    1. 對呀有啲都幾靚幾有心思啲^^

      刪除
  30. 你好多珍藏喎 .
    我對奧運項目沒有太大興趣 .

    回覆刪除
    回覆
    1. 有啲比賽唔係成日有得睇,都幾有趣㗎^^

      刪除
  31. 始終都係女皇頭郵票最直得收藏!

    回覆刪除
  32. 女皇頭郵票好珍貴!!!
    我小時候讀官校,依稀記得班房牆上掛有她年輕時照片.
    原來習以為常的事情, 印象就是很模糊了!!!@@

    回覆刪除
    回覆
    1. 原來除了政府機構之外,以前官校也會掛事頭婆肖像!!

      刪除
    2. 以前英女皇家族有好多靚郵票,以前好渴望有

      刪除
    3. 間中郵局都有賣海外郵票,都有包括英國嘅^^

      刪除
  33. 其實, 回歸前後, 都有很多東西值得珍藏, 見證著歷史的變遷.

    回覆刪除
    回覆
    1. 確實有好些東西值得令人懷緬,也可能因為現在無聲無息地失去的東西太多:P

      刪除
  34. 羨慕你的珍貴收藏品,我已放棄集郵十多年啦!

    回覆刪除
    回覆
    1. 喱樣都算係唔太阻地方,比較易收藏,依家間中都仲會買

      刪除
  35. 原來都錯過了你幾篇網誌! 真係走眼了。
    我都珍藏了好些郵票,都蓄之於高閣了。如何再使它重見天日? 煩著呢。

    回覆刪除
    回覆
    1. 有空先慢慢睇返hahahaha....
      好似我咁間中搵啲特別嘅拎返出來影張相擺上blog囉^^

      刪除