2018年8月12日 星期日

武漢迎花潮@茶藝園

寫完一大輪過大海之後,仲有冇人記得之前寫緊果個賞櫻遊誌寫到去邊?寫網誌都想盡量有頭有尾做返個完整記錄,咁繼續行埋餘下旅程吧!



上次逛過的山中小村落附近,其實仲有個風景不錯的小茶園,反正時間多,就順路去看看。不來不知原來武漢市郊山區這裏也有茶園,但當然規模比雲南和福建那類連接幾個山頭的大茶園差好遠,也不及普洱或武夷岩茶那類咁有名氣(價錢也沒去看因為冇諗住買)。



如果同基爾一樣對於品茶一竅不通的話,其實也很值得來一遊,因為茶莊裏的小亭園在春夏間風景特別美,明顯醉翁之意不在「茶」,只在乎山水之間的這個隱世櫻花園。



原來除了看日出的西峰山頂之外,茶園這裏也是春天的賞櫻聖地。基爾這朝早來到正好遇上了滿開佳期,更重要係竟然遊人也不多,僅有小貓仨倆而已(心情大喜),以大陸賞櫻熱門景區多數群情淘湧墟陷逼爆人潮計,說這裏是絕佳的隱世秘境也沒太跨張吧!



茶園裏除了看櫻花樹之外,仲有好多盛開的茶花可賞,就如上圖這棵鮮紅色的茶花也很艷麗,不過鏡頭當然大部份也被櫻花樹搶去了……



滿開的櫻花慣常都要配襯古色古香的建築又或者古裝美人,才更顯相得益彰吧!不過今次基爾發現原來換上了起伏山巒作背景,反而更多添了壯麗的大自然味道,同唔同意呢?



之前睇過網上資料,講到中華櫻花源產於西藏和雲貴高原一帶,比較耐寒和適應山區的氣候,可能因為咁,武漢市郊山區這一帶的原生櫻花看來都開得特別茂密,也似乎多添了一份清麗脫俗感覺。



遊人少有個最大好處就係任影唔嬲,要想影什麼效果什麼角度都可以,慢慢諗過度過構圖位置都完全無問題,而且茶園裏的櫻花樹分佈範圍也很廣,基本上想影乜靚景都梗有一處合心水(最重要係唔駛等位)。



基爾眼見園內滿開的櫻花都以粉白品種為主,但間中仍可發現一兩株深粉色的品種盛開,可能深色的品種已搶先一步過了盛放花期,如果早多一兩星期來可能還會見到映山紅的美景。



茶園裏仲有個茶塘,據茶園的leaflet介紹話這池塘稱為茗泉池。相傳池中有一口龍泉眼,聞到茶香就會漫水(咁神奇?)池塘中仲有養魚供遊客垂釣云云,不過這朝早山區依然春寒料峭,不太覺會有人來享受釣魚翁的雅興。

68 則留言:

  1. 冇乜人又幾好喎,最怕周圍都係人.

    回覆刪除
    回覆
    1. 如果想影下相的話,都係靜靜地好啲^^

      刪除
  2. Gael兄咪幾好,好似置身於書裡桃花園中,從相中都感覺到人間仙境…

    回覆刪除
    回覆
    1. 森:唔知會唔會增加多啲桃花運....XXXD

      刪除
    2. 大夫:做乜多咗個英文字母....XXXXXXD

      刪除
    3. gael:增加多啲桃花運...唔係影幾張櫻花相就得嘅~~XXXXXD

      刪除
    4. 森:wakakakaka.....森兄果然是專家,原來除了懂養生之道外,風水命理看來也頗有心得咁喎!!XXXD

      刪除
    5. 就係叫Gael兄唔好篤信咩桃花命理,行動先係最實際…

      刪除
    6. 信則有不信則無囉^0^

      刪除
  3. 天氣似乎不大好,否則更靚。

    回覆刪除
    回覆
    1. 春天我諗多數係咁,夏天唔知會唔會藍天白雲少少呢?

      刪除
  4. 居然唔多人, 會呂會係因為唔係旺季呢

    回覆刪除
    回覆
    1. 一來可能比較早到(約8-9:00am)不見有大堆旅行團來襲
      二來如果早多一兩星期可能會多人啲
      三來未必咁多遊人咁早行到上山

      刪除
  5. 花朶開得很燦爛,人少少最好呀。

    回覆刪除
    回覆
    1. 行得舒服啲,又可以慢慢影下相唔駛同人爭位囉^^

      刪除
  6. 咁多花睇都冇乜人,幾好喎.

    回覆刪除
    回覆
    1. 你果邊好似都無乜人咁神心去賞櫻花呢:P

      刪除
  7. 寫左兩個 trips計埋美國之旅有3 個喇。下一站去邊呀。

    回覆刪除
    回覆
    1. 你好心水清喎^^
      未知年底有冇機會去一次半次呢:P

      刪除
  8. 去旅行最惊去到人逼人,呢度几好吖,大范围都无乜人影

    回覆刪除
  9. 啱你個自戀狂櫻花樹下留倩影

    回覆刪除
  10. 回覆
    1. 希望帶給你多一點當時的現場感覺吧wakakaka.....

      刪除
  11. 人少少拍攝最好了、慢慢影也不怕!
    花花真是百看不厭!

    回覆刪除
    回覆
    1. 好少可大陸景點可以行得咁舒服,通常都人頭湧湧XXD
      希望你唔介意遲左成大半年先寫這篇blog....:P

      刪除
  12. 之前報咗去上海又唔成團真打鬼
    你欣賞花海都幾好呀
    下個月高鐵開通
    直接由香港坐高鐵上武漢

    回覆刪除
    回覆
    1. 好可惜喎,咁之後仲有冇選擇其他地方?
      勝在平平地囉^^
      唔知會唔會多人呢?票價同飛機比又如何?

      刪除
  13. 春臨櫻花最迷人, 莫說人生有幾何?

    回覆刪除
  14. 粉白色好靚:) 仲可以靜靜地去欣賞真好:)

    回覆刪除
    回覆
    1. 野櫻花同日本果啲又有少少唔同,都值得一看.....
      Matthew近年好似少咗去大陸喎,移情咗去東瀛XXD

      刪除
  15. 這個地方真係好多靚花草,到處都可以攞景影靚相,正!

    回覆刪除
    回覆
    1. 神州大地真係有好多秘境,不妨多啲去探索下^^

      刪除
  16. 櫻花很美,能在其中是福氣啊!

    回覆刪除
  17. 遊人少有個最大好處就係任影唔嬲--->呢句真,影自然風景相似終唔想周圍都係人。所以...我冇去過大棠睇/影紅葉。

    回覆刪除
    回覆
    1. 大棠我去果次都好多人,可能要揀啲極早時段會好少少....

      刪除
  18. 個花海都好靚,如果有人採茶,映出來仲靚

    回覆刪除
    回覆
    1. 唔知係咪要等4-5月先係採菜季節呢?

      刪除
  19. 估唔到茶藝園仲有咁多櫻花。

    回覆刪除
  20. 好多櫻花啊~~有無姑娘採茶葉?^^

    回覆刪除
  21. 點解上次寫寫下停左既XXD
    我覺得呢度D花好似靚過你之前特登去花展睇哥D XXD
    望住呢個景嘆茶應該唔錯~

    回覆刪除
    回覆
    1. 咪就係因為想晒咗個澳門短遊先囉:P
      喱度喱啲係純天然,無人種植的天然生櫻花,我覺得都幾有特色值得去睇睇;至於花展果啲係人工種植,佢地未完全種好晒成個花海,所以無乜睇頭,如果等四五月去可能種好晒先就效果好啲囉^^
      可惜無乜時間慢慢嘆茶了,因為之後仲要去行下山丫嘛:P

      刪除
  22. 哈!做做下功課出街玩,真係三歲定八十!

    回覆刪除
  23. 無巡卜半個月剛才你又寫賞櫻誌,啱晒我~
    心情大喜,感受到~

    回覆刪除
    回覆
    1. 銀哥去了半個月外遊定係工作繁忙?^^
      歡迎回歸巡卜!!!
      希望你也心情大喜wakaka

      刪除
  24. 滿山櫻花盛開,基哥真是眼福不淺。

    回覆刪除
    回覆
    1. 喜歡賞花的一定可以滿足而回啦^^

      刪除
  25. 原來有中華櫻花,不用大紅大紫,已經美麗動人!

    回覆刪除
    回覆
    1. 對,而且多數是野生純天然品種,雖然無人工栽種的開得咁密咁繁花似錦,但多了一份清麗脫俗吧^^

      刪除