2017年2月2日 星期四

金雞迎春之開年飯

話咁快又過了農曆新年,今年基爾無去行花市和夜市掃街(係咪年紀大了就怕同人逼湊熱鬧),到年初二就食了餐豐富的開年飯。



食年依然幫襯這酒樓的新春盆菜,舊年幫襯了一次覺得唔錯所以今年再買,也讓基爾媽不用煮太多賀年菜太勞累。不過今年這盆菜好似加大碼了份量十足(感覺上有成十幾kg),基爾長途托回家發現手瓜也有少少起展。反正吃不晒,明年可考慮買4人份量的就夠了。



雖說叫基爾媽不用大清早起來煮開年飯,但她仍堅持煲了螺頭花膠湯仲有必要的齋菜,又去斬了燒肉,豬利是基爾飛佛,但因為實在太多而且主力要消耗個大盆菜,燒肉和豬利幾乎也沒有吃(實在飽到上頸)。



仲要整多碟冬菇海參燜蠔士,能不投降了吧!幾乎只供觀賞了……按慣例這些賀年菜都是要不分早午晚餐食幾日才可食得晒,有餘有剩年年有餘正是新年的好意頭!尚沒有影的還包括芋頭糕、年糕和棗蓉糕(過年前做的蘿蔔糕已率先食晒),食到初七人日應是沒問題了。



吃撐了肚子變肥仔,少不了要多點去運動跑幾圈,此外看看圖書館借來的小說也是不錯的消遣!基爾年前看過《沒有色彩的多崎作和他的巡禮之年》之後已沒再看村上春樹作品,這次借到這本《沒有女人的男人們》短篇小說集原來已是2014年的舊作,全書是由7個獨男為主題的故事,貫徹了孤單灰藍的宅男式格調。似乎1Q84之後村上也沒有太大突破或令人眼前一亮的作品了,發條鳥三部曲已是宅男小說的頂峰之作,但人造衛星倩人中的迷人愛琴海和卡夫卡的夢幻式圖書館,還有1Q84的月夜,相信依然是村上迷的心頭愛。



話就話吃撐了,但過年前某次去巡數字屋,發現有這包泡菜餃子八折後只賣十幾蚊,咁就買來試下啦!基爾怕熱氣,一般食鍋貼煎餃之類也多是放湯或煮麵食,極少真真正正去煎,這包泡菜味只屬微辣,即使當水餃食也無不可,或許下次真的試試煎來看看,會不會有不同食法。



另外惠記超市過年前有獎抽,抽獎券揭中上面喱包水餃,不過要過年後才可以去領取,咁就留返年初二才去拎吧!不過由於實在太多賀年菜未食,暫時都未試喱包水餃,睇返佢正常價係賣成廿幾蚊,偏貴而且份量少只有十數隻,相信如果無特價就多數不會買了。

70 則留言:

  1. 盆菜食唔哂可以分盒放冰櫃慢慢食。 點解後生仔都會怕熱氣?

    回覆刪除
    回覆
    1. 對呀,通常都係裝入盒放入雪櫃食幾餐,所以新年前一個禮拜都係食喱啲餸,有啲就其他客人外賣拎走,佢地已經好熟悉運作一早帶埋食物盒來裝wakakakaka.....
      我可能係熱底所以唔係好敢食煎炸野,食少少都會好易喉嚨痛,反而食好多西瓜海帶綠豆沙芥菜豆腐湯(so call啲寒涼野)都無乜問題!!!

      刪除
  2. 你嘅開年飯好多食材我都係唔食的,都係鬼佬中菜啱我多啲。

    回覆刪除
    回覆
    1. 你跟本就係已經變咗鬼佬啦XXXXD
      頭髮有冇染金咗?!!^0^

      刪除
    2. 咁咪係型爆熟男囉XXD

      刪除
  3. 其實我唔多鍾意食新年菜式

    回覆刪除
    回覆
    1. 一年一次都係為好意頭而已,家人愛熱熱鬧鬧咁食餐我都係陪食下啦XXXD

      刪除
  4. 呢幾日肯定三高到爆燈,千萬不能去做體檢 :P

    回覆刪除
    回覆
    1. wakakakakakaka~~~~~要多做運動消耗返,勁飲檸檬水消滯,之後都要食返清啲先得^^

      刪除
  5. 村上春樹作品:
    《沒有女人的男人們》2014年,
    全書是由7個獨男為主題的故事,
    貫徹了孤單灰藍的宅男式格調。
    1Q84後村上也沒有太大突破,
    發條鳥三部曲已是宅男小說的頂峰之作,
    但人造衛星倩人中的迷人愛琴海
    和卡夫卡的夢幻式圖書館,
    1Q84的月夜,相信依然是村上迷的心頭愛。

    回覆刪除
  6. 恭喜中獎,新一年好運連連,祝賀基爾媽和基爾身體健康!萬事勝意!

    回覆刪除
    回覆
    1. 大家咁話~~~~~也祝Stella與囝囝萬事如意龍馬精神好運年年出入平安遊世界^^

      刪除
  7. 開年飯好豐富!盆菜落足料,不過卡路里好高,哈...

    回覆刪除
    回覆
    1. 真係好豐富食足幾餐先食得晒:P
      一定要,已經盡量不吃煎炸野油角煎堆了,同埋要勤力啲去跑多幾圈先掂XXXD

      刪除
  8. 啲老人家即使食盆菜,點都要炆下冬菇、煲個湯、整碟白切雞。唔好咁辛苦啦。

    回覆刪除
    回覆
    1. 對,所以下年都係買個4人盆菜就最適合了,反正都可以有其他餸食呢^^

      刪除
  9. Gael:祝你雞年萬事如意,健康快樂!:)

    回覆刪除
    回覆
    1. 大家咁話,萬事如意身體健康!!!
      工作忙唔忙呢?

      刪除
    2. 忙...忙過小蜜蜂....
      (我最近的WhatsApp圖像是忙碌中的小蜜蜂, wakakakaka...)

      刪除
    3. 忙就好啦,可以賺多D,好似個盆菜咁盆滿缽滿XXXXD

      刪除
  10. 盆菜好豐富呀,年年有餘好意頭.
    再次祝基哥同家人六六順利,心想事成!

    回覆刪除
    回覆
    1. 大家咁話~~~也祝MD一家安康生活美滿萬事如意^^

      刪除
    2. thank you thank you ! Happy Birthday ^^

      刪除
    3. 人日快樂~~~~happy birthday^^

      刪除
  11. 我屋企無買盆菜多年,犹喺年年遇上你的情況,老媽食足成個星期,怕怕...,而且又辛苦洗杯碗,算吧!

    回覆刪除
    回覆
    1. 係呀開年飯好多時都煮好多,係預咗剩好多餸要食好多餐先ko晒:P
      洗杯碗和拖地都係指定動作啦XXXD

      刪除
  12. 我地開年都食盆菜呀~
    肥人下年要自己試下整先得~

    回覆刪除
    回覆
    1. 新年快樂呀, 肥人祝你雞年身體健康, 心想事成, 恭喜發財, 龍馬精神, 最緊要係新一年行大運!

      刪除
    2. 盆菜有個最大好處就係乜都有唔駛煩囉,近年都好多人開年食盆菜就算,唔搞太多野了!
      自己整好呀,食材一定啱食!
      大家咁話~~~~~也祝你與老公萬事如意龍馬精神行大運^^

      刪除
  13. 回覆
    1. 對呀,新年好意頭丫嘛,大家都有餘有剩盆滿砵滿^^

      刪除
  14. 開年飯好豐富, 新年野真係成個禮拜都食唔完
    我見過思念呢個牌子, 不過無試過

    回覆刪除
    回覆
    1. 係呀喱個已經係常態了XXXD
      原來喱個品牌咁出名連歐洲也有賣?!@@

      刪除
  15. 大家族食盆菜,快高長大,家肥屋潤,常滿(床底).kaka....

    回覆刪除
  16. 盆菜是農曆新年的好選擇,哈哈哈
    祝人日愉快!

    回覆刪除
    回覆
    1. 對呀,慳好多功夫XXXD
      大家咁話,生日快樂^^

      刪除
    2. 你近來沒有下廚喎,幾時又做型男廚神呢?

      刪除
  17. 開年飯盆菜好豐富!!祝基哥同家人身體健康,心想事成!
    我家人吃了多年盆菜開年飯,年年都要各位手足打包,所以今年無買盆菜。
    但仍然要大家打包~~~~

    回覆刪除
    回覆
    1. 大家咁話,也祝你與家人身體健康萬事如意出入平安^^
      wakakakak...過年都係要盆滿砵滿要有好意頭,吃不晒就留待下一餐吧,有餘有剩^^

      刪除
  18. 今年沒有吃過新年菜色。這些菜都不對胃口。

    回覆刪除
    回覆
    1. 阿摩通常過年會食乜菜式?係咪會選擇食西餐?一來又易啲book位呢....

      刪除
  19. 盆菜appears quite lots of different varieties of food.

    回覆刪除
    回覆
    1. 係呀勝在包羅萬有,咁一定會有啲啱食囉^^

      刪除
  20. 新年嘅特色就係食、食、食,一年一次就豪俾佢喇(指肥左嘅腰圍)

    回覆刪除
    回覆
    1. wakakakakakaka......對呀,所以都係時間去跑多幾個圈先得啦^^

      刪除
  21. 祝生日愉快,身心康泰,工作順利,笑口常開!

    回覆刪除
    回覆
    1. 大家咁話,也祝你萬事如意龍馬精神大吉大利^^

      刪除
  22. 大清早就搞咁豐富嘅開年飯... 我唔介意犠牲個肚皮,幫你哋分擔d食物噶,哈哈哈
    祝新年快樂,事事如意!

    回覆刪除
    回覆
    1. 係呀HK人通常都係年初二早上食開年返吧,大馬興唔興?
      你最好人啦wakakakaka....也祝你們萬事如意身體健康^^

      刪除
    2. 其他人我唔清楚,畢竟每家/籍貫嘅習俗唔同。
      我屋企唔呢樣習俗,但年初一早一定要食黄酒雞麵線。

      刪除
    3. 原來如此....果然係各處鄉村各處例,又長知識了!
      上網search了黃酒雞麵線,HK人有些會在年初一食齋呢

      刪除
  23. 盆菜与伯友的螺頭花膠湯+燒肉 = 超吸引喎 ^^ 吃得是 { 福 } 吖 ~
    Sky 祝賀府上各人 @ 豐衣足食 身壯力健 事事如意 恭喜發財 ~ 啊 !!

    回覆刪除
    回覆
    1. 對,有時個湯仲緊要,清清地幾唔錯^^
      Sky最懂keep fit過年食多少少無問題啦!!!
      也祝你一家萬事勝意龍馬精神,祝Sky工作順利賺多啲^^

      刪除
  24. 嘩!~新年快樂!
    新年假期日日開餐'係咁食不停~要出郊外走走先得喇!

    回覆刪除
    回覆
    1. 對呀,真的要跑多幾圈了....
      新年快樂,元宵快樂!

      刪除
  25. 盆菜多人食都係唔錯的選擇~~
    反而包水餃我覺得唔貴,廿幾蚊有十數隻喎?!!

    回覆刪除
    回覆
    1. 可以煮少幾味,方便快捷丫嘛^^
      包餃子或者會平時先包啦,因為過年太多嘢忙都唔係太得閒包了:P

      刪除
    2. 喱個數字屋品牌間中都有平嘢買,如果有六折都幾抵嘅

      刪除
    3. 你誤會!!我指呢包數字屋的餃子唔算貴~
      自己買料包會仲貴喎…

      刪除
    4. 不過自己包可以玩下又有得食,啲餡又可以包自己鍾意食嘅嘢喎^^

      刪除
  26. 我一個人, 我都食左好多野

    回覆刪除
    回覆
    1. 加國果邊通常過年會食咩賀年食物?

      刪除