2017年11月7日 星期二

周末日常之私房蘿蔔糕

數數手指話咁快又來到11月,好似好耐無郁下個blog,剛剛上周末整了底蘿蔔糕,算唔算叫做有少少新鮮野寫下?



平時真係好少喱個11月深秋初冬季節來整蘿蔔糕,通常多數都係臨近農曆新年才會整吧!不過近排行街市見白蘿蔔真係好鬼平喎,咁基爾又做下二廚幫手刨下蘿蔔絲整底糕先啦!



用慣份量一般都係3支白蘿蔔大根約重5至6斤左右,今次只係賣9蚊雞係咪平到笑……咁順手再買埋粘米粉又係10蚊有找,三象牌粘米粉600克裝一般只用半包就夠,可以留返半包下次整。

p.s.由於整蘿蔔糕印象中已寫過兩三次,具體詳細steps就無謂囉唆長氣再講了(有興趣睇可自動波click返去蒸蘿蔔糕網誌)。不過今次有少少唔同係無落蝦乾,改用了小元貝,如用小元貝就要先浸林再用廚剪仔細剪成粉蓉狀,食果陣就唔駛驚太攝牙,算是基爾少少秘技吧!

71 則留言:

  1. 3支蘿蔔約重5至6斤賣9蚊
    三象牌粘米粉600克裝10蚊有找
    只用半包
    無落蝦乾,改用了小元貝

    回覆刪除
    回覆
    1. moodytang811不明所以如是我聞

      刪除
  2. 我今日都買左蘿蔔煮,真係好甜。整蘿蔔糕,應該都好好味。

    回覆刪除
    回覆
    1. 依家可能逢時所以幾好食,又夠新鮮,所以都不妨先整底糕試試吧

      刪除
  3. 自已整,真材實料好多,又可以按自己口味度身訂造。

    回覆刪除
    回覆
    1. 對呀,自己整一定啱自己口味,同埋多數比茶樓果啲好食^^

      刪除
  4. 好想食, 不過無料整 T-T

    回覆刪除
  5. 蘿蔔糕好吃,不過我吾識整﹗

    回覆刪除
    回覆
    1. 如果有興趣又有時間可以跟下啲steps整下,其實都唔算太難嘅^^

      刪除
  6. 係呀係呀!好似幾個月前即農曆新年睇過你整蘿蔔糕啦~ 唔緊要啦,日常事分享都不錯~ 咁你d退休蟹伯生活都可以寫吓噃,wakakaka~

    回覆刪除
    回覆
    1. 嘩,應該係年頭一月果陣係咪?銀哥咁忙都咁好記性,勁喎^^
      咁係咪要寫下去公園捉下棋,拎住籠雀去茶樓果啲....XXXD

      刪除
    2. 基伯退休生活係床下底尋寶..kaka...

      刪除
    3. Good idea~~~~!!
      可以花好多時間添㗎XXXD

      刪除
    4. 當然,仲仲去埋你條千年Link再睇篇舊文章添~

      刪除
    5. wakakakaka....都唔算好千年啫XXXD

      刪除
  7. 我這邊的白蘿蔔平時很醜樣(尤其是西超賣的),要到十二月吧才稍為靚仔少少,一月喇就最當做,所以白蘿蔔在這一個月份犧牲也值得,因為也快過年了……哈哈!

    回覆刪除
    回覆
    1. Really~~~~我仲估你果邊水土比較乾淨清新會種得好啲....不過白蘿蔔一般都係年尾11月到翌年農曆年前最靚吧!
      你喱個比喻都幾有趣wakakakaka....

      刪除
  8. 以為基爾係唔知邊個星球嘅人,十一月過年.

    回覆刪除
    回覆
    1. 真係唔知喎,有冇啲冷門民族係11月新年㗎呢?

      刪除
  9. 我星期日都整左,未post 啫,哈哈。其實英國這個時候的白蘿蔔就最靚,但到農曆新年時就最核突,買唔落手架。

    回覆刪除
    回覆
    1. wakakakaka.....係咪又係見啲白蘿蔔平靚正所以買來整下呢^^
      對,有時2月開始買白蘿蔔會爛心,所以趁靚果陣先整來食下好過啦!!

      刪除
    2. samwei你個blog留言果度係咪有啲問題,唔知點解留唔到言呢:P

      刪除
  10. 自己整功夫多但好食得多,出面嗰啲成舊都係粉.

    回覆刪除
    回覆
    1. 其實整蘿蔔糕都已經唔算太多功夫,算係易整,整一底可以食一個星期呢^^
      茶樓果啲要控制成本嘛,3件四方的都已經十幾蚊同埋好多時都無乜料到wakakaka....

      刪除
  11. 吓~~踭啲以為咁快又過年…
    點解唔見製成品??你講的小元貝是否乾瑤柱呢??

    回覆刪除
    回覆
    1. 其實都快架啦,眨下眼又聖誕,跟住又新曆年和農曆年長假,森兄有冇啲放假大計先^^
      左上果幅係製成品啦,因為係新鮮蒸出來的樣子,不是煎的,所以森兄未必認得吧!
      迷你版的乾瑤柱,細細粒通常用來煲湯,價錢平啲!

      刪除
    2. 今年都放咗好耐假,仲邊會諗咩放假…
      真失覺…原來這是製成品!!望落都好健康~~

      刪除
    3. oic~~~~咁森兄有冇外遊?分享下好喎^^
      係呀,可能我影得差你唔覺啫XXD

      刪除
  12. 見到蘿蔔糕好有新年氣氛,手勢唔錯,出年新年好似係二月

    回覆刪除
    回覆
    1. 正所謂賣完五月粽已經即刻開賣月餅,咁其實我依家講整蘿蔔糕都唔算太早啫....係咪XXXD
      係喎,我check過明年農曆年初一係2月16日,都算遲喎!

      刪除
  13. 我好中意食蘿蔔糕,可惜怕麻煩唔識做.

    回覆刪除
    回覆
    1. 蘿蔔糕其實都算易整喎,係刨蘿蔔絲要花啲心機和時間囉^^

      刪除
  14. 我反而鍾意食蒸嘅蘿蔔糕多啲!

    回覆刪除
    回覆
    1. 唔同食法囉,蒸和煎都好食^^

      刪除
  15. 百有唔話你阻住哂咩!
    蘿蔔糕當飯食麼!

    回覆刪除
    回覆
    1. 更係無啦,搞粉時一定要兩個人會好好多......可以接力丫嘛XXXD
      當飯就比較少,當早餐都經常嘅^^

      刪除
  16. 自己整,平靚正之餘又食得安心!
    咁春節時,等我哋試下你嘅手勢喇~

    回覆刪除
    回覆
    1. 唔加防腐劑和味精,係咪健康啲^^
      不過要食得好快,因為通常要一星期內食晒佢

      刪除
  17. 好正呀~~不一定新年先食先整,我都好喜歡食,而且好旖過買現盛
    好叻叻~~

    回覆刪除
    回覆
    1. 對呀,只要白蘿蔔當造其實都可以整,依家逢時買白蘿蔔可能仲會平啲,臨新農曆年果陣因為多人買,可能會貴少少....

      刪除
  18. 整蘿蔔糕唔難,但係要整得好食就要些技術了!

    回覆刪除
    回覆
    1. 其實要求不高一般都不會太難食嘅,至少好過好多茶樓㗎啦XXD

      刪除
  19. 自已整真材實料又平靚正~
    最重要係Geal大大廚藝了得~

    回覆刪除
    回覆
    1. 多謝你送頂咁靚高帽先.....雖然我係零廚藝XXXD

      刪除
  20. 我超鐘意食蘿蔔糕!!!無論蒸既煎既都咁鐘意~~~~~~~
    另外哥半包留番臨近新年先再整囉~~

    回覆刪除
    回覆
    1. 蒸無咁熱氣,但煎就香啲^^
      對,應該都會!!

      刪除
  21. 元貝用攪伴機打碎, 省點功夫啊!
    未做蘿蔔糕, 去看看你舊日文章先 ...

    回覆刪除
    回覆
    1. 無啊,剪都ok嘅,反正都有時間,係累少少wakakaka....
      有空去睇下^^

      刪除
  22. 蘿蔔糕係我最愛之一,當然香港臘腸係主角,哈哈哈。你好叻呀。

    回覆刪除
    回覆
    1. 對呀,臘腸好重要,我通常要全瘦^^
      我完全唔叻㗎,經常要向你偷下師wakakakaka.....

      刪除
  23. 你真係十八般武藝,樣樣皆能,傳統美食都難唔到你,街市暖男,正

    回覆刪除
  24. 遲些就過冬添,容乜易就到過年呀,時間過得好快。食住蘿蔔糕都係時候囉。

    回覆刪除
    回覆
    1. 你又講得啱喎^^
      好快聖誕,之後又好快過年啦!!

      刪除
  25. 白蘿蔔好食,燘牛腩,我一定食曬蘿蔔;除左過年,平時好少食蘿蔔糕。

    回覆刪除
    回覆
    1. 我都係,牛腩反而我麻麻:P
      同家人去飲茶會唔會叫?

      刪除
  26. 咁好興致整蘿蔔糕呀 ~
    多謝你成日黎探我, 有時都覺得寫寫下, 都冇乜動力去繼續寫

    回覆刪除
    回覆
    1. 依家白蘿蔔逢時又平又靚咪整下囉:P
      不客氣....我都喜歡看你blog,不論你是在英還是在港時^^
      繼續努力啊,近排有冇去外遊?

      刪除
  27. 想食未整囉~唔晒分節日~
    蘿蔔糕~好味道~正!

    回覆刪除
    回覆
    1. 係啊依家白蘿蔔靚又平,所以值得花點功夫去整來吃^^

      刪除
  28. 好利害呀, 我成世人都未做過蘿蔔糕, 剩係中學家政班學過做芋頭糕咋

    回覆刪除
    回覆
    1. 謝謝拉姑留言^0^
      蘿蔔糕其實易整小小,芋頭蒸熟又要用釵壓爛再撈粘米粉,感覺上好似難啲呢,不過兩種我都like!!

      刪除