2016年9月16日 星期五

散策郵誌@羅卡角

費事太耐唔update個blog越來越失去動力,咁又搵D無謂野keep住寫下,不過今次唔摷舊CD舊首日封,改去摷舊相簿。睇返十幾年前喱張老照片,基爾相信應該好多人都去過喱度望海吧……



如果有去過的話,應該都會為這個壯闊的大西洋無敵海景而著迷。冇錯,這就是素有歐洲大陸最西端「天涯海角」之稱的Cabo Da Roca(羅卡角),它位於里斯本西面辛特拉山地的海濱,沒記錯的話由市中心坐車去大約1小時車程左右吧!



基爾當年去到正值11月尾的深秋初冬季節,幽暗的地中海雨季密雲籠罩整個海岸,站在崖上印象最深刻的是食飽那陣強勁而夾雜冰冷雨點的西北寒風,吹到頭甩之餘也實在令人無法久留。在這140米高的懸崖上,大燈塔和十字架紀念碑可說是Cabo Da Roca的地標,15世紀開始不少航海探險家就是由這裏乘著大型帆船駛出大西洋尋找黃金夢,同時也靠這燈塔導航回到里斯本海灣港口。至於十字架紀念碑也是遊人留影熱點,因為碑上刻有16世紀葡國詩人Luis Camoes著名詩句:「地之盡頭,海之開端」。



來到這個歐洲天涯海角,「指定動作」必然是去遊客中心買返張紀念證書,不過基爾翻箱倒櫳也找不到,可能當年為了慳錢沒有買吧!網上查找現時好似都只係賣50幾蚊港紙左右不算貴。回想當年基爾沒太多錢(其實依家都係),所以旅途上向來也沒買什麼紀念品,唯獨上圖右這塊葡國磁磚(連木製畫架)實在太美,所以花了僅餘的盤川買了,十幾年來一直擺在書櫃裏保存至今。



繼續東摷西尋舊日的旅途印記,發現原來當年在葡國買的郵票和postcard也不多,上圖左是郵票簿裏碩果緊存的一張,面值是1ESC,這是葡國貨幣Escudo的簡稱,早已忘了兌換價是什麼,目前發行的葡國郵票應早已換作Euro了吧!



既然沒其他葡國郵票,咁就順便睇埋其他前殖民地出品,數量最多當然係隔籬梳打埠。原來昔日基爾都收藏唔少澳葡年代郵票,上面這枚算是比較經典的澳氹大橋紀念郵票,面值是20AVOS,年輕一輩可能對這個貨幣單位有點陌生,這其實是澳門回歸前流通的Macao Pataca單位(俗稱澳門葡幣),大約1MOP=100AVOS。至於Ponte Macau-Taipa正式名稱是嘉樂庇總督大橋,以前搭大船過大海差不多要成3個鐘,通常見到大橋就表示已差不多到了,而這張郵票就是紀念1974年大橋通車而發行。



香港回歸前的郵票有女皇頭和EIIR字樣,澳門則印有Republica Portuguesa Correios(葡國郵政),這些「前朝文物」好多都以澳門的葡式建築作主題,設計比較傾向歐洲人較崇尚的清雅簡約!基爾特別喜歡這幾張以總督府、板樟堂以及南歐雕花窗框和大門裝飾為主題的郵票。



上圖這兩套4連張也是比較少見又有特色的設計,上面4張是介紹澳門中葡匯粹的飲食文化,半圓形桌面上驟眼睇已經見到有葡撻和水蟹粥等招版美食,仲有粵式和西式的茶具。下面4張同樣印有Republica Portuguesa字樣,郵票串連了澳門400多年來由葡人乘十字架帆船抵達澳門一直到現今的松山燈塔,以素描筆法畫出這幅澳門歷史版「清明上河圖」。



除了澳門之外,之前看blog友的旅行網誌講,位於東非沿岸的Mocambique(莫桑比克)昔日也是葡國殖民地,於是立即翻開古老郵票簿看看,果然有發現!這東非國家於70年代獨立前,發行的郵票上也印有Republica Portuguesa,與澳門完全一模一樣,而且面值是以葡幣Escudo計算,證明這兩張莫桑比克舊郵票至少已經有半世紀歷史。



點解基爾咁肯定佢有咁耐歷史?原來從上面這張澳門「文物郵票」竟也找到一點歷史端倪。總愛每事問又查根究底(可能已有點強逼症發作)的基爾,翻查網上資料才知這張郵票與1974年4月25日在葡國首都里斯本爆發的Carnation Revolution(康乃馨革命)有關。舊一輩澳門人可能仲記得以前每年4月25日也是公眾假期甚至會發行紀念郵票,這天其實就是葡國的「自由日」,以紀念這場不流血非暴力的革命。



話說20世紀經歷了兩次大戰後,不少傳統歐洲殖民帝國都百廢待興,包括葡萄牙在內都無法再在軍事及政治上繼續統治大批海外屬地,到了1974年4月25日不少里斯本民眾及軍人手持康乃馨上街遊行示威,要求政府索性允許海外屬地自行獨立以減少派兵海外的財政負擔,而翌年1975年包括莫桑比克、安哥拉等非洲屬地就正式脫離葡國獨立,獨立後發行的郵票自然就不會再印有Republica Portuguesa字樣了!

159 則留言:

  1. 唔知哩道喎😀
    我無去望海架😂

    回覆刪除
  2. 看到張萄國郵票,但都猜唔到邊度?

    回覆刪除
  3. 睇唔到個海有乜特色,估唔到。

    回覆刪除
  4. 青靚白淨海邊照^^
    外國嚟架?定係..............澳門

    回覆刪除
    回覆
    1. 矇成咁你都睇到青靚白淨真勁!@@XXD
      咦!都同澳門有啲啲關系喎.....

      刪除
  5. 我只知老人與海咋.kakaka

    回覆刪除
    回覆
    1. 果陣都唔老,百分百肯定後生過你依家XXXXD

      刪除
  6. 回覆
    1. 玩多陣先啦!下半集依家仲寫緊:P

      刪除
  7. 在什麼海拍就唔知,只知幅相好矇矓...
    既然摷開本舊相簿,我哋有冇得揀睇咩相架?!!

    回覆刪除
    回覆
    1. 用咗美圖mode丫嘛:P
      你想揀D咩相先?BB唔著衫果D我唔敢post架喎!

      刪除
    2. 森兄:呢啲咪叫做矇矓...美...囉!哈哈哈....

      刪除
    3. 做人有時間中都係矇查查好啲,乎合仁的標準wakakakaka...

      刪除
    4. Gael只是有時"間中"做人矇查查咋!
      Ka Ka "成日"做人都係矇查查架喎!
      似乎我符合"仁"的標準多啲啲喎!!wakakakaka...

      刪除
    5. 一早知你最仁啦,寫篇blog都深奧過仁丫嘛XXXD

      刪除
    6. 人都是矇查查好D,哈哈哈

      刪除
    7. 係咪即係適當時候要扮下蠢XXXXD

      刪除
  8. 嘩嘩嘩,有新post喎,太興奮啦,什麼海就唔知,哈哈哈哈!
    預祝基哥中秋節快樂!

    回覆刪除
    回覆
    1. 靚唔靚過聖淘沙?^^
      也祝MD中秋愉快人月两團圓!

      刪除
    2. 尋晚有冇切多幾個月餅同DD,SD,BD一齊賞月一切食呢^^

      刪除
    3. 香港半島酒店嘅雙黃蓮容月麻麻地咋

      刪除
    4. 女女朋友仔送嘅唔好嫌三嫌四喇,哈哈哈 ^^

      刪除
    5. 咁就梗係啦,誠意已經係100分^^

      刪除
    6. 掛住睇你地個美食之旅丫嘛hahaha....

      刪除
    7. 貓山王已經冇啦,好彩有啲本地嘅,實際上唔需要食咁貴嘅貓山,馬來西亞有好多好味榴槤㗎,哈哈哈^^

      刪除
    8. 最緊要係夠新鮮好食^^
      馬來西亞榴槤品種多,一場去到可以試啲平時不常見外銷的也不錯呢!!

      刪除
    9. 十一月都快到啦,仍然冇新post嘅影子 ##

      刪除
    10. 搞到我有少少唔好意思:P
      咁等我去摷下有冇啲咩倉底貨值得拎返出來post下啦wakakakaka......

      刪除
  9. 我想講東平洲,但知一定唔係,哈哈!
    預祝中秋快樂!

    回覆刪除
  10. 回覆
    1. 係咪同你D故仔一样耐人尋味XXXXD
      中秋快樂^^

      刪除
    2. 正經講,現在型好多。
      哈哈哈

      刪除
    3. 好彩唔係話老好多或者「成熟」好多wakakakaka.....

      刪除
    4. 我地是「熟」很多,不過不能「一鑊熟」,哈哈哈

      刪除
    5. 關東煮定部隊鍋先XXXXD

      刪除
    6. 你很忙呢,全沒有新動靜。

      刪除
    7. 都忙著追看你的大作呢^^

      刪除
    8. Gael,您的轉數實在快,跟不上,哈哈哈

      刪除
    9. 也不算,至少想不到在blog寫什麼吧XXD

      刪除
  11. wow~中秋節前做咩咁有氣氛~搵張舊相出黎呀~~
    祝你有一個快樂的中秋節~人月兩團圓~~~

    回覆刪除
    回覆
    1. 係喎早知揾張賞月相XXXD
      有冇同公子們去慶祝中秋?
      祝中秋愉快^^

      刪除
    2. Cabo Da Roca我之前都有去過兩次~真係幾大風~~不過我覺得幾有feel~~尤其佢哥句陸地既盡頭~海洋之開端~為呢個地方加多好多詩意~~~~~
      枇當年張證書好似跟團送埋~我成日同毛寶講笑話見工要交埋哥張證書~~~~~~~
      中秋無呀~~分批約不同的公子去玩咋~~~~~~~~~~~

      刪除
    3. 我都覺果度係幾靚,風大啲都值得去^^
      有得送又幾好喎,有冇得給埋印^^
      都有用喎如果係去見旅行社的工作!!
      分批都開心丫,反正即將都一齊出發

      刪除
    4. 我去兩次一次陰天一次晴天~~各有不同風味~
      唔記得張野飛左去邊啦~~~~~~
      下?你講真架?????我估唔到真係有用~~~~~~咁venus張南極證書仲勁~~~~~
      無錯~~~超級期待中~~~

      刪除
    5. 咁會唔會再去第三次?^^
      你咁多postcard和證書、給印留念果啲旅行珍藏紀念品,真係可以買本啱駛的活頁簿(裏面有好多層透明膠套果隻)又或者買本4R相簿入晒啲postcard唔駛散修修,自己揭返來睇又會開心啲^0^
      AR~~~~我諗Venus應該唔駛用啲證書去見工啦,佢可以索性自己開間旅行社仲掂wakakakakaka.....
      我都期待一睹七公子出巡的氣勢XXXD

      刪除
    6. 西歐咁多恐襲...真係有d驚驚~~~~~
      但係我又想睇到postcard正面同埋郵票哥面...但只可以睇到一樣我又唔想~~~~不過我都想佢地整齊d~
      你講得岩呀~~~~~~~~如果佢開團我會跟~
      好緊張呀~~~就黎出發呀~~~~好想快d到星期五~

      刪除
    7. 恐襲我諗對歐洲的旅業打擊很大,好似真係少咗聽人去歐洲旅行.....
      咁就不如搵本厚少少的書,全部postcard夾晒入裏面^^
      佢好有潛力wakakaka...
      玩得開心啲,成大班朋友出遊真係好難得!!

      刪除
    8. 我都真係驚...如果唔係去下法國都唔錯~我都幾鐘意巴黎~(唔係名牌~我唔買的~)
      咁本書要極厚~~我諗我超過100張~~自己同朋友都有寄俾我~
      我地提議下佢~到時退休搞團~~~~
      係~~~知道~~~

      刪除
    9. 暫時唔去巴黎,咁去住巴黎人先囉XXXXD...有冇啲乜嘢特別食肆或店舖?
      超過100張?!!!@@咁可以考慮買本康熙字典wakakaka...
      wow~~~~咁仲要等好耐喎我諗:P
      希望你地在日本可遇上好天氣^^

      刪除
    10. 唉...有間餐廳我諗住訂左間巴黎人新既餐廳同毛寶慶生...但通過幾次電話呢間野實在激到我飛天...所以我哥次決定唔去...同埋唔會去試佢d野住!!!嬲呀!!
      wakakak~本字典會越黎越厚~~~~~
      咁我地都要慢慢儲下錢啦~~~'
      多謝你呢~~~~

      刪除
    11. 回來了~~~~??!
      今次一定夠晒熱鬧好玩^^

      刪除
    12. 係呀~~~番左黎喇~~~~不過放完假番黎個人又懶哂~
      勁好玩但勁攰~~~~~等我整好d相先~

      刪除
    13. 你懶左成個月喇喎~
      幾時出新野呀~
      咋咋帝~~~~

      刪除
    14. wakakakakaka.....快活不知時日過:P

      刪除
    15. 你係咪要儲夠200個留言先再寫XD

      刪除
    16. Good idea喎!!!
      靠晒你啦XXXXXD

      刪除
  12. 有玉照bor:D 如果可以清啲就好啦:D 中秋節快樂:D

    回覆刪除
    回覆
    1. 周時有架啦!:P
      陳年照係矇D
      Happy中秋^^

      刪除
  13. 睇黎個個估你唔到,快開估!

    回覆刪除
  14. 中秋節快樂!
    你講嘅地方我本來跟團去過, 可惜一到步就病了留在酒店, 沒有隨團去呢個景點, 後來團友話好彩我無去, 又係你咁講吹到頭都甩.

    回覆刪除
    回覆
    1. 我也預祝你國慶節快樂^^
      果度因為好無遮無掩,又面向茫茫大海,啲海風係好勁嘅,唔係好敢企在崖邊驚吹落海:P

      刪除
  15. 不論...
    你在歐洲大陸最西端「天涯海角」....
    在崖上....
    在食飽西北寒風....
    在吹到頭甩....
    中秋節有D嘢都要對你講GE...
    有冇食到黑心月餅呀!:P
    中秋節快樂﹗kakakaka.......

    回覆刪除
    回覆
    1. 好彩你係話中秋節快樂唧,嚇得我丫wakakakakaka....
      下次唔駛咁吞吞吐吐長篇大論前奏嘅,直接講就ok~~~~XXXXD

      刪除
    2. 我一路打字自己都喺度忍唔住一路笑!哈哈哈...

      刪除
    3. 咁正正就圓了願望,中秋笑口常開happy過節^^

      刪除
    4. 睇真啲...印有Republica Portuguesa字樣以素描筆法畫出的澳門歷史版「清明上河圖」郵票真的幾有特式,確是值得收藏!:)

      刪除
    5. 當年可能都係因為覺得幾特別所以買吧....:P

      刪除
    6. 而家先至係秋天,Gael 咁快就冬眠??:P

      刪除
    7. 秋日涼涼正好眠......XXXXD

      刪除
  16. 回覆
    1. 可惜啲攝影技術好咋斗,遠遠不及你咁勁:P

      刪除
  17. 有人在橋上看風景,有人在橋上看自己。kaka.
    基仔,你呢篇唔再出現在閱讀清單喎,你想試下邊個番兜睇你個blog?
    邊個番睇呢篇先知道答案。

    回覆刪除
    回覆
    1. JJ終於忙完拿?!連個留言都長返,真好^^
      我去試下搞一搞佢,再去你個blog睇下check下有冇update個list先下~~~~~多謝你提我!
      番睇咪好囉,唔駛我成日要寫新blog丫嘛XXXXXD

      刪除
    2. 一啲都唔懶,我成日去巡blog㗎喎XXXD

      刪除
  18. 那個海邊本來我都有去過架, 上次去西葡一到步就病左要留喺酒店,
    d團友去完返嚟話好彩我無去, 又係你咁講"吹到頭都甩"

    回覆刪除
    回覆
    1. 喱度應該都好多團去,唔駛驚下次再去過^^
      真係好大風,唔知係咪一年三百六十五日都係咁大風呢?但個view就唔錯,幾靚嘅,值得去!!

      刪除
  19. 舊相係咪特登整到有朦朧效果?好多地方都自稱係天涯海角!葡萄牙至今我尚未踏足,不過考慮到那邊走另一段聖雅各之路直到終站(西班牙西岸的聖雅各),那裡附近都有個所謂的天涯海角!

    回覆刪除
    回覆
    1. 用手機對住張3R來影,我無scanner,係自然朦朧mode~~~!!XXXD
      係咪南面直布羅陀果邊?果度都有天涯海角呢....
      朝聖路的終點係咪會去到Fatima?

      刪除
    2. 聖雅各之路顧名思義,終站當然係西班牙既聖雅各Santiago啦,附近既天涯海角係Finisterre(BTW,Martin Sheen果套The Way你有無印象?戲中就係講佢由法國邊境一路行到Santiago然後再上Finisterre,另外Six Ways to Santiago亦值得推介。)不過經你一問,我即刻Google睇吓葡萄牙果邊既聖雅各之路經唔經Fátima,答案係no,但係睇地圖見其中一個站Tomar距離唔遠,仲有巴士直達Fátima,令我意動!不過由Tomar行到Santiago,要足足行 501 km......

      刪除
    3. OIC~~~!!我沒上網查,原來是在西班牙Santiago...
      我無睇果套戲呀,不過即刻上咗網睇trailer,果段路係咪都類似你行果段?戲中男女演員都孭晒大背囊喎,係咪隨時要露營?
      嘩,要成500公里遠,計落行車都要5個幾鐘,人行係咪要break開兩日?

      刪除
    4. 戲中主角行果段就係我blog提過好受外國人歡迎既Camino Frances,我行果段路上主要係法國本地人,而且無經過咁多大城市,不過響野外既風景都算類似,同時果種漫漫長路既感覺都差唔多。朝聖路上有好多民宿同旅館,一般唔使露營,除非超旺季又唔預先訂住宿,不過如果住廉價宿舍要自己帶睡袋。500公里,以一般徒步速度,要行3個幾禮拜!所以如果從法國甚至更遠地方出發,要行兩三個月。

      刪除
    5. 我估你一定好享受那種獨特的漫漫長路感覺^^
      原來如此,不過見戲中角色個個孭住大背囊上路,真係都幾辛苦喎.....
      500km原來要走成3個幾禮拜@@

      刪除
    6. 漫漫長路感覺係事後回味先覺得享受,我而家諗返起又身痕想出動,見到背囊減價又想買,今日見到個款有埋位置裝打狗棒,唔使好似我上次咁狼狽!不過我屋企已經有十幾個backpack–––– 一般女人係儲手袋,我係儲行山背囊,相反一個手袋用十幾年......

      刪除
    7. 十幾個backpack又真係幾壯觀!!@@hahahaha...
      不過最緊要係用得著,咁就唔怕會浪費咗,我諗你都係用背囊多過用手袋^^

      刪除
    8. 梗係用得著啦,雖然我十幾個背囊,但每一個都陪過我出生入死,每一個背後都有好幾段難忘回憶架。

      刪除
    9. 滿載旅行的回憶......似乎比任何紀念品也來得更珍貴^^

      刪除
  20. 終於都開估。。。。原來係羅卡角!
    我也去過,夏天—様咁大風,吹到披頭散髪。
    快加番標題,不知你update new post...

    回覆刪除
    回覆
    1. 對,開估了~~~~夏天我見人地影啲相都好晒,會更加碧海藍天feel,我初冬去到就密雲陰雨天,不過我相信一年四季果度都大風,因為實在係無遮無掩^^
      喱個問題解決唔到,雖然我更新咗個內容但題目佢不會自動跟住更新,我又唔想犧牲咗大家嘅留言另開個新post,咁就唯有由得佢囉:P

      刪除
  21. 基爾基爾, 寫密啲啦, 好睇喎, 文筆又好!
    er..張相..清啲得唔得?! 近啲得唔得?!

    回覆刪除
    回覆
    1. wow~~多謝鼓勵,咁我盡力再摷下床下底啦,不過驚寫得舊嘢多你嫌悶喎:P
      我諗住張相舊舊地散散地先似陳年照丫嘛XXXXD

      刪除
  22. 好多macau郵票'我印象中都見過,張(澳氹大橋紀念郵票)一定好真貴.

    回覆刪除
    回覆
    1. 舊澳門郵票唔知值唔值錢呢?畢竟當年發行量應該也不多,以前澳門人口相對少好多....

      刪除
  23. 青春留倩影,美男與海!👍👍👍

    回覆刪除
  24. 見你講葡國天涯海角, 香港也有一個, 就是現在啟德遊輪碼頭最開的觀景台, 那裡是很多老華僑搭機出國前, 最後踏在香港土地上的一塊唐山地, 離開了之後, 就幾十年都未能重回故土. 由啟德舊跑道直飛出太平, 兩旁是山, 中間一個海峽, 好像人天涯遠去, 無處依傍.

    那年我第一次離港, 在機上見到下邊土瓜灣小販熟食檔, 當時心想何時才回來再食過, 後來我回港, 小販檔拆哂了.

    回覆刪除
    回覆
    1. 哦~~~~~~原來啟德也是天涯海角,讀書年代我都試過一次飛啟德,去北京交流團果啲,回來時降落真係好近九龍城啲樓,記憶中真係可以見到地面人來人往的行人呢
      鯉魚門果個天涯海角都好靚㗎

      刪除
    2. 是的, 我就是想講, 由啟德遊輪碼頭, 望出去的鯉魚門, 係好有天涯海角 FEEL

      刪除
    3. 鯉魚門回望維港的景色也很美呢

      刪除
    4. 對呀,回望維港景真的很美

      刪除
    5. 那裡真好, 不過假日人多

      刪除
    6. 對!!!影相,釣魚或閒逛的遊人也很多

      刪除
  25. Cabo Da Roca 多年前去過, 同樣沒有去拿甚麼證書,
    同樣記得那葡國詩人Luis Camoes著名詩句:
    「地之盡頭,海之開端」的石碑...
    那天風很大吹得相機也拿不穩...
    後來在那山涯邊的餐廳,
    邊喝咖啡吃蛋糕,邊欣賞雲海...
    是想當年的事了.... :)

    回覆刪除
    回覆
    1. 記憶中都幾多人買,我費事去排啦!!
      喱度應該都係里斯本的地標之一,正如去澳門一定去大三巴XXD
      係喎,果然個個去到都係颳大風,會唔會有人去到係風平浪靜㗎呢?
      原來還有間餐廳,我都無乜印象了,畢竟已經係世紀初的事

      刪除
  26. 係架! 唔寫個人會懶就荒廢個blog啦。。。
    咦! 基爾有提到我呢~ hehe~~
    基爾好欣賞你,同我一樣,一係尋根究底,唔知不如唔好講。

    回覆刪除
    回覆
    1. 仲有,乜解究D相咁鬼矇架,就算以前用菲林傻瓜機都唔會咁噃?

      刪除
    2. 對呀以前亞虎好多blog友都係update越來越疏,最後都係嫌麻煩不再寫了.....也可能轉到唔駛花咁多心力去寫的fb或ig吧!!
      梗係你啦仲有邊個最近去非洲先~~~XXXD
      到了今時今日既然仲寫得blog嘅話,我諗通常都會想share得深入少少吧,否則索性真係過檔去fb或者ig就算了:P
      用手機對住張3R影㗎咋,技術係咁上下啦wakakakaka....

      刪除
    3. 絕對認同,fb 出現,確實令到不少香港人不再寫blog,因為當年寫blog是一個潮流,香港人確實也很追潮流。而台灣人則很不同,他們原本就很喜歡寫作,就算一件日常用品都會寫開箱文來分享。所以網上揾到好多文章都係來自台灣。
      老實講,fb 可以用來舒發心情,好似我依家咁,但絕不是寫文章的好地方,因為好難找回以往所寫的舊文。

      刪除
    4. 對,台灣人寫長文很有一手,也很有心機,當然也有文采!!
      fb多是一時興起的想post就post的東西,開心share就ok,看朋友們的近況也是挺方便的

      刪除
    5. 對於呢一點我都算係貫徹始終,一直keep任有出文但係就一直都係keep住出得咁疏!😂😂😂

      刪除
    6. 疏都唔緊要,因為你每篇都好長好充實,看得出是用心去寫的生活感受^^

      刪除
    7. 喂Teddy,你果編波經不設留言實在太過份,我也是猁迷嚟架! 你編文章有咁深入探討,體育版的編輯唔該行開!

      刪除
    8. kakakakaka......啲soccer fans突然浮晒上面!!

      刪除
  27. 呢排比較忙 , 都未有時間出blog , 過嚟探吓你先 , 我好鐘意葡國磁磚 , 真係好特別呢~!!

    回覆刪除
    回覆
    1. 係咪忙住同小圓圓去行街街?!^^
      多謝你,有空不妨來留言閒聊hahahahaha....
      葡國磁磚真係好有特色,你見澳門D路牌已可見一斑

      刪除
  28. Gael~你好呀,我都係一樣好少update個blog喎!
    欣賞你的郵票保存得非常好,並感謝你的分享,好正.......

    回覆刪除
    回覆
    1. 你好,咁你要多點現身,如果唔係我會以為你唔再上blog了:P
      都係舊時貯下來的舊物吧.....希望冇悶親大家!

      刪除
  29. I have been there and bought a certificate. It is very very windy there.

    回覆刪除
    回覆
    1. 呵呵...咁若有空要擺張證明出來share睇下,我都唔係太記得係乜樣了:P
      對呀,去過的人幾乎都係話好大風,唔知有冇人去到係完全無風㗎呢??!!XXXD

      刪除
  30. 近排大家都忙了!~少出post...

    回覆刪除
    回覆
    1. 其實也不太忙,通常也是無事忙而已XXXD

      刪除
  31. 一定要keep住寫下去;)保持熱情...

    回覆刪除