2017年3月30日 星期四

書裏人間@消失中的香港

少了寫blog有個好處是多了看書時間,某天看blog友又有好推介,上網check過鄰近圖書館正好又有喎,咁無得懶要去揭揭佢啦!



這本《消失中的香港》結集了不少精彩的畫作,將唔少令人懷緬的舊香港老街小店印象,以充滿本土情懷的線條筆觸定格下來……



記得書裏其中一篇序言有謂:今時今日攝影科技咁先進,數碼相機簡單按個掣就拍下照片又可拍短片,為何還要花咁多時間慢慢描素寫生?



但正如其中畫家所講,每幅街頭寫生作品,每筆每畫彷彿都是充滿人情味的撫慰,讓每個熟悉的街角、老舊的店舖和屋村都滿載回憶畫面……



一條又長又直的屋村走廊,沒住過屋村的一定不會覺得有什麼特別,還不是一條空蕩蕩的冷巷吧!住過就知這裏就是小孩的「百變playground」,什麼打排球打羽毛球踢波打樂康棋跳大繩跳飛機僕匿匿兵捉賊狐狸先生和何仔公……通通可以在這狹小空間上演!



走廊多野玩,公園當然也不輸蝕,返學前放學後又或者周末放假路經公園時,係咪總要騎上去這些大象鴨仔電單車搖兩野先肯走?基爾印象中還有馬仔鯨魚和飛機。記憶中見過有個肥仔搖斷彈弓,是童年影陰!



上面這間經典老牌冰室相信唔少人留低過腳毛,以前去BC看戲經常都會經過,後來知道它還成為電影的場景,不過印象中基爾只幫襯過一次咁大把,因為可能名氣勁,價錢一點不便宜呢!



這些新年掃街市集曾幾何時也hit過一排,不過唔知點解基爾自細已經唔太熱衷周街篤魚蛋燒賣牛雜炒栗子又或者雞蛋仔格仔餅碗仔翅之類,極其量就只買個砵仔糕袋返屋企先食。



這本畫冊最獨特之處係最後一章講傘運,馬路上的營帳雖然早就煙消雲散了,卻仍深刻地保留在畫作中……



感覺上這些街上寫生的用色和筆觸都比較沉重,相信除了呈現畫面之外,同時也融注了當時作者置身其中的心情!



這不就正好回應了序言所說,既然有了方便的數碼相機,為何還要寫生素描吧!看完這本畫冊你自然會找到答案。

66 則留言:

  1. 基爾唔太熱衷掃街,咁台灣啲夜市咪唔啱你?

    回覆刪除
    回覆
    1. 都ok嘅,用眼睇下人地食乜都開心wakakakaka....

      刪除
    2. 真係晒料,我反而好鍾意掃街,如果可以有隨意門,同你交換位置就好喇。。。繼續發夢。。。

      刪除
    3. 正呀,我成日都幻想快啲發明隨意門,超正的^0^.....繼續發夢XXXD

      刪除
  2. 從藝術的角度看,繪畫出來怎樣也好過一張相片…
    這些畫作充滿著香港情懷…

    回覆刪除
    回覆
    1. 畫有時會比較多主觀角度,有作者的感情元素,這方面森兄一定深諳當中的妙處^^

      刪除
    2. 咁gael兄本身有冇畫畫天份?!!識唔識畫幾筆呢?!

      刪除
    3. 我諗應該算係完全BB級別果隻XXXD

      刪除
  3. 這本有趣的書,
    你寫blog少可以睇書...我少睇書可以blog,
    哈...各取所需
    我喜數碼相機喺老實地攝取所有影物,後期加工除外,畫畫包含作者主觀意願。

    回覆刪除
    回覆
    1. 都啱呀,你最好係長寫長有,咁我先有得睇丫嘛^0^
      大師級的照片有時也很有藝術味,近乎畫作呢

      刪除
    2. 依家手機咁正,個個人都可以喺攝影大師,早前香港咪有人用手機喺裕民坊影咗張相,喺美國國家雜誌勝出攝影獎。

      刪除
    3. 係喎你講起又好似有聽聞.....
      依家手機個鏡頭越出越靚呀,某H牌更話有Leica鏡頭,直情好過好多DC!!

      刪除
  4. 香港並無消失,只喺轉變中,改變好壞或是否喜歡,各人自己恆量。

    回覆刪除
  5. 香港是個沒有記憶的地方

    回覆刪除
    回覆
    1. 有價值的東西希望得到保留啦

      刪除
  6. 我剛回香港也同已經移民左嘅舊同學一齊舊地重遊,想搵童年嘅回憶。

    回覆刪除
    回覆
    1. 回味一同成長生活的年代,一定有好多有趣事^^

      刪除
    2. 係呀,兩個瘋婆時時大笑,哈哈哈哈

      刪除
    3. 最緊要有共同話題和開心往事,有朋友可以一齊癲下笑下飲飲食食行街睇戲也是福氣呢^0^

      刪除
  7. 肥人都覺得香港不斷在進步, 但好多童年回憶都慢慢消失晒~

    回覆刪除
    回覆
    1. 衷心祝願係真正的進步而唔係退步啦^^

      刪除
  8. 有圖畫加文字,正好帶出"消失中的香港"這標題!

    回覆刪除
    回覆
    1. 同你貯下來的漫畫一樣囉,見證了一個年代的生活面貌....^^

      刪除
  9. 其實未睇你最後一句,我先諗到作者是不喜隨波逐流,做自己喜歡的事,當然另外一樣就是寫生能坐下來慢慢細味、慢慢思考吧~
    講開手繪書籍,約十年前初次接觸的是台灣人張佩瑜的手繪旅行,當時書架上是唯一一本手繪旅行書籍,但現在書局手繪旅行已成了一片書海,難道世人真係咁鍾意一窩蜂?

    回覆刪除
    回覆
    1. 對,通過畫筆似乎多了一份主觀情感,更有人情味^^
      你講開我又覺,近年多咗人出手繪旅行書,初初睇係覺得幾有趣幾有新意....銀哥旅途中會唔會間中畫下幾幅素描?如果有就要擺上blog分享下,單單睇你砌果個雪人,我覺得你很有潛質畫手繪旅行漫畫wakakaka...

      刪除
    2. 無,我除了堆雪人,毫無藝術天份架,哈哈~

      刪除
    3. 雪人也不錯呢wakakaka...

      刪除
  10. 就算到而家, 我都會間中夢見個條長長嘅屋村走廊架

    回覆刪除
  11. 畫得好靚!!!!充滿對自己屋企->香港呢份滿滿既感情~
    睇到佢畫既地方而自己又去過應該好有共鳴感~
    依家真係方便~可以上網查邊d書有係館~唔使白走一趟~

    回覆刪除
    回覆
    1. 澳門有冇畫家出喱類老街寫生畫冊?
      我諗如果係土生土長都應該有共鳴嘅.....
      對呀,借同還都方便,要好好利用這些社區設施...反正都交咗稅XXD

      刪除
    2. 我真係唔知~要去書局看看~~
      梗係啦~由細到大都係望住哥d老街~勁加感情分~
      我地都有...不過我好懶...最近哥間圖書館要行10分鐘~~(係咪真係好懶?)

      刪除
    3. 幾年前做伊莎貝拉果陣你有冇睇澳門街景?^^
      10分鐘算好近啦,有冇去借過啲旅行書?不過依家多數睇網,資料update啲....

      刪除
    4. 都有呀...依家有好多戲都有係澳門取景~~~感覺得意~~但最搞笑係哥套now you see me2.....d廠景街市整到澳門仲係70年代咁...勁頂佢唔順~~
      有呀~之前有租過~不過佢有d書唔係幾update~就放棄再去租~
      哈哈~~我真係好懶~~~~原來10分鐘算近~~~~~

      刪除
    5. 我又無睇喱套喎,只睇過佢trailer,好似都幾得意咁喎!
      依家多免費的網上資訊,出旅遊書都唔易....

      刪除
  12. 回覆
    1. 在這裏成長的應也有共鳴感吧^^

      刪除
  13. 見到好多回憶>.< 好多已經搵唔返>.<

    回覆刪除
    回覆
    1. 無理由喎你咁後生.....都唔同年代wakakakakakaka.....

      刪除
    2. 已經老啦>.< 好多都係細過既時候見過>.<

      刪除
    3. 應不會吧,咁快認老?!!仲有好多地方去喎你XXD

      刪除
  14. 回覆
    1. 唔出奇啊,圖書館都有,應不是新書了

      刪除
  15. 回覆
    1. 有些舊區面貌很少機會見到,新舊對照的特別有趣.....

      刪除
  16. 回覆
    1. 懂畫畫的一定看得更投入^^

      刪除
  17. 是肥仔的童年陰影多啲呀~~
    之前都在朋友處睇過一本用手繪形式回憶童年往事的書,有趣之餘,也覺得作者用手繪形式比用相片更能顯出作者的心思。

    回覆刪除
    回覆
    1. 我估佢好快就唔記得啦咁爛玩XXXD
      我覺得即使唔出書,純粹當作自己個人收藏也幾好,留返畀自己將來睇就好似寫日記咁......

      刪除
  18. 老牌冰室,真的要去一次。

    回覆刪除
  19. 老牌冰室 ~ Sky 去過一次朝聖吧 ^^
    Sky 就少看書 >.< 但仍 Keep 住寫 Blog 這習慣 ~
    已經不知不覺 @ 寫咗 10 年第 850 篇 Blog 了 !?

    回覆刪除
    回覆
    1. 不過價錢好似有點貴,可能曾是拍戲場景所以升咗呢XXXD
      一定要keep住喱個良好習慣啊wakakakaka....
      你好勁呀我都無寫咁多呢,讚!!

      刪除
    2. 呵呵 ~ 你以質素最勝吧@貴精不貴多嘛 ^^

      刪除
    3. 只係隨心而寫,近排都無乜特別嘢寫了:P

      刪除
  20. 我覺得舊事物都有一定既價值&情懷.

    回覆刪除