2018年3月18日 星期日

舊金山居閑話@Fisherman's Wharf:下

基爾似乎又感應到blog友們的小宇宙:喱個人成日剩係掛住食,其實個漁人碼頭仲有咩值得一睇呢?



知喇知喇……咁去四圍行多陣睇下有冇D特別景點影下囉!行到近海岸邊有個幾靚的碼頭喎,咦!咪住先,睇真佢門口有個招牌寫住Musee Mecanique,法文來個磨?



再行過少少睇下海邊D船睇下車睇下遊人同海鷗……碼頭喱邊原來都有間Applebee's餐廳,好似佢都幾多分店喎!基爾住果頭附近都有一間,不過屋企人話麻麻地好食,所以一直都無幫襯過。



情迷電車男又再出現!再影多張喱款係咪都好有粵語長片果種懷舊feel,翻查資料才知原來這種電車已有80幾年歷史,大部份是二戰前後建造……



不過若追溯舊金山最早的電車系統,則在1860年代已建成通車了,比香港還要早40幾年(網上資料話港島電車系統最早於1904年開始營運)。不過這種古老交通工具於80年代曾一度於舊金山停駛,直至1995年才復活。



睇飽睇夠電車之後,基爾見街邊有幾間看來是專做遊客生意的紀念品店,雖然一睇個門面就知唔會有野想買,不過一場來到都要入去八一八啦!上圖喱間賣衫店舖係咪有點花園街feel?門口白色果幢tee賣USD$12.99有3件。記唔記得之前講過基爾的匯兌速算口訣:USD$13就約莫係HKD$100,咁一舊水有3件tee又幾抵喎!花園街都買唔到啦!



再睇埋隔籬喱間,好似同一般的souvenir shop有少少唔同,門口除了有The Rock的紙板公仔之外,仲有好多可樂精品賣喎!如果係可樂控的話也好值得花少少時間入去貢一貢,看看會否找到一些特別版的心頭好。



可樂推出的宣傳精品繁多應該好多人都知,不過喱間的存貨量也算多得驚人,很有點小博物館的規模,而且很多都係有價目(當然售價也一點不便宜),可樂控人士可能要大破慳囊了。



真係唔知個老闆本身係咪都係可樂精品的收藏家,入面好多貨架上的特別版可樂相信早已停產,也有些是專為某幾屆奧運或體育盛事重要比賽而推出的宣傳品,可想而知都是一些限量版的珍貴收藏。



除了可樂精品之外,店裏仲有唔少有特色又有地道風味的紀念品出售,例如上圖喱個小網下面掛滿唔同顏色的羽毛掃子,應該好多人會知係乜!無錯,就係印第安人的捕夢網。如果成日想中六合彩的人要買多幾個掛在睡房中先得喇!

51 則留言:

  1. 民以食為天,分享有飲食的博文是特別受歡迎的。

    回覆刪除
  2. 個幾張相好有赤柱啲鋪頭 feel
    而家真係好興呢啲捕夢網, 我仲見有人掛係車添

    回覆刪除
    回覆
    1. 好彩你唔係話似花園街......XXXD
      如果掛車要買迷你版,否則掛太大個驚會阻礙視線喎:P

      刪除
  3. 舊金山最早的電車系統,
    則在1860年代已建成通車了,
    比香港還要早40幾年
    (網上資料話港島電車系統最早於1904年開始營運)。
    不過這種古老交通工具於80年代曾一度於舊金山停駛,
    直至1995年才復活。

    回覆刪除
    回覆
    1. 今次大夫喱個留言好豐富.....XXXXXD

      刪除
  4. 影女就真啦,使乜搵架電車過橋
    捕夢網香港大把,係你先叫佢羽毛掃囉

    回覆刪除
    回覆
    1. 係咪食得杞子藍莓多,咁鬼眼利嘅?!!^0^
      等我仲嘥咁多時間抄咁多無謂資料諗住轉移你視線,結果都係徒勞無功.....嘥料XXXXXD
      咁佢又真係吊住好多羽毛掃㗎嘛:P

      刪除
  5. 回覆
    1. 如果想買I love SF果啲tee恤應該都ok㗎^^

      刪除
  6. 淨係有嘢食我都好滿足架喇,咁有嘢賣當然更加好.

    回覆刪除
    回覆
    1. 仲有仲有....仲有好啱philip哥的靚景可以影下呢^^

      刪除
  7. 我記得漁人碼頭有好多嘢睇有好多嘢賣,我就捧場買過一件T恤,和一元玩買一隻蚌看看裏面有冇珍珠。
    好似都有艘潛水艇泊在岸邊,再遠啲就有間Holiday Inn,唔知依家仲喺唔喺度?

    回覆刪除
    回覆
    1. T恤我諗都幾多遊客買,尤其係如果夏天來應該生意唔錯...
      你講開開蚌我又醒起喎,唔記得去邊度旅行又係試過,果粒珍珠是很迷你的,形狀也不太圓,不是貴價貨:P
      有潛水艇,因為果度有間海事博物館之類,Holiday Inn我就無留意,果度一帶都幾多酒店,我諗應該仲喺度嘅!

      刪除
  8. 咁gael兄有冇搵到心頭好呢?!…
    一百蚊三件tee都唔錯,但是否made in USA?!!
    一場去到有冇試下搭電車走番一兩轉??

    回覆刪除
    回覆
    1. 無買嘢呀,紀念品果類一般都唔敢買太多啦,HK家居地方淺窄都無地方擺,買咗都係要收埋,費事買啦:P
      我睇大部份也不是,多數係鄰近中南美或者國貨XXXD
      果日又無喎,因為都停留咗唔係好耐

      刪除
  9. 下~但我鐘意睇你睇野食喎~你感唔感應到~~~
    d電車好懷舊好靚~
    我家陣對哥d紀念品無咩興趣~

    回覆刪除
    回覆
    1. 感應到感應到......XXXD
      澳門高架電車唔知起好未?
      見你通常都係買postcard同磁貼係咪^^

      刪除
    2. 哈哈~~咁你出多d野食同埋超市啦~~XXD
      梗係未...我有生之年都唔知起好未XXXXXXXD
      係呀!!!!!!!!!!!!!!!你真了解我~

      刪除
    3. wakakaka....陸續有來你要耐心等等^^
      如果有電車真係方便好多,唔駛成日搭發財車可以多個選擇啦XXXD
      postcard同磁貼算叫做易收藏唔阻掟啦

      刪除
  10. 可樂精品店,較可觀。其他,好一般。

    回覆刪除
    回覆
    1. 我都係可樂果間行耐啲,因為比較特別,其他買衫帽店就只是簡單閃行一圈即走....XXD

      刪除
  11. 香港電車冇咁耐歷史,但係世界上有「雙層電車」的地方應該十分十分少。

    回覆刪除
    回覆
    1. 咁又係喎,除咗HK之外我好似都未見過其他地方有雙層電車,唔怪得咁多遊客來HK點都要去坐一坐^^

      刪除
  12. 之前睇韓劇見到果個捕夢網,係當地既特色?

    回覆刪除
    回覆
    1. 如果唔想發夢,喱個網又有冇用呢?:P

      刪除
  13. 笑C人喇!有好多blog友都鍾意食o架啦!理鬼得個d 唔睇食野o既blog友呀!kakakakakakakakakakakaka.................

    回覆刪除
    回覆
    1. 但我又無長腳蟹放題果啲喎....:P

      刪除
  14. 100蚊3件tee真係好抵喎! 香港有啲商場店舖賣成百蚊一件,可能因為舖租貴。所以好多老外來香港鍾意去女人街買嘢,因為價錢不太貴。

    回覆刪除
    回覆
    1. HK近年物價和餐廳收費已經超越歐美日好多先進國家了,可惜人工就無人地一半:P

      刪除
    2. 因此基哥也想移民了,係咪?
      不過聽講在外國華人好難搵到工做,又有人想回流。是否有此情況呢? 唔知咯,我的親戚在熱帶國家, 不在歐美,所以不清楚。

      刪除
    3. 咁又未有打算長住,始終不易找工作吧.....
      回流果啲我估都有佢本身原因吧,不過一般在外地早已落地生根的,相信想回流的應也不多:P

      刪除
    4. 當然,每個新舊的移民,都各有不同的環境。有些人安之若素,
      有些人如坐針氈。

      刪除
    5. 各人所需不同,可以選擇自己喜歡的生活環境也是幸福的事吧

      刪除
  15. 嘩~我嚟度應該會行唔返出去!😂

    回覆刪除
  16. 都幾多精品店行~
    啲可樂擺設好正呀!~不果應該唔平!

    回覆刪除
    回覆
    1. 豐儉由人啦,有些都不太貴的^^

      刪除
  17. 捕夢網 - 應該好多香港女仔都識, 因為睇韓劇, hahaaaa

    回覆刪除
    回覆
    1. OIC~~~~OIC~~~~~原來係因為睇韓劇!!!!我無睇開所以都唔知點解突然流行呢!!!!

      刪除
  18. 見前幾篇在3月2日所po的“金門橋”,好想問0下該橋下的數層樓房是甚麼性質的? 它選的位置很獨特。

    回覆刪除
    回覆
    1. 那座叫做尖兵堡(Fort Point),是19世紀時防守三藩市海灣出口的重要城堡,那篇網誌也有寫到歷史介紹,有空不妨看看^^

      刪除
    2. 謝謝回覆! 現在就回到3月2日那篇看看。^0^

      刪除
    3. 上次只顧看希治閣《迷魂記》勇救佳人的短片,沒有為意你寫尖兵堡的介紹。剛才看到了。
      因為聽人說金門橋底下有一座監獄,又有家人被囚在那裡,所以問一下吧。

      刪除
    4. 聽說以前曾是監獄,但依家已經活化成為博物館很久了....

      刪除