2016年10月20日 星期四

珍郵庫@鳳凰徑

終於有D野寫下,因為剛剛買了這套鳳凰徑的首日封,一套有成12枚咁多,基爾都係依家先知鳳凰徑有12段咁長!



香港郵票印象中好似都係首次發行以行山徑為主題的首日封,今次一出就出12張咁多,好彩又唔係想像中搶錢咁貴,因為全部面值都只係$1.7。按首日封背頁的簡介,鳳凰徑全長達70公里,貫穿大嶼山郊野公園,是觀賞日出和雲海的熱點,應該好多blog友都去走過其中數段吧!



基爾除了試過由東涌走到大澳之外,最近一次則是由石壁走到大澳,原來那就是鳳凰徑的第5-6段(有興趣翻看可click入:越空西大嶼山)。依次介紹還有第1段「梅窩至南山」;第2段「南山至伯公坳」;第3段「伯公坳至昂坪」;第4段「昂坪至深屈道」……



第5段「深屈道至萬丈布」;第6段「萬丈布至大澳」;第7段「大澳至狗嶺涌」;第8段「狗嶺涌至石壁」;第9段「石壁至水口」;第10段「水口至東涌道」;第11段「東涌道至貝澳」; 第12段「貝澳至梅窩」。全程12段的風景各有特色,真係要貯定多點energy先可以行得晒!



香港行山徑系列第一號:鳳凰徑
發行日期:2016年10月13日

86 則留言:

  1. 好怕話發展大嶼山, 會破壞到呢

    回覆刪除
    回覆
    1. 其實要根治房屋問題並不是要不斷起樓,最簡單就係不要日日放咁多人來就已經ok㗎啦XXXD

      刪除
  2. 近三十年無去行山,
    乜徑都唔記得,麥理浩徑細個行過,但鳳凰徑就無喇,
    你行過....勁喎!

    回覆刪除
    回覆
    1. 出完喱套鳳凰徑之後唔知會唔會陸續出埋麥理浩徑和衛奕信徑呢?
      我行果段都唔錯㗎,風景都幾靚......

      刪除
    2. 麥理浩徑多人識,但鳳凰徑較少人提,要出嚟推廣下。

      刪除
    3. 對呀,HK其實都幾多不錯的行山徑,值得推廣一下

      刪除
  3. 印象中,我行過一小段麥理浩徑,不過已經係幾十年前的事囉。

    回覆刪除
    回覆
    1. 麥理浩徑我都係斷斷續續咁行過西貢段大浪西浪茄果段,仲有城門水塘段,還有之前行元荃古道時有經過田夫仔果段

      刪除
  4. 鳳凰徑我行過,但係屬於邊一段就唔記得啦

    回覆刪除
    回覆
    1. 看郵票上的地圖其實全長都好長㗎,由梅窩一直行到大澳都得

      刪除
  5. 唔多順眼咁嘅。啲色唔多靚。

    回覆刪除
    回覆
    1. 唔知係咪太耐無用手機個相機,可能校錯咗個mode!:P

      刪除
  6. 我以為你去咗行鳳鳯徑,估唔到有套咁既首日封.

    回覆刪除
    回覆
    1. 有呀之前有行過,click入條link睇下個實景^^
      喱套係行山系列第一輯,唔知佢係咪之後仲會再出呢?

      刪除
  7. 這套介紹香港行山徑首日封很有意思!

    回覆刪除
    回覆
    1. 可能會吸引到D行山友買來收藏啦

      刪除
  8. 好激動好興奮,基哥竟然有新post,哈哈哈。正。
    鳳鳯徑...聽都未聽過,但係我現在才知道原來香港好多行山徑,我女女今年去香港工作三個月個個週末都去行山,我大開眼界。

    回覆刪除
    回覆
    1. MD鎮定啲唔駛太激動wakakakakakaka....搞到我有D唔好意思咁耐無寫blog!!XXD
      對呀每逢周末都幾多人去行山,尤其依家天氣入秋涼咗仲多人去,咁你不如問下BD借啲風景靚相來擺上blog,share睇下都好喎^^

      刪除
    2. HK's bushealk is very famous in the world. a lot of japanese come to visit for the walk.lt is easy access and wonderful.view.

      刪除
    3. 對呀,所以我有時都見有行山徑有日文風景介紹的告示牌,證明係多日本人來HK行山

      刪除
    4. 哈哈哈, 所以你都應該多啲寫啦。
      Yes, I saw all her pics and they are beautiful with such magnificient scenery :) .

      刪除
    5. 啲老照片我驚悶親人喎:P
      咁你有時間就揀啲post上blog睇下囉^^

      刪除
  9. 行山郵票~好嘢來喎!~等我都去買番套先!

    回覆刪除
    回覆
    1. 直情係開正你同大小姐果瓣啦,我諗有好多你地都有去過,尤其係中間貝澳果段,你地周不時去果度露營呢

      刪除
  10. 我都行過東涌至大澳, 不過一年都係行得一次.

    回覆刪除
    回覆
    1. 東涌至大澳其實風景真不錯,但就中途無折返點,一定要行足全程先有車走

      刪除
  11. 喜歡呢個系列的郵票:
    第三段-伯公坳至昂坪.... 鳳凰山日出的景觀和雲海都好靚。
    第六段-萬丈布至大澳....夕陽西下的大澳水鄉景色好美!

    回覆刪除
    回覆
    1. 我諗拜日教果啲專鍾意影日出日落就一定啱晒何車啦XXXD

      刪除
    2. 由東涌走到大澳,在深屈村探我,
      在海湾边食本地沙葛,沙白,我請 !

      刪除
    3. Goood~~~~~你住果度呀?
      我只知有阿婆賣涼茶,原來有沙白

      刪除
  12. 鳳凰徑Sky都行過架 @ N 年前,但係屬於邊一段就唔記得了 >.<
    而這是一篇期待已久的新 Blog ^^ 几驚你會 { 封筆 } 不再寫 blog 吖 !?

    回覆刪除
    回覆
    1. 其實我都唔係好知邊段打邊段,係有時會影相影到啲路牌就會知行到邊段囉
      今次出咗喱套郵票就完全清楚晒全段係點樣分,下次如果你同金花們去行就可以威威咁話畀佢地知係第幾段wakakaka...

      刪除
  13. 好靚嘅香港風景郵票,好可惜我己退出集郵,每次見你介紹郵票都好傷感....

    回覆刪除
    回覆
    1. 唔駛傷感喎,你有啲更珍貴嘅漫畫收藏丫嘛^^

      刪除
  14. 行走東涌與和大嶼山露營的日子,好像已經很久遠了,好懷念呀!!!

    回覆刪除
  15. 大懶蟲經太陽伯伯曬過後,係勤力番一DD喎!kaka...

    回覆刪除
    回覆
    1. 有好多溫婉o既勸告喎!但我呢D打鐵o既係粗魯o架喇!kaka.

      刪除
    2. 證明去完日本唔會變得溫婉咗XXXXXXD

      刪除
    3. 冇咁易可以漂染到o既.

      刪除
    4. 咁下次再去要食多幾件吞拿魚三文魚壽司,又或者叫多幾碗烏冬拉面之類,染一染佢wakakaka....

      刪除
  16. 這套很正,如果我有喜歡行山的外國朋友,一定一人送一套。

    回覆刪除
  17. 郵票設計不錯,山徑風景怡人。

    回覆刪除
  18. 雖然我未行過~~張張都好代表鳳凰徑的美,真係唔靚唔做郵票

    回覆刪除
    回覆
    1. 影出來做郵票果啲一定靚啦,不過就細張咗少少,都係現場實景去睇下開心啲

      刪除
  19. 望住咁多靚景搞到又想行山,只係行過鳳凰山段咋>.<

    回覆刪除
    回覆
    1. 期待看你的local遊網誌hahahaha....

      刪除
    2. 遲啲遲啲遲啲遲啲遲啲應該會有架啦,哈哈~

      刪除
  20. 可以分一段段行,好似我行果條朝聖之路既感覺!

    回覆刪除
    回覆
    1. 通常都係啦,我諗要好pro果啲先可以一次過行晒

      刪除
  21. 好耐冇嚟,希望一切尚好。我已好少行山徑,間中或會到中大行山。

    回覆刪除
    回覆
    1. Hi,實在太耐了,沒空也要來答訕一兩句呀記得,等我知你仍是一切安好就是了^^
      中大會行邊度?

      刪除
    2. 多謝你,每次都一定經泳池 仲有一道叫百萬大道嘅地方 跟住去食個high tea

      刪除
    3. 上次我去果次比較懶,搭校巴上去山頂然後先行返落嚟wakakakaka....
      通常去邊間high tea?

      刪除
    4. 我地有時經崇基上,經過有間餐廳食scone,再繞過泳池,去到近水塔。亦都去過教職員餐廳食下午茶。但唔記得左邊間大樓。

      刪除
    5. 啲鬆餅好唔好食?
      水塔唔記得有冇去過......

      刪除
    6. 好似廿幾蚊一杯咖啡加一件鬆餅,新鮮抵食。 campus真係平d, 有機會去嘆下吖。

      刪除
    7. 行完可以去嘆個high tea確實又幾正喎^^
      新亞canteen?定邊間?

      刪除
  22. 套郵票好靚。
    曾經走過數段鳯凰径,風光如畫,很美。

    回覆刪除
    回覆
    1. 今次喱套由於係風景,我覺得如果用大張少少size的設計會更靚睇得更清楚吧
      大自然風光HK也越來越少了,剷平個山起樓依家是首選wakakakaka....

      刪除
  23. 香港的山徑走了很多就是鳳凰徑沒走過!

    回覆刪除
    回覆
    1. 大嶼山較偏遠,始終港島區果啲方便來回,而且路程一般較短,適合一日遊半日遊

      刪除
  24. 終於有新誌lu!!^^
    可能行開鳳凰徑的朋友應該會幾喜歡呢套郵票…

    回覆刪除
    回覆
    1. 係呀終於有啲嘢寫下啦kakakaka....
      如果有去過咁睇返啲景就會有少少回憶囉

      刪除
  25. 可以分段咁行都幾過癮~~~
    你都懶左好耐喇..係時候要寫寫新野啦~~~~~
    呢套都唔錯~

    回覆刪除
    回覆
    1. 如果只行其中一小段我諗好多人都可以輕鬆應付到嘅^^
      wakakakaka.....咁我盡力啦:P
      如果大張啲更佳

      刪除
    2. 都唔係呀~呢個size都ok^^
      你有無諗住挑戰哂呢12條呀~

      刪除
    3. 唔知佢今次有冇出連郵票postcard?可能效果更好一點....
      要睇下其他行山腳有冇興趣,我好少一個人去行山:P
      如果分段行都幾舒服嘅

      刪除
  26. 郵政真係好少出行山徑為題嘅首日封 , 介紹得唔錯呢~!!

    回覆刪除
    回覆
    1. 今次喱個話係第一輯,應該會陸續有來啦^^

      刪除
  27. 行山的人一定喜歡這套遊票, 尤其是行過這徑的增加親切感! :)

    山光水色都幾靚!

    回覆刪除
    回覆
    1. 對呀,如果去過就一定認得出,對這些風景會有印象

      刪除
  28. 可以跟住來去行山, 唔知現在還有得賣嗎?

    回覆刪除
    回覆
    1. 其他郵局多數無㗎啦,唔知中環總局仲有冇存貨呢?

      刪除
  29. 回覆
    1. 城門水塘果段應該最多人熟悉了^^

      刪除