2018年12月12日 星期三

雪梨盛夏光年@序章

揭揭個日曆唔經唔覺一年容易又來到年尾,基爾記得舊年又係喱個時候去了西半球的舊金山短住兼過聖誕新年,結果這個大長篇網誌寫足成年到依家都未寫完(已經好努力寫了)!雖然如此,今年仍會繼續向世界出發,這次則選擇了向南半球飛。



其實咁都有個好處,如果金山同雪梨一齊夾住夾住咁寫,係咪感覺上會無咁悶?Anyway,既然落實了旅居地點,咁又係時候間中上網巡一巡看看有冇快閃價筍野出現,眼見十月時的off-season只係HKD$3800起,真係睇到都流口水……



可惜十二月底人地話明係聖誕暑假旺季,當然發夢都不可能有咁大隻蛤乸跳出來送上門畀基爾輕鬆捕獲啦!平時幫襯開綠色喱間航空公司望極都似乎無乜快閃奇蹟出現,咁唯有再去望望紅色果間,喱間果然係平少少五千幾有交易,最後為免夜長夢多就爽快地落搭了!



上次跨越東西太平洋要呆坐成十幾粒鐘機真係幾難頂,今次飛越南太平洋希望算叫做近少少,也期望紅色航空啲餐會好食些少吧!順帶一提,如果有人仲記得大典之前連載過的「廢話小說」系列的話,應該會知基爾不是第一次去Sydney了(上次是坐袋鼠航空),希望這次重遊舊地會發掘到多些新奇有趣事物,令這趟盛夏光年旅程更充實。

63 則留言:

  1. 聖誕節個段時間應是澳洲春天?咁應該有好多花睇喎﹗

    回覆刪除
    回覆
    1. 夏天㗎啦.....日間氣溫都有三十度!!
      花多唔多,等我留意下先wakakaka

      刪除
  2. 澳洲12月不止係旺季,而且好熱,有 40 度,真係有難度。有間 老虎航空去澳洲,都幾平下架。
    你幾時來英國?

    回覆刪除
    回覆
    1. 係呀日間有時都會有成三十幾度,同埋無乜高樓遮檔會幾曬:P
      虎航係咪要大馬/星洲轉機?我同長者同行所以都係揀直航費事轉機會等好耐又唔知去邊好:P
      都想㗎,因為我都未來過呢^^

      刪除
  3. 今次行程又係去行中超,街市?

    回覆刪除
    回覆
    1. 🤣🤣🤣最緊要去唐人街斬燒味

      刪除
    2. 王子:仲有去越超韓超逛下囉,喱度都有好多㗎你係咪想睇先XXXXD
      仲想唔想去睇下啲熱辣辣聖誕市集呢???

      刪除
    3. 毛:喱樣就梗係必備節目啦XXXD

      刪除
  4. 我都好怕坐長途機,坐到腳軟.

    回覆刪除
    回覆
    1. 唔係講笑㗎真係會的,所以我都經常會出位去廁所同走廊行一下XXXD

      刪除
  5. 你坐飛機多過我搭巴士,哈哈.....

    回覆刪除
    回覆
    1. 咪傻啦我都好少搭飛機,好多blog友就真係咁XXXD

      刪除
  6. 嘩..你今次真係一波未停一波又起wor..hahahaa

    回覆刪除
    回覆
    1. 正確來講係:一blog未完一blog又起貼切少少XXXXXD
      其實係因為我長氣啫....美國blog寫了成年仲未寫完:P

      刪除
  7. 雪梨我覺得最驚喜係它的韓國鎮嘅食材非常非常便宜,可以同首爾同價。hahahaa

    回覆刪除
    回覆
    1. 係呀第一次去時我都估唔到住果度都幾多韓國人同韓式食肆:P
      但韓菜其實我麻麻,我同DD一樣唔太愛韓式炒年糕,寧願食中式年糕XXXD

      刪除
  8. 等你返來睇靚相...澳洲應該是熱,香港呢幾日真係幾清涼吓~~

    回覆刪除
    回覆
    1. 森仔:咁一言為定啦,幫你擔定凳仔霸地頭位XXX
      喱幾日都幾凍,終於似返少少冬天^^

      刪除
    2. 大夫:南半球會有咩特別山草藥可以採下?^^

      刪除
    3. 祝你聖誕快樂新年進步\^^/

      刪除
  9. 原來你要去避寒呀,幾時起程?

    回覆刪除
    回覆
    1. 其實入夜後都涼嘅.....都係聖誕新年前後住數個禮拜啫^^

      刪除
  10. 唸到要搭超過6個鐘機,我就好痛苦...
    不如再飛近d,過來吉隆坡喇 :D

    回覆刪除
    回覆
    1. 希望瞓得著啦,如果瞓著覺就會輕鬆好多^^
      其實都ok㗎,如果停KUL仲可以玩多幾日,下次會諗諗wakakaka

      刪除
  11. 可以過一個暖洋洋嘅聖誕,好特別呀!Enjoy your trip!!

    我明你意思,你飛悉尼距離就像我飛歐洲,的確比飛香港/北美舒服!:)

    回覆刪除
    回覆
    1. 希望我啲夏日艷陽熱力可以通過blog傳過去你果邊^0^
      東岸飛HK諗起都有啲可怕要成十幾粒鐘,最好就係可以先去日本停一站玩下先回港wakakakaka......同埋好羨慕你飛歐洲咁近,可以周不時過去巡一巡^^

      刪除
  12. 基爾肯定係高層, XMAS都可以放幾個星期假, 羨慕ING.....
    我都想快D 放長假, 不過可惜我無得咬糧!! 嗚.....

    回覆刪除
    回覆
    1. 高層先唔走得甩喎,反而小薯可有可無先走得甩XXXD
      間中放下長假確實係唔錯,可以去長少少旅程^^

      刪除
  13. 十幾粒鐘機真係幾難頂,我都好怕,仲喺分享吓你的遊記舒服得多!

    回覆刪除
    回覆
    1. 所以好希望可以瞓得著,即使瞓四五個鐘都會好開心^^

      刪除
  14. 過一個暖暖的聖誕,記住睇下聖誕老人在澳洲出現時會不會改穿短袖衫^_^

    回覆刪除
    回覆
    1. 有㗎,有啲聖誕老人會去Bondi/Manly滑水添㗎呢XXD

      刪除
    2. 如果見到試下影比你睇^^

      刪除
  15. 唉!水浸的惡夢仲未完...救命!

    回覆刪除
  16. Gael大大又去長Trip~
    玩得開心啲丫~

    回覆刪除
    回覆
    1. 唔係好長trip㗎咋
      住夠三五七年先夠長trip^0^

      刪除
    2. Matthew哥聖誕新年有冇plan去登下山先

      刪除
  17. 依家好似喺旺季,有平機票唔錯!
    機程8個幾鐘啫,
    我無去過澳洲,知道好多自然風景,
    食物、咖啡....都唔錯
    幾時出發?
    旅途愉快!

    回覆刪除
    回覆
    1. 記得好似係八九月左右買,都叫平了一点^^
      今次舒服少少嘅無咁辛苦:P
      風景ok靚同空气好不算太熱接受到,今天黃昏仲有落雹乒乓波咁大粒XXD
      雪糕好食希望無增磅wakakaka....
      出發咗好耐㗎啦^^
      多謝!!明年一月你plan了去邊?透露少少預告來聽下^^

      刪除
  18. 當年我仲未識你呀~
    又有遊記睇~

    回覆刪除
    回覆
    1. 果陣我都未正式開blog大吉wakakaka...
      又可以寫足一年逛超市公園不缺貨呢XXD

      刪除
    2. 看來你仲未返嚟,聖誕快樂~

      刪除
    3. 仲未呀!還在南半球逍遙緊XXD

      刪除
  19. 去雪梨過一個熱辣辣嘅聖誕節,游埋水仲好玩喇。

    回覆刪除
    回覆
    1. 其實也不算太熱(compare with HK summertime)廿几三十度也很舒服的可能始終地方大夠空曠也不多高樓大廈冇咁局促^^

      刪除
  20. 原來基哥去了澳州未返來。又放大假遠遊玩樂真開心!

    回覆刪除
  21. 好期待呀~~~~~快D出啦~~~~

    回覆刪除
    回覆
    1. 但唔好期待咁高喎,無乜去景點,同金山一樣都係主力hea逛超市㗎咋XXXD

      刪除