2017年6月2日 星期五

Weekend無聊周街hea@大埔

之前提過某weekend見天氣不錯,反正有沒事做就跟基爾媽去了一趟大埔行街市!



由於天氣已經開始有點夏日的暑熱氣息,咁就費事踩單車,舒服D搭火車去!不過每逢周末,都估到喱個火車站係勁多人,好多都係準備聯群結隊去碼頭搭船出吐露港D小島郊遊……



火車好快就去到大埔,車站一樣係堅多人喎!例牌先上商場行一圈,順便去個廁所先。商場其實都無咩好睇,都係D例牌店舖,嘆左一陣冷氣就出發行過去街市,途中在小教堂對面見到上圖喱架型仔紅色跑車。



第一站先來到樹記,唔知咩事喱日去到度度地方都係咁多人,連去買腐竹都竟然排長龍,一早知喱間賣腐竹出晒名,不過要排隊買又真係有點誇張,閒日來係咪會好少少呢?



回家後已食過這些名牌腐竹,基爾諗如果用來煲腐竹雞蛋糖水確實係幾唔錯(因為好快煲到開花爛晒),味道亦ok,但又不至於好食到飛上天花板……Anyway,趁基爾媽排隊時,自行走了去對面街睇古蹟先!



其實幾年前基爾都有來過這處古色古香的大埔舊理民府,當時剛活化為童軍總會(有興趣可click入去睇返),記得仲有入過去閃巡一圈。



上次好似由鐵道博物館那邊行上小山,今次則由另一邊的運頭角遊樂場斜路上山,沿路會經過網球場,基爾仲企係度睇人打左一陣波。



唔浪費時間繼續往上走,幾分鐘就來到舊大埔警署,依家活化了成為綠匯學苑,大門口保留了昔日戒備森嚴的藍色大鐵閘,係咪好有警署feel。



警署主建築群建於19世紀末1899年,是新界區第一所警署,一直運作至1987年關閉荒廢。到了2010年嘉道理農場獲批負責活化復修舊警署,變成現時的綠匯學苑。



不過原來入去參觀前要先到辦事處辦理登記手續(仲見到有條人龍排隊),為免基爾媽在山下面街市等太耐,就無謂入去仔細巡一圈了,只在外圍花園看看算數,留待下次有充裕時間再來吧!



之後再行過去另一邊山頭的舊理民府,喱邊果座兩層高的紅磚牆建築其實仲宏偉,很有點19世紀英式大宅的氣派。



舊理民府約建於1907年,是英國向中國清廷租借新界後最早修建的民政中心,新界北部的行政及土地註冊工作均在此辦理,直至1961年理民府內仍有一個裁判法庭。



上次來可以入內參觀,今次則剛好遇著大維修,所以大宅不對外開放。理民府早於1981年已列為香港法定古蹟,到2002年經活化後成為香港童軍總會新界東地域總部。



拿拿林落返山重新會合返基爾媽(驚畀人鬧無尾飛陀),不過可能佢等得太耐已自己行左去街市那邊四圍行下,好彩有電話咁就唔怕失散啦!



行去街市會合返再買好晒野,見好似有點意猶未盡,咁行埋過去超級城果邊食埋lunch先返歸啦!由於係天橋連天橋商場過商場咁行過去,所以都幾方便易行,途中還在林村河上看風景,係咪都幾靚呢!(未完待續)

59 則留言:

  1. 自己四圍走,都唔係真係去街市嘅。

    回覆刪除
  2. 我住沙田,很喜歡很大埔街市,好多野賣,樓上大排檔又多美食。總之大埔人很友善啦。

    回覆刪除
    回覆
    1. 交通方便,好多街坊都係去果度買餸呢

      刪除
  3. 以前我經常帶小朋友在假日遊新界,因為市區甚至沙田也太人多擠迫。

    回覆刪除
    回覆
    1. 現在新界都人山人海,所以都怕假期出街。

      刪除
    2. 連郊野公園都起樓,都無乜新唔新界啦XXXD

      刪除
  4. 你的相片很多很詳盡…睇咗成篇都未見有街市出現,仲諗住睇吓gael兄平時食乜餸?!!
    其實政府多點活化一些舊建築的幾好,除了多了個遊點外,仲可保留返啲舊有歷史又唔會浪費地方…呢點都做得唔錯~~

    回覆刪除
    回覆
    1. 我諗住街市都係果啲嘢啦無影啊,同埋要幫手拎嘢邊有手影相丫:P
      平時食都係家常便飯,無乜特別㗎咋,都係同森兄一樣以健康為主囉^^
      我都同意活化,修葺前和修葺後真係會有好大對比,同埋重新賦予舊建築有新的生命和價值也不錯,唯一條件係要經常開放畀普羅大眾參觀就更佳!!

      刪除
  5. 嘩...真孝順,陪媽咪去行街,仲去到大埔咁遠,
    大埔好多靚菜賣,我以前有睇已故江獻珠女士專欄,佢成日幫襯哩個街市,理民府真喺好耐都再聽聞哩個名。
    大英博物館...埃及珍品藏展,
    羅浮宮...八百年,有無興趣

    回覆刪除
    回覆
    1. 喱個通常係放假必備節目嚟㗎,幫手拎下嘢丫嘛XXD
      大埔算係多啲地道街市選擇唔同啲,唔係只得領匯外判果啲!
      依家唔用理民府喱個名,係咪改咗用民政事務處?
      羅浮宮果個有去,不過展品比想像中少,講羅浮宮歷史為主!大英之前都展過,每次有不同展品運來都幾值得一睇....

      刪除
  6. 大埔好多嘢睇又多嘢食多嘢買,不過,我都好少去。

    回覆刪除
    回覆
    1. 多數都係去開果頭先順道行下,應該好少港島九龍市區人山長水遠去吧^^

      刪除
  7. 綠匯學苑 and other old buildings appears to be quite good. Have to find time to visit. I went to Tai Po several times but am not aware of these buildings.

    回覆刪除
    回覆
    1. 修葺得唔錯,我之前有去過大澳警署果間,我諗內裏的陳設應也是大同小異的!
      不用擔心你是資深遊人對你來說應該不會太難找,就在小山崗上!

      刪除
  8. 回覆
    1. 至醒係你,一定收穫豐富啦XXD

      刪除
    2. 我去樹記個兩次係閒日,冇人㗎,哈哈哈。And I took the same picture at the bridge with the river and white herrons, so nice.

      刪除
    3. 都話你醒㗎啦識揀閒日去....\(^0^)/
      果個橋位影林村河係最佳位置吧!可惜我果日又無留意有冇白鷺喎:P

      刪除
    4. hehehee. 我都好鍾意啲白鷺,覺得喺香港都有大自然嘅感覺,唔錯。

      刪除
    5. 平時公園都有好多麻雀白鴿㗎喎XXD

      刪除
    6. 有時夜晚在河邊會見到好大隻的海鷗,足足有成隻貓咁大隻㗎

      刪除
    7. 佢企定在岸邊初頭還以為是木雕裝飾XXD

      刪除
  9. 現在有手機真方便,大家可以分開行吓,之後再會合。

    回覆刪除
  10. 周街hea行大埔,漏咗去行行大埔海濱公園同回歸紀念塔....

    回覆刪除
    回覆
    1. 果度如果行過去都幾遠,留返下次係踩單車先去啦:P

      刪除
  11. 我都要搵次睇下這些古蹟先!
    嗰間腐竹店平日都有三五個排隊
    大埔街市最正係即買海鮮,然後去三樓揾人即煮即食,超正!

    回覆刪除
    回覆
    1. 去行下影下相都唔錯㗎^^
      係囉原來都幾多人幫襯,剩賣腐竹都發啦XXXD
      如果多人一齊食都係一個唔錯的選擇呀,我諗平過西貢或者三聖村果啲啦!

      刪除
  12. 大埔幾好架,生活所需都有,係出市區遠咗啲.

    回覆刪除
    回覆
    1. 如果唔駛出市區返工就贏晒啦wakakaka....

      刪除
  13. 汗顏,住在大埔,你提及的地方許多都沒有到過。

    回覆刪除
    回覆
    1. 阿摩日出而作日入而息居多,應不多時間留在老家hea吧:P

      刪除
  14. 哈哈,其實我係未正式去過大埔嘅,所以呢篇blog,好新奇有趣

    回覆刪除
    回覆
    1. wakakakaka....咁下次回來要去走走看看新奇有趣東西^^

      刪除
  15. 舊樹記腐竹比這裡更多人排隊買嘢 .

    回覆刪除
  16. 平時好少留意到有咁靚既建築物~~
    樹記閒日好少人

    回覆刪除
    回覆
    1. 大埔原來都有幾多古蹟,都值得一看.....
      我諗當日剛好又遇上落貨,所以店舖特別人多吧^^

      刪除
  17. 我耐唔耐都會去大埔行下,但最鍾意都係大埔街市啲熟食~正!

    回覆刪除
  18. 記得大埔街市有食檔, 吃了出名的豬扒, 幾脆的!

    回覆刪除
  19. 綠匯學苑我之前都有去過, 環境真係唔錯 , 值得一行~!!

    回覆刪除
    回覆
    1. 果度在小山上,環境真係旺中帶靜又綠樹林蔭,好啱圓咕碌去散步呢^^

      刪除
  20. 無去大埔橋上賞鳳凰花?

    回覆刪除
    回覆
    1. 我去果陣未有開,可能依家會開得靚啲啦

      刪除
  21. 我都好鍾意去大埔呢度買餸哦 !

    回覆刪除
    回覆
    1. 係咪選擇多啲同埋抵買啲?

      刪除
    2. 多選擇,不過價格唔一定比出邊平.
      反而係買餸前好多食店可以去醫肚 !

      刪除
    3. 都係,果度食肆係幾多選擇......

      刪除