2017年2月22日 星期三

珍郵庫@開平碉樓

過完年之後好似又無乜特別野好寫,係時候又拎郵票出來了。



感覺上,近年郵政署出新郵票的頻率好似密好多(應該是增加營運收入的不二法門吧),之前新年前才剛出過生肖郵票,緊接幾個禮拜又出喱款開平碉樓的小型張。



之前這個中國世遺系列已出了5款,分別是大運河紅河哈尼梯田長城麗江古城和丹霞山,今次喱個開平碉樓在地理上算係最近香港的,唔少人都去參觀過吧!



基爾其實都幾鍾意喱個世遺系列首日封,因為通常設計都幾靚(包括個信封),仲有個郵戳都好精緻好有特式。看封底簡介才知開平碉樓群於2007年才獲UNESCO列入世遺名錄,現存約1800多座,今次$10郵票上的是樓高5層的自力村雲幻樓。

中國世界遺產系列第六號︰開平碉樓與村落
發行日期:2017年2月16日

110 則留言:

  1. 回覆
    1. 細個時去過,仲未係旅遊熱點呢!

      刪除
  2. 這一款靚喎!
    都想去一次囉~~~~

    回覆刪除
    回覆
    1. 今次喱個印刷得幾靚

      刪除
    2. 其實您一年收集多少靚郵票呢?

      刪除
    3. 無正式統計,今年好似訂咗五六套左右吧

      刪除
    4. 我印象中是很多!您好富貴,是我學習對象,哈哈哈

      刪除
    5. 咪傻啦十幾蚊個你畀得起有餘....XXXD

      刪除
    6. 哈哈哈,十幾蚊加好多好多個呢!
      您最近無出動喎!

      刪除
  3. 我都想親身去開平睇下
    兩天團好平,三四百蚊,好抵。

    回覆刪除
    回覆
    1. 自從成了世遺應該都幾多團去,我見好幾位blog友都有寫過呢!

      刪除
    2. 哈...好多,有無興趣在玩下!

      刪除
  4. 中國世遺系列已出了5款,之前個D有冇買呀?有的話影哂佢來睇啦!

    回覆刪除
    回覆
    1. 多謝你有興趣睇返,上面已經加返條link,如有空閒時間可以click入去睇返,不過唔知點解翻查舊網誌找不到丹霞山那一套,可能果陣無寫到,是2014年12月發行的!

      刪除
  5. 去年我到遊開平碉樓真係不錯,這套郵票設計也很美觀。

    回覆刪除
    回覆
    1. 對,印象中我也記得睇過幾個blog友寫過的!

      刪除
  6. 我幾年前同親戚尋根,去過開平,參觀過碉樓

    回覆刪除
    回覆
    1. 自從入咗世遺之後都幾多三日團兩日團果啲去當地旅行....

      刪除
  7. 香港政府郵政服務日漸萎縮,
    連辦公時間都間間不同,
    有些更是提早四點就關門...
    賣紀念郵票成了主要服務了... :(

    回覆刪除
    回覆
    1. 依家叫做轉營緊,除了郵遞外都有好多其他服務....
      係呀通常啲細郵局係開短啲時間,要留意唔好摸門釘^^
      仍算叫做賺錢來源之一啦,不過都係回歸前最萬人空巷,依家就少咗好多人排隊,也可能因為多咗人預訂,咁就方便啲唔駛排!

      刪除
  8. 這張郵票很有特色,幾靚.

    回覆刪除
    回覆
    1. 畫面幾靚,可能靚過實景wakakakaka....

      刪除
  9. 可能對開平人來講碉樓有紀念性...對部份港人就比較陌生~~
    極羡慕gael兄生活冇乜特別野寫,平實的生活已經是福…

    回覆刪除
    回覆
    1. 依家都幾多省內短線團去,我諗都好多人去過了.....
      森兄直情唔駛寫blog,一定更加幸福更加令人羨慕了XXXD

      刪除
    2. 唔出Blog = 幸福同令人羨慕…真係唔知咩邏輯思維~~XXD
      本來都唔覺咩幸福,畀gael兄講一講,又好似覺覺地…XXXXXD

      刪除
    3. wakakakakaka.....我都係跟森兄咁講咋,生活淡淡似是湖水,其實已經係一種福氣了^^

      刪除
    4. 當然平淡生活是福啦~可惜森伯路途又冇咁平坦…
      係喎!gael兄最近身體好嗎?個體檢報告有冇靚仔番呢?...

      刪除
    5. Anyway,森兄能享受生活就ok啦,有時都未必要追求太多東西,老土講句就係知足常樂吧^^
      係喎今年暫時未去喎,不過平時keep住運動同埋學森兄注意下食療養生,感覺上都不錯呢^^

      刪除
  10. 開平現存約1800多座碉樓群
    於2007年獲UNESCO列入世遺名錄,,

    回覆刪除
  11. 嗰次跟旅行團其中一個景點話坐車遊覽這裡的建築物 , 原來衹係坐在車上遠遠從外圍駛過 , 咩都看不見真氣人 !

    回覆刪除
    回覆
    1. 遠遠參觀完之後係咪車你地去買嘢?

      刪除
    2. 哈哈你真聰明估中一半 , 食飯和買嘢囉 .

      刪除
  12. 呢篇咁精簡?BTW,上次你講返N年前去葡萄牙,又提到花地瑪,就啟發起我去葡萄牙行嗰邊既聖雅各朝聖之路,仲連隨研究埋路上響邊度可以停低兜去花地瑪,後來發現原來今年係花地瑪神蹟一百週年紀念,我就馬上決定成行!今次會行到西班牙終站聖雅各,期待!

    回覆刪除
    回覆
    1. 寫精簡啲好,唔駛次次都咁長氣丫嘛XXD
      OIC~~~!!原來今年係神蹟百周年,咁真係值得花少少時間過去參觀下啦,我估都有幾多特別的宗教巡遊活動舉行吧!
      葡萄牙至西班牙喱條線相較你上次南法線,係咪會易行啲?期待看你的旅途人與事和靚景照片.....

      刪除
    2. 100週年慶典連教宗都會出席,不過我怕人多有危險,所以避過正日。葡萄牙呢段朝聖之路應該比法國嗰段難,尤其南部頭半段(由里斯本起步)好少人,路標又唔夠,所以呢次要靠嗮GPS。指南書仲話要學埋基本葡萄牙文旁身,我以前仲以為葡文同西班牙文好相似,原來葡文拼音難好多倍!於是今日我就用左半日學發音,而家先算係捉到竅門。

      刪除
    3. 咁又啱喎,人多地方都驚驚地有危險,有教宗出席咁保安應該會好嚴密吧!!!
      你有西班牙文底子,又有法文和英文幫助,加埋學D日用葡文應該都無問題,係驚有時要路過的偏遠鄉村地方一定只能講葡文,學定少少都好嘅!
      如果好少人行你就要小心啲,安全為上,如果好似上次咁遇啱同路人一齊行就感覺上安全小小啦!!

      刪除
  13. 其實多唔多你身邊既朋友仔都係儲郵票架??
    你係郵局長期粉絲~~~~

    回覆刪除
    回覆
    1. 據我所知......就應該無喇!!!不過去旅行順手買啲郵票postcard之類做紀念品就可能會有嘅!
      因為通常年尾就一次過訂來年的首日封,通常都有六七套左右(已經唔係乜都買晒),來年都要考慮下買少啲,因為實在無地方擺了:P

      刪除
    2. 咦~你講緊既可能係我~我平時無儲開~去旅行就會寄~奇怪的人~
      床下底無位喇咩~~~

      刪除
    3. 不會奇怪,反正就當係旅行紀念品,因為有好多地方都未必會再去重遊丫嘛!
      無乜架啦!我其實都好怕屋企太多立雜野:P

      刪除
    4. 係呀就係咁諗...同埋寄埋俾自己d朋友當手信咁都唔錯丫~~
      你黎到我屋企一定會發癲~~我屋企超多立雜野~

      刪除
    5. 都係㗎,有時收到朋友的postcard都幾開心!!
      我都有啲立雜恐懼症XXXXD
      你都好丫至少可以用來製作哭袋....wakakaka

      刪除
    6. 無錯~代表朋友記得自己丫嘛~~~~~而且寫postcard真係好煩的~~寫到頭暈~
      咁即係你屋企好乾淨啦~~~~
      有d太哭~~我驚攞出黎俾人話~~~wakaakkaa~

      刪除
    7. 同埋有時都未必買到靚和合心水的postcard和郵票呢!
      我好怕搵嘢,所以盡量都放好啲唔四圍擺,費事將來好難搵返出來:P
      Wakakakaka....太哭就無謂啦,驚公子個個都怕咗你就唔好XXXD

      刪除
    8. 拿拿拿~我家係亂中有序架~~~~咁樣d野好攞d呀~~
      真係要執既話我家不知何年何月可以執乾淨..好恐怖~

      刪除
    9. 其實亂中有序定序中有亂都無乜所謂,最緊要係自己沒問題就ok了,除非將來與其他人一齊生活,就要顧及人地感受啦....wakakaka^^
      除咗養寵物要停一停諗一諗之外,依家出街買嘢亦真係都要停一停諗一諗,係咪真的有必須要才買,一來環保啲唔駛買太多無謂嘢又無地方擺,二來慳錢:P
      p.s.其實食嘢係最環保,食咗落肚唔駛諗搵地方擺XXD

      刪除
    10. 哈哈~~咁我會首先請佢上黎我屋企接受到先好同我一齊生活~~~
      我都有架...買野我就真係好少..除左去旅行放縱一下下~~無地方擺是大前提~~~
      係呀!!我每個月用最多錢就係食~~~
      唔得架..你食得牛多又話你唔環保架喇~

      刪除
    11. 咁一定好啲....!!
      城市生活空間始終有限,無地方真係共同煩惱問題XXXD
      生活必須品夠用就ok,依家興講斷捨離係咪?
      咁食多啲蔬菜水果,皮膚好人又精神健康,都係好事^^

      刪除
    12. 所以咪有迷你倉既誕生囉~~~
      無錯無錯...但我就係哥種唔捨得dum野既人!!
      我淨係想變瘦~~wakakakak~

      刪除
    13. 我成日都覺得如果放得入迷你倉果啲,其實都已經是沒有用的了,我估唔係咁多人成日咁得閒去入倉翻閱自己的舊事舊物吧:P
      所以最好係源頭減廢囉XXD
      行多啲山,自然瘦^^

      刪除
  14. 跟兩天團去過開平碉樓,保全得幾好.

    回覆刪除
    回覆
    1. 係呀我記憶中都有睇過幾個blog友跟團去過碉樓

      刪除
  15. 開平近我家鄉,我都未去過

    回覆刪除
    回覆
    1. 看來都幾多blog友係當地人喎^^

      刪除
  16. 終於沒有咁忙 ^^ 可以睇下你个blog了 ~

    回覆刪除
    回覆
    1. 新工已經適應了吧!!仲有冇時間去秘撈hahaha....

      刪除
    2. 有呀 ^^ 一日起兩日止吧 !

      刪除
  17. 世遺系列最like哈尼梯田,覺得呢款麻麻地@@

    回覆刪除
    回覆
    1. 你有冇去過紅河梯田旅行?聽聞梯田實景更靚呢....

      刪除
    2. 近排你去日本多,移情別戀咗XXXD

      刪除
  18. 套郵票拍得好靚、設計美觀,正!

    回覆刪除
    回覆
    1. 係咪影得有點鄉土風情wakakakaka.....

      刪除
  19. 風景幾靚, 開平聽過末去過, 可有跟歷史人物有關? ...

    回覆刪除
    回覆
    1. 咁我又唔知有冇同咩歷史人物有關喎~~~~

      刪除
  20. 回覆
    1. 原來都唔少blog友是來自開平喎

      刪除
  21. 台山五邑, 我這裡滿地可原本好多人都係, 不過漸漸少了, 因為新來的全是東北人, 十分豪邁的人群.

    回覆刪除
    回覆
    1. 我諗都係,多北方富豪是大趨勢吧

      刪除
  22. 嘩嘩, 呢度我有去過呀! 有親切感!
    我諗麗江古城套小型張會好靚

    回覆刪除
    回覆
    1. 對呀,開平碉樓比較近香港所以我諗都幾多人去過呢....
      麗江果套都靚,橙色黃昏景作主調,見到古城又見到遠處的玉龍雪山呢!
      http://gaelhk.blogspot.hk/2014/03/blog-post_14.html

      刪除
    2. 咦, 我覺得開平碉樓呢套靚啲呀
      玉龍雪山下嘅玉照, 我都曾經影過呢, 真係好值得一遊嘅地方!

      刪除
    3. 世遺喱個系列幾套設計都唔錯呀,值得一買的!!
      山上風景真係幾靚嘅,依家應該更加多人去,相信啲景點會好熱鬧.....

      刪除
  23. 有人真係要人地寫大懶蟲幾個字先開心o架!

    回覆刪除
  24. 有次跟團去陽江浸溫泉,行程說明會去開平碉樓的,結果那個導遊說時間不夠,只帶我們匆匆走過一處很簡陋的小型碉樓鄉下,他自己卻向前走得無影無踪!留下香女領隊善後。真是令人失望!
    相信下次要專程去才可以看得到了。

    回覆刪除
    回覆
    1. 我諗如果係無乜嘢買的純粹景點,一般都係草草了事,導遊收唔到回佣無錢賺應該都不會容許你地留太耐浪費時間啦XXXD

      刪除
    2. 呢個國內的年青導遊好差勁! 他自己說是從某個旅行社被炒魷魚出來的。那個旅行社我從來沒有參加過。
      他說時間不夠,私下改景點,去了另一個鄉下的殘舊碉樓。

      刪除
    3. 咁唔怪得啦,我諗佢唔係好適合做喱行了.......

      刪除
  25. 有女同事與你一樣都喜歡集郵,她說將來會把她所有收藏的郵票送給女兒作嫁妝,我們笑說世世代代之後一定會價值連城的。😀

    回覆刪除
    回覆
    1. 犀利呀,可以變成家傳之寶呢

      刪除
  26. 依家無乜人寄信收入大減,唯有出密d囉。。。

    回覆刪除
    回覆
    1. 咁應該搞好速遞業務,仲賺大錢啦

      刪除