2017年9月3日 星期日

珍郵庫@香港珍稀植物

話咁快又來到9月,暑假放完感覺上暑熱天氣都開始有點消退,朝早夜晚還有點秋意,又係最適宜開動懶洋洋mode的時候(到底一年四季有哪天不想慵懶先)。就在喱個偷閒季節裏,一於快手寫返個郵票blog吧!



基爾知道唔少「花控」blog友周不時愛share靚花靚相,如果係就不要錯過今期喱套郵票了!話時話記得春夏時節唔少人都愛去尋覓花蹤,由櫻花、紫藤到鳳凰木、黃金雨、蓮花、勒杜鵑……秋天悄悄來到之際唔知又興去賞乜野花呢?



好喇……講左咁多無謂廢話,都係時候講返套郵票,今次基爾依然只係買了小全張,貪佢一張有晒全套郵票嘛!到底香港有乜「珍稀植物」咁巴閉?有冇D係行山時候都會見過呢?



先看$$1.7的細花冬青,它是常綠喬木,高6至9米,冬青係咪即係聖誕花果類?首日封的簡介話原來19世紀跑馬地有好多冬青樹云云;$2.9是二色石豆蘭,蘭花多數是附生植物,多見於熱帶和亞熱帶,基爾行花墟時多數只見跳舞蘭文心蘭加多利蘭或者新年常見的蝴蝶蘭,原來這種於1830年已在香港發現的石豆蘭才算是「原居民」。順帶一提,上圖是首日封上的手繪花圖案,畫得幾清雅幾靚,令整套首日封生色不少呢!



再看$3.7的秋海棠,基爾細過時都有種過紅色的常見品種,也種過較大朵的玫瑰海棠,非常粗生又易種易開花,好有成功感,室內室外皆適宜,好適合新手試種。海棠本身也有很多唔同顏色和品種,只要剪下一小節花枝浸出根再種入泥盆,好快又長出一大棵,價錢也很便宜;最後$5是大嶼八角,白色星形的花冠很美很特別,唔知同食得的花椒八角係咪同科?這種大嶼八角顧名思義是來自大嶼山,1905年於鳳凰山首次被發現,高約3米屬小型喬木。最後簡介上仲有講,今次這套首日封還貫徹了環保主題,郵票和小全張均以獲森林管理委員會認證的紙張印製,紙張的原材料和生產過程符合嚴格標準。



橫掂睇開郵票,咁再睇埋喱款澳門郵電局發行的「中國戲曲:霸王別姬」小型張吧!依家香港部分大型郵局都有出售海外發行的郵票,某日行過沙田那間就入去八下,見到喱套「霸王別姬 」幾靚而且唔貴,最重要係仲有貨,咁無得唔買啦!



郵票原本全套有4枚,分為澳門幣$2、$3、$4.5及$5.5,不過基爾只買了這個大張一點的$12小型張,上面印有西楚霸王的京劇造型(可惜沒有虞姬舞劍)。網上翻查原來佢個郵戳都好靚好有特色,澳門郵票向來設計得很有水準。基爾去到問賣郵票櫃位那位姐姐時,她還說我很好彩這是最後一張了,賣完就售罄!

香港珍稀植物
發行日期:2017年8月17日

中國戲曲:霸王別姬(澳門郵電)
發行日期:2017年6月8日

89 則留言:

  1. 好彩這是最後一張了,賣完就售罄!

    回覆刪除
    回覆
    1. 以陰陽氣化立論,闡發標本中氣之說頗異於喻嘉言

      刪除
    2. 喻昌(1585年-1664年),字嘉言,號西昌老人,
      中國江西新建(今南昌)人,明末清初著名中醫學家。
      《清史稿》卷 502〈喻昌傳〉載:
      「喻昌,幼能文,不羈,與陳際泰遊。
      明崇禎中以副榜貢生八都止書言事,尋詔征不就,
      往來靖安間,披剃為僧,複蓄髮遊江南。
      順治中僑居常熟,以醫名,治療多奇中,
      才辯縱橫不可一世。」
      他醫術精純,對傷寒論有深入心得,
      又致力於寫作與教授生徒,最具代表性的是
      《喻嘉言醫學三書》-
      《寓意草》、《尚論篇》、《醫門法律》,
      對後世有很大影響。他與張璐、吳謙,
      被譽為「明末清初三大名醫」。

      刪除
    3. 洛神花生津解喝我都like,似中式利賓納^^

      刪除
  2. 香港花花郵票好靚靚!!!
    澳門「中國戲曲:霸王別姬」也不錯.
    好彩這是最後一張了,賣完就售罄!
    我也很喜歡.不用去排隊買^^

    回覆刪除
    回覆
    1. 如果愛賞花的我諗都會鍾意喱套吧!!
      用戲曲做主題都唔錯,可以出一個系列,粵劇長出長有....
      喱間賣晒,唔知中環總局仲有冇呢?

      刪除
  3. 對於花, 真係唔知邊種打邊種

    回覆刪除
    回覆
    1. 可能貓你會擅長啲,唔知第時會唔會出貓郵票呢?

      刪除
  4. 原來基爾是個惜花人,懂得那麼多花的知識。
    我這邊郵局現並不單止做郵政服務,除賣郵票外,仲有紀念品,飾物,家品和一些有價值的紀念金、銀幣發售,而且亦正式發展成一銀行,但聽講話營運上仍有些困難,有些小市鎮的郵差叔叔都要減時工作!
    不知香港的郵政也一樣嗎?

    回覆刪除
    回覆
    1. 我都係一知半解,以前舊居有花架會種啲開花的盆栽,依家就無啦!!你有冇在家的花園種下花呢?
      咁都幾好喎,可以做埋好多社區服務,好方便當地居民啦!
      HK依家啲郵局都「增值」咗,可以交水費電費同埋差餉果啲,其實已經方便好多了.....如果可以賣家品都唔錯喎,又或者增加一些長者服務也不錯,可以多點社區支援!!

      刪除
  5. 有無見到英國最近的懷舊兒時玩具紀念郵票呀,都幾得意架。

    回覆刪除
    回覆
    1. 英國早排見有出女皇,今期好似唔見,我上網𥄫𥄫先^^

      刪除
  6. 今次呢set我like喎.
    澳門郵票設計靚過香港嘅好多.

    回覆刪除
    回覆
    1. 王子看來也愛收花....XXD
      澳門果啲細緻啲,主題也多

      刪除
  7. 我很喜歡「中國戲曲:霸王別姬」。

    回覆刪除
  8. 呢套好靚!其實應該長出一個系列:香港花卉、香港老建築...都會受歡迎!

    回覆刪除
    回覆
    1. 花卉其實記憶中80年代都有出過,遲下有機會再post啲老郵票^^
      建築都經常出㗎,之前都有套古蹟活化,我諗都受歡迎多人買!

      刪除
  9. 霸王別姬 好有氣勢
    如果是肉肉就夠吸引我喇~~
    經常經過郵局,但都唔知有咁多郵票出售

    回覆刪除
    回覆
    1. 有氣勢,我都覺得係^^
      係喎你啲盆栽近況如何?有冇新成員?
      依家都出得幾密幾乎個個月都有,膁到錢丫嘛出密啲賺多啲:P

      刪除
  10. 我早前返阿媽屋企,睇舊相時找回小學時集郵的郵票呀!即時諗起你~

    回覆刪除
  11. 星期日出post,太過份啦,哈哈哈。

    回覆刪除
  12. 嘩 !!! 原來出左個咁靚架 ?!

    回覆刪除
  13. 今次電視無介紹~又要靠你報導~
    之前有無出過類似講植物架??

    回覆刪除
    回覆
    1. 唔係次次有講㗎:P
      記憶中有出過花卉郵票,可能賣得所以都經常有出㗎

      刪除
    2. 上次哥套真係特別既~
      咁一定有洋紫荊份啦~~~

      刪除
    3. 好似有茶花系列,要摷下先知有冇洋紫荊:P

      刪除
    4. 茶花~~~好似幾靚咁喎~
      你之前有無post過出黎~

      刪除
    5. 無post過呀,幾年前都未開始post郵票blog....:P

      刪除
    6. 即係郵票blog還算是新興行業~~~
      你好耐無整咖哩魚蛋喇~快d整咖哩魚蛋俾我地睇啦~~~

      刪除
    7. 但寫blog唔算新興行業喎,反而係夕陽social network....XXD
      食開果隻數字屋魚蛋近幾個月都無貨,所以都好耐無煮啦:P

      刪除
    8. er....即係我同你都係夕陽工業下的朋友.....XXD
      咩話~~~數字屋連魚蛋都有得賣架?!利害!我上次去九展睇SUNNY BB都有睇過九展間數字屋~

      刪除
    9. 唔理佢夕唔夕啦照寫啦.....wakakaka
      係呀有㗎,不過唔係成日有貨,唔知點解佢啲貨源唔穩定,無乜人買果啲成日見有貨,好賣果啲就反而入一輪貨後就斷貨,吹脹!!!
      不過都解釋到佢點解生意一般成日畀人傳佢執笠XXXD

      刪除
  14. "霸王別姬" 傳統造型幾威武!

    回覆刪除
  15. 花花郵票~真係好靚喎!~掂.

    回覆刪除
  16. 回覆
    1. 唔錯啊,唔知HK會唔會出戲曲系列??

      刪除
  17. 完全無留意出咗花花郵票, 好靚!

    回覆刪除
    回覆
    1. 通常年頭可以一次過訂全年,去開郵局不妨留意下^^

      刪除
    2. 無去開郵局呢,報紙又無報導

      刪除
    3. 上網check也可:
      http://www.hongkongpoststamps.hk/chi/newsletter/index.htm

      刪除
  18. 花控都有要求o既,呢輯入唔到門檻。

    回覆刪除
  19. 原來基哥對於花卉都很有經驗和認識。各地都總有以花為主題的郵票。
    以前舊居有花架,我都種過好幾種花卉。秋海棠、簕海棠、玉蓮、午时花.....好多花花都很易種的。

    回覆刪除
    回覆
    1. 係呀,花是常見的郵票題材......
      種出花特別有成功感^^
      仲有可以食的指天椒都好易種,又有得食

      刪除
    2. 講起種辣椒就好笑。有人送了一小盆辣椒到母家,種了多時都只有綠葉而不見有椒。有一天姐姐掛了一隻紅色的假辣椒上去,我一早看到喜出望外,誰知是塑膠的,有個小小的鉤鉤在枝葉間。
      原來是假的! 原來是姐姐跟我開玩笑。

      刪除
    3. 當時我實在有點不高興! 不喜歡姐姐騙我。
      殊不知隔了幾天,這盆辣椒葉竟然真的生出一隻辣椒來!
      當我叫姐姐去看時,她還不相信哩!

      刪除
    4. 暫時未種出辣椒,咁擺隻假椒當作裝飾其實都唔錯丫....XXD

      刪除
    5. 好有創意,唔會覺得受騙喎wakakaka!!!
      其實指天椒算係易種,而且四季經常有開花有辣椒長出的呢!

      刪除
    6. 她說:“有辣椒呀!”叫我出去睇,原來是假的。所有花草都是我打理,我對d 花草好虔誠,她竟然說我的仙人掌似“羊咩屎”!
      哎呀,專來掃興的哩! 嗰盆辣椒好久都不開花,真是有靈有性,很快生出一隻來獎勵吓我。

      刪除
    7. 陽光充足的話我諗唔難開花結果啦^^

      刪除
  20. 力拔山河氣蓋世......
    這款不錯!

    回覆刪除
    回覆
    1. 不其然想起小豆子和小石頭......XXD

      刪除
  21. 花嗰套我都有買,雖然以花做主題唔太特別,但個設計幾精美……

    回覆刪除