2017年8月28日 星期一

香城墨色@港大美術館

之前去了一趟中大看任白展,緊接著當然要去埋港大,那裏有間美術博物館一直想去逛逛,上次回去竟休館了望門輕嘆,今次梗係check過晒開館時間先去啦!



Once upon a time基爾諗返青蔥歲月年代係曾經來過這裏,那些年這幢古老建築物還未成為美術館之前,原本是一座西洋古典味十足的圖書館(就像Harry Potter那種),正門一入去就是兩層高非常宏偉的圓形大廳,由牆邊到天花板是一整列發出陣陣古書味道的書架……



人面桃花物換星移,依家雖然古樓依舊,但裏面已經完全唔同晒,古董書架通通消失了,取而代之牆上換了今次展出的多幅香港半世紀水墨風景畫,如有興趣不妨去一趟賞畫,當中不少作品還可看到昔日的香港街景和民生,都幾值得一看。



不過基爾還是比較有興趣四圍走走看看能否重拾昔日圖書館遺留下來的舊痕跡。除了看畫之外,館內仲收藏了很多中國不同朝代的古董,感覺有點似濃縮版本的文化博物館。



除了看古董之外,館內最特別是有個展廳專門擺放了數件創意十足的現代藝術品作展覽,可說是古今創意一次過睇晒!如果去開港大都不妨來這裏一逛,看古蹟之餘(馮平山樓及徐展堂樓)也可看古今藝術品,而且門票全免,是暑假其中一個好去處。

「香城墨色:館藏當代中國繪畫」
地點:香港大學美術博物館
展期:28.6.2017 - 27.8.2017

60 則留言:

  1. 港大……只喺去瑪麗…經過,
    從來無入過去,連有間美術博物館都唔知,
    港大對我嚟講好遙遠……

    回覆刪除
    回覆
    1. 沙宣道碧瑤灣那邊風景不錯,天涼啲試下行埋去數碼港當行山^^
      上網可以search下有冇啱睇的展覽,不妨去一逛,依家有地鐵直上,交通方便了不少,睇完又可以行返落山搭電車,古蹟遊^^

      刪除
  2. 回覆
    1. 今次快手喎wakakakaka.....
      東邊街西邊街高街都好值得去懷舊下^^

      刪除
  3. 另一邊的“應天齊水印版畫”有去看過,
    還聽了他的講座及技法示範,都幾有趣....

    回覆刪除
    回覆
    1. 遇上有講座都好值得去聽啊,有時單單看畫本身也未必知道當中的心思,有解說是最好了

      刪除
  4. 這美術博物館值得逛一逛。
    有時搭車都會經過港大,兩年前都有去過港大,也是匆匆忙忙地逛一圈,也有拍過照片。
    排除學術以外,感覺港大的環境不及中大的
    寬敞及美。:P

    回覆刪除
    回覆
    1. 如果喜歡影相,那裏其實也不失為一個好地方,有好多唔同古蹟可以影下^^
      港大的校園比較分散,不過勝在古蹟多,中大望出去個吐露港風景也美,兩處都好值得去走走,反正你都係納稅人,兩間你都畀咗錢架啦wakakakaka......

      刪除
    2. 雖然係納稅人,但,你知喇,我哋呢啲日理萬機架嘛,邊及基哥打風流工,可以隨時遊山玩水,
      況且基哥文筆深厚,過嚟睇基哥個博,增廣見聞之餘,又可以提升中文水平,一舉兩得,
      咁仲洗乜自己晒時間親身去睇…wakakaka……

      刪除
    3. 咁Kaka日理萬機之餘,都要抽時間好好休息喎,同埋希望你快啲搵返份人工高的風流工,到時又可以遊山玩水,遊到悶又可以返下工果啲啦wakakakaka......
      咁我會好大壓力喎,驚你睇得大典多會中文水平下降XXXXD

      刪除
    4. 看古蹟之餘(馮平山樓及徐展堂樓)也可看古今藝術品

      刪除
    5. 靡不苦志鑽研,然義理玄微,若坐豐

      刪除
  5. 十多年前我去過港大一次,去的原因是陪大陸來港的表親看看那裡的展品。
    已記不起是那一個展館了,總之入到去覺得那裡不怎樣有規模,展室有多間並且細小,有時還要左轉右轉很像個迷宮,但是,那些展品確實很有價值!

    回覆刪除
    回覆
    1. icic.....咁你又形容得好啱喎,喱度可能本來唔係做博物館,每間房廳其實都唔係好大,而且有不少走廊通道,又真係有點迷宮feel^^

      刪除
  6. 去過港大上堂N次, 呢度又無去過呢

    回覆刪除
    回覆
    1. 近Swire果邊,我諗上堂就好少來喱度,不過出入一定會路過,很多時未必會特登入去睇啦:P

      刪除
  7. 我都黎過幾次睇畫展,最近一次仲喺搭地鐵很方便添!
    原來是你港大畢業生嗎?!

    回覆刪除
    回覆
    1. 係呀,依家有地鐵真係方便好多,不過果日我依然係搭巴士去咋:P

      刪除
  8. 大學入面有博物館架!!我覺得好勁呀!!!仲要開放俾人參觀!!!!!
    澳門真係好似無~感到新奇!

    回覆刪除
    回覆
    1. 有呀,港大中大都有,其他就唔知了.....
      澳門大學有次我在門口經過,唔知可唔可以入去參觀㗎呢?

      刪除
  9. 回覆
    1. 因為唔算新開我諗都好多人去過了.....

      刪除
  10. 西洋味换了中國風,其實還是希望保留住以前嘅味道.....

    回覆刪除
    回覆
    1. 話晒有百年歷史,都好值得保留嘅^^

      刪除
  11. 有時舊地重遊,總是會尋找昔日的記憶架~

    回覆刪除
    回覆
    1. 對,令人回味......不過其實好多地方都變咗

      刪除
  12. 人有情,才會念舊物。

    回覆刪除
  13. 我好鍾意這種建築,新一代一定說是古董。

    回覆刪除
    回覆
    1. 唔好咁大聲呀.....一陣驚畀人鬧「戀殖」就麻煩....XXXXD

      刪除
  14. 夏天天氣熱,去參觀下展品係好介紹!

    回覆刪除
  15. 咁多年都搵唔到個女神,你簡直蹉跎好多條蔥歲月🙃

    回覆刪除
    回覆
    1. 咪係!要自我檢討吓喇!Gael兄!
      起碼都揾番個“鄭恩宜”咁樣嘅女神嘛!
      哈哈哈……

      刪除
    2. 毛:咁依家都仲有好多條蔥嘅......XXXD

      刪除
    3. Ka:喱種女神都唔易搵㗎喎XXXD

      刪除
  16. HK Gael就是有書卷味的型男囉!

    回覆刪除
    回覆
    1. 太大頂高帽我唔係好敢戴喎....XXXD
      小書僮要跟說書人學下嘢至啱wakakakaka....

      刪除
  17. 唔講都唔知港大有美術館@@
    感謝Geal大大介紹:)

    回覆刪除
    回覆
    1. 看平凡人的遊記,也開拓了我的眼界,thx^^
      繼續努力寫多啲好嘢我睇喎wakakaka....

      刪除
  18. 港大是一般港大生引以為榮的地方。讀小學時老師有帶我們去逛過。
    有次在“香港藝術館”遇見相熟的西醫生,一向知他他畢業於港大,那次他就叫我在有閒時,去港大參觀一下好像是馮平山、或是徐展堂館的古董。但我遲遲沒有去。
    我的外公鄧卓之醫生都是在港大醫科畢業的。

    回覆刪除
    回覆
    1. 有好多古蹟都幾值得逛逛....老師帶你地去咪等想你地有個目標XXD
      藝術館依家大裝修唔知幾時可以重開呢?
      哦~~~~原來前輩是大醫生,以前入到大學都是讀書好犀利的呢!

      刪除
    2. 凡是有心的老師都希望學生成材長進,都以學生入到港大為榮。
      先外祖父不單是一個讀書的材料,也是家資富有,家業豐盛,才有本錢出到香江,讀到這惟一的高等學府。以前是沒有為學生貸款這回事的。
      以前這高等學府,是貴族式的地方,後來都轉為栽培平民百姓的學堂了。這也是一種進步的現象。

      刪除
    3. 咁你有冇承傳祖業行醫?^^

      刪除
    4. 先母懂中藥,我也喜歡採用中草藥,自己開方自己煮來喝。
      不過現代的西醫技術也很高超,救人無數。

      刪除
    5. 中藥較溫和,重固本培源

      刪除
    6. 祖輩時西醫未盛行,一般西醫生兼習中醫術,因此先祖外公也取得中醫畢業證書,不但學貫中西,兼通四書五經。家母的中醫草藥知識也由此而來,我們小時候有病,都是喝母親煮的中藥就好了。

      刪除
    7. 家中有名醫果然係百病不侵家宅康寧呢

      刪除
    8. 人總會有病痛的,若懂得用藥,就不會釀成大病。
      若懂得養生之道,免疫力就會特別好。

      刪除
    9. 對,近年越來越多人追求養生之道

      刪除
  19. 我都偷懶左成個 8 月哦 ...
    你唔講, 我真係唔知港大有美術館 ..

    回覆刪除
    回覆
    1. 你太忙啦^^
      有呀,就在正門隔籬㗎咋

      刪除
  20. 港大的展館有冇特定的主題呢?
    地方幾靚…就算只係遊遊都值得!!

    回覆刪除
    回覆
    1. 我諗主廳果啲就係定期會換,但我諗唔會經常換囉....
      係呀我主要都係去睇地方咋:P

      刪除