2016年12月12日 星期一

看戲參悟五味人生:上

不知不覺漸漸習慣了一大清早起身食過早餐就去戲院,看早場對昔日的基爾來說似是不可思議的事,但其實原來都有很多好處……



晨早來到荷里活戲院原以為是10:30am開場,怎知記錯了,去到才知是開11:00am,無所謂就先買飛,醒起都好耐無去隔籬淨苑走走,襯時間多著就過去逛逛。



意外驚喜是,雖然早已到了深秋初冬時節,但淨院裏的蓮池依舊花影處處,似乎還在依戀著夏日的艷陽不願離去。



微涼天氣來賞蓮感覺更勝炎夏,一來蚊子少了,二來遊人也不多,想點影都可以。由於淨院是熱門的賞蓮勝地,相信盛夏暑假的周末都會幾熱鬧。



影下影下竟覺得自己也變了莫奈一樣,鏡頭下的睡蓮是否捕捉到幾分印象派的神緒?唔怪得咁多blog友都偏好影花影樹影葉……基爾就好羨慕別人神級的靜物攝影技術,美得像油畫。



自吹自擂完之後再睇睇手錶,原來時間都已差不多了,係時候要hea行返去戲院以免睇唔到畫頭。很多時去睇戲都想睇埋下輪電影的trailer,看看會否有心水之選!



這朝早場其實有幾套戲都幾想睇,就先揀喱套《列車上的女孩》,聽聞是美國暢銷推理小說改編拍成電影。



懸疑片向來都算係基爾杯茶,電影一開頭其實佈局都幾ok,至少估唔到兇手是誰?靚人靚景也令人賞心悅目(火車沿途的海濱豪宅區令人神往)。



為免穿橋還是不多談劇情,唯一可透露少少係故事令基爾覺得有一點Desperate Housewives的黑色味道,事實上戲中3位女角都係靚太(不明白為何要叫做Girl),故事也圍繞同一個男人(前夫/老公/情人)有關……

72 則留言:

  1. 我幾鐘意 Emily Blunt. 佢幾有味道, 算係近期冒起得快嘅女星

    回覆刪除
    回覆
    1. 今次演酗酒精神困擾失婚婦都幾唔錯,3個女人之中算是最多戲份,樣子雖說不上大美人但算有model氣質一類,原來佢近排算紅了?

      刪除
  2. 3位靚太圍繞同一個男人(前夫/老公/情人)

    回覆刪除
  3. 香港的睡蓮,冬天也開的。

    回覆刪除
  4. 我喜歡第四張睡蓮,色彩很豐富

    回覆刪除
  5. 如果去鑽石山,
    又有時間的話,
    都會去南蓮池園和志蓮淨苑一逛,
    去淨化自己的心靈... :)

    回覆刪除
  6. 你地睇早場會唔會平d架~~好驚喜有新blog睇~~~
    很多時去睇戲都想睇埋下輪電影的trailer<-完全係我心聲...我好憎睇戲睇唔到片頭!!!如果係咁我有時會想嬲到唔睇~~~睇到trailer是更好的~我好多時睇下一套戲都係因為之前睇戲個trailer太吸引~
    我之前有諗住睇呢套戲呀!!不過我去完旅行澳門落左畫喇...嗚嗚~

    回覆刪除
    回覆
    1. 雖然上網都睇到trailer,但在戲院睇到好似開心啲wakakaka....在戲院睇印象都會深啲,會記得日期遲個幾禮拜去睇正場囉!!
      我好耐無逛影碟舖,唔知落畫後會唔會好快出碟,不過依家HK真係打鑼都好難搵到間影碟舖,全部摺晒:P

      刪除
    2. 梗係啦..尤其災難片呀...係戲院睇trailer震撼d嘛!!!即時想睇啦~~~~
      同埋依家買碟好貴呀...澳門比香港更貴..所以有時毛寶會托朋友如果去開香港就幫佢買碟

      刪除
    3. 對呀,同埋在戲院睇畫頭有個好處,係好似幫對眼warm-up咗XXXD
      我印象中依家好似都唔多CD舖影碟舖了,幾年前就好成行成市

      刪除
  7. 其實早起周圍行下,去睇下戲真係唔錯,人少少,無咁重壓逼感

    回覆刪除
    回覆
    1. 一來無咁多人,二來容易買飛揀到好座位,三來無咁多人響電話講嘢行來行去嘈住晒,四來又平十幾廿幾蚊添㗎XXXXD

      刪除
  8. 話是話,我從未入過香港嘅戲院...

    回覆刪除
    回覆
    1. 咁下次來要去試下,不過我諗同你果邊應該都分別不太大吧

      刪除
  9. 呢齣我睇咗,個故事唔睇到尾都唔知邊個係兇手。

    回覆刪除
    回覆
    1. 因為佢有好多支節人物特登製造疑團引開觀眾注意力,我諗如果係小說會更有多啲發揮,例如果個心理醫生和火車神秘男,在電影中就好似省略咗好多,得返隔籬屋偷情靚太個老公多返少少戲做,所以我估小說篇幅長啲,會更有懸疑性.....

      刪除
  10. 回覆
    1. 係㗎咩???!!!@@
      boys and girls果啲我一直以為只係十五六歲樓下先可以咁叫,否則會有點奇怪wakakakaka....

      刪除
  11. 依家荷理活好似冇晒靚仔靚女咁,好多戲都係中坑配中女XD

    回覆刪除
    回覆
    1. 其實都唔只荷里活,HK影圈視圈都一樣啦XXXD

      刪除
  12. 我每年都會去志蓮淨院影蓮花,好中意果度既環境.

    回覆刪除
    回覆
    1. 環境都好清幽,尤其遊人少的時候^^

      刪除
  13. 睇早場唔駛同人迫 , 係幾舒服呢~!!

    回覆刪除
    回覆
    1. 可以任坐,揀啲附近隔籬都無人果啲吉位最啱XXD

      刪除
  14. 回覆
    1. 還有兩套呀,分開上下集出可以當出多篇wakakakaka....

      刪除
    2. 對住D大懶蟲冇野好講.

      刪除
    3. 無計啦我又無京都夢發........XXXXXXD

      刪除
  15. 我也在計劃寫一部四個人六個關係的短篇小說。

    回覆刪除
    回覆
    1. 係咪情色故仔先......XXXD

      刪除
    2. 哈哈哈,不是!
      是人物關係複雜的故事,雙重身份的角色矛盾衝突。

      刪除
  16. 冬季都見到蓮花:)
    不過香港咁熱可能全年都見到:(

    回覆刪除
  17. 真係好靚!我阿媽返左香港,早幾日同一班親友去淨苑食飯(分分鐘係你去果日),點知佢同某親戚食物中毒,陰功!睇早場,係週末先可以係嘛?不過11am唔三唔四,睇完之後已經大半日無左。

    回覆刪除
    回覆
    1. 係咪入面食齋果間?Auntie應該沒大礙了吧.....不過話時話我咁耐都未試過在入面食,好多時都係行返出商場先覓食:P
      有時會開9點幾,不過太早我又趕唔切啦,放假又想瞓晏D丫嘛kakakakaka.....

      刪除
    2. 「未試過在入面食」?我仲以為非佛教徒去淨苑主要都係去食齋添!我見到人食齋好開心架,所以我都唔係想唱佢。我媽當晚情況已經好轉,有心!另外一位親戚就肚痛到要食藥,不過同檯其他人無事,可能就係佢哋兩個腸胃特別敏感。
      放假都要撲出去趕睇9點幾早場,可能要啲慣左清晨5點醒既阿婆阿伯至得。我禮拜六/日過去屋企對面街個studio做10點鐘嗰堂瑜珈都要下好大決心。

      刪除
    3. 我主要都係去靜靜地參觀下咋,我見仲有茶居,但都未試過,只在花園逛一圈而已.....
      素食對身體和對環境也很有好處,值得推廣!!
      我都有點玻璃肚,一般都唔敢太亂食嘢,尤其外遊時,所以食少人地好多好嘢:P
      好明顯我都係屬於阿伯類XXXXD可能夏天時上游水堂漸漸習慣咗早起,有個好處係放假全日時間好似多咗又見駛咗^^

      刪除
  18. 哈哈,我都好鍾意好荷里活戲院睇早場,貪佢交通方便戲飛平同埋人少!

    回覆刪除
    回覆
    1. 一次過滿足你三個願望wakakakaka....
      自從佢轉咗做BC院線好似啲戲選擇多咗^^

      刪除
  19. 冬至快到蓮花仍開著 , 天氣真反常 , 厚衣服不用買了 .

    回覆刪除
    回覆
    1. 都係喎,基本上都唔駛買厚衫了,因為跟本不冷

      刪除
  20. 行完淨苑~睇番場好戲~唔錯的一天!

    回覆刪除
  21. 嘩....你好多回響,要碌成分鐘先到底,
    莫奈...啲花園畫作我都鍾意,你都好有心,咁早過海睇戲,依家戲票幾錢?我好耐無入場,上次睇呀丹爺扮馬騮。

    回覆刪除
    回覆
    1. 路霸兄明顯用了誇張修辭手法wakakakakaka....
      這裏歡迎暢所欲言^^
      依家我諗早場大約50-60蚊左右吧,一支公就容易啲嘅,早少少起身就可以了
      有機會都想去看看莫奈花園,路霸兄有冇到訪過?

      刪除
    2. 嘩,莫奈花園我都想去!或者出年有機會。

      刪除
  22. 嘩....你好多回響X2!!!
    最後一次看早場都三幾年前. 算來也很久沒到戲院看電影了!!

    回覆刪除
    回覆
    1. 你又玩誇張手法XXD
      我好怕戲院人多,啲人行來行去又或者電話響同講嘢,看早場由於人少啲,受滋擾的機會較低吧

      刪除
  23. 很久都沒看過早場了! 蓮花影得不錯!

    回覆刪除
    回覆
    1. 想靜靜地睇場戲,看早場也是不錯選擇呢

      刪除
  24. 嘩! 今次基爾去我附近公園,下次有緣T 1 T 吧~

    回覆刪除
    回覆
    1. 原來銀哥銀嫂住這邊附近,我都成日會路經喱區呢^^

      刪除
    2. 等我得閒行公園𥄫吓你先~

      刪除
    3. Wakakakaka....有緣會見到的^^

      刪除
  25. 原來還有荷池蓮花可賞,真不錯! 我都好耐冇去睇早場了。

    回覆刪除
    回覆
    1. 係呀,而且依家冬天暖,幾乎四季都有花可賞了....
      早場幾好,靜靜地又平啲^^

      刪除