2018年8月7日 星期二

免費玩足上下半場@運動日

眨下眼又來到立秋了!不過夏日艷陽的熱力似乎絲毫沒有減退跡像,有藉口偷懶唔去跑步(驚中暑+蚊多)!



日日三十幾度高溫的八月天,戶外運動真係可免則免。但眼見條褲越來越著唔落咁點算好呢?唯一想做的運動就係去泳池浸下水囉!喱個禮拜日剛好是全民運動日所有政府體育場館都免費入場,咁抵玩要去游下啦!



基爾以往都盡量唔揀假日去游因為一定超多人,預計免費日情況更甚,咁就一於晨早去飲頭啖湯先。星期日流流朝早六點未夠就起身真係覺得自己超神心,連搭巴士都無乜人,去到泳池已驕陽高掛(7a.m.都未夠)!



鏡頭一轉已經游完出來了……清晨游早場果然係上上之策,大部份係長者阿叔大嬸之外其他人也較少,浸在水中人也精神涼快得多,但先決條件係之前一晚要早少少睡,因為驚清晨唔夠毅力起身!



朝早九點人潮開始陸續湧入,十時左右係時候要散水!臨走出閘前竟見到有個counter好似有野派,八卦埋去睇原來有快勞和書籤送喎,隻黃鴨仔咁靚咁可愛梗係帶埋佢返屋企!



星期日lunch通常同家人來這商場飲下午茶,之前話這裏會開吉野家咁基爾媽又話未食過想試下,就臨時變陣唔去茶樓了!不過可能新屎坑關係超多人排隊,條人龍排到出商場認真誇張,幸好不趕時間也沒所謂!

p.s.吃飽飽休息陣咁又去埋下半場,因為喱日健身室都係唔駛錢(有便宜唔駛使頸),初頭都驚人多但去到望下又唔算喎,最多時都係7-8人左右以星期日計可以接受呢!

70 則留言:

  1. 都冇自拍泳裝照嘅。。。。

    回覆刪除
    回覆
    1. lol 有圖有真相,無相唔信你係真游水而唔係晨早去𥄫大婶游水 *run~~*

      刪除
    2. 王子:我都無拎手機:P

      刪除
    3. Joice:咪傻啦~~~!我只係驚畀大嬸和婆婆𥄫咋喎XXXXXD

      刪除
  2. pool 同poo同音,我在香港唔敢去泳池游水

    回覆刪除
    回覆
    1. wakakakaka.....你咪講得咁核突啦搞到我形住以後唔敢去XXXD
      所以我多數揀早場,一來水質好啲,又無咁多人咁多細路:P
      係喎,你有冇去過英國D公共泳池?我只在睇Mr.Bean果陣有見過,好似係有跳水台㗎呢!!會唔會有室外露天的泳池呢?

      刪除
  3. 十幾年前試過一次「政府體育場館都免費入場」去泳池,針插唔落,的人浸在泳池傾計,去淋浴又排長龍,政府原意是好,但政府無理人多泳池唔多,試過一次我都怕怕。
    個隻膠鴨仔,我諗起早排被人中間切開,玩久了!污穢呀!

    回覆刪除
    回覆
    1. 絕對係囉,有時星期六日要畀錢都一樣插針唔落,啲人浸水傾偈似去浸溫泉咁,跟本多人到游唔到:P
      免費日一定係趁一開門就去,否則就寧願唔去了!
      那只是file而已不是真鴨^^
      對,沖涼果啲要定期換,否則一定污糟:P

      刪除
  4. 免費運動日原意係好,不過好多場俾人book咗但又冇去,浪費資源 @@

    回覆刪除
    回覆
    1. 要book場果啲一定唔夠人搶,我只係去可以walk-in果啲咋:P

      刪除
  5. 見Gael兄近排咁有食力,都知係時候要Keep吓Fit…

    回覆刪除
    回覆
    1. 尤其去泳池游水,揀清早最好起碼人流少池水都清啲!
      乜個快勞的禮品,包埋隻黃鴨仔?!

      刪除
    2. 一定係啦,所以我多數都選長者時段...XXXD
      黃鴨印在快勞上面㗎咋,唔係真的實物:P
      森兄休養咁耐,有冇發現啲褲頭窄咗wakakakaka...
      完全康復後,會唔會去跑下?

      刪除
    3. 唉…森伯家陣係養傷, 唔係嘆世界呀~~
      一唔舒服個人一定瘦啦…仲跑咩下丫~~

      刪除
    4. 咁希望森兄真係可以盡快完全康復啦!
      幾時再去覆診呢?
      其實係點樣整親搞到咁嚴重?@@

      刪除
    5. Gael兄…點樣嚴重呢??!!
      其實傷癒已經七七八八, 要隔一排先再見醫生…
      手部係撞擊到硬物所致……

      刪除
    6. 好返好多就好,希望唔會阻礙你工作和學業吧!
      硬物是......XXD
      Anyway,沒大礙就ok^^

      刪除
    7. 大夫咩事咁爛口,快啲飲多啲清涼茶五花茶墜吓火先得....XXD

      刪除
  6. 立秋快樂,今日這裡好應節,有啲陰天,哈哈哈。

    回覆刪除
  7. 我未試過在免費運動日去政府設施玩,
    休息時間不多, 最多係圖書館!

    回覆刪除
    回覆
    1. 圖書館都正呀,又唔駛book場呢^^
      又有冷氣,可以消磨大半天看看書看看雜誌報紙也可^^

      刪除
  8. 基爾住係馬X山嗎~?hahaha
    要肥人咁早起身去游水..咁我寧願條褲越來越窄lu..
    所以肥人先咁肥..hahahah

    回覆刪除
    回覆
    1. 其實你完全唔肥喎,唔駛成日提住個肥字警惕自己喎XXXD

      刪除
  9. 嘩﹗晨咁早去遊水,我還在夢鄉^_^七點多遊水真係好吾錯,起碼吾使矖住遊,我好怕矖黑>_<我都有睇到報導吉野家個日新開第一日,就話有太多人來幫襯,食物提早售完要早關門,真係好犀利﹗

    回覆刪除
    回覆
    1. 通常星期日個個都係想瞓到自然醒,所以咁早起身都要有少少毅力和決心先掂XXXD
      下午茶係幾抵食的呢.....同埋都想試佢個鰻魚飯,不過通常好早賣晒

      刪除
  10. 清潔香港講左幾廿年, 而家仲要繼續教, 你話C唔C呀

    回覆刪除
    回覆
    1. 一定要教,仲要加強多啲添呀....因為依家多咗好多新香港人嘛XXXD

      刪除
  11. 回覆
    1. 都好呀,有益身心!!不過果日都幾熱^^!

      刪除
  12. 我自小都是喜歡玩海水,覺得泳池水麻麻地。

    回覆刪除
    回覆
    1. 哈哈! 我都冇話識游水。我只係話玩水啫!
      總之浸我唔死算偷笑喇!

      刪除
    2. 如果係咁就盡量留在近岸比較安全一點,同埋海灘始終有海浪,要有一定體能和泳術才較安全啦,游水都係求安全健康和開心,一切都要安全至上吧^^

      刪除
    3. 謝謝你的提示! 以前雖然不大懂得游泳,卻是很喜歡把舢舨扒出大海!
      也從不穿上救生衣。划到天空海闊,浪高兩米,就感覺心曠神怡,樂趣無窮! 呵呵......

      刪除
    4. 原來秋葉姨都几勇喎^^
      勁呀!
      咁有冇試過扒龍舟?體能要好掂呢!

      刪除
    5. 扒龍舟太熱鬧! 太激烈! 根本不能享受海上悠閒划船的樂趣。

      刪除
    6. 看來都係在水中央有儷影一雙果種泛舟feel啱秋葉姨多一點^0^

      刪除
    7. 你只說對一半。我還是喜歡兩人輪流撐雙槳,可以學習到抵禦白頭浪的經驗。如果不是經常去撐槳,初時再撐好好辛苦吓!

      刪除
    8. 初時再撐“會”好辛苦吓!

      刪除
    9. 咁兩人撐可以傾下講下都無咁悶嘅,如果支仗萬一落咗落水都有多個人幫手爬返埋岸丫XXD

      刪除
    10. 你真係想像力豐富! 就算係扒獨木舟,得一支槳,我都未曾跌過落水喎。哈哈!

      刪除
    11. touch wood唔怕一萬至怕萬一都係安全小心啲好,同埋記得要穿救生衣夠穩陣^^

      刪除
    12. 你說得很對! 也可以見得出你是很穩陣的一種人。
      以前扒船唔多興著救生衣的。有次阿一見我唔多識游水,而獨木舟很容易反轉,都有叮囑我去著,不過從來我都不穿這個,結果就不去穿。因為同舟的那位仁兄或仁姐都是高手。

      刪除
    13. 小心駛得萬年船丫嘛^^
      咁好彩都有啲高手相伴,都安全啲.....

      刪除
  13. 通常免費都係人多,真係唔敢試。

    回覆刪除
  14. 唔去「大人池」的話,副池「企滿人」仲難真正游水。^_^

    回覆刪除
  15. 搞個全民運動日,政府啲場地應該長期免費開放俾市民先啱!

    回覆刪除
    回覆
    1. 都啱㗎,吸引多啲人運動,醫療開支又可以少啲^^
      我覺得可以一個月或者一個禮拜一次囉wakaka...

      刪除
  16. 有便宜唔好洗頸啊..... 一定要用盡佢

    回覆刪除
    回覆
    1. Joesph果邊會唔會有市政府開設的公眾泳池㗎呢?設施正唔正?

      刪除
    2. 有咖, 但我要買張PASS, 一年幾蚊雞, 就可日日入去, 不過, 大多沒有香港咁正, 同舊D

      刪除
    3. 一年幾蚊雞真係好抵,第時如果去就影下個環境來睇下^^

      刪除
  17. 呢日勁健康~~~~
    好似澳門都有哥d運動日...但我真係唔知佢係咪全部野免費..定唔知係有咩活動~但你真叻仔!早早游水真係唔錯~~~~~~可惜我唔識游水~~
    真係估唔到吉野家都咁多人排~~~~~

    回覆刪除
    回覆
    1. 澳門如果考慮一年開放一次賭場啲泳池,咁都唔錯丫^^
      你成日去跑步,其實運動量都幾大㗎啦.....
      我都估唔到,可能喱一區係無乜分店啩:P

      刪除
  18. 有野送咁好~
    唔記得呢日健身室都免費,早知入去玩返轉啦~

    回覆刪除
    回覆
    1. 快勞一個啫XXXD
      你成日行山應該都好夠運動量呢^^

      刪除
  19. 通常免費當日都係唔去會安全D,呢個香港係無免費午餐

    回覆刪除