2017年6月28日 星期三

盈福28@馬鞍山

早起身有個最大好處,就係感覺上全日時間好似特別見洗!大清早去完逛一輪博物館之後,lunch就去左食喱間有點新派味道的粵菜館。



每逢大時大節去酒樓晚飯,如果無訂座真可說是一位難求(有些茶樓甚至不設訂座要親身去排隊霸位),所以為免麻煩好多時會選擇提早做節,又或者改為食晏晝飯。上圖可見這個「變陣」非常奏效,這間食店果然有大把位任坐唔嬲,唔駛勞師動眾等位咁煩。



先來的是小食:鳳凰自醉$68和沙薑豬手$68,白雲花雕鳳爪好有酒香味,基爾平時唔飲酒但都覺得幾香幾好味;至於豬手的沙薑味肯定無得輸,兩款同樣係上乘的開胃菜。



再來就是賣相極靚的松子鱸魚$198,老實說基爾因為怕骨對魚通常都麻麻地,不過喱條松子魚表面炸到好鬆脆已經夠香口,魚肉仲係無乜骨啖啖肉,對於基爾喱類完全唔識侖骨的人來說可謂極品!另外仲叫了左上圖的椰汁日本南瓜芋頭$78和左下的玉桂香鴿$38,當天去原來每台客送一隻乳鴿,非常抵食!



另外點心類叫了上面喱個花菇松露$49,造型真係好似一個冬菇,咬開入面果然散發出濃濃的松露香味,唔知價錢算唔算貴但都值得一試。店裏其實仲有幾款設計別緻的新派點心,基爾相信都係主打年輕人市場吧!連茶芥每位$10,最後埋單計約六百幾(某銀行卡有九折相當於免加一),整體而言算是可以一試之選。



講開食晏,順便講埋平時基爾返工多數帶飯,但間中都會出街lunch。至於出街通常食乜呢?上圖喱間算係其中的心頭愛,因為佢個下午茶時段真係好鬼抵食,碗飯大大碗之餘仲好平又經常有新款式揀。



之前食過佢個松露芝士煎雞飯,加埋海苔味噌湯和泡菜都只係$35左右唔知有冇記錯。基爾食過一次就無再推出可能成本貴,改左做松露芝士豚肉和牛肉飯。另一次又食左上面這個胡麻醬玉子豚肉撈鳥冬$28,餐飲轉抹茶紅豆冰只係+$5係咪好抵?基爾對佢個半生熟的玉子其實麻麻地,不過甜甜地的胡麻醬就幾好味!



p.s.反正講開食野咁又搭多段豬頭骨短blog。之前同blog友講開去街篤魚蛋,咁基爾本身就好少做喱樣野,因為通常都在家自己整咖喱魚蛋,每次煮咖喱燜薯仔時總愛加埋魚蛋一齊煮,感覺好食過街篤果D好多,自家用開果隻咖喱磚味道唔錯,想再辣少少可再加紙包裝咖喱粉,味道可自行調節。最後講埋早前U記的感謝祭,襯熱鬧走去買了件$79短袖tee,今年過了大半年就只買了這件衫,向環保綠色生活又邁進一步了!

盈福28 Fortune Young
馬鞍山新港城中心2樓2E-91號舖

61 則留言:

  1. 看外型,喱條松子魚我都喜歡!
    我又試過做節不吃中菜,揾位都ok嘅!

    回覆刪除
    回覆
    1. 望落賣相已經值90分,而且味道也不錯,最重要係無乜骨^^
      係呀中國節日唔好食中菜,又或者早少少做節

      刪除
  2. 盈福28我去過銅鑼灣個間,味道好吾錯,價錢又吾貴,可以再去。

    回覆刪除
    回覆
    1. 係呀佢都有幾間分店,唔知銅鑼灣果間多唔多人?

      刪除
    2. 上年12月去過,個場好大位好闊落,我8個人坐12人大枱,重有個屏風和隔離枱隔開,今日我再去,竟然話裝修,上年12月開業,咁快話裝修,九成九是結左業。

      刪除
    3. 係喎,我都覺佢啲台擺得好闊落幾好坐,至少隔籬台傾計都不會聽到^^
      嘩,開業半年咋喎,咁快捱唔住????@@
      可能租貴維唔起皮,畢竟銅鑼灣食肆競爭大好多....

      刪除
  3. 間新派野係咪會坐得好逼?
    已經好耐無篤魚蛋 T-T

    回覆刪除
    回覆
    1. 我覺得算係坐得好寬敞了,你睇第一張相就知佢台與台之間都好鬆動,好多酒茶啲台擺得仲窄......
      有冇中超有得買?可以自己整喎^^

      刪除
  4. 下午茶時段才吃午飯,可有吃早餐?小心身體!
    件tee 唔錯!

    回覆刪除
    回覆
    1. 果日有,好似係一大朝早食咗個包先去行博物館的....
      幾十蚊而已,著得過^^

      刪除
  5. 間新派菜館好似唔錯喎
    你煮的咖喱賣相好吸引

    回覆刪除
    回覆
    1. 係呀味道都ok,而且坐得舒服啲,無茶樓咁嘈...XXD
      多謝你鼓勵,不過喱度好多高手,希望不會見笑:P

      刪除
  6. 環保綠色生活>>>乜都唔好著啦.

    回覆刪除
    回覆
    1. 咁又唔得.....HK無得天體㗎嘛!!XXXD

      刪除
  7. 我都幾年無在香港篤魚蛋,因為無同道中山陪我食。我都嘗試環保生活,可以控制到少少買少D,不過見到減好多,又會買。

    回覆刪除
    回覆
    1. wakakaka....無叫魚哥帶你去篤下咩XXD
      係呀依家都興簡約生活,唔係等住用一般都唔買啦,純粹去望下都ok嘅!又或者等大減價先囉:P

      刪除
  8. 啲小食真係唔錯,我都好鍾意沙薑啲味道。我回香港都鍾意食茶餐,覺得多選擇同好抵。

    回覆刪除
    回覆
    1. 係呀我都鍾意沙薑味:P
      你見HK啲茶餐廳可以做到上市就知生意幾好...XXD

      刪除
  9. 成日都行新港城,都無留意呢間餐廳,下次有機會去試下.

    回覆刪除
    回覆
    1. 咦,咁你通常會幫襯邊間?想知^^

      刪除
  10. 我都鐘意提早做節~真係唔使同人迫不知幾開心~仲多d選擇添~~~~
    松子鱸魚算幾平而且整得幾靚仔~~
    今篇好著數~~多左兩篇豬頭骨睇~~~~~~~~
    知喇知喇~~~知你有得食咖哩魚蛋喇~~~~

    回覆刪除
    回覆
    1. 最唔好係如果正日就set晒menu無其他選擇,硬食佢啲套餐....仲要貴:P
      鱸魚味道都ok,以我唔太愛食魚的人都覺唔錯^^
      下次搭舊西施骨wakakakaka....
      唔難整丫嘛XXD

      刪除
    2. 係啦...以前賴過好多次野.....例如情人節哥d咁呢...迫你食超貴既set...無哂平日既野叫....有時d野都係提早食好d....依家聖誕哥d都係提前食~正日去食老麥好了~~哈哈~
      炸魚嘛~又加左分呢~
      黎啦黎啦~下次搭多舊豬頭骨俾blog友啦靚仔~~~
      你要整一大兜派俾blog友~~~成日咁得戚~

      刪除
    3. 好多次...情人節哥D<====咦咦咦....看來好經驗豐富咁喎同情人撐台腳XXXXD
      咁又唔駛食老麥咁慘~~~你可以親自下廚煎心心牛扒㗎嘛,我諗你啲honey(mobo+小t媽)一定更加窩心,攞晒分wakakakaka....
      我諗都會,因為好多濕碎野如果想寫blog都係咁出就算:P
      咁要去申請個美食車牌先掂喎XXXXD

      刪除
    4. 我打個比喻je~聖誕節都要食飯架係咪~團年飯都要架嘛~~~XXD
      我好耐無入廚~對自己手藝存疑~其實我幾鐘意食麥叔叔的..所以不覺慘~~~~~~~~~~~~~~~~~~~~~~~~~~~XXD
      有時搭豬頭骨係因為我想DELETE左哥批相佢~~~~
      下~~~好丫~~~~~你整我最多過黎幫襯你喇~~~

      刪除
    5. icic.....XXXD
      我諗最近有好多人換麥叔叔果隻minions杯,幾盞鬼
      你寫果啲短blog都ok好睇丫
      HK搞美食車都唔係架架掂,好視乎場地同賣乜,聽聞好多都要蝕

      刪除
  11. 菜式創新就更加好啲,
    用新派個名又好似...
    原來你有潛質做魚虽大享...嘻

    回覆刪除
    回覆
    1. 吉野家我至like呀
      抵食夾大件...

      刪除
    2. 叫做係有啲新意,但始終好味道最緊要,綽頭係其次:P
      其實....加工食品都係唔好成日食,間中食下過下口癮就算^^
      雖然我唔太食牛但都間中幫襯喱間,覺得好食過其他連鎖快餐店....

      刪除
  12. 花菇松露好吸引呀)))
    吉野家有時都幾好食,下午茶又抵食
    都知早起時間見洗,要努力先得~

    回覆刪除
    回覆
    1. 最緊要係真係有幾濃松露味,試下都ok嘅!!
      我通常都等到下午茶啦,一來又無咁多人:P
      朝早如果夠時間去跑個短步先返工,個人好似精神D^^

      刪除
  13. 馬鞍山太遠了,不過記存下,有機會經過幫襯下....

    回覆刪除
    回覆
    1. 上面有blog友話銅鑼灣也有分店,不妨上網找找^^

      刪除
  14. 我未試過街邊篤魚旦食...街邊的咖哩魚旦螢光黃,望落都幾驚~~~~
    你整的魚旦自然得多, 而且辣度可以調校~~~

    回覆刪除
    回覆
    1. 我其實都極少街邊篤,尤其如果得自己一個更不會....好多時都只係湊熱鬧貪高興而已:P
      森兄最懂飲食之道,盡量無添加是王道wakakaka...

      刪除
  15. Also want to cook curry. Where to buy good curry cube for cooking?

    回覆刪除
    回覆
    1. 我通常會用日式果啲咖喱磚,一來我唔食得太辣,二來雪入雪櫃隨時有得用較方便....
      一般日式超市都有售(一田或吉之島),我通常買S&B,如去到日本也會買幾盒(品牌選擇更多),一般可擺兩三年左右,有獨立包裝,一般日本七仔law記果啲都會有售,不妨留意下^^
      如嫌日式咖喱不夠味,可自行加紙包裝咖喱粉調味,我覺得更啱自己個人口味....

      刪除
  16. 住馬鞍山咁耐都唔知有間咁嘅嘢……

    回覆刪除
    回覆
    1. 大裝修之後才開,在新千色店下面^^

      刪除
  17. 呢餐睇落好正,又抵食~
    不過我相信自家製咖喱魚蛋仲正~

    回覆刪除
  18. 學魚仔影試衫相,但人地有面見人!kakaka...

    回覆刪除
    回覆
    1. 咦~~~~終於返來拿???
      好明顯無人地咁靚仔費事獻醒wakakakaka....

      刪除
    2. 咁即係你身材靚過人啦!kaka...

      刪除
    3. 咁喱方面又冇乜研究喎:P

      刪除
  19. 我都好少可正日做節,廢事又貴又同人迫。
    我細時好鍾意周街拮魚蛋,諗諗吓都好多年未試過,搵日去篤吓先~

    回覆刪除
    回覆
    1. 盡量可免則免啦,節日都係人定架啫,開心的話日日都可過節XXXD
      依家係咪唔多地方有得篤?

      刪除
    2. 其實我同你一樣都無留意,哈哈~

      刪除
    3. 旺角深水涉我諗都仲有啩.....:P

      刪除
  20. 估唔到馬鞍山都有好野食喎

    回覆刪除
    回覆
    1. 係咪美食沙漠中發現的綠洲wakakaka....

      刪除
  21. 呢餐都幾ok喎!~特別條松子鱸魚勁吸引.

    回覆刪除